ᔮᓐᓄᐊᕆ 2022
ᓄᑖᖑᔪᖅ: Safe Workplace ᐱᓕᕆᐊᒃᓴᐅᔪᒥᒃ
ᐱᒋᐊᖅᑐᒥ ᑕᒪᑐᒪᓂ ᐊᕐᕌᒍᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᓕᓴᖅᓯᓂᐊᖅᑐᑦ ᐃᖅᑲᓇᐃᔭᖅᑎᑦᑎᔨᓂᒃ ᓴᖅᑭᔮᖅᑎᑦᑎᔪᓂᒃ ᐊᖏᖅᓯᒪᓗᑎᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᕐᓗᓂᔾᔪᒃ ᓄᑖᖑᔪᒥ Safe Workplace ᐱᓕᕆᐊᖑᔪᒪᔪᒥ.

ᐃᓚᐅᖃᑕᐅᓂᕐᒥ Safe Workplace ᐱᓕᕆᐊᖑᔪᒥ ᑕᑯᒃᓴᐅᑎᑦᑎᕗᖅ ᓴᓇᔨᖕᓂ, ᓴᓇᔨᕐᔪᐊᓄᑦ, ᐊᒻᒪ ᓄᓇᓕᖕᓄᑦ ᐱᔨᑦᑎᕋᖅᑕᕐᓄᑦ ᐊᑦᑕᓇᔾᔭᐃᖅᓯᒪᓂᖅ ᐃᓕᒃᑯᐊᖑᔪᒥ ᐱᓐᓇᕆᔭᐅᓂᖓᓂ ᑲᑐᔾᔨᖃᒌᔅᓯᓐᓂ. 

ᑕᒪᓐᓇ ᖃᓄᖅ ᑐᑭᖃᖅᐸ ᐃᖅᑲᓇᐃᔭᖅᑎᖁᑎᓕᖕᓄᑦ?

ᐱᒋᐊᕐᓗᓂ ᔮᓐᓄᐊᕆ 2022−ᒥ, ᑕᒪᒃᑭᑦ ᐃᖅᑲᓇᐃᔭᖅᑎᖁᑎᓕᑦ ᐊᑐᐃᓐᓇᖃᕐᓂᐊᖅᐳᑦ ᐱᓕᕆᐊᖑᔪᒥ ᑐᑭᓯᒋᐊᕈᑎᒃᓴᓂᑦ ᐅᕘᓇ ᓄᑖᖑᔪᒥ Safe Workplace ᐱᔨᑦᑎᕋᕐᓂᕐᒥ, ᐊᑐᐃᓐᓇᐅᔪᒥ WSCC Connect−ᒥ. 

ᐱᓂᕐᒧᑦ Safe Workplace ᖃᓄᐃᓕᖓᓂᖓᓂ, ᐃᖅᑲᓇᐃᔭᖅᑎᖁᑎᓖᑦ ᑭᐅᒪᓂᖃᕆᐊᖃᖅᐳᑦ ᑲᑎᙵᓂᐅᔪᓂ ᓈᒻᒪᒋᔭᐅᔪᓂᑦ ᑐᙵᕕᖃᖅᑐᓂ ᒪᓕᒐᖅᑎᒍᑦ ᑲᒪᒋᔭᕆᐊᓕᖕᓂ ᐅᕘᓇ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᕐᓂᒃ, ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᒃ, ᖄᖅᑕᔫᓂᒃ ᐊᑐᕐᓂᕐᒧᑦ ᒪᓕᒐᕐᓂᒃ ᐊᒻᒪᓗ ᐅᔭᕋᖕᓂᐊᕐᕕᖕᓂ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᑦ. ᑕᒪᕐᒥᒃ ᐃᖅᑲᓇᐃᔭᖅᑎᖁᑎᓕᑦ ᓈᒻᒪᒋᔭᐅᔪᓂᑦ ᑭᐅᒪᔪᑦ ᑐᓂᔭᐅᓂᐊᖅᑐᑦ ᐅᓄᖅᑐᓕᐅᖅᑕᐅᔪᓐᓇᖅᑐᓂᒃ ᐃᓕᓴᖅᓯᔾᔪᑎᒥᒃ ᐊᒻᒪᓗ ᖃᕆᑕᐅᔭᒃᑯᑦ ᐃᓕᓴᕆᔭᐅᔾᔪᑎᒥᒃ ᓴᖅᑭᔮᕐᓂᐊᖅᑐᑦ ᐃᖅᑲᓇᐃᔭᕐᕕᖏᓐᓂᑦ ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᐃᒃᑭᐊᖅᑭᕕᖏᓐᓂᑦ ᐊᒻᒪ ᑎᑎᕋᖅᓯᒪᔪᓂ ᓱᓇᒃᑯᑖᓂ. 

Safe Workplace ᐊᒻᒪᓗ Advanced Safe Workplace ᖃᓄᐃᓕᖓᓂᖓᓄᑦ ᓈᒻᒪᒋᔭᐅᔪᓂᑦ:

  1. ᓇᖕᒥᓂᕆᔭᐃᑦ/ᑲᑐᔾᔨᖃᑎᒌᖑᔪᑦ ᐃᖏᕐᕋᔪᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖃᖅᑐᖅ. ᑐᓂᓯᔭᕆᐊᖃᖅᐳᑎᑦ ᐆᒥᖓ ᑐᑭᓯᒋᐊᕈᑎᒃᓴᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑕᐅᔪᓂ ᐱᔭᕇᖅᓯᓇᓱᐊᖅᑎᓪᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ (APR). ᓇᓗᓇᐃᖅᓯᓗᓂ ᑲᓱᖃᑎᖃᕐᓂᕐᓂ ᐃᓄᖕᒧᑦ ᑲᒪᒋᔭᖃᖅᑐᒧᑦ ᐅᓂᒃᑳᓕᐅᕆᕙᒃᑐᒧᑦ ᑮᓇᐅᔭᓕᐊᓄᑦ ᐊᑭᓖᔾᔪᑎᓂᑦ ᑲᑐᔾᔨᖃᑎᒋᖑᔪᓂ ᐸᕐᓇᐃᓂᕐᒧᑦ ᑎᐅᔾᔪᑎᒃᓴᕐᓂᑦ. ᐃᓱᓕᕝᕕᒃᓴᐅᑖ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ (APR) ᕕᕝᕗᐊᕆ 28−ᖑᕗᖅ. ᑐᑭᓯᒋᐊᕈᑎᒃᓴᑎᑦ ᐊᓯᔾᔨᓚᐅᖅᐸᑦ ᐊᕐᕌᒎᑉ−ᕿᑎᖅᐸᓯᐊᓂ? ᐃᓱᒫᓗᙱᓪᓗᑎᑦ! ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᒃᓴᐅᔪᑦ ᓄᑖᙳᕆᐊᖅᑎᑕᐅᔪᓐᓇᖅᐳᑦ ᑲᒻᐸᓂᕆᔭᐃᑦ ᐱᐅᓯᒋᐊᖅᑎᑦᑎᓂᖃᕐᓂᖓᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖑᔪᒧᑦ. 
  2. ᓇᖏᕐᓂᖃᑦᑎᐊᖅᐳᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᐊᑭᓕᒃᓴᓂᒍᓐᓇᖃᕐᕕᖕᓂ ᐊᒻᒪ ᖃᐅᔨᓴᐃᓂᕐᒧᑦ ᐊᑭᓕᐅᑎᐅᔪᓂ.
  3. ᒪᓕᑦᑎᐊᕐᓯᒪᓂᖃᖅᐳᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᑎᑦᑎᑦᑕᐃᓕᒪᓂᕐᒧᑦ ᑐᕌᕆᔭᖏᓐᓂ.
  4. ᔭᒐᐃᓂᕐᒧᑦ ᑮᓇᐅᔭᖅᑖᕋᓱᐊᖅᑐᓄᑦ ᐊᑖᓃᑉᐳᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓄᙱᓐᓂᖅᓴᐅᕗᖅ ᓇᓗᓇᐃᒃᑯᑕᖏᑕ ᑕᐃᒪᐃᒐᔪᖕᓂᖓᓂ. ᓇᓂᔪᓐᓇᖅᐸᐃᑦ ᓇᓗᓇᐃᒃᑯᑕᖏᓐᓂ ᑕᐃᒪᐃᒐᔪᖕᓂᐅᔪᒥ ᐅᕙᓂ.
  5. ᐃᖅᑲᓇᐃᔭᖅᑎᖁᑎᓕᒃ ᐸᓯᔭᒃᓴᙳᖅᑎᑕᐅᔪᖃᙱᑦᑐᖅ ᐊᑐᖅᖢᑎᒃ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᒃ, ᐃᖅᑲᓇᐃᔭᕐᕕᖕᒥᓘᓐᓃᑦ ᐃᓅᔪᓐᓃᖅᑐᖃᓚᐅᕐᓂᖓᓂᒃ ᑕᖅᑭᑦ 12 ᐊᑐᓵᖅᑐᓂᒃ.

Advanced Safe Workplace ᖃᓄᐃᓕᖓᓂᖓᑐᐊᖅ:

  • ᐃᓕᓴᕆᔭᐅᓯᒪᔪᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖃᖅᐳᑎᑦ ᐅᕘᓇ ᐱᖓᔪᖓᓐᓂ−ᐱᓕᕆᖃᑕᐅᔪᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖑᔪᒥ. ᓲᕐᓗ, ᓇᓗᓇᐃᒃᑯᑕᖃᖅᑐᑦ ᐃᓕᓴᕆᔭᐅᓯᒪᔪᓄᑦ (COR) ᐅᕝᕙᓘᓐᓃᑦ ISO 45001.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖁᕕᐊᑉᐳᑦ ᐱᒋᐊᖅᑎᑦᑎᓂᕐᒥ ᐆᒥᖓ ᐱᓕᕆᐊᖑᔪᒥ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᓕᕆᖃᑎᒌᖕᓂᖏᓐᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᕐᕕᖕᓂ. ᖃᐅᔨᒃᑲᓐᓂᕈᒪᒍᕕᑦ, ᑕᑯᒋᐊᕐᓗᒍ Safe Workplace ᐱᓕᕆᐊᖑᔪᒥ ᒪᒃᐱᒐᖓᓂ ᐃᑭᐊᖅᑭᕕᑦᑎᓐᓂ.
ᓄᕙᒡᔪᐊᕐᓇᖅ-19
ᐱᓕᕆᔾᔪᑏᑦ, ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᓴᐅᒪᔾᔪᑏᑦ ᐃᖅᑲᓇᐃᔭᕐᕕᖕᓄᑦ
Face Mask 1
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐋᖅᑭᒃᓯᓚᐅᕐᒪᑕ ᐅᖃᓕᒫᒐᒃᓴᓂᒃ ᐃᖅᑲᓇᐃᔭᖅᑎᓂᒃ ᐃᑲᔪᕈᑎᒃᓴᓂᒃ ᓄᕙᒡᔪᐊᕐᓇᖅ-19-ᒥ ᐊᐅᑦᑐᖅᑕᐅᑦᑕᐃᓕᓂᕐᒥᒃ ᓴᓇᕝᕕᒋᔭᖏᓐᓂᒃ. ᐱᑕᖃᖅᐸᑦ ᐱᓕᕆᔾᔪᑎᓂᒃ ᐱᔪᒥᒋᔭᕐᓂᒃ, ᓇᓂᔪᓐᓇᖅᑕᐃᑦ  ᓄᕙᒡᔪᐊᕐᓇᖅ-19 ᓱᓇᒃᑯᑖᖃᕐᕕᒋᔭᑦᑎᓐᓂᑦ ᖃᕆᑕᐅᔭᒃᑯᑦ.

ᐃᖅᑲᐅᒪᒋᑦ ᐃᖅᑲᓇᐃᔭᖅᑎᑎᑦ ᐃᓚᐅᔭᕆᐊᓖᑦ ᓴᖅᑭᔮᕐᕕᐅᓂᕐᒥᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᓕᐅᖅᑎᓪᓗᑎᑦ ᐃᖅᑲᓇᔭᐃᕐᕕᔅᓯᓐᓂ, ᐊᑏ ᑕᑯᑎᓪᓗᒋᑦ ᑭᓱᑦ ᓱᓇᒃᑯᑖᑦ ᐊᑐᐃᓐᓇᐅᖕᒪᖔᑕ. ᐱᒻᒪᕆᐅᔪᑦ ᐃᖅᑲᓇᐃᔭᖅᑎᑎᑦ ᐃᓚᐅᓗᑎᒃ ᐊᒻᒪᓗ ᐅᔾᔨᕈᓱᒡᓗᑎᒃ.  

ᐊᐱᖅᑯᑎᒃᓴᖃᕈᕕᑦ ᓴᖅᑭᔮᕐᕕᐅᓂᕐᒥᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᓕᐅᕐᓂᐅᑉ ᒥᒃᓵᓄᑦ, ᐅᖃᖃᑎᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᓪᓗᒥ. ᓄᓇᕘᒥᑦ, ᐅᖃᖃᑎᒋᓗᒋᑦ ᖃᕆᑕᐅᔭᒃᑯᑦ Covid-19@wscc.nu.ca, ᐊᒻᒪᓗ ᓄᓇᑦᓯᐊᕐᒥ, ᐅᖃᖃᑎᒋᓗᒋᑦ ᖃᕆᑕᐅᔭᒃᑯᑦ Covid-19@wscc.nt.ca, ᐅᕝᕙᓘᓐᓃᑦ ᐅᖄᓚᓗᑎᑦ 1 (800) 661-0792 ᐅᖃᓪᓚᖃᑎᖃᕈᒪᒍᕕᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᓴᖅᑎᒥᒃ.
ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ 
ᐊᒡᒐᒃᑯᑦ ᐋᓐᓂᕐᓃᑦ
ᐃᑲᔪᖅᑐᒃᓴᓂ ᐊᒥᒐᖅᑐᖃᕆᐊᖃᙱᓚᖅ ᑎᑭᐅᑎᑎᓪᓗᒍ ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓂᕐᒧᑦ, ᑭᓯᐊᓂ ᖃᓄᖅ ᓴᐳᔾᔨᓯᒪᔪᓐᓇᖅᐱᑕ ᐊᒡᒐᓂ ᐅᕙᑦᑎᓐᓂ ᐃᑲᔪᐃᓐᓇᖅᐸᒃᑐᓂ ᖃᐅᑕᒫᒥ?

2021-ᖑᑎᓪᓗᒍ, 19.2% ᓈᒻᒪᒋᔭᐅᓚᐅᖅᑐᑦ ᑕᑕᑎᕆᔪᑦ ᐱᔾᔪᑕᐅᓪᓗᑎᒃ ᐊᒡᒐᒃᑯᒃ ᐋᓐᓂᕐᓂᕐᓄᑦ. ᐊᒑᒧᑦ ᐋᓐᓂᕐᓂᐅᔪᑦ ᐅᕙᙶᓲᖑᕗᑦ ᐊᒥᓱᓂᙶᖅᑐᓂ: ᖁᐊᕐᓂᕐᒧᑦ, ᓴᐅᓂᑦ ᓇᐱᓂᖅ, ᑭᓕᖅᑐᓄᑦ, ᓯᖃᓪᓕᕐᓂᕐᒧᑦ ᐋᓐᓂᕐᓂᐅᔪᓂᑦ, ᑲᐴᒻᒧᑦ ᑲᐱᔭᐅᔪᓄᑦ, ᐊᒥᕐᓗᖕᓂᕐᒧᑦ, ᐊᒻᒪ ᐱᖑᔭᒃᑐᓂ ᐅᕕᓃᑦ ᐃᓚᖏᓐᓂ ᐆᒃᑑᑕᐅᕗᑦ. ᒪᓕᒃᑐᒥ ᐱᓕᕆᐊᒃᓴᐅᔪᒥ ᐱᓕᕆᐊᖑᔪᒥ, ᖃᔅᓯᒐᓚᖕᓂ ᐱᑎᑦᑎᑦᑕᐃᓕᒪᓂᕐᓄᑦ ᐱᓕᕆᔾᔪᑎᑕᖃᖅᐳᖅ ᐊᒻᒪ ᐱᓕᕆᔾᔪᓯᐅᔪᓂ. ᒪᓕᒡᓗᒋᑦ ᐅᑯᐊ ᐱᖓᓱᑦ ᐱᓕᕆᔭᕆᐊᓖᑦ ᓇᓂᓯᓂᕐᒥ ᐱᐅᓂᖅᐹᖑᔪᒥ ᓴᐳᔾᔨᓯᒪᓂᐅᓂᐊᖅᑐᒥ ᐊᒡᒐᖕᓄᑦ. 

ᐊᒡᒐᒃᑯᑦ ᐋᓐᓂᖅᑕᐃᓕᒪᓂᖅ
  1. ᐱᒋᐊᕐᓗᑎᑦ ᓇᓗᓇᐃᖅᓯᓂᕐᒥ ᑕᒪᒃᑭᓂ ᐅᓗᕆᐊᓇᕈᑕᐅᔪᓂ ᐊᒡᒐᒧᑦ ᐋᓐᓂᕈᑕᐅᔪᓐᓇᖅᑐᓄᑦ ᐃᖅᑲᓇᐃᔭᕐᕕᖕᒥ.
  2. ᓇᓗᓇᐃᖅᓯᓗᑎᑦ ᖃᓄᐃᓕᐅᕆᐊᖃᕐᓂᕐᓂ ᐱᑎᑦᑎᑦᑕᐃᓕᒪᓂᕐᒧᑦ ᐅᑯᓂᖓ ᐅᓗᕆᐊᓇᕈᑕᐅᔪᓂ ᑕᐃᒪᐃᓐᓂᖏᓐᓂ. ᓴᐳᔾᔨᔾᔪᑎᐅᔪᓐᓇᖅᐳᑦ ᐱᓕᕆᔾᔪᑎᓂ, ᐱᓕᒻᒪᒃᓴᐃᓂᕐᒥ ᐃᖅᑲᓇᐃᔭᖅᑎᖕᓂ ᐊᑐᕐᓂᕐᒧᑦ ᓴᓇᕐᕈᑎᓂ ᐊᑦᑕᓇᙱᑦᑐᒥ, ᓈᒻᒪᒃᑐᒥ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐃᖅᑲᓇᐃᔮᒧᑦ, ᐊᒻᒪ ᓴᓗᒻᒪᖅᓴᐃᓂᑐᐃᓐᓇᐅᔪᓐᓇᖅᐳᖅ ᕿᒪᐃᑦᑕᐃᓕᓂᕐᒧᑦ ᐱᔭᕆᐊᑐᙱᑦᑐᓂ ᐃᐱᒃᑐᓂ ᑭᓱᑐᐃᓐᓇᕐᓂ ᑭᓇᑐᐃᓐᓇᒧᑦ ᐊᓇᐅᑳᓪᓚᑐᐃᓐᓇᕆᐊᖃᕐᓂᖏᓐᓂ (ᓴᓇᕐᕈᑏᑦ, ᑭᑭᐊᑦ ᑕᒫᓂᕐᕆᔪᓂ ᓴᖅᑭᔮᖅᑐᓂ ᓴᓂᕋᕐᓂ, ᐊᓯᖏᓪᓗ).
  3. ᓴᓇᔨᑎᑦ ᐱᓕᒻᒪᒃᓴᖅᓯᒪᑦᑎᐊᕐᓗᑎᒃ ᐃᓕᓴᖅᓯᔪᓐᓇᖅᓯᓗᑎᒃ ᐅᓗᕆᐊᓇᖅᑐᓂ, ᐊᒻᒪ ᑐᑭᓯᐅᒪᓗᑎᒃ ᖃᓄᖅ ᐋᓐᓂᕈᑕᐅᑦᑕᐃᓕᒪᑎᑦᑎᓂᕐᒧᑦ.

ᐅᐸᒡᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᓴᖅᑭᔮᖅᑐᒥ ᒪᒃᐱᒐᖓᓂ ᖃᐅᔨᒋᐊᒃᑲᓐᓂᕐᓂᕐᒧᑦ ᐊᒻᒪᓗ ᐃᑲᔪᕈᑎᒃᓴᐃᑦ ᐱᑎᑦᑎᑦᑕᐃᓕᒪᓂᕐᒧᑦ ᐊᒡᒐᒧᑦ ᐋᓐᓂᕐᓂᐅᔪᓂᑦ. ᐱᓂᕐᒥ ᐊᒡᒐᒧᑦ ᐋᓐᓂᕐᓂᐅᔪᒥᑦ ᑕᐅᑐᒃᑕᑐᐊᖃᑲᐃᓐᓇᖅᑐᒥ ᖃᐅᔨᓴᕐᓂᕐᒧᑦ ᐃᓗᑦᑐᓕᐅᕈᒻᒥ ᓇᖕᒥᓂᕆᔭᕐᓄᑦ, ᖃᕋᓴᐅᔭᒃᑯᑦ ᑎᑎᕋᕐᕕᒋᑎᒍᑦ ᐅᓪᓗᒥ.
ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ
2022 ᐱᒋᐊᕐᓗᒍ ᓇᓚᐅᑦᑐᒥ ᓇᖏᕐᓂᐅᔪᒥ
2022 ᐅᕙᓃᓕᖅᐳᖅ, ᐊᒻᒪ ᓱᓕ ᖃᔅᓯᒐᓚᖕᓂ ᑕᖅᑭᖃᕐᓂᐊᖅᐳᖅ ᐊᐳᒻᒥ ᐊᒻᒪ ᓯᑯᒥ ᓯᕗᓂᑦᑎᓐᓃᓐᓂᐊᖅᑐᓂ. ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ ᐱᑕᖃᒐᔪᓛᖑᓪᓗᑎᒃ ᐱᑎᑦᑎᓂᐅᕗᑦ ᖃᓄᐃᓐᓂᐅᔪᓄᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒻᒥ, ᑕᐃᒫᒃ ᐱᐅᖏᓐᓇᐅᔭᖅᐳᖅ ᐅᖃᓪᓚᖃᑎᖃᕐᓂᕐᒥ ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᖁᐊᔭᕿᓐᓇᖅᑐᓂ ᖃᓄᐃᓕᖓᓂᐅᔪᓄᑦ. ᐃᖅᑲᐃᑎᑦᑎᓗᓂ ᐃᖅᑲᓇᐃᔭᖅᑎᓂᑦ ᓱᒃᑲᐃᒡᓕᒋᐊᕐᓂᕐᒧᑦ, ᐊᑐᕐᓗᑎᒃ ᓈᒻᒪᒃᑐᓂ ᑲᒫᓗᖕᓂ ᐃᓯᒐᐅᔭᓂᑦ, ᐊᒻᒪ ᓇᐅᑦᑎᖅᓱᑦᑎᐊᕐᓗᑎᒃ ᖁᐊᔭᕿᕝᕕᐅᔪᓐᓴᖅᑐᓂ. 

ᐊᑐᖅᑕᐅᑦᑎᐊᕈᓐᓇᕐᓂᐅᔪᑦ ᐃᖅᑲᓇᐃᔭᖅᑎᑦᑎᔨᓄᑦ

ᓇᓗᓇᐃᖅᓯᓗᑎᑦ ᖁᑦᑎᒃᑐᒥ ᑕᑯᒃᓴᐅᓂᖃᖅᑐᒥ ᓇᓗᓇᐃᒃᑯᑕᓂ ᐃᖅᑲᐃᑎᑦᑎᓂᕐᒧᑦ ᐃᖅᑲᓇᐃᔭᖅᑎᓂᑦ ᖁᐊᐃᑦᑖᕐᓇᕐᓂᖓᓄᑦ ᖃᓄᐃᓕᖓᓂᐅᔪᓂ ᐊᒻᒪ ᓈᒻᒪᒃᑐᓂ ᑲᒫᓗᖕᓂ ᐃᓯᒐᐅᔭᓂ ᐊᑐᕆᐊᖃᕐᓂᖏᓐᓂ.

ᑲᒪᒋᑲᐅᑎᒋᓗᒋᑦ ᖁᐊᔭᕿᓐᓂᐅᔪᓂ ᓇᓂᔭᐅᑐᐊᕌᖓᑕ ᐅᓂᒃᑳᕆᔭᐅᓗᑎᒡᓘᓐᓃᑦ. ᐊᔪᕐᓇᙱᒃᑳᖓᑦ, ᐴᕐᒥ ᓯᐅᕋᕐᒥ ᑐᖅᑯᖅᑕᐅᓯᒪᑦᑎᐊᕐᓗᓂ ᐃᓯᕐᕕᐅᔪᓂ ᐊᒻᒪ ᐊᓂᕕᓂᑦ ᐊᔪᕐᓇᔾᔮᙱᒻᒪᑦ, ᓱᒃᑲᓗᓂ, ᐊᒻᒪ ᐊᑲᐅᓗᓂ ᑲᒪᒋᔭᖃᕐᓂᕐᒧᑦ ᕿᕿᓐᓂᖃᐅᕐᓂᐅᔪᓂ ᓯᑯᓂᒃ. 

ᐋᖅᑭᒃᓯᓗᑎᒃ ᓴᙱᔪᒥᒃ ᐊᑦᑕᕐᓇᖅᑕᐃᓕᓂᕐᒧᑦ ᐃᓕᖅᑯᓯᕐᒥᒃ ᐃᖅᑲᓇᐃᔭᕐᕕᖕᓂᑦ. ᑐᑭᓯᐅᒪᑦᑎᐊᕐᓗᑎᑦ ᓴᓇᔨᐅᔪᒥ ᑭᖑᕙᒐᓛᖕᓂᐊᕐᓂᖓᓂ ᐱᔾᔪᑎᖃᖅᑐᒥ ᖁᐊᔭᕿᓐᓂᐅᔪᓄᑦ ᖃᓄᐃᓕᖓᓂᐅᔪᓄᑦ, ᐊᔭᐅᕆᓗᑎᑦ ᐃᖅᑲᓇᐃᔭᖅᑎᓂᑦ ᐃᓚᐅᖃᑕᐅᓂᖏᓐᓂ ᓴᓇᓂᕐᒧᑦ ᐊᑦᑕᓇᔾᔭᐃᖅᓯᒪᓂᖅᓴᐅᔪᒥ ᐃᖅᑲᓇᐃᔭᕐᕕᖕᒥ ᓇᓗᓇᐃᖅᓯᓂᕐᒥ ᐊᒻᒪ ᐸᖅᑭᓂᕐᒥ ᖁᐊᔭᕿᓐᓂᐅᔪᓂ ᕿᓚᒻᒥᐅᔪᒥ (ᐊᑦᑕᓇᙱᒃᑯᓂ ᑕᐃᒪᐃᑦᑕᕆᐊᒃᓴᖅ), ᐊᒻᒪ ᐃᓕᓴᖅᓯᓂᕐᒥ ᓴᓇᔨᐅᔪᓂ ᐊᒃᓱᕈᐃᓐᓇᐅᔭᖅᑐᓂ ᐊᑦᑕᓇᙱᓐᓂᖅᓴᐅᔪᓂ ᓂᕈᐊᕐᓂᖃᖅᐸᒃᑐᓂ.
ᐊᕐᕌᒍᑕᒫᑦ ᐊᑭᓖᔾᔪᑎᓄᑦ ᐅᓂᒃᑳᑦ 
ᑐᓂᓯᓂᐅᔪᓂ ᒪᑐᐃᖓᕗᑦ WSCC Connect−ᑯᑦ

ᐱᒋᐊᕈᓐᓇᖅᐳᑎᑦ ᑐᓂᓯᓂᕐᒥ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ (APR) ᐅᕘᓇ WSCC Connect. ᐃᓱᓕᕝᕕᒃᓴᖓ ᕕᕝᕗᐊᕆ 28, 2022. ᐃᖅᑲᐅᒪᓂᐊᖅᐳᑎᑦ, ᑐᓂᓯᒋᐊᖃᖅᑐᑎᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.

ᑕᑯᒍᒃ ᑎᑎᕋᖅᑕᐅᓂᑯᒥ ᖁᓛᓂ Safe Workplace ᐱᓕᕆᐊᖑᔪᒥ ᓇᓂᓯᓂᕐᒧᑦ ᐱᒻᒪᕆᐅᔪᓂ ᑐᑭᓯᒋᐊᕈᑎᒃᓴᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐊᐱᖅᑯᑕᐅᔪᓂ ᓴᖅᑭᑦᑐᓂ ᐃᓚᖓ 4−ᒥ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ (APR).

ᑕᒫᓃᑦᑐᒍ ᐃᑲᔪᕈᒪᓪᓗᑕ! ᐃᑲᔪᖅᓯᖅᑕᐅᔭᕆᐊᖃᕈᕕᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ (APR) ᑐᓂᓯᓂᐅᔪᓂ, ᐅᐸᒡᓗᒍ WSCC Connect ᐃᑲᔪᖅᑕᐅᓂᕐᒧᑦ ᒪᒃᐱᒐᖓᓐᓂ, ᐅᕝᕙᓘᓐᓃᑦ ᖃᐅᔨᒋᐊᕐᕕᒋᓗᒍ ᐃᖅᑲᓇᐃᔭᖅᑎᖁᑎᓕᖕᒧᑦ ᐱᔨᑦᑎᕋᕐᓂᕐᒧᑦ ᐃᓚᒋᔭᐅᔪᒥ ᓄᓇᕗᒻᒥ ᐅᕙᓂ:

ᐊᓯᔾᔨᕐᓂᐅᔪᑦ ᖃᔨᐃᓴᕐᓂᕐᒧᑦ ᐊᑭᓕᐅᑎᓄᑦ ᐊᑭᓕᖅᑕᐅᔭᕆᐊᖃᕐᓂᖓᓂ ᐅᓪᓗᖏᑦ
ᐱᒋᐊᕐᓗᓂ 2022−ᒥ, ᖃᐅᔨᓴᕐᓂᕐᒧᑦ ᐊᑭᓕᐅᑎᑦ ᐊᑭᓕᖅᑕᐅᔭᕆᐊᖃᖅᐳᑦ ᐅᓪᓗᕐᒥ ᐊᑕᐅᓯᕐᒥ ᓯᕗᓂᐊᓂ ᑕᐃᔅᓱᒥᖓᐅᓚᐅᖅᑐᓂ ᐊᕐᕌᒎᔪᓂ. ᐊᕕᒃᑐᖅᓯᒪᓂᐅᔪᓂ ᓇᓕᒧᑦᑐᓂ ᐊᑭᓖᖃᑦᑕᕈᕕᑦ ᐊᒻᒪᓗ ᐊᑭᓖᕙᒡᓗᑎᑦ ᐊᖏᖅᑕᐅᓯᒪᕙᒌᖅᑐᒥ ᐊᑭᓕᒃᓴᓂᒍᒻᒪᐅᑎᒧᑦ ᐊᐅᒃᑕᔫᒧᑦ ᐅᕝᕙᓘᓐᓃᑦ ᑭᖑᓂᐊᒍᑦ−ᐅᓪᓗᓕᖅᓯᒪᔪᓂ ᓯᒃᑭᓂ, ᕿᒥᕐᕈᒍᒃ ᐊᑭᓖᓪᔪᑎᖕᓂ ᐱᓕᕆᔾᔪᓯᖓᓐᓂ ᓇᓗᓇᐃᖅᓯᓂᕐᒧᑦ ᒫᓐᓇᒨᒐᓗᐊᖅᓯᒪᓂᖓᓂ. ᐊᑭᓖᓂᐅᔪᑦ ᐅᕘᓈᖅᑎᑕᐅᔪᓐᓇᖅᑐᑦ WSCC Connect.

ᖃᐅᔨᓴᐃᓂᕐᒧᑦ ᐊᑭᓕᐅᑎᑦ ᐊᑭᓕᕐᕕᒃᓴᖓᑦ ᐱᒋᐊᕐᓂᐊᖅᑐᒥ 2022−ᒥ:

  • ᒫᔾᔨ 31 (ᓯᕗᓂᐊᓂ ᐊᐃᕐᕆᓕ 1)
  • ᒪᐃ 31 (ᓯᕗᓂᐊᓂ ᔫᓂ 1)
  • ᔪᓚᐃ 31 (ᓯᕗᓂᐊᓂ ᐋᒡᒌᓯ 1)
  • ᓯᑎᐱᕆ 30 (ᓯᕗᓂᐊᓂ ᐅᑐᐱᕆ 1)

ᖃᐅᔨᒋᐊᒃᑲᓐᓂᕐᓄᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᖃᐅᔨᓴᕐᓂᐅᔪᓂᑦ, ᑕᑯᒍᒃ ᐊᑐᐊᒐᖅ 02.01: ᐃᖅᑲᓇᐃᔭᖅᑎᖁᑎᓕᖕᓄᑦ ᖃᐅᔨᓴᕐᓂᐅᔪᓂᑦ ᐊᑐᐃᓐᓇᐅᕗᑦ ᐅᕙᓂ wscc.nt.ca ᐅᕝᕙᓘᓐᓃᑦ wscc.nu.ca.
ᐃᖅᑲᐃᑎᑦᑎᔾᔪᑦ: ᐋᓐᓂᖅᑐᓕᕆᓂᕐᒧᑦ ᐱᖁᔭᐃᑦ ᐊᓯᔾᔨᖅᑕᐅᔪᑦ
ᓄᓇᑦᓯᐊᒥ ᐃᖅᑲᓇᐃᔭᖅᑐᖁᑎᓖᑦ ᒪᓕᑦᑎᐊᕐᓯᒪᓪᓗᐊᓕᖅᐳᑦ ᓄᑖᙳᕆᐊᖅᓯᒪᔪᒥ ᐋᓐᓂᖅᑐᓕᕆᓂᕐᒧᑦ ᒪᓕᒐᖓᓐᓂ ᒪᓕᒋᐊᓖᑦ ᐊᑐᓕᓚᐅᖅᑐᓂ ᔮᓐᓄᐊᕆ 1, 2021−ᒥ. ᒪᓕᒐᐅᔪᓂ ᐊᓯᔾᔨᕈᑎᑦ ᐊᒃᑐᐃᔪᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᒪᓕᒃᑕᐅᔭᕆᐊᓖᑦ, ᐃᓚᖓ 5 − ᐋᓐᓂᖅᑐᓕᕆᓂᖅ. 

ᓄᓇᕗᒻᒥ ᐃᖅᑲᓇᐃᔭᖅᑎᖁᑎᓖᑦ ᕕᕝᕗᐊᕆ 12, 2022−ᖑᕋᓱᖕᓂᖓᓂ ᑭᐅᓂᖃᕆᐊᖃᖅᐳᑦ ᓄᑖᙳᕆᐊᖅᓯᕝᑎᑕᐅᓯᒪᔪᒥ ᒪᓕᒐᑎᒍᑦ ᐱᔭᐅᔭᕆᐊᖃᖅᐸᒃᑐᑦ ᐱᔭᕆᐊᓕᖕᓂ. 

ᖃᐅᔨᒃᑲᓐᓂᕈᒪᒍᕕᑦ ᑕᑯᒋᐊᕐᓗᒍ ᐋᓐᓂᖅᑐᓕᕆᓂᕐᒧᑦ ᒪᒃᐱᒐᖅ ᖃᕋᓴᐅᔭᒃᑯᑦ ᐃᑭᐊᖅᑭᕕᖓᓂ.
Workers' Safety and Compensation Commission of the Northwest Territories and Nunavut,
5022 49th Street, 5th Floor, Centre Square Tower, Box 8888, Yellowknife, NT X1A 2R3 Canada