ᐊᐃᕐᕆᓕ 2023

ᐱᓕᕆᑦᑎᐋᖏᓪᓗᓂ ᑭᓱᖁᑎᓂᒃ ᐱᓕᕆᓃᑦ ᕿᑎᕐᒧᑦ ᐋᓐᓂᕈᑕᐅᓪᓗᐋᑕᓱᖑᖕᒪᑕ. ᐊᕐᕌᒍᑕᒪᑦ, ᐅᖓᑖᓂᓱᖑᖕᒪᑕ 12 ᐳᓴᓐᑎᖏᓐᓃᑕ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐋᓐᓂᖅᑐᓄᑦ ᐊᑭᓕᖅᑕᐅᔪᒪᔾᔪᑎᑦ ᓴᖅᑭᑎᑕᐅᓪᓗᑎᒃ ᐱᓕᕆᑦᑎᐋᖏᑦᑐᓄᑦ ᐱᓕᕆᓪᓗᑎᒃ ᑭᓱᖁᑎᓕᕆᓂᕐᒥ.

ᐃᑲᔪᖅᑕᐅᖁᓪᓗᒋᑦ ᐋᓐᓂᖅᑐᖃᒃᑕᐃᓕᒪᑎᑦᑎᓇᓱᐋᕐᓗᓂ, ᒪᓕᓚᐅᒃᑭᑦ ᒪᑯᐊ ᐱᓕᕆᕙᓪᓕᐋᓂᑦ ᑭᕕᒃᓯᓇᓱᐋᖅᑎᓪᓗᑎᑦ, ᐊᒡᔭᖅᓯᑎᓪᓗᑎᑦ, ᐊᔭᐅᖅᓯᑎᓪᓗᑎᑦ, ᐊᕝᕙᓗᓂᑦ ᐅᓂᐋᖅᓯᑎᓪᓗᑎᒃ ᑭᓱᖁᑎᓂᒃ ᐅᕝᕙᓗᓂᑦ ᐅᖁᒪᐃᑦᑐᓕᕆᑎᓪᓗᑎᑦ:

• ᖃᐅᔨᓴᖅᐸᒡᓗᒋᑦ ᖃᓄᑎᒋ ᐅᖁᒪᐃᑎᒋᖕᒪᖔᑕ ᑭᓱᖁᑎᑦ ᐅᕝᕙᓗᓂᑦ ᐅᖁᒪᐃᑦᑐᑦ ᓯᕗᓂᖓᒍᑦ ᓅᑎᓐᓇᓱᒋᐊᓚᐅᖏᓐᓂᕐᓂ ᑖᓐᓇ. 
• ᐃᓱᒪᓕᐅᕐᓗᑎᑦ ᐃᑲᔪᖅᑕᐅᔭᕆᐋᖃᕐᓂᐋᕐᒪᖔᖅᐱᑦ ᓅᑎᓇᓱᐋᕐᓗᒍ ᑖᓐᓇ, ᑕᐃᒪᓕ ᒥᑭᔫᑕᐃᓂᖅᓴᐅᓕᖅᑎᑦᑐᓐᓇᑐᐋᕈᕕᐅᒃ ᐅᖁᒪᐃᑦᑐᖅ ᖃᔅᓰᓐᓇᐅᒐᓗᐋᕐᓗᑎᒃ ᐊᔪᕐᓇᖏᓐᓂᖅᓴᐅᓕᖅᑎᓪᓗᒍ, ᐅᕝᕙᓗᓂᑦ ᐱᔭᕆᐋᖃᕈᕕᑦ ᐱᓕᕆᔾᔪᑎᒥᒃ ᐊᑦᑕᕐᓇᖏᑦᑐᒃᑯᑦ ᓅᓐᓂᐋᓕᕐᓗᒍ ᐅᖁᒪᐃᑦᑐᖅ.
• ᖃᐅᔨᓴᕐᓗᒍ ᐊᖅᑯᑎᒋᓂᐋᖅᑕᐃᑦ ᖃᓄᑎᒋ ᐅᖓᓯᒃᑎᒋᔪᒨᕆᐊᖃᕐᒪᖔᖅᐱᑦ ᐊᒡᔭᕐᓂᐋᕐᓗᒍ ᐅᕝᕙᓗᓂᑦ ᓅᓐᓂᐋᕐᓗᒍ ᐅᖁᒪᐃᑦᑐᖅ.
• ᑕᐃᒪᓕ ᓅᑦᑐᓐᓇᕈᕕᐅᒃ ᐃᑲᔪᖅᑕᐅᖏᒃᑲᓗᐋᕐᓗᑎᑦ, ᖃᐅᔨᒪᑦᑎᐋᕆᐋᕆᑦ ᓇᔪᒻᒥᑦᑎᐋᕈᓐᓇᕋᓗᐋᕐᒪᖔᖅᐱᐅᒃ ᑭᓱᖁᑎ ᐊᑲᐅᓗᓂ ᐊᒻᒪᓗ ᐊᒃᑐᐋᑦᑎᐋᕐᓗᓂ ᑎᒥᖕᓄᑦ ᐊᔪᕐᓇᖏᓐᓂᓕᒫᖓᓄᑦ. 
• ᖃᐅᔨᒋᐋᕐᓗᑎᑦ ᑭᕕᒋᐋᖃᕐᓂᐋᕐᒪᖔᖅᐱᐅᒃ ᑭᓱᖁᑎ ᐅᕝᕙᓗᓂᑦ ᐅᖁᒪᐃᑦᑐᖅ ᑕᑉᐸᐅᖓ ᐃᓕᔾᔨᕕᖕᒧᑦ ᐅᕝᕙᓗᓂᑦ ᑕᐅᓇᖓ ᐊᑦᑎᖕᓂᖅᓴᒧᑦ ᖄᖓᓅᕋᓱᐋᕐᓗᒍ ᓅᑎᓐᓇᓱᐋᖅᐃᑦ ᑖᓐᓇ.
• ᑕᐃᒪᓕ ᐃᖅᑲᓇᐃᔮᑦ ᐱᖃᓯᐅᔾᔨᒃᐸᑦ ᑭᕕᒃᓯᖃᑦᑕᐃᓐᓇᕆᐋᖃᓪᓗᑎᑦ ᐊᒻᒪᓗ ᐊᒡᔭᖅᓯᖃᑦᑕᐃᓐᓇᕆᐋᖃᕐᓗᑎᑦ ᖃᐅᑕᒫᑦ, ᐅᖃᓪᓚᖃᑎᒋᓚᐅᕈᒃ ᖃᐅᔨᒪᒋᐋᖅᓯᔨᒋᔭᐃᑦ ᑕᒪᑐᒥᖓ ᐊᑦᑕᕐᓇᖅᑕᐅᓕᒪᓂᕐᒥᑦ.

ᐅᖃᖃᑎᒌᒍᑎᒋᓗᒋᑦ ᑕᒪᒃᑯᐊ ᐱᓕᕆᓂᕆᕙᒃᑕᑎᑦ ᐃᕝᕕᒃ ᖃᐅᔨᒪᒋᐋᖅᓯᔨᒋᔭᖓᓄᑦ ᖃᐅᔨᓇᓱᐋᕐᓗᓯᒃ ᐱᔭᕆᐋᖃᕐᒪᖔᖅᐱᑦ ᖃᓄᐃᑦᑐᑐᐃᓐᓇᕐᓂᒃ ᐊᑦᑕᕐᓇᖅᑕᐃᓕᒪᓗᑎᑦ ᑭᕕᒃᓯᖃᑦᑕᖅᑎᓪᓗᑎᑦ ᐱᓕᕆᔾᔪᓯᕐᓂᒃ, ᐱᓕᕆᔾᔪᑎᓂᒃ ᐅᕝᕙᓗᓂᑦ ᐊᐅᓚᐅᑎᓕᖕᒥᒃ ᐃᑲᔪᖅᑕᐅᔾᔪᑎᖃᕆᐋᖃᕐᒪᖔᖅᐱᑦ ᑭᕕᒃᓯᖃᑦᑕᖅᑎᓪᓗᑎᑦ, ᐱᑐᐃᓐᓇᐅᖏᑦᑐᒥᒃ ᐃᖅᑲᓇᐃᔭᖅᐸᓪᓕᐋᑎᓪᓗᑎᑦ ᐸᕐᓇᒍᑎᒥᒃ, ᐅᕝᕙᓗᓂᑦ ᖃᔅᓰᖅᓱᕐᓗᑎᑦ ᑕᖃᐃᖅᓯᖃᑦᑕᕆᐋᖃᕐᓂᐋᕐᒪᖔᖅᐱᑦ ᐊᑯᓐᓂᖏᓐᓂ ᑭᕕᒃᓯᖃᑦᑕᖅᑎᓪᓗᑎᑦ. 

ᑕᐃᒪᓕ ᐅᖁᒪᐃᑦᑐᓕᕆᖃᑦᑕᕈᕕᑦ ᐱᓕᕆᐋᕆᓐᓇᑉᐸᓪᓗᒋᑦ, ᐃᓱᒪᒃᓴᖅᓯᐅᕈᑎᖃᕆᐋᖃᒃᑐᑎᑦ ᐊᑐᕐᓂᐋᓕᕐᓗᒋᑦ WorkSafe ᕗᑎᔅ ᑲᒪᒻᐱᐊᑉ ᖃᕋᑕᐅᔭᒃᑯᑦ ᖃᐅᔨᓴᖅᓯᒡᔪᑎᖓᓂᒃ ᐃᓱᒪᓕᐅᕈᑎᖃᕐᓂᐋᕐᓗᑎᑦ ᐅᖁᒪᐃᓂᖏᓐᓂᒃ ᐃᒪᓐᓇᐃᑕᐅᔪᓐᓇᕐᓂᖏᓐᓂᑦ ᖁᕝᕙᓯᒃᑐᒨᖅᑕᐅᓗᓂ/ᐊᒃᐸᓯᒃᑐᒨᖅᑕᐅᓗᓂ ᐅᕝᕙᓗᓂᑦ ᐊᔭᐅᕐᓗᒍ/ᐅᓂᐋᕐᓗᒍ/ᐊᒡᔭᕐᓗᒍ. 

ᖃᐅᔨᒃᑲᓐᓂᖁᓪᓗᑎᒃ ᑕᒪᒃᑯᓂᖓ ᐱᓕᕆᑦᑎᐋᕈᓐᓇᕐᓂᖅᓯᐅᕆᓂᐅᔪᓂᒃ ᑭᓱᖁᑎᓂᒃ ᐱᓕᕆᑎᓪᓗᑎᑦ, ᐊᐱᖅᓱᓚᐅᒃᑭᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᑭᓯᔭᐅᑎᑕᐅᓇᓱᐋᖅᑐᓂᒃ.

ᐊᕐᕌᒍᑕᒫᑦ, ᐊᐃᕐᕆᓕ 28-ᒥ ᐅᓪᓗᖓ ᕿᔅᓵᓂᕐᒧᑦ ᐅᐱᒋᔭᖃᖅᐳᖅ ᑕᒪᒃᓂ ᓴᓇᔨᐅᔪᓂ ᐊᓯᐅᔨᓚᐅᖅᑐᓂ ᐃᓅᓯᖓᓐᓂ ᐱᑎᑕᐅᓂᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᕐᓂᐅᔪᓂᑦ ᐅᕝᕙᓘᓐᓃᑦ ᐋᓐᓂᐊᕐᓇᒥᒃ.

ᑲᑎᙵᓗᑕ, ᐃᖅᑲᐅᒪᕗᒍᑦ ᐊᒻᒪ ᐊᖏᖅᓯᒪᕗᒍᑦ ᐃᖅᑲᓇᐃᔭᕐᕕᖕᒥ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᓄᖅᑲᖅᑎᑦᑎᓂᕐᒥ ᐱᓂᕐᓗᒡᔪᐊᕐᓂᐅᒃᑲᓐᓂᖅᑐᓂ. ᐊᑕᐅᓯᖅ ᐃᓅᓯᖅ ᐊᓯᐅᔪᖅ ᐊᒥᓲᓗᐊᖅᐳᖅ.

ᐃᖅᑲᓇᐃᔭᖅᑎᖁᑎᓕᑦ ᑕᑯᒃᓴᐅᑎᑦᑎᔪᓐᓇᖅᐳᑦ ᐃᑲᔪᖅᓱᐃᓂᖓᓂ ᐊᒻᒪᓗ ᐊᖏᖅᓯᒪᓂᖏᓐᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᕐᕕᖕᒥ ᓇᓗᓇᐃᖅᓯᓂᕐᒥ ᐅᓪᓗᖓ ᕿᔅᓵᓂᕐᒧᑦ ᐅᕙᓕ ᐊᐃᕐᕆᓕ 28−ᖑᔪᒥ.

ᓄᓇᑦᑎᐊᕐᒥᑦ ᐃᖅᑲᓇᐃᔮᒧᑦ ᓴᖅᑭᔮᖅᑎᑦᑎᓂᐊᕐᒪᑕ ᑭᒃᑯᑐᐃᓐᓇᕐᓄᑦ ᐃᓕᓴᕆᔭᐅᓂᖃᕐᓗᑎᑦ ᐃᖅᑲᐅᒪᓗᒋᑦ ᐊᒻᒪ ᐃᓅᔪᓐᓃᖅᑐᕕᓃᑦ ᐃᖅᑲᓇᐃᔭᖅᑎᑦ. ᐃᓕᓴᕆᔭᐅᓂᕆᓂᐊᖅᑕᖓᑦ ᒪᓕᒐᓕᐅᕐᕕᖕᒥᑦ ᔭᓗᓇᐃᒥᑦ ᐊᒻᒪ ᐃᖃᓗᖕᓂᑦ ᐅᓪᓗᑐᐃᓐᓇᐅᓕᖅᐸᑦ, ᐄᑉᐳ 28−ᒥᑦ ᐅᓐᓄᓴᒃᑯᑦ. ᑭᒃᑯᓕᒫᑦ ᐅᐸᒍᓐᓇᖅᑐᑦ ᑐᙵᓱᒃᑎᑕᐅᕗᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᑲᔪᖏᖅᓴᐃᖕᒪᑕ ᐃᖅᑲᓇᐃᔭᖅᑎᑦᑎᔨᐅᔪᓂᒃ ᐊᑐᖃᑦᑕᖁᓪᓗᒋᑦ ᐊᑦᑕᕐᓇᖅᑕᐃᓕᒪᓂᕐᒥᑦ ᐊᒻᒪᓗ ᐋᓐᓂᐊᖃᒃᑕᐃᓕᒪᓂᕐᒥᑦ ᐱᕕᖃᑎᑦᑎᔾᔪᑎᓂᒃ ᐅᖃᓚᐅᑎᖃᕐᓂᕐᒥᑦ ᑕᒪᑐᒥᖓ ᐊᑦᑕᕐᓇᖅᑕᐅᓕᒪᓂᕐᒥᑦ, ᐱᓕᕆᐋᖃᓪᓗᐋᑕᕐᓗᓂ ᐋᓐᓂᖅᑕᐃᓕᒪᓂᕐᒥᑦ ᐊᒻᒪᓗ ᖃᓂᒪᖃᒃᑕᐃᓕᒪᓂᕐᒥᑦ ᐃᖅᑲᓇᐃᔭᕐᕕᖕᒥ, ᐊᒻᒪᓗ ᕿᒥᕐᕈᖁᓪᓗᑎᑦ ᐃᖅᑲᓇᐃᔭᕐᓂᕐᒥ ᐋᓐᓂᐊᖃᒃᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ (OHS) ᐸᕐᓇᒍᑎᓂᒃ. ᒪᔾᔭ ᒪᑯᐊ ᐃᓚᖏᑦ ᐃᓱᒪᒋᔭᐅᔪᓐᓇᖅᑐᑦ ᖃᓄᖅ ᖃᐅᔨᒪᒋᐋᖅᓯᔪᓐᓇᕐᒪᖔᑦᓯ ᐱᓇᓱᐋᕈᓯᕐᒥᒃ ᐃᓕᔅᓯ ᐃᖅᑲᓇᐃᔭᕕᒋᔭᖓᓂ:

• ᑐᒃᓯᕋᕐᓗᑎᑦ ᐳᓚᕋᖅᑕᐅᓂᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᖅᑎᓪᓚᕆᐅᔪᒥ. ᐃᑭᐋᕿᕕᖓᓅᓚᐅᕆᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᑦᑕᕐᓇᖅᑕᐃᓕᒪᓂᕐᒥ ᐃᖅᑲᓇᐃᔭᖅᑎᓚᕆᐅᓂᕐᒧᑦ ᑕᒪᑐᒪᓂ ᐊᕐᕌᒍᒥ ᐱᖃᓯᐅᔾᔨᖕᒪᑕ ᕿᒥᕐᕈᓂᕐᒥᒃ ᐱᐅᔪᒥᒃ ᐊᑭᑐᓗᐋᖏᑦᑐᒥᒃ ᐱᓕᕆᔾᔪᓯᕐᓂᑦ ᕿᑎᕐᒨᖓᔪᓂᒃ ᐋᓐᓂᐋᖃᒃᑕᐅᓕᒪᓂᕐᒧᑦ. ᑐᒃᓯᕋᐅᑎ ᖃᐅᔨᒋᐋᖅᑕᐅᖁᓪᓗᒍ, ᐅᖄᓚᓗᑎᑦ 1-800-661-0792 ᓄᓇᑦᓯᐋᕐᒥ ᐅᕝᕙᓗᓂᑦ 1-877-404-4407 ᓄᓇᕗᕐᒦᑦᑐᒧᑦ, ᐅᕝᕙᓗᓂᑦ ᐃᕐᖐᓐᓇᖅᑕᕈᑎᒃᑰᖅᑎᑦᑎᓗᑎᑦ ᐅᕙᑦᑎᓐᓄᑦ.
• ᑲᒪᒋᔭᖃᕐᓗᑎᑦ ᖃᐅᑕᒫᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᓂᐅᔪᒥ ᐃᖅᑲᓇᐃᔭᖅᑎᓄᑦ. ᓂᕈᐋᖅᓯᒋᑦ ᐊᑑᑎᖃᑦᑎᐋᖅᑐᒥᒃ ᐊᒻᒪᓗ ᐱᒻᒪᕆᐅᓗᓂ ᐱᔪᒪᔭᑦᓯᓐᓂᑦ ᐃᓕᔅᓯ ᐃᖅᑲᓇᐃᔭᕐᕕᖓᓄᑦ, ᐊᒻᒪᓗ ᐃᖅᑲᓇᐃᔭᖅᑎᑦ ᐱᒋᐋᕐᕕᒃᓴᖃᓕᖅᑎᓪᓗᒋᑦ ᓯᕗᓕᖅᓯᓗᑎᒃ ᐃᓱᒪᓕᐅᕈᑎᒋᔭᐅᔪᒥᒃ. ᓇᓂᓚᐅᒃᑭᑦ ᑐᑭᓯᓇᖅᓯᑦᑎᑦᑎᔾᔪᑏᑦ ᐊᑦᑕᕐᓇᖅᑕᐅᓕᒪᓂᕐᒧᑦ ᐅᖃᓚᖕᓃᑦ ᐅᖃᐅᓚᐅᑎᒋᔭᐅᔪᑦ ᐅᕙᒍᑦ ᐃᑭᐋᕿᕕᑦᑎᓐᓂ.
• ᐃᒪᓐᓇᐅᓕᖅᑎᓚᐅᓯᐅᒃ ᐃᖅᑲᓇᐃᔭᕕᖕᒥ ᐊᑦᑕᕐᓇᖅᑕᐅᓕᒪᓂᖅ ᐱᓕᕆᓕᖅᑎᓪᓗᓯᐅᒃ ᐊᒻᒪᓗ ᑐᓴᐅᒪᓕᖅᑎᑦᑎᔾᔪᑎᒋᓗᓯᐅᒃ! ᐋᖅᑭᒃᓱᐃᓗᑎᑦ ᖃᐅᑕᒫᒥ ᖃᐅᔨᓴᕈᑕᐅᔪᒥ ᐅᕝᕙᓘᓐᓃᑦ ᐱᓇᓱᐊᕈᓯᑕᒫᒥ ᐱᙴᒥ ᐱᓕᕆᓂᖃᖅᑐᒥ ᐱᓪᓚᕆᐅᔪᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᑭᓯᒋᐊᕈᑎᒃᓴᓄᑦ ᐃᖅᑲᓇᐃᔭᕐᕕᖕᓂᑦ (ᑐᐊᕕᕐᓇᖅᑐᓂ ᐸᕐᓇᒍᑎᓂᒃ, ᐊᑦᑕᓇᔾᔭᐃᖅᓯᒪᓂᕐᒧᑦ ᐊᑐᐊᒐᓂᑦ, ᐊᒻᒪᓗ ᓴᓇᔨᕐᔪᐊᓄᑦ ᐅᕝᕙᓘᓐᓃᑦ ᐃᖅᑲᓇᐃᔮᒧᑦ−ᑐᕌᖓᔪᒥ ᐅᖃᐅᓯᒃᓴᓂ ᐱᒻᒪᕆᐅᔪᓄᑦ ᐃᖅᑲᓇᐃᔭᖅᑎᓄᑦ). 

ᐊᖏᖅᓯᒪᓃᑦ ᓴᖅᑭᔮᖁᓪᓗᒍ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᓴᖃᑎᒌᒍᑎᖃᕆᑦ ᖃᓄᖅ ᖁᕕᐊᓲᑎᖃᕐᓂᐊᕐᒪᖔᖅᐱᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᕐᒥᒃ-ᒥᒃ ᒪᑯᑎᒎᓇᖅ Facebook ᐊᒻᒪᓗ Twitter ᐊᒻᒪ ᓇᓗᓇᐃᕆᓗᓂ @WSCCNTNU! 

ᓇᓪᓕᑐᐃᓐᓇᖏᑦ ᐃᖅᑲᓇᐃᔭᖅᑎᑦ ᑐᖔᓂ 25−ᓂᒃ ᐊᕐᕌᒍᓕᑦ ᐅᑭᐅᖃᕐᓗᑎᒃ ᐃᓱᒪᒋᔭᐅᕗᑦ “ᒪᒃᑯᒃᑐᑦ ᐃᖅᑲᓇᐃᔭᖅᑎᑦ”. 

ᑕᐃᒪᓐᓇᑦᑕᐅᖅ ᐊᓯᖏᑎᑐᑦ ᐃᖅᑲᓇᐃᔭᖅᑎᐅᔪᑎᑐᑦ, ᐱᓂᕐᓗᒃᑕᐅᔪᓐᓇᕐᒥᖕᒪᑕ ᐃᖅᑲᓇᐃᔭᕐᕕᖕᒥ ᐱᓂᕐᓗᒡᓗᑎᒃ. ᐊᕐᕌᒍᑕᒫᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᓲᖑᖕᒪᑕ ᑎᑭᐅᒪᔪᓂᒃ ᐊᒥᓲᓂᖅᓴᓄᑦ 400 ᐊᑭᓕᖅᑕᐅᔪᒪᔾᔪᑎᓂᒃ ᐋᓐᓂᖅᑐᓄᑦ ᒪᒃᑯᒃᑐᑦ ᐃᖅᑲᓇᐃᔭᖅᑎᓄᑦ. ᐱᒃᓯᒡᕕᐅᓪᓗᑎᒃ ᑭᓱᑐᐃᓐᓇᕐᓄᑦ, ᐱᓕᕆᔪᒪᓗᐋᕐᓂᑯᒧᑦ, ᐊᒻᒪᓗ ᐅᕐᕈᓃᑦ ᐱᓂᕐᓗᒍᑕᐅᓗᐋᙳᐋᓱᖑᖕᒪᑕ ᐱᓂᕐᓗᒃᑐᓄᑦ ᑕᐃᒪᐃᓕᔾᔪᑎᒋᔭᐅᓪᓗᑎᒃ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ. ᒪᒃᑯᒃᑐᓄᑦ ᐃᖅᑲᓇᐃᔭᖅᑎᐅᔪᑦ ᐊᒡᒐᖏᑦ, ᑎᒃᑯᖅᑐᖏᑦ, ᐊᒻᒪᓗ ᕿᑎᖏᑦ ᑕᒪᒃᑯᐊ ᑎᒥᖏᑕ ᐃᓚᖏᑦ ᐱᓂᕐᓗᒃᑕᓗᐋᙳᐊᓱᖑᖕᒪᑕ ᐃᓘᓐᓇᑲᓴᖏᓐᓂ ᐋᖅᓂᕐᓂᐅᔪᓄᑦ.

ᑕᒪᒃᑯᐊ ᐊᑐᖅᑕᐅᓱᑦ ᑕᑯᒃᓴᐅᑎᑦᑎᖕᒪᑕ ᑕᐃᒃᑯᐊ ᒪᒃᑯᒃᑐᑦ ᐃᖅᑲᓇᐃᔭᖅᑏᑦ ᐱᔭᕆᐋᖃᕐᓂᖏᓐᓂᑦ ᐃᖅᑲᓇᐃᔭᕕᒋᔭᐅᔪᒧᑦ−ᑐᕌᖓᔪᓂᒃ ᐋᓐᓂᐋᖃᒃᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐅᓕᒪᓂᕐᒧᑦ ᐊᔪᕈᓐᓃᖅᓴᑎᑕᐅᔾᔪᑎᓂᒃ ᐃᖅᑲᓇᐃᔭᕕᒋᔭᐅᔪᒥ. ᐃᒪᓐᓇᐅᓂᕋᓗᐋᖅᐸᑕᓗᓐᓂᑦ ᖃᖓᑦᑎᐋᒃᑯᑦ ᐃᖅᑲᓇᐃᔭᓚᐅᖅᓯᒪᓗᑎᒃ, ᐃᓱᒪᒋᑐᐃᓐᓇᖅᑕᐅᔭᕆᐋᖃᖏᒻᒪᑕ ᑕᐃᒃᑯᐊ ᐃᖅᑲᓇᐃᔭᓕᕋᑖᖅᑐᑦ ᖃᐅᔨᒪᓱᕆᔭᐅᓗᑎᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᕆᔾᔪᓯᕐᓂᑦ ᑐᕌᖓᒧᓂᒃ ᐃᖅᑲᓇᐃᔭᕐᕕᒋᔭᑦᓯᓐᓄᑦ. ᐃᒪᓐᓇᐅᒐᓗᐋᖅᐸᑕᓗᓂᑦ ᐃᓚᒋᔭᐅᓕᕋᑖᕐᓗᑎᒃ ᐃᖅᑲᓇᐃᔭᖅᑎᐅᖃᑎᒌᒃᑐᓄᑦ, ᐅᕝᕙᓗᓂᑦ ᐃᖃᓚᐃᔭᕆᐅᕐᓗᑎᒃ ᐃᖅᑲᓇᐃᔭᕐᕕᒋᔭᑦᓯᓐᓂ, ᐃᓘᓐᓇᑎᒃ ᐃᖅᑲᓇᐃᔭᖅᑎᓕᒪᑦ ᐱᔪᓐᓇᐆᑎᖃᒃᑐᐃᓐᓇᐅᖕᒪᑕ ᐊᔪᕈᓐᓃᖅᓴᑎᑕᐅᔭᕆᐋᖃᕐᓗᑎᒃ ᐱᔭᐅᔭᕆᐋᓕᖕᓂᑦ ᐃᖅᑲᓇᐃᔭᑦᑎᐋᕈᓐᓇᖁᓪᓗᒋᑦ ᐊᑦᑕᕐᓇᖏᑦᑐᒃᑯᑦ ᖃᐅᑕᒫᑦ.

ᖃᐅᔨᒋᐋᓚᐅᒃᑭᑦ ᑕᒪᒃᑯᐊ ᐊᑭᖃᖏᑦᑐᑦ ᐱᓕᕆᒋᐋᕈᑎᒃᓴᐃᑦ ᐋᖅᑭᒃᓱᐃᖁᓪᓗᑎᑦ ᐃᖅᑲᓇᐃᔭᕕᒋᔭᐅᔪᒥ ᐊᔪᕈᓐᓃᖅᓴᑎᑦᑎᓂᕐᒧᑦ, ᐊᒻᒪᓗ ᐊᑦᑕᓐᓇᖅᑕᐃᓕᒪᓂᕐᒧᑦ ᖃᐅᔨᒪᓂᖅᓴᐅᓕᖅᑎᑦᑎᔪᑏᑦ ᐃᓕᓐᓂᐋᖅᑎᓄᑦ, ᐃᖅᑲᓇᐃᔭᖅᓯᓐᓈᖅᑐᓄᑦ, ᐅᕝᕙᓗᓂᑦ ᐃᖅᑲᓇᐃᔭᕈᒪᓯᒪᔪᓄᑦ. ᐃᓚᓕᐅᑎᓗᒋᑦ ᑕᒪᒃᑯᐊ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᕆᔾᔪᑎᔅᓯᓐᓄᑦ ᐅᓪᓗᒥ! 

• ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ ᓇᓗᓇᐃᒃᑯᑕᕐᒥ ᐃᓕᓐᓂᐊᕐᓂᖅ: ᐊᑭᖃᖏᑦᑐᖅ, ᖃᕋᑕᐅᔭᒃᑯᑦ 2−ᐃᑲᕐᕌᖕᓂᒃ ᐊᔪᕈᓐᓃᖅᓴᑎᑦᑎᓂᖅ ᐱᔭᐅᑎᑦᑎᖕᒪᑦ ᑕᒪᐃᑎᒍᑦ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑕᐅᓕᒪᓂᕐᒧᑦ ᖃᐅᔨᒪᓂᕐᒥᑦ. ᖃᐅᔨᒪᒋᑦ: ᑖᓐᓇ ᐃᓕᓐᓂᐊᒐᒃᓴᖅ ᐃᓇᖏᖅᓯᖏᒻᒪᑦ ᐃᖅᑲᓇᐃᔭᕕᒋᔭᐅᔪᒧᑦ−ᑐᕌᖓᔪᓂᒃ ᐊᑦᑕᕐᓇᖅᑕᐅᓕᒪᓂᕐᒧᑦ ᐊᔪᕈᓐᓃᖅᓴᑎᑦᑎᓂᕐᒥᑦ.
• ᒪᒃᑯᒃᑐᓄᑦ ᐊᒻᒪᓗ ᐃᖅᑲᓇᐃᔭᓕᕋᑖᖅᑐᓄᑦ ᐃᖅᑲᓇᐃᔭᖅᑎᑦ ᐊᑦᑕᕐᓇᖅᑕᐃᓕᒪᓂᕐᒥᒃ ᖃᐅᔨᒪᓂᖅᓴᐅᓕᖅᑎᑕᐅᔾᔪᑎᖏᑦ ᐊᔪᕆᒃᓯᐅᔾᔨᓯᒪᔪᑦ: ᑖᓐᓇ ᐱᓕᕆᔾᔪᑎ ᐃᑲᔪᓲᖑᖕᒪᑦ ᐃᖅᑲᓇᐃᔭᖅᑎᑦᑎᔪᒥᑦ ᐊᒻᒪᓗ ᖃᐅᔨᒪᒋᐋᖅᓯᔨᐅᔪᓂᑦ ᐸᕐᓇᒃᑎᓪᓗᒋᑦ ᐊᔪᕈᓐᓃᖅᓴᑎᑦᑎᓂᐋᕐᓂᕐᒥᖕᓂᑦ ᐊᒻᒪᓗ ᖃᐅᔨᒪᓂᖅᓴᐅᓕᖅᑎᑦᑎᔾᔪᑎᒋᓂᐋᖅᑕᖏᓐᓂᒃ ᐊᐅᔭᒃᑯᑦ ᐃᓕᓐᓂᐋᖅᑎᓂᒃ ᐊᒻᒪᓗ ᐃᖅᑲᓇᐃᔭᕈᒪᓯᒪᔪᓂᑦ. 
• ᒪᒃᑯᑦᑐᖅ ᐃᖅᑲᓇᐃᔭᖅᑎ ᑭᓱᒪᓕᕆᔾᔪᑏᑦ: ᕿᒥᕐᕈᓚᐅᒃᑭᑦ ᐱᓕᕆᒋᐋᕈᑎᒃᓴᕗᑦ ᒪᒃᑯᒃᑐᓂᑦ ᐃᖅᑲᓇᐃᔭᖅᑎᓂᑦ, ᐃᓚᒋᔭᐅᓗᑎᒃ ᐊᔪᕆᒃᓯᐅᔾᔨᓯᒪᔪᑦ, ᐃᖅᑲᓇᐃᔭᑐᐃᓐᓇᕆᐊᖃᓕᖅᑐᓂᑦ ᑎᑎᖅᓯᕕᖁᑎᕗᑦ, ᐊᒻᒪᓗ ᐃᖅᑲᓇᐃᔭᕐᕕᒋᔭᐅᔪᒥ ᐊᑦᑕᕐᓇᖅᑕᐅᓕᒪᓂᕐᒧᑦ ᐊᑭᙵᕐᒨᒐᐃᑦ!

ᐅᖃᕐᕕᒋᓚᐅᒃᑭᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐱᖅᑯᑎᒃᓴᖃᑐᐋᕈᕕᑦ ᐃᖅᑲᓇᐃᔭᕐᕕᐅᕙᑦᑐᒥ ᐊᑦᑕᕐᒃᓇᖅᑕᐃᓕᒪᓂᕐᒥᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ.

ᐊᑐᐊᒐᕐᒧᑦ ᐊᖑᒪᑎᒋᐊᕈᑎ

ᐊᐅᓚᑦᑎᓂᕐᒧᑦ ᑲᑎᒪᔨᑦ ᕿᒥᕐᕈᓚᐅᕐᒪᑕ ᐊᒻᒪᓗ ᓈᒻᒪᒃᓴᖅᖢᑎᒃ ᐋᖅᑭᒋᐋᖅᑕᐅᓂᖏᓐᓂᑦ ᒪᑯᐊ ᐊᑐᐋᒐᐃᑦ ᑕᐃᔅᓱᒪᓂ ᒫᑦᓯ 2023−ᒥ ᑲᑎᒪᓂᕆᓚᐅᖅᑕᖓᓐᓂ:

• ᐊᑐᐊᒐᖅ 02.01 – ᐃᖅᑲᓇᐃᔭᕐᕖᑦ ᖃᐅᔨᓴᖅᑕᐅᓂᖏᑦ 
• ᐊᑐᐊᒐᖅ 04.01 – ᐊᑭᓕᖅᑕᐅᓂᕐᒥᑦ ᐊᑭᓕᖅᑕᐅᔾᔪᑎᓂ 
• ᐊᑐᐊᒐᖅ 04.03 – ᓂᕈᐊᕆᔭᒥᓂ ᐊᒻᒪ ᐊᓯᔾᔨᕐᓂᐅᔪᒥ ᐋᓐᓂᐊᓯᐅᑎᒥᒃ 
• ᐊᑐᐊᒐᖅ 11.02 – ᐅᓂᒃᑳᓕᐅᕐᓂᖅ ᐋᓐᓂᕐᓂᐅᔪᒥᑦ, ᐋᓐᓂᐊᕐᓇᒥᑦ ᐅᕝᕙᓘᓐᓃᑦ ᑐᖁᔪᒥ 
• ᐊᑐᐊᒐᖅ 10.03 – ᐱᑖᕐᓂᖅ 

ᑕᑯᒋᐊᕐᓗᒍ ᑖᓐᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᖁᑎᖏᓐᓂᒃ ᐊᒻᒪᓗ ᑖᓐᓇ ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦᑐᑭᒧᐊᕈᑎᓂ.

ᐊᓪᓚᕝᕕᒃ ᒪᑐᓯᒪᓂᖓ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓯᒪᓂᐊᖅᐳᑦ ᒪᑭᕝᕕᐊᑉ ᕿᑲᕐᓇᖓᓂ ᐅᓪᓗᑐᐃᓐᓇᖅ, ᐊᐃᕐᕆᓕ 7−ᒥ ᐊᒻᒪᓗ ᒪᑐᐃᒃᑲᓐᓂᕐᓂᐊᖅᐳᖅ ᐊᐃᑉᐹᓂ, ᐊᐃᕐᕆᓕ 11−ᒥ, 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ, 5022 49th ᐊᖅᑯᑎ, ᑕᓪᓕᒪᖓᓐᓂ ᓇᑎᖓᓂ, ᕿᑎᐊᓂ ᑭᑉᐹᕆᒃᑐᖅ ᐃᒡᓗᐊᓗᒃ, ᑎᑎᖅᑲᕐᓂᐊᕐᕕᖓ 8888, ᔭᓗᓇᐃᕝ, ᓄᓇᑦᓯᐊᖅ X1A 2R3 ᑲᓇᑕ