Vandredi 12 Me 2023 ‌ ‌ ‌ ‌

Felisitasyon Pwomosyon 2023 a! Distri a ap òganize 32 seremoni gradyasyon pou lekòl ak akademi nan tout Rejyon Palm Beach la pou klas tèminal 2023. Seremoni gradyasyon yo ap retransmèt andirèk sou The Education Network (TEN), Xfinity kanal 235, AT&T U-verse kanal 99, epi difize sou chanèl YouTube Distri a (youtube.com/sdpbc/live). Klike la pou wè orè seremoni gradyasyon yo.

Selebre Ewo Nan Klas Nou Yo Kamyon manje, sache kado, flè, ak masaj yo te jis kèk nan fason yo te fè pwofesè nou yo santi yo pi espesyal pandan "Semèn Apresyasyon Pwofesè." Tcheke kèk nan plezi ak gwo remèsiman yo te bay pwofesè nou yo nan Distri Lekòl Rejyon Beach County.   Klike la a pou gade!

Ou Envite Nan Festival Liv Ak Prezantasyon Loreya Konkou Disètasyon MWA ERITAJ AYISYEN Yon selebrasyon literati ak prezantasyon loreya Konkou Disètasyon Mwa Eritaj Ayisyen 2023 a nan Distri Lekòl Rejyon Palm Beach. Pèfòmans Atistik : DAYANA RIOS   Samdi 13 Me 2023 2:00 – 4:30 PM   Lantana Branch Library 4020 Lantana Road Lake Worth, FL 33462 ANTRE GRATIS! RAF POU FÈ KADO LIV GRATIS!

Remèsye Yon Pwofesè Brent Fulmer se pwofesè ki genyen pri 'Remèsye Yon Pwofesè Pou Semèn Nan'. Li se yon pwofesè nan Lekòl Elemantè Pine Jog. Inisyativ sa a rekonèt chak semèn yon pwofesè ke elèv, paran, ak estaf anplwaye nonmen pou devouman li, pwofesyonalis li, ak jan li genyen enpak pozitif sou elèv. Paran, sonje vote pou pwofesè ou konsidere ki merite rekonesans sa a. Klike la a pou w gade videyo a.

Selebrasyon Fèt Drapo Ayisyen 18 Me   Kominote a ap prepare pou selebre Fèt Drapo Ayisyen Jedi 18 Me 2023 a grandyozman. Ap genyen aktivite monte Drapo Ayisyen nan meri vil yo, evènman kiltirèl ak akademik nan lekòl yo, elatriye. Fèt Drapo Ayisyen se pi gwo selebrasyon nan kad rekonesans Mwa Eritaj Ayisyen nan peyi Etazini.

Gwen Stefani, Twa Fwa Gayan Pri Grammy, Ede Kolekte Fon Pou Elèv Lekòl Dreyfoos   Gras ak pèfòmans konsè chantè-konpozitè Gwen Stefani, gala pou ranmase lajan Save our Musicians Foundation te òganize rasanble $350.000 pou Lekòl Dreyfoos School of the Arts.   Pandan konsè samdi 29 avril la nan Ballpark Palm Beaches, chantè "It's My Life" la te eksplike benefis mizik genyen nan lekòl yo, ki ap ede fòme pwochen jenerasyon atis yo. Pandan prestasyon an, elèv Distri a te gen opòtinite montre pwòp talan yo lè yo te jwe sou menm sèn ak Stefani pandanke lòt elèv Dreyfoos yo te ap vann travay atistik yo reyalize.   Klike la a pou w li istwa konplè WPTV Ch.5.

Suiv @PBCSDKreyol sou Facebook, Twitter, ak Instagram pou jwenn mizajou nouvèl nan lang Kreyòl Ayisyen.

Koneksyon Edikasyon Se Vwa Kreyòl Distri A Sou Radyo Sonje Distri Lekòl Rejyon Palm Beach prezante KONEKSYON EDIKASYON. Koneksyon Edikasyon se vwa Kreyòl Distri a pou pote enfòmasyon pou paran ayisyen ak tout kominote a sou sa k ap pase nan lekòl yo ak nan distri a. Tout sa w bezwen konnen sou Distri Lekòl Rejyon Palm Beach pou w pi byen patisipe nan edikasyon pitit ou w ap tande l sou frekans 980 AM Radio Haiti Amérique Internationale jedi a 5:30 nan apremidi.