|
ᖃᐅᔨᒪᕖᑦ ᐃᔪᒃᑲᔭᐃᒃᑯᑏᑦ ᐱᑕᖃᕆᐊᖃᖅᑎᑕᐅᑎᓪᓗᒋᑦ?
ᐃᔪᒃᑲᔭᐃᒃᑯᑏᑦ ᐃᓂᖓᓃᒋᐊᓖᑦ ᐃᒪᐃᓕᖓᑎᓪᓗᒋᑦ:
• ᐃᖅᑲᓇᐃᔭᖅᑎ ᐃᔪᒃᑲᕈᓐᓇᖅᑐᖅ 3 ᒦᑕᓂᑦ ᖁᑦᑎᓂᖅᓴᒥᓪᓘᓐᓃᑦ, ᐅᕝᕙᓘᓐᓃᑦ;
• ᐊᑦᑕᓇᕈᑎᑕᖃᖅᑐᓂ ᐋᓐᓂᓂᕐᒧᑦ ᐃᖅᑲᓇᐃᔭᖅᑎ ᐃᔪᒃᑲᕈᓂ ᑐᖔᓂ 3 ᒦᑕᓂᑦ.
ᐃᒻᒥᒧᑦ ᐃᔪᒃᑲᔭᐃᒃᑯᑏᑦ (ᐊᑦᑕᓇᐃᖅᓯᒪᔾᔪᑎᑦ, ᐊᑦᑐᓈᑦ, ᐊᒻᒪ ᐃᔪᒃᑲᔭᐃᒃᑯᑏᑦ), ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᓄᓗᐊᑦ ᐊᑐᖅᑕᐅᔪᓐᓇᖅᑐᑦ ᐊᑦᑎᓪᓕᒋᐊᖅᑕᐅᓗᑎ ᐊᑦᑕᓇᕈᑎᐅᔪᓐᓇᖅᑐᑦ ᐃᔪᒃᑲᓂᕐᒧᑦ ᖁᕝᕙᓯᑦᑐᓂᑦ ᐃᖅᑲᓇᐃᔭᖅᑎᓪᓗᒋᑦ. ᐃᖅᑲᓇᐃᔭᖅᑏᑦ ᐱᔭᕆᐊᖃᖅᑐᑦ ᓈᒻᒪᑦᑐᓂᑦ ᐃᓕᓐᓂᐊᓂᕐᒧᑦ ᐊᑐᖅᑕᐅᓂᖏᓐᓄᑦ ᐃᒃᑲᔭᐃᒃᑯᑎᓂᑦ ᐃᕝᕕᑦ ᐃᖅᑲᓇᐃᔭᕐᕕᖓᓂ. ᐃᓕᓐᓂᐊᕐᓂᐅᔪᖅ ᐱᖃᓯᐅᔾᔨᔭᕆᐊᓕᒃ ᑐᕕᕐᓇᖅᑐᓄᑦ ᐊᑐᖅᑕᐅᔭᕆᐊᓖᑦ ᐃᔪᒃᑲᖅᑐᖃᕐᓂᕈᓂ.
ᐃᔪᒃᑲᔭᐃᒃᑯᑏᑦ ᐱᖃᓯᐅᔾᔨᔪᓐᓇᖅᑐᑦ ᐊᐅᓚᑕᐅᔪᖅ ᑭᓪᓕᖓ ᓴᐳᒻᒥᔾᔪᑎᖃᖏᑦᑐᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖅᑎᑕᐅᖏᒍᓐᓇᖅᑐᑎᑦ.
ᓈᒻᒪᑦᑐᖅ ᐃᒧᒃᑲᑎᑦᑎᑦᑕᐃᓕᓂᕐᒧᑦ ᐸᕐᓇᐅᑦ ᓇᓗᓇᐃᖅᓯᔭᕿᐊᓕᒃ ᐊᑦᑕᓇᐃᖅᓯᒪᓂᕐᒧᑦ ᐊᑦᑕᓇᖅᑐᓂᑦ ᐃᖅᑲᓇᐃᔭᕐᕕᐅᔪᒥᑦ ᐊᒻᒪ ᓇᓗᓇᐃᕐᓗᒋᑦ ᐃᔪᒃᑲᔭᐃᒃᑯᑏᑦ ᐃᖅᑲᓇᐃᔭᖅᑏᑦ ᐊᑐᕆᐊᖃᖅᑕᖏᑦ. ᓇᓗᓇᐃᔭᓯᒪᔭᕆᐊᖃᕐᒥᔪᖅ ᐃᔪᒃᑲᔭᐃᒃᑯᑎᓂᑦ ᐊᒻᒪ ᐊᑐᖅᑕᐅᔭᕆᐊᓕᓐᓂᑦ (ᓲᕐᓗ, ᑲᑎᓐᓂᐅᒧᑦ, ᒪᑭᒪᑎᑕᐅᓂᖏᑦ, ᐊᒻᒪ ᖃᐅᔨᓴᖅᑕᐅᓂᖏᑦ), ᐊᒻᒪ ᓇᓗᓇᐃᔭᕐᓗᒋᑦ ᖃᓄᐃᑦᑐᑐᐃᓐᓇᕐᓄ ᑐᐊᕕᕐᓇᖅᑐᓄᑦ ᐊᑐᖅᑕᐅᔭᕆᐊᓖᑦ ᐃᖅᑲᓇᐃᔭᖅᑏᑦ ᒪᓕᓐᓂᐊᖅᑕᖏᑦ ᐃᔪᒃᑲᖅᑐᖃᕐᓂᕈᓂ.
ᓇᕿᓪᓗᒍ ᐅᕙᓂ ᐃᕝᕕᑦ ᖃᕋᓴᐅᔭᖓᓅᕐᓗᒍ ᑕᑕᑎᕋᔅᓴᐅᔪᖅ ᐃᔪᒃᑲᖅᑕᐃᓕᒪᓂᕐᒧᑦ ᓴᐳᒻᒥᑦᑎᓂᕐᒧᑦ ᐸᕐᓇᐅᑦ ᐋᖅᑭᔅᓯᒪᔪᖅ.
ᐃᖅᑲᓇᐃᔭᖅᑎᑦᑎᔪᑦ ᓇᓗᓇᐃᑦᓯᔭᕆᐊᖃᕐᒥᔪᑦ ᑖᒃᑯᐊ ᐃᖅᑲᓇᐃᔭᖅᑏᑦ ᑲᒪᔨᖃᕐᓗᑎ ᐃᓄᒻᒧᑦ ᐱᔭᕇᖅᓯᓯᒪᔪᒥᑦ ᑲᒪᔨᐅᓂᕐᒧᑦ ᒪᓕᑦᑕᐅᔭᕆᐊᓕᓐᓄᑦ ᖃᐅᔨᒪᓕᖅᑎᑦᑎᓂᕐᒧᑦ ᐱᓕᕆᐊᒥᑦ, ᐅᕝᕙᓘᓐᓃᑦ ᑲᒪᔨᖓ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᒪᓕᖅᑎᑦᑎᓂᕐᒧᑦ ᐃᓕᓐᓂᐊᓂᕐᒧᑦ. ᑎᑎᕋᖅᓯᒪᔪᑦ ᐊᖏᖅᑕᐅᓯᒪᔪᓂᑦ ᐃᓕᓐᓂᐊᕋᔅᓴᖃᖅᑎᑦᑎᔩᑦ ᐊᑐᐃᓐᓇᐅᔪᑦ ᐅᕙᓂ. ᓇᓗᓇᐃᖅᓯᔭᕆᐊᖃᕐᒥᔪᑦ ᐊᑕᐅᓯᖅ ᐃᓄᒃ ᐃᖅᑲᓇᐃᔭᕐᕕᐅᔪᒥᑦ ᐋᓐᓂᖅᑐᓄᑦ ᐃᑲᔪᓂᕐᒧᑦ ᐃᓕᓐᓂᐊᖅᓯᒪᓂᖃᕐᓗᓂ ᐊᒻᒪ ᐱᔪᓐᓇᕐᓗᓂ ᐋᓐᓂᖅᑎᑐᓕᕆᔾᔪᑎᓄᑦ.
| 
