5 Septanm 2023
Seri “Sipèentandan an Ap Mete Men Nan Pat La’ tounen pou twazyèm sezon li. Gade Kijan Sipèentandan Ap Aprann Avèk Yon Direktè Atletik Kijan Pou Prepare Pou Yon Match
Pa gen anyen tankou limyè Vandredi swa sa yo! Ou kapab pran sant manje ki ap kuit nan estad la pou vann. Majorèt yo ap chofe ekip yo epi oumenm antanke fanatik w ap chofe tann ekip ou monte teran an. Sezon Foutbòl Ameriken 2023-2024 la kòmanse!

Gade kijan Sipèentandan Mike Burke ap aprann nan men Kelli Erianne, Direktè Atletik nan Lekòl Segondè Suncoast, kijan preparasyon yo fèt.

“ENFÒME W” Ap Resevwa Kòm Envite Anderson Louis
Ki Pral Pale Osijè Pwogram Edikasyon Pou Adilt
Gade Kijan Distri A Amelyore Opòtinite Aprantisaj Dinamik Ak Edikasyon Bileng
Madi 29 Out, Lekòl Elemantè New Horizons te reouvri Sant Medyatèk li a ki fèk renove! Adisyon transfòmatif sa a reflete angajman lekòl la pou kreye yon anviwonnman aprantisaj dinamik ak adaptab ki satisfè bezwen elèv yo nan Pwogram Bileng Akademi Entènasyonal Panyòl la. Manm Komite Direksyon Distri 6 la, Marcia Andrews, te prezan ansanm ak elèv, pwofesè, paran, lidè kominotè, ak dirijan nan Biwo Cherif Rejyon Palm Beach la pou selebre inogirasyon enteresan sa a.
De Lekòl Segondè Nan Distri A Rejwenn Klasman Pami 100 Pi Bon Lekòl Segondè Piblik Nan Peyi A
De lekòl segondè nan Distri a rejwenn klasman pami 100 pi bon lekòl segondè piblik nan nasyon an, dapre klasman anyèl yo pibliye nan US News & World Reports. Lekòl Segondè Suncoast klase 70yèm, ak Alexander W. Dreyfoos Jr. School of the Arts klase 90yèm. Toude lekòl yo regilyèman klase nan tèt lis US News avan magazin an te chanje sistèm li a an 2019 pou ajoute plis lekòl epi pote lòt konsiderasyon nan klasman an.
Septanm Se Mwa Nasyonal Alfabetizasyon! Tcheke Resous Sa Yo Pou Ede Pitit Ou Devlope Lanmou Pou Lekti Ak Ekri
Nan monn jodi a, konpetans nan lekti ak ekri vini pi enpòtan toujou. Distri a ap fè efò pou ede elèv yo vin lektè, ekriven, oratè, ak pansè ki konpetan pou kapab prepare pou defi ak opòtinite alavni. Pratik ki konsistan avèk lekti, ekri, ak pale se kle nan siksè. Kòmanse sipòte lekti lakay pitit ou pandan 20 minit chak swa. Fè sa a yon aktivite fanmi oswa tabli yon tan pou lekti nan fanmi an pou montre pitit ou lekti enpòtan epi li se yon bagay ki amizan pou fè tou!