27 Novanm 2023
Se Sezon Chante Fèt Fen Ane
 
Elèv talantye nan tout Distri Lekòl Rejyon Palm Beach la travay ak pwofesè mizik yo pou prezante nou yon fwa ankò ane sa a anpil chante fen ane. An n apresye ansanm edisyon Chante Sezon Fen Ane 2023 a.
 
Gayan Konkou Kat Souwè Fèt Fen Ane Sipèentandan An Montre Kreyativite Atistik Ak Kontantman Elèv Yo
Talan ak konpetans elèv atis nan Distri a te ekspoze. Elèv atis yo, yon fwa ankò te soumèt zèv yo nan Konkou Kat Souwè Fèt Fen Ane Sipèentandan an. Avèk konsèy ak sipò pwofesè atizay yo, yo te soumèt plis pase 400 desen atizay kat souwè, ki se yon rekò pou konkou a ane sa a.
 
Se te yon desizyon difisil pou Sipèentandan Burke chwazi pami tout travay atistik yo ak kalite yo ki te ekstraòdinè. Finalman, twa gayan te deklare: yon elèv nan nivo elemantè, mwayen ak segondè.
 
Se Sezon Pou Bay Rekonesans
Plis pase 330 manm estaf nan Lekòl Segondè John I. Leonard te resevwa yon bèl kado Jou Aksyondegras, gras ak sipò Eat Better Live Better epi jenewozite Florida Power & Light (FPL). Eat Better, Live Better te chwazi John I. Leonard pami nominasyon kominote a te soumèt pou resevwa kodenn pou tout anplwaye lekòl la.
 
Ansanm ak FPL, ekip foutbòl lekòl la, ak manm gouvènman etidyan yo, te ale pòt an pòt pou delivre kado sa a bay pwofesè ak estaf yo. 
 
Remèsye Yon Pwofesè Kòm Pwofesè Semèn Nan
Sophia Gayle se nouvo gayan inisyativ “Remèsye Yon Pwofesè” nan Distri Lekòl Rejyon Palm Beach la. Li jwenn nominasyon kòm Pwofesè Pou Semèn pase a. Li se yon pwofesè nan Lekòl Mwayen Carver. Li te resevwa vizit sipriz nan klas li pou gwo anons sa a. Li resevwa yon chèk $250 soti nan men HCA Florida Healthcare ki se esponnsò inisyativ la pou ane sa a. Inisyativ “Remèsye Yon Pwofesè” genyen kòm objektif pou ankouraje epi rekonèt yon pwofesè paran, elèv ak kanmarad li nonmen pou gwo enpak pozitif li genyen sou elèv li.

Fè Konesans Ak Polis Chen K9 Ki Kenbe Lekòl Rejyon Palm Beach Yo An Sekirite
Pandan genyen omwen yon ajan polis nan chak nan 182 lekòl Rejyon Palm Beach yo, gen uit polis Chen K9 ki resevwa fòmasyon nan divès mezi sekirite ki deplwaye atravè distri a. Ofisye Teak Adams se yon veteran 10 ane nan depatman polis lekòl la. K9 Onessa li a, yon bèje alman ki gen 5 an, resevwa fòmasyon nan deteksyon eksplozif.