ᒫᑦᓯ 2025

ᑭᖑᓪᓕᐅᓚᐅᖅᑐᖅ ᓴᖅᑭᓚᐅᖅᑕᑦᑎᓐᓂ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᓄᑦ ᑎᑎᕋᖅᑕᐅᔪᖅ ᓇᓗᓇᐃᖅᓯᓚᐅᖅᑐᖅ ᖁᐊᐃᑦᑕᐃᓕᓂᕐᒧᑦ, ᐹᓪᓚᒃᑕᐃᓕᓂᕐᒧᑦ, ᐃᔪᒃᑲᖅᑕᐃᓕᓂᕐᒧᓪᓗ, ᓇᓗᓇᐃᖅᓯᖅᑳᕆᐊᖃᖅᑐᑎᑦ ᐊᑦᑕᕐᓇᕈᓐᓇᖅᑐᓂᒃ ᐃᖅᑲᓇᐃᔭᕐᕕᖕᓂ ᑕᐃᒪᐃᔾᔪᑕᐅᔪᓐᓇᖅᑐᓂᒃ. ᐊᒡᒋᖅᑐᒥ ᐊᑐᖅᑕᐅᓗᓂ ᐊᐅᓚᑦᑎᓂᕐᒧᑦ ᖁᕝᕙᖅᐸᓪᓕᐊᓯᒪᓂᖅ ᐃᓚᓕᐅᔾᔭᐅᓯᒪᔪᖅ ᐅᕙᓂ ᐊᑦᑕᕐᓇᖅᑐᑦ ᓇᓗᓇᐃᔭᖅᑕᐅᓂᖏᓐᓄᑦ ᐱᕙᒌᔭᐅᑎᒥ ᐲᖅᑕᐅᓂᖏᓐᓄᑦ ᐱᑕᖃᕈᓐᓃᖅᐹᓪᓕᖅᑎᑕᐅᓂᖏᓐᓄᓪᓘᓐᓃᑦ ᐊᑦᑕᕐᓇᖅᑐᖅᓯᐊᕆᔭᑎᑦ. 

ᐅᑯᐊᖓᕗᑦ ᐆᒃᑑᑕᐅᔪᓐᓇᖅᑐᖅ ᐊᐅᓚᑦᑎᓂᕐᒧᑦ ᖁᕝᕙᖅᐸᓪᓕᐊᓯᒪᓂᖅ ᖃᓄᖅ ᐊᑐᕈᓐᓇᕐᒪᖔᖅᐱᒋᑦ ᖁᐊᐃᓐᓇᖅᑐᖃᖅᑕᐃᓕᒪᑎᑦᑎᓂᕐᒧᑦ, ᐹᓪᓚᖕᓇᖅᑐᖃᖅᑕᐃᓕᒪᑎᑦᑎᓂᕐᒧᑦ, ᐊᒻᒪᓗ ᐃᔪᒃᑲᖅᑐᖃᖅᑕᐃᓕᒪᑎᑦᑎᓂᕐᒧᑦ:

• ᐱᑕᖃᕈᓐᓃᖅᑎᓪᓗᒋᑦ ᖁᐊᐃᓐᓇᕈᑕᐅᔪᓐᓇᖅᑐᑦ ᐊᒻᒪᓗ ᐹᓪᓚᒍᑕᐅᔪᓐᓇᖅᑐᑦ ᐃᖅᑲᓇᐃᔭᕐᕕᖕᒥ ᓴᓗᒻᒪᖅᓴᕐᓗᒋᑦ ᑯᓯᖅᑕᖅᑕᐅᓂᑯᑦ, ᑐᐊᐸᓕᖅᓱᕐᓗᒋᑦ ᓯᑯᓕᐊᑦ ᐃᖅᑲᓇᐃᔭᕐᕕᒃᐱᑦ ᓯᓚᑖᓂ, ᐊᒻᒪᓗ ᐱᓱᒡᕕᐅᕙᒃᑐᑦ ᐊᒃᑕᑯᖃᖅᑎᑦᑕᐃᓕᒪᓗᒋᑦ.

• ᐋᖅᑭᒃᓱᐃᓂᖅ ᐋᖅᑭᒍᑎᒃᓴᒥᒃ ᐃᓕᓯᓂᐅᔪᓐᓇᖅᑐᖅ ᓇᑎᕐᒥᒃ ᖁᐊᐃᓐᓇᙱᑦᑐᒥᒃ, ᐅᕝᕙᓘᓐᓃᑦ ᐃᑯᒪᖃᑦᑎᐊᖅᑎᑦᑎᓂᕐᒥᒃ ᐱᓱᒡᕕᐅᕙᒃᑐᓂᒃ, ᐊᒻᒪᓗ ᐃᓕᔭᐅᓂᖏᑦ ᑎᒍᒻᒥᕖᑦ ᐅᕐᕈᔮᙱᓐᓂᖅᓴᐅᓂᕐᒧᑦ.

• ᐊᐅᓚᑦᑎᓂᕐᒧᑦ ᐋᖅᑭᒍᑎᒃᓴᑦ ᐃᓚᒋᔭᐅᔪᓐᓇᖅᑐᖅ ᐃᖅᑲᓇᐃᔭᕐᕖᑦ ᖃᐅᔨᓴᖅᑕᐅᖃᑦᑕᕐᓂᖏᑦ ᖃᖓᒃᑰᕐᓂᖏᑦ ᐋᖅᑭᒃᓯᒪᖃᑦᑕᕐᓗᑎᒃ ᑖᒃᑯᓄᖓ ᐊᑦᑕᕐᓇᕈᓐᓇᖅᑐᓄᑦ ᐅᕝᕙᓘᓐᓃᑦ ᐃᓚᓕᐅᔾᔭᐅᓂᖏᒃ ᖁᐊᐃᔾᔪᑕᐅᔪᓐᓇᖅᑐᑦ ᐹᓪᓚᒍᑕᐅᔪᓐᓇᖅᑐᓪᓘᓐᓃᑦ ᓇᓗᓇᐃᖅᑕᐅᓂᖏᑦ ᐃᖅᑲᓇᐃᔭᖅᑏᑦ ᖃᐅᔨᒪᓕᖅᑎᑕᐅᒃᑲᓐᓂᕈᑎᒃᓴᖏᓐᓄᑦ.

• ᐹᓂ ᐊᐅᓚᑎᑦᑎᔾᔪᓯᐅᔪᑦ ᐲᖅᓯᙱᒃᑯᑎᒃ ᖁᐊᐃᓐᓇᕈᑕᐅᔪᓐᓇᖅᑐᓂᒃ, ᐹᓪᓚᖕᓇᕈᑕᐅᔪᓐᓇᖅᑐᓂᒃ, ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐊᑦᑕᕐᓇᕈᓐᓃᖅᑐᖃᖅᐹᓪᓕᕈᑕᐅᔪᓐᓇᖅᓄᑦ ᐃᓚᒋᔭᐅᔪᓐᓇᖅᑐᑦ ᖁᐊᐃᔾᔭᐃᒃᑯᑏᑦ ᓯᓚᒥ ᐃᖅᑲᓇᐃᔭᖅᑐᖃᖅᐸᑦ ᓂᒡᓚᓱᒃᑎᓪᓗᒍ, ᓂᒡᓚᓱᖕᓇᖅᑐᒥ ᐃᖅᑲᓇᐃᔮᓄᑦ ᑲᒫᓗᐃᑦ ᖁᐊᐃᓐᓇᙱᑦᑐᓂᒃ ᓂᒡᓚᓱᒡᔪᐊᓕᖄᖓᑦ, ᐅᕝᕙᓘᓐᓃᑦ ᐃᓯᒐᐅᔭᐃᑦ ᖁᐊᐃᓐᓇᙱᑦᑐᑦ ᓂᖅᖠᐅᕐᕕᖕᒥ ᐃᖅᑲᓇᐃᔭᖅᐸᒃᑐᓄᑦ.

ᐃᑲᔪᕈᒪᒍᕕᑦ ᓇᓗᓇᐃᖅᑕᐅᓂᖏᓐᓄᑦ ᐊᑦᑕᕐᓇᕈᓐᓇᖅᖢᑎᒃ ᖁᐊᐃᓐᓇᖅᑐᑦ, ᐹᓪᓚᖕᓇᖅᑐᑦ, ᐊᒻᒪᓗ ᐃᔪᒃᑲᕐᓇᖅᑐᑦ ᐃᖅᑲᓇᐃᕐᔭᕐᕕᖕᓂ, ᐃᕐᒌᓈᖅᑕᐅᑎᒃᑯᑦ ᑎᑎᕋᕐᕕᒋᑎᒍᑦ ᖃᐅᔨᓴᖅᑕᐅᖁᓗᒋᓪᓗ ᑖᒃᑯᐊ ᐊᑦᑕᕐᓇᕈᓐᓇᖅᑐᑦ.

ᖃᐅᔨᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᕕᖕᓂ ᖁᐊᐃᑦᑕᐃᓕᓂᐅᑉ, ᐹᓪᓚᒃᑖᐃᓕᓂᐅᑉ, ᐊᒻᒪᓗ ᐃᔪᒃᑲᖅᑕᐃᓕᓂᐅᑉ ᒥᒃᓵᓄᑦ, ᑕᑯᒋᐊᕐᓗᒍ ᓴᖅᑭᓵᓚᐅᖅᑕᕗᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ.

ᐃᖅᑲᓇᐃᔭᕐᕖᑦ ᐃᓚᐅᔪᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓄᑦ ᐱᓕᕆᐊᑦ ᖃᐅᔨᒃᑲᐃᔾᔪᑎᖃᕆᐊᖃᖅᑎᑦᑎᔪᑦ ᐊᖓᔪᖅᑳᒻᒪᕆᖕᒧᑦ ᐊᑦᑕᕐᓇᖅᑕᐃᓕᒪᕐᓂᕐᒧᑦ ᑲᒪᔨᒧᑦ (CSO) 30 ᐅᓪᓗᐃᑦ ᐱᒋᐊᖅᑕᐅᖅᑳᖅᑎᓐᓇᒋᑦ ᐱᓕᕆᐊᒃᓴᑦ. ᐊᐃᕐᕆᓕ 10-ᒥ, ᑲᔪᓯᓂᐅᔪᑦ ᖃᐅᔨᒃᑲᐃᓕᕐᒧᑦ ᐊᖓᔪᖅᑳᒻᒪᕆᖕᒧᑦ ᐊᑦᑕᕐᓇᖅᑕᐃᓕᒪᕐᓂᕐᒧᑦ ᑲᒪᔨᒧᑦ (CSO) ᓅᓐᓂᐊᖅᑐᑦ WSCC Connect-ᒧᑦ. ᓄᓐᓂᖅ ᑐᑭᖃᖅᑐᑦ ᓱᒃᑲᓕᓂᖅᓴᒥᒃ ᐊᒻᒪ ᐊᑑᑎᖃᕐᓂᖅᓴᒃᑯᑦ ᐱᔨᑦᑎᕋᐅᑏᑦ ᐃᖅᑲᓇᐃᔭᕐᕕᖕᓄᑦ, ᐊᒻᒪᓗᑦᑕᐅᖅ ᐊᔪᕐᓇᙱᓐᓂᖅᓴᐅᔪᓂᒃ ᑲᔪᓯᓂᐅᔪᓂᒃ ᓄᑖᙳᕆᐊᖅᓯᓂᕐᒧᑦ ᐊᒻᒪ ᐋᖅᑭᒋᐊᖅᓯᓂᕐᒧᑦ ᐅᓂᒃᑳᓕᐅᕐᓂᕐᒧᑦ ᑐᓴᐅᒪᔾᔪᑎᓂᒃ ᖃᖓᒃᑰᓇᔭᕐᓂᖏᓐᓄᓪᓗ ᐱᓕᕆᐊᑎᑦ.

ᑖᓐᓇ ᐊᓯᔾᔨᐅᑎ ᐊᒃᑐᐃᓂᐊᖅᑐᑦ ᓇᖕᒥᓂᖃᖅᑎᓂᒃ ᐅᑯᓂᖓ ᐱᓕᕆᐊᖃᖅᐸᒃᑐᓂᒃ ᐊᕐᕕᓂᖕᓂ ᒪᕐᕉᖕᓂ ᖃᓄᐃᑦᑑᔪᓂᒃ ᐱᓕᕆᐊᓂᒃ ᐃᒪᐃᑦᑐᓂᒃ: 

• ᑐᐊᐸᒃᑕᕐᓂᖅ, ᓯᖃᓕᑦᑎᓂᖅ, ᖄᖅᑎᑦᑎᖃᑦᑕᕐᓂᕐᓗ
• ⁠ᐆᒻᒪᒃᑯᑏᑦ ᐅᐊᔭᖏᓐᓂᒃ ᓴᓇᓂᖅ ᐅᕝᕙᓘᓐᓃᑦ ᐋᖅᑭᐅᒪᑎᑦᑎᓂᖅ
• ⁠ᓄᓇᓕᕆᓂᖅ, ᓴᒡᒐᕐᓂᖅ, ᐊᖅᑯᓯᐅᕐᓂᖅ
• ⁠ᐳᓪᓚᓕᖕᒧᑦ ᓴᓗᒻᒪᖅᓴᐃᓂᖅ
• ⁠⁠ᐃᒡᓗᒥᒃ ᓱᕋᑦᑎᕆᓂᖅ ᐅᕝᕙᓘᓐᓃᑦ ᓄᑖᙳᕆᐊᕆᓂᖅ
• ⁠ᓂᐅᕐᕈᑎᖃᖅᐸᒃᑐᓄᑦ ᐅᕝᕙᓘᓐᓃᑦ ᐊᖏᕐᕋᒥᒃ ᓴᓇᓂᕐᒧᑦ
• ᐆᑕᖅᑎᑦᑎᓂᖅ

ᖃᓄᑐᐃᓐᓇᖅ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᒥᒃ ᐱᓕᕆᐊᖃᕐᓂᐊᕈᕕᑦ ᐱᒋᐊᕐᓗᒍ ᐅᕝᕙᓘᓐᓃᑦ ᑐᖔᓂ ᒪᐃ 10, 2025-ᒥ, ᐊᑐᐃᓐᓇᕐᓂᐊᖅᐳᑎᑦ ᐊᑐᖅᑕᐅᕙᒃᑐᓂᒃ ᖃᐅᔨᒃᑲᐃᔾᔪᑎᕐᖓᐅᓚᐅᖅᑐᓄᑦ ᑲᔪᓯᓂᐅᔪᓄᑦ. ᑐᓂᓯᔭᕆᐊᖃᖅᐳᑎᑦ ᖃᐅᔨᒃᑲᐃᔾᔪᑎᒥᒃ ᐅᓄᙱᓛᑦ 30 ᐅᓪᓗᐃᑦ ᐱᒋᐊᖅᑕᐅᖅᑳᖅᑎᓐᓇᒍ ᐱᓕᕆᐊᖅ, ᐊᒻᒪᓗ ᖃᕆᓴᐅᔭᒃᑯᑦ ᐱᔨᑎᕋᐅᑏᑦ ᐊᑐᔾᔮᙱᑦᑐᑦ ᓱᓕ ᑐᓂᓯᓛᕐᓂᕐᓄᑦ ᐃᓱᓕᕝᕕᒃᓴᖓᓂ. ᐃᓕᑦᑎᒃᑲᓐᓂᕈᓐᓇᖅᑐᑎᑦ ᖃᕆᓴᐅᔭᒃᑯᑦ ᐃᑭᐊᖅᑯᕕᑦᑎᓐᓂ.

ᖃᐅᔨᒪᔭᖃᖅᐲᑦ ᒪᒃᑯᒃᑐᒦᒃ ᐃᓄᖕᒥᑦ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐅᓕᒪᓂᕐᒥᒃ ᐱᕕᒡᔪᐋᕈᑎᖃᒃᑐᒦᒃ? ᐃᓚᐅᖂᕐᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ 2025 ᒪᒃᑯᒃᑐᓄᑦ ᑕᕐᕆᔭᐅᓯᐅᕐᓂᕐᒧᑦ ᓵᓚᒃᕋᓱᐊᕐᓂᕐᒧᑦ ᑮᓇᐅᔭᓂᒃ ᓵᓚᒃᓴᕈᓐᓇᓛᕐᒪᑕ! 

ᓵᓚᒃᓴᐅᓯᐋᕋᓱᐋᕐᓂᖅ ᒪᑐᐃᖓᓂᐋᕐᒪᑦ ᒪᒃᑯᒃᑐᓄᑦ ᐅᑭᐅᓕᖕᓄᑦ 14-19−ᓂᒃ ᓄᓇᑦᓯᐋᕐᒥᑦ ᐊᒻᒪᓗ ᓄᓇᕗᕐᒥᑦ (ᐊᑭᓕᖅᑕᐅᓯᒪᓗᓂ ᐃᓕᓐᓂᐊᕐᕕᖓᓂᑦ ᐅᕝᕙᓗᓂᑦ ᒪᒃᑯᒃᑐᑦ ᐃᖅᑲᓇᐃᔭᕐᕕᖓᓂᑦ). ᑭᒡᓕᖃᖅᑎᑕᐅᔪᑦ ᐊᐃᕐᕆᓕ 4 ᑐᓂᓯᔪᓐᓇᕐᓂᕐᒥᓄᑦ ᓇᐃᑦᑐᒥᒃ ᑕᑯᓐᓇᒐᒃᓴᓕᐊᒥᒃ (2 ᑎᑦᑕᐃᑦ ᐅᖓᑖᓅᙱᑦᑐᖅ) ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑐᒦᑦᑕᐃᓕᒪᓂᐅᑉ ᒥᒃᓵᓄᑦ. 

ᑲᑎᙵᐅᖅᑐᑦ ᓵᓚᒃᓴᖅᑐᑦ $1,000 ᑖᓛᖅᑐᑦ, ᐊᒻᒪᓗ ᑮᓇᐅᔭᖅᑖᕐᕕᒋᔭᖏᑦ ᐃᓕᓐᓂᐊᕐᕕᒡᓘᓐᓃᑦ ᑎᒥᐅᔪᕐᓘᓐᓃᑦ $1,000 ᑖᓛᕆᓪᓗᑎᒃ. ᓄᓇᓕᖃᕐᕕᐅᔪᒥ ᓵᓚᒃᓴᖃᑕᐅᔪᑦ ᐱᒋᐋᕈᓐᓇᖅᓯᑎᑕᐅᒐᔭᕐᒪᑕ ᑲᓇᑕᒥ ᐊᑭᑦᑐᕋᐅᑎᓂᕐᒧᑦ ᐱᓇᓱᒐᒃᑕᐅᑎᑕᐅᔪᒥᑦ ᐅᑯᓇᙵᑦ ᑲᓇᑕᒥ ᑐᑦᑕᕐᕕᒃ ᐃᖅᑲᓇᐃᔮᒧᑦ ᐋᓐᓂᐊᖃᑦᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ (CCOHS) ᐱᕕᖃᓕᖁᓪᓗᑎᑦ ᒪᕐᕈᐃᖅᓲᑎᓪᓗᐊᖏᓐᓂᒃ ᓵᓚᒃᓴᐅᓯᐋᕈᓐᓇᖅᓯᖁᕕᒋᒐᔭᖅᑕᖏᓐᓂᑦ!

ᐃᑭᐋᕿᕕᖕᒧᕐᓗᑎᑦ ᓵᓚᒃᓴᐅᓯᐋᕋᓱᐋᕐᓂᕐᒧᑦ ᐃᑭᐊᕿᕕᐅᑉ ᒪᒃᐱᒐᖓ ᑐᓴᕆᐊᒃᑲᓐᓂᖁᓪᓗᑎᑦ.

ᑲᓇᑕᒥ ᑮᓇᐅᔭᐃᑦ ᐱᔭᐅᕙᓪᓕᐊᔪᓄᑦ ᑎᒥᖓᑦᑕ (CRA) ᑐᓂᔭᐅᔪᒥ ᓇᖕᒥᓂᖃᕐᓂᕐᒥ ᓈᓴᐅᑖ (BN) 9-ᓂ ᓈᓴᐅᑎᓕᖕᒥ ᑲᓇᑕᒥ ᑮᓇᐅᔭᐃᑦ ᐱᔭᐅᕙᓪᓕᐊᔪᓄᑦ ᑎᒥᖓᑦᑕ ᑐᓂᔭᐅᓂᐅᕗᖅ ᓇᖕᒥᓂᖃᖅᑎᓄᑦ, ᐊᒻᒪᓗ ᐊᔾᔨᐅᙱᓚᖅ ᑕᐃᔅᓱᒧᖓ ᓇᖕᒥᓂᖃᕐᓂᕐᒧᑦ ᐅᕝᕙᓘᓐᓃᑦ ᒪᓕᒐᖅᑎᒍᑦ ᑎᒥᖁᑕᐅᔪᒧᑦ. ᖃᐅᔨᒋᐊᕆᑦ ᐱᓯᒪᖕᒪᖔᑦᑕ ᑲᓇᑕᒥ ᑮᓇᐅᔭᐃᑦ ᐱᔭᐅᕙᓪᓕᐊᔪᓄᑦ ᑎᒥᖓᑦᑕ ᓇᖕᒥᓂᖃᕐᓂᕐᒧᑦ ᓈᓴᐅᑎᖕᓂᑦ WSCC Connect−ᒥ. 

ᖃᐅᔨᒋᐊᕐᓂᕐᒧᑦ ᑭᓱᖃᐅᑎᖕᓄᑦ, ᐃᑎᕆᐊᖃᖅᐳᑎᑦ WSCC Connect−ᒧᑦ ᐊᒻᒪᓗ ᐱᖃᕐᓗᑎᑦ “Manage Employer Profile” (ᐊᐅᓚᑦᑎᓂᕐᒥ ᐃᖅᑲᓇᐃᔭᖅᑎᖁᑎᓕᖕᓄᑦ ᑭᓇᐅᓂᖏᓐᓂ) ᐊᑐᖅᑎᐅᔪᒥ ᐱᓕᕆᐊᖓᓂ ᕿᓯᕐᕈᓂᕐᒥ ᐅᕝᕙᓘᓐᓃᑦ ᓄᑖᙳᕆᐊᖅᑎᑦᑎᔪᒥ Employer Profile (ᐃᖅᑲᓇᐃᔭᖅᑎᖁᑎᓕᖕᓄᑦ ᑭᓇᐅᓂᖓᓂ). ᐱᒡᒐᓇᖏᑦᑐᖅ ᖃᐅᔨᓴᕐᓂᕐᒥ ᐅᕝᕙᓘᓐᓃᑦ ᓄᑖᙳᕆᐊᖅᑎᑦᑎᓂᕐᒥ, ᐊᒻᒪ ᐊᒥᓲᖏᑦᑐᓂ ᒥᓂᑦᓂ ᐱᔭᕇᕆᐊᒃᓴᖅ.

ᐊᑐᐃᓐᓇᖃᕆᐊᖃᖅᐱᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᑭᓇᐅᓂᖓᓄᑦ? ᐃᖅᑲᓇᐃᔭᖅᑎᖁᑎᓕᖕᓄᑦ ᐊᑐᐃᓐᓇᖃᕐᓂᕐᒥ ᐊᐅᓚᑦᑎᔾᔪᑎᓕᕆᔨᒧᑦ ᑐᓂᓯᔪᓐᓇᖅᐳᖅ ᐊᑐᐃᓐᓇᖃᕐᓂᕐᒥ ᐊᐅᓚᑦᑎᓂᕐᒥ ᐃᖅᑲᓇᐃᔭᖅᑎᖁᑎᓕᖕᓄᑦ ᑭᓇᐅᓂᖓᓄᑦ ᐊᑐᖅᑎᐅᔪᒥ ᐱᓕᕆᐊᖓᓂ ᐃᓯᕐᓂᕐᒧᑦ WSCC Connect−ᒧᑦ ᐊᑐᐃᓐᓇᖃᕐᓂᕐᒧᑦ “Account Management” (ᑭᓱᖃᐅᑎᓄᑦ ᐊᐅᓚᑦᑎᓂᕐᒧᑦ) ᐱᔨᑦᑎᕋᕐᓂᐅᔪᒧᑦ. 

ᐃᓱᓕᓪᕕᒃᓴᕆᔭᐅᓚᐅᖅᐳᖅ ᐊᕐᕌᒍᒥ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ (APR) ᕕᕝᕗᐊᕆ 28. ᑐᑭᖃᖅᐳᖅ Safe Workplace ᖃᐅᔨᒋᐊᕐᕕᒃ ᐅᓪᓗᒥᒨᖓᔪᒥᒃ ᐱᓯᒪᔪᖅ ᓇᖕᒥᓂᖅ ᐱᓕᕆᕝᕕᒃᐱᑦ ᖃᓄᐃᓕᖓᓂᖓᓂᒃ. ᐃᓯᕐᓗᑎᑦ ᖃᐅᔨᓂᐊᕋᕕᑦ ᖃᓄᐃᓕᖓᖕᒪᖔᑦ! 

ᖃᐅᔨᒋᐊᕐᕕᒃ ᓇᓗᓇᐃᖅᓯᑦᑎᐊᕐᓂᐊᖅᑐᖅ ᖃᓄᐃᓕᖓᓂᖏᓐᓂᒃ ᐊᑐᓂ ᐱᖓᓲᔪᖅᑐᑦ ᐱᑕᖃᕆᐊᓖᑦ ᐃᓚᒋᔭᐅᓪᓗᑎᒃ Safe Workplace-ᒧᑦ. ᐊᐱᖅᑯᓯᒃᓴᖃᕈᕕᑦ ᐅᕝᕙᓘᓐᓃᑦ ᑐᑭᓯᐊᔪᒪᒍᕕᑦ ᖃᓄᖅ ᓄᑖᕈᕆᐊᖅᑎᑕᐅᓇᔭᕐᒪᖔᑦ ᓯᕗᓪᓕᖅᐹᖑᔪᖅ ᐱᑕᖃᕆᐊᓕᖕᓂᑦ, ᓇᖕᒥᓂᖅ ᐅᖃᐅᓯᕆᔭᕆᐊᖃᖅᑕᐃᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᒃᓴᕐᒧᑦ ᐱᑕᖃᕆᐊᓖᑦ, ᐅᓪᓗᒥ ᑐᓴᖅᑎᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ.  

wscc.nt.ca 1.800.661.0792 | wscc.nu.ca 1.877.404.4407