|
|
“Remèsye Yon Pwofesè” Retounen
Kounye a se moman pou w nonmen yon edikatè eksepsyonèl pou inisyativ “Remèsye Yon Pwofesè” pou ane 2023-2024 la. An patenarya ak patwonaj HCA Florida Healthcare, Distri Lekòl Rejyon Palm Beach pral fè yon pwofesè sipriz espesyal chak semèn ak yon pri $250. Ale sou palmbeachschools.org/thankateacher pou soumèt yon nominasyon pou yon pwofesè ki vrèman depase l nan sèvi elèv li.
|
|
Gade seri videyo sou YouTube ki bay enfòmasyon enpòtan pou reouvèti lekòl pou elèv yo ak paran yo, enstriksyon pou chak sa w bezwen fè, konsèy pou reyisit, ak plis ankò. Chak videyo debat yon sijè diferan, tankou Pòtal SIS, Transpòtasyon nan Bis Lekòl, ak Obligasyon pou Sante Elèv. Klike sou lyen ki anba a pou w gade lis videyo a. |
|
“ENFÒME W” Ap Resevwa Kòm Envite Djenane St Fleur Ki Pral Bay Paran Konsèy Pou Rantre Lekòl. |
|
Ewo Ki Mete Tenis Pou Sipòte Edikasyon Piblik |
|
|
|
Vin patisipe ak Joseph Sanches, Direktè Operasyon Distri Lekòl Rejyon Palm Beach ak Prezidan Onè, nan 9yèm Kous/Mach 5 Mil Ewo pou Edikasyon ki ap fèt 28 oktòb nan John Prince Park nan Lake Worth. Inisyativ sa a se yon prezantasyon United Healthcare, Optium, epi se Biwo Cherif Rejyon Palm Beach la ki ap patwone meday kous yo. Tout lajan ki ranmase yo ap benefisye pwogram Fondasyon Edikasyon yo ki bay sipò finansye, epi distribiye founiti klasik bay lekòl ki gen plis bezwen nan pwogram Tit I an nan rejyon Palm Beach la. Klike la a pou w enskri.
|
|
|
Elèv Nan Tout Nivo Klas Ap Fè Eksperyans Pwogram Bileng Nan Tout Distri A |
|
|
|
Plizyè lekòl nan Distri Lekòl Rejyon Palm Beach la te ajoute pwogram bileng ane sa a, tankou Polo Park Middle School kote elèv yo ap aprann ni Anglè ni Panyòl avèk antouzyastik. Kounye a, Distri a gen yon total 23 pwogram bileng nan lekòl elemantè, sèt nan lekòl mwayen, ak kat nan lekòl segondè. Klike la a pou w aprann plis sou pwogram sa yo.
|
|
|
Soti Nan Eksplore STEM Nan Loggerhead Marlinelife Center Pou Rive Nan Eksperyans Atizay Nan Kravis, Pwomnad Distri A Pral Edike, Afime, Ak Enspire Elèv Yo
|
|
|
|
Sipèentandan Rejyon Palm Beach la, Mike Burke, di distri a ap bay tèt li yon priyorite pou aplike pwomnad vizit. “Nou vle fè timoun nou yo soti nan klas tradisyonèl la, pou yo vrèman mete aksan sou aprantisaj la deyò. Chak elèv klas senkyèm ane ap vizite Kravis Center ane lekòl sa a. Epitou, chak elèv setyèm ak 10yèm ane pral fè eksperyans nan kominote a, kit se nan domèn kiltirèl oswa syans."
|
|
|
Gade Kijan Elèv Atlèt Yo Ap Prepare Pou Sezon An |
|
|
|
Yon gwoup manman nan Park Vista High School te di patisipasyon paran yo fè ekip la santi li tankou yon fanmi. Samdi 12 out, elèv ak paran/responsab yo te reyini ansanm pou yon aktivite pou prepare ekip yo pou foutbòl 2023 la. Paran yo di tip aktivite sa yo enpòtan anpil nan kreye bon jan koneksyon ant manm ekip yo.
|
|
|
Èske W Ap Chèche Kontinye Edikasyon W? Semès Otòn Edikasyon Adilt La Kòmanse 28 Out 2023 - Enskri Jodi A! |
|
|
|
Li pa janm twò ta pou w fini edikasyon w, kòmanse yon nouvo karyè, oswa aprann yon nouvo lang. Distri a ofri kou Edikasyon Adilt pou ede granmoun jwenn diplòm lekòl segondè yo, aprann anglè, ansanm ak kou fòmasyon pou travay nan domèn tankou Swen Sante (teknisyen EKG, Asistan Sante Lakay, Phlebotomy, CNA), Konstriksyon (Chapant, Elektrik, HVAC, Plonbri), Transpò (Kondwi Veyikil Komèsyal ak Lodè), ansanm ak kou Amizman ak Lwazi (Atis, Finans, Teknoloji Enfòmasyon, Kwizin, Lwa, ak plis ankò).
|
|
|
|
|
|
|
|
