ᐋᒡᒌᓯ 2021                                                        
ᓄᕙᒡᔪᐊᕐᓇᖅ-19-ᒧᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖅᑲᐃᓯᒋᐊᕈᑎ
ᕿᒥᕐᕈᓂᖅ ᐊᒻᒪᓗ ᓄᑖᙳᕆᐊᖅᑎᑦᑎᓂᖅ ᓴᖅᑭᔮᕐᕕᐅᓂᕐᒧᑦ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ

ᐃᒪᐃᓕᖓᓕᖅᑎᓪᓗᑕ ᓄᕙᒡᔪᐊᕐᓇᖅ-19-ᒧᑦ ᖃᓄᐃᓕᖓᓃᑦ ᐊᓯᔾᔨᖅᐸᓪᓕᐊᓯᑳᓪᓚᒃᑎᓪᓗᒋᑦ, ᐃᖅᑲᐅᒪᓂᐊᖅᐳᑎᑦ ᒪᓕᒡᓗᒋᑦ ᓄᑖᙳᕆᐊᖅᑕᐅᕙᒃᑐᑦ ᒐᕙᒪᔅᓯᓐᓂᑦ (ᓄᓇᑦᓯᐊᖅ ᐊᒻᒪᓗ ᓄᓇᕗᑦ). ᓄᑖᙳᕆᐊᕆᓂᖅ ᓄᕙᒡᔪᐊᕐᓇᖅ-19-ᒧᑦ ᐃᖅᑲᓇᐃᔭᕐᕕᖕᒥᑦ ᖁᐊᖅᓵᕐᓇᕈᓐᓇᖅᑐᓂᒃ ᖃᐅᔨᓴᕐᓂᖅ ᑕᐃᒪᐃᑦᑕᕆᐊᖃᕌᖓᔅᓯ. ᐊᑕᖏᖅᖢᒋᑦ ᐃᖅᑲᓇᐃᔭᖅᑏᑦ ᓇᓗᓇᐃᖅᓯᔭᕆᐊᖃᖅᑐᑦ ᓈᒻᒪᓛᒥᒃ ᐊᑦᑕᕐᓇᖅᑕᐃᓕᒪᔾᔪᑎᓂᒃ ᐃᖅᑲᓇᐃᔭᖅᑎᖁᑎᖏᑦ ᓴᐳᑎᔭᐅᓯᒪᖁᓪᓗᒋᑦ ᐃᖅᑲᓇᐃᔭᖅᑎᓪᓗᒋᑦ, ᐊᒻᒪᓗ ᓇᓗᓇᐃᕐᓗᒋᑦ ᑖᒃᑯᐊ ᐊᑦᑕᕐᓇᔾᔭᐃᖅᓯᒪᔾᔪᑏᑦ ᐊᑐᓕᖅᑎᑕᐅᓯᒪᖕᒪᖔᑕ.

ᑐᓴᐅᒪᔾᔪᑎᒃᑲᓐᓂᕐᓄᖅ, ᑕᑯᔭᖅᑐᕐᓗᒍ ᖃᕆᑕᐅᔭᒃᑯᑦ ᐃᑭᐊᖅᑭᕕᑦᑎᓐᓂᑦ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᑦ ᑎᑎᕋᖅᓯᒪᔪᑦ. ᐊᐱᖅᑯᑎᒃᓴᖃᕈᕕᑦ, ᐅᖃᖃᑎᒋᓇᓱᒃᑭᑦ ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐅᓪᓗᒥ.


ᐃᓄᒋᐊᓂ ᐱᕐᕈᓗᐊᕿᑎᑦᑎᑦᑕᐃᓕᓂᖅᒧᑦ ᐃᖅᑲᐅᒪᑎᑦᑎᔾᔪᑎ
ᐃᓕᓐᓂᐊᕆᐊᑲᑕᖕᓂᖅ, ᐃᒡᓗᓕᐅᑲᑕᖕᓂᖅ ᐊᒻᒪ ᓯᓚᐅᑉ ᖃᐅᔨᒪᓂᖓᑕ ᐊᓯᙳᕐᓂᖓ

ᓯᑎᐱᕆ ᖃᓄᐃᓕᐅᕈᓘᔭᓕᕐᓇᕐᒪᓐ ᐊᖅᑯᑎᓂᒃ ᓄᓇᒋᔭᑦᑎᓐᓂ. ᓱᕈᓰᑦ ᐃᓕᓐᓂᐊᕆᐊᑲᑕᓕᖅᖢᑎᒃ, ᐊᖅᑯᑏᓪᓗ ᓴᓇᔭᐅᔪᑦ ᐃᓚᖏᑦ ᐊᒻᒪᓗ ᐅᓪᓗᐃᑦ ᓇᐃᒡᓕᕙᓪᓕᐊᓕᖅᖢᑎᒃ. ᖃᓄᐃᓕᐅᕈᓯᖅ ᐊᓯᔾᔨᕌᖓᑦ, ᑕᐃᒪᓕ ᐅᓪᓛᒃᑯᑦ ᐃᖅᑲᓇᐃᔭᕐᓂᐊᓵᕐᓂᒃ ᑲᑎᒪᔾᔪᑎᒃᓴᑦᑎᐊᕙᐅᓕᕐᑐᑦ! ᒪᔾᔭᒪᑯᐊ ᓯᑎᐱᕆᒥᑦ ᐅᖃᐅᓯᐅᖃᑦᑕᕈᓐᓇᖅᑐᑦ:
  • ᑕᒪᕐᒥᑦᑎᐊᖅ ᐃᖅᑲᓇᐃᔭᖅᑎᐅᔪᑦ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥ: ᐃᖅᑲᐅᒪᒋᑦᑎ ᐊᖅᑯᓪᓗᓯ ᐅᔾᔨᕈᓱᑦᑎᐊᕆᐊᖃᕐᓂᔅᓯᓐᓂᒃ ᓄᓇᓯᐅᑎᒐᓚᖕᓂ ᐃᓄᖕᓂᓪᓗ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᖃᕐᒪᑕ ᐱᕐᕈᓗᐊᕿᑦᑕᐃᓕᓂᕐᒧᑦ ᑐᓴᕐᕕᒃᓴᒥ ᐃᑲᔪᕈᑎᒋᔪᓐᓇᖅᑕᕐᓂᒃ ᐅᖃᐅᓯᕆᔪᓐᓇᕐᑕᕐᓂ ᐃᖅᑲᓇᐃᔭᖅᑎᓄᑦ. ᐅᓇ ᑕᕝᕙ ᐃᒪᓐᓇᐅᔭᕆᐊᓕᒃ: ᓱᒃᑲᐃᓐᓂᖅᓴᐅᕙᒡᓗᓯ, ᐅᔾᔨᕈᓱᑦᑎᐊᕐᓗᓯ ᐊᒻᒪᓗ ᓄᓇᓯᐅᑎᓄᑦ ᐊᑐᖁᔭᐅᔪᑦ ᒪᓕᒃᑕᐃᓐᓇᕆᕙᒡᓗᒋᑦ.
  • ᐱᓕᕆᕝᕕᒋᔭᐅᐃᑦ ᐊᖅᑯᑎᓂᒃ ᓴᓇᔭᕆᐊᕐᓇᖅᐸᑦ ᐅᓇ ᐊᖅᑯᑎᒃᑯᑦ ᐊᑐᖅᑕᐅᔭᕆᐊᓕᖕᓄᑦ ᐸᕐᓇᐅᑎᓯ ᐃᓱᒪᒋᔭᖃᖃᑦᑕᕐᓗᓂ ᐊᓯᙳᖅᐸᓪᓕᐊᔭᑦᑐᓂᒃ. ᐊᑦᑕᓇᔾᔭᐃᕐᓯᒪᓂᕐᒧᑦ ᐸᕐᓇᐅᑎᑦ ᓄᑖᙳᕆᐊᖅᑕᐅᖃᑦᑕᕆᐊᖃᖅᑐᑦ ᐊᓯᙳᖅᐸᓪᓕᐊᓂᕐᒧᑦ ᐊᒻᒪᓗ ᐃᖅᑲᓇᐃᔭᖅᑎᐅᔪᑦ ᐊᔪᕈᓐᓃᖅᓴᖅᑎᑕᐅᖃᑦᑕᕆᐊᖃᖅᖢᑎᒃ ᐊᕐᑕᓇᖅᑐᓂ ᐱᓕᕆᔭᕆᐊᖃᓕᕌᖓᑕ.
  • ᐊᓐᓄᕌᕐᓯᒪᔭᕆᐊᖃᕐᓂᖅ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ. ᐃᖅᑲᓇᐃᔭᖅᑎᓂᒃ ᓯᓚᒥ ᐃᖅᑲᓇᐃᔭᖅᑐᖃᖅᐸᑦ, ᐱᓱᒋᐊᖃᖅᐸᑕ, ᐅᕝᕙᓘᓐᓃᑦ ᓄᓇᓯᐅᑎᒐᓚᖕᓂ ᐱᓕᕆᒃᐸᑕ, ᐊᓐᓄᕌᖃᖅᑎᑦᑕᕆᐊᖃᖅᑐᑦ ᓈᒻᒪᒃᑐᓂ ᓂᒡᓚᓱᖕᓂᕐᒧᑦ ᐊᒻᒪ ᓯᓚᐅᑉ ᑕᕐᓂᖓᒍᑦ. ᓯᓚᒥ ᓴᖅᑭᔮᕈᓐᓇᑦᑎᐊᖅᑐᒥ ᐊᑐᖃᑦᑕᕐᓂᖅ ᐱᒻᒪᕆᐊᓗᒃ, ᐱᓗᐊᖅᑐᒥᓪᓗ ᑖᕐᓯᖃᑦᑕᕐᓂᕐᒧᑦ.
ᐅᕗᖓᑦᑕᐅ ᑕᑯᒋᐊᕈᓐᓇᖅᑐᓯ ᑲᓇᑕᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᕐᔭᐃᖅᓯᒪᓂᒃᑯᑦ (CCOHS) ᖃᕋᓴᐅᔭᒃᑯᑦ ᓴᖅᑭᔮᒐᕐᒥᑦ ᖃᐅᔨᒃᑲᓐᓂᕈᒪᒍᕕᑦ ᐅᓗᕆᐊᓇᙱᑦᑐᒥ ᐱᓕᕆᔪᓐᓇᕐᓂᕐᒥᒃ ᐊᖅᑯᑎᓂᒃ. ᐊᐱᖅᑯᑎᒃᓴᖃᕈᕕᑦ ᓄᑖᙳᕆᐊᖅᑎᑦᑎᔪᒪᓗᑎ ᐊᑦᑕᓇᔾᔭᐃᕐᓂᕐᒧᑦ ᐸᕐᓇᐅᑎᖕᓂᒃ, ᖃᓄᕐᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᐅᓯᖃᕈᓐᓇᕐᒪᖔ ᐅᓪᓛᒃᑯᑦ, ᖃᐅᔨᒃᑲᓐᓂᕈᒪᑐᐃᓐᓇᕈᕕᓪᓘᓐᓃᑦ ᐅᖃᕐᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐅᓪᓗᒥ.


ᐅᓗᕆᐊᓇᖅᑐᖃᕐᒪᖔᑦ ᐅᔾᔨᖅᓲᑎ
ᓱᑲᓐᓂᖅ ᐃᖅᑲᓇᐃᔭᖅᕕᒃᒥ

ᐃᖅᑲᓇᐃᔭᖅᑎ ᓱᑲᓚᐅᕐᒪᑦ ᐊᒻᒪᓗ ᐋᓐᓂᕐᔪᐊᕈᓘᔭᖅᖢᓂ ᓴᓗᒻᒪᖅᓴᐃᑎᓪᓗᒍ ᑰᒐᖅᕕᒃᒥᑦ ᐃᖅᑲᓇᐃᔭᖅᕕᒋᔭᐅᔪᒥ. ᑕᐃᒪᐃᓕᔾᔪᑎᖃᓕᓚᐅᕐᑐᖅ ᓲᖃᐃᒻᒪ ᐃᖅᑲᓇᐃᔭᖅᑎ ᑮᒍᑎᖓᓂ ᐋᖅᑭᒃᓯᓯᒪᓚᐅᙱᒻᒪᑦ ᑰᒐᖅᕕᒃᒧᑦ ᒥᓪᓗᐊᕈᑎᐅᕙᒃᑐᖅ. ᐊᕐᕌᒍᒐᓴᒻᒪᕆᖕᓂᒃ ᓴᓗᒻᒪᖅᓴᖅᑕᐅᖃᑦᑕᖅᑐᖅ ᐃᖅᑲᓇᐃᔭᖅᕕᒋᔭᐅᔪᖅ  ᖃᓄᐃᑦᑐᖃᓚᐅᕐᓯᒪᙱᖢᓂ.

ᑕᒪᒃᑯᐊ ᓱᑲᓐᓇᕐᓂᕈᔪᐃ ᐊᑐᖅᑕᐅᒃᑲᓐᓂᖁᓇᒋᑦ ᐊᒻᒪᓗ ᐋᓐᓂᕈᑎᐅᓕᔭᑦᑐᑦ ᒪᕐᕉᖕᓂᒃ ᑕᐃᒪᐃᑦᑕᐃᓕᔾᔪᑎᒃᓴᖅᑕᖃᖅᑐᖅ: ᓱᑲᓐᓇᕈᓐᓃᖅᑎᑦᑎᓂᖅ ᐊᒻᒪ ᑮᒃᓯᒪᔭᕆᐊᓖᑦ.
  1. ᓱᑲᓐᓇᕈᓐᓃᖅᑎᑦᑎᓂᖅ - ᐅᓇ ᑐᕌᖓᔪᖅ ᐆᒻᒪᖅᑯᑎᒋᔭᐅᔪᒥᒃ ᐲᕐᓯᓂᕐᒥᒃ ᐊᐅᓚᐅᑎᓕᒃᒥᑦ ᐅᕝᕙᓘᓐᓃᑦ ᐱᓕᕆᔾᔪᑎᒥᒃ (ᑲᑉᐱᔾᔭᐃᕐᓗᒍ, ᖃᒥᓪᓗᒍ ᐆᒻᒪᖅᑯᑎᖃᕐᕕᒃ, ᐅᕝᕙᓘᓐᓃᑦ ᐹᑕᓖᖓ ᐲᕐᓗᒍ) ᐊᒻᒪᓗ ᒪᓕᒡᓗᑎ ᖃᓄᐃᓕᐅᖁᔭᐅᔾᔪᑎᓂᒃ ᐲᕐᓯᓂᐊᕐᓗᑎᑦ ᐆᒻᒪᖅᑯᑎᒥᑦ ᐊᒥᐊᒃᑰᑐᐃᓐᓇᕆᐊᓕᒃᒥᑦ ᐊᐅᓚᐅᑎᓕᒃᒥᑦ (ᐱᑕᖃᕈᓂ).
  2. ᑮᒃᓯᒪᔭᕆᐊᓖᑦ ᐅᕝᕙᓘᓐᓃᑦ ᓇᓗᓇᐃᒃᑯᑦᑎᕐᓯᓂᖅ - ᑮᖃᕐᓗᓂ, ᒪᑐᓗᒍ, ᓴᖅᑭᔮᖅᑐᒥ ᐃᓕᓯᓯᒪᓗᓂ ᐊᓯᖕᓂ ᐃᓄᖕᓂ ᓄᖅᑲᖅᑎᑦᑎᔾᔪᑎᐅᔪᓐᓇᖅᑐᖅ ᐱᒋᐊᖅᑎᑦᑎᒋᐊᖅᐸᑕ. 
ᓱᑲᓪᓗᓂ ᐋᓐᓂᕐᔪᐊᕈᓘᔭᕐᓇᖅᒪᑦ ᑐᖁᓐᓇᖅᖢᓂᓘᓐᓃᑦ. ᐱᒻᒪᕆᐊᓘᕗᖅ ᑕᒪᐃᓐᓂ ᖃᓄᐃᓕᐅᕈᑎᐅᔪᑦ ᐊᑐᖅᑕᐅᖃᑦᑕᖅᐸᑕ ᐃᖅᑲᓇᐃᔭᖅᑎᐅᔪᑦ ᓴᓗᒻᒪᖅᓴᐃᓕᕌᖓᑕ, ᓱᕋᒃᓯᒪᔪᓕᕆᓕᕌᖓᑕ ᐅᕝᕙᓘᓐᓃᑦ ᐱᓕᕆᒃᐸᑕ ᐊᑐᖅᑕᐅᙱᑦᑑᑉ ᐱᓕᕆᔾᔪᑎᐅᑉ ᖃᓂᒋᔭᖓᓂᒃ. ᐅᑯᐊ ᖃᓄᐃᓕᐅᕈᑎᒃᓴᐃᑦ ᐃᑲᔪᕈᑎᐅᔪᓐᓇᖅᑐᑦ ᖃᓄᐃᓕᑎᑦᑎᑦᑕᐃᓕᓂᖅᒥᒃ ᐋᓐᓂᖅᑕᐃᓕᓂᕐᒥᓪᓘᓐᓃᑦ, ᑭᓕᕐᓂᕐᒥᓪᓘᓐᓃᑦ, ᓇᒡᒍᐊᒃᑯᓪᓘᓐᓃᑦ ᐋᓐᓂᕐᓂᖅᒧᑦ ᐊᓯᖏᓐᓂᓪᓗ.

ᐅᓇ ᑕᑯᓗᒐ ᐊᑦᑕᓇᖅᑐᒥ ᐅᔾᔨᕈᓱᖕᓂᖅ ᖃᐅᔨᒃᑲᓐᓂᕈᒪᒍᕕᑦ. ᐊᐱᖅᑯᑎᒃᓴᖃᕈᕕᑦ ᐱᕐᕈᓗᐊᕿᑦᑕᐃᓕᓂᕐᒥᒃ ᐃᖅᑲᓇᐃᔭᖅᑎᖕᓄᑦ, ᖃᐅᔨᒋᐊᕐᕕᒋᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC)ᖃᐅᔨᓴᖅᑎ ᐅᓪᓗᒥ.


ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ: ᑐᓄᒃᑯᑦ ᐋᓐᓂᖅᓯᒪᓂᖅ
ᐃᖅᑲᓇᐃᔮᒧᑦ ᐅᑎᕐᓗᓂ ᐋᓐᓂᖅᓯᒪᓚᐅᕐᓗᓂ 



ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐅᖃᐅᓯᖃᕐᓯᒪᖕᒪᑕ ᑐᓄᒃᑯᑦ ᐋᓐᓂᕈᑎᐅᔭᑦᑐᓂᒃ ᐊᒻᒪ ᑐᓄᒃᑯᑦ ᐋᓐᓂᖅᑕᐃᓕᒪᓂᕐᒥᒃ, ᑭᓯᐊᓂᓕ ᖃᓄᐃᓐᓇᔭᖅᐸᑦ ᑐᓄᒃᑯᑦ ᐋᓐᓂᖅᑐᖃᖅᐸᓐ? ᖃᓄᖅ ᒪᒥᓴᖅᐸᓪᓕᐊᒋᐊᖃᕐᓇᖅᒪ?

ᐋᓐᓂᐊᖃᕐᓇᙱᑦᑐᓕᕆᔨᐅᔪᑦ ᐱᓕᕆᖃᑎᖃᕋᔭᖅᑐᑦ ᐃᖅᑲᓇᐃᔭᖅᑎᓂᒃ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑮᓇᐅᔭᖅᑖᕋᓲᑎᓂᒃ ᐊᒻᒪ ᐋᓐᓂᐊᖅᕕᓕᕆᓂᕐᒧᑦ ᒪᐅᓇ ᒪᒥᓴᖅᐸᓪᓕᐊᔾᔪᑎᑎᒍᑦ. ᑭᓯᐊᓂᓕ, ᐱᒻᒪᕆᐊᓘᖕᒥᖕᒪᑦ ᐅᖃᐅᓯᕆᖃᓯᐅᑎᓗᒍ ᐃᖅᑲᓇᐃᔭᖅᕕᒃᒧᑦ ᖃᓄᐃᓕᐅᕆᐊᖃᕐᓂᖅᒥᒃ ᐅᑎᕐᓂᐊᕐᓗᓂ. 

ᖃᐅᔨᒪᓚᐅᖅᐱᑦ?

ᐃᖅᑲᓇᐃᔭᖅᕕᒃᒧᑦ ᐅᑎᕐᓂᐊᕐᓗᓂ ᖃᓄᐃᓕᐅᕈᑎᑕᖃᐅᕐᒪᑦ ᐃᑲᔪᕈᑎᐅᔪᓐᓇᖅᑐᓂᒃ ᑕᒪᐃᓐᓄᑦ ᐃᖅᑲᓇᐃᔭᖅᑐᓄᑦ ᐊᒻᒪ ᐃᖅᑲᓇᐃᔭᖅᑎᑦᑎᔪᓄᑦ. ᓴᖅᑭᓯᒪᓪᓚᕆᖕᒪᑦ ᐃᖅᑲᓇᐃᔭᖅᑎᐅᔪᑦ ᐃᓱᒪᒃᑯᑦ ᐊᒻᒪ ᑎᒥᒃᑯᑦ ᒪᒥᓴᖅᐸᓪᓕᐊᔪᑦ ᐋᓐᓂᕈᑎᕕᓂᖏᓐᓄᑦ ᐱᐅᓯᕚᓪᓕᖅᑕᐅᓯᒪᓂᖓᓂᒃ ᐃᖅᑲᓇᐃᔭᖅᑎᑦᑎᔨ ᐃᖅᑲᓇᐃᔮᒧᑦ ᐅᑎᕈᑎᒃᓴᓄᑦ ᖃᓄᐃᓕᐅᕈᑎᒃᓴᖃᖅᐸᑕ.
 
ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᑐᓄᒃᑯᑦ ᐋᓐᓂᖅᑐᕕᓂᕐᓄᑦ

ᐅᓄᕈᓘᔭᕐᒪᑕ ᖃᓄᐃᓕᐅᕈᑎᐅᔪᓐᓇᖅᑐᑦ ᑐᓄᒃᑯᑦ ᐋᓐᓂᖅᑐᕕᓂᕐᓄᑦ ᐃᖅᑲᓇᐃᔮᒧᑦ ᐅᑎᕐᓂᐊᖅᑎᓪᓗᒋᑦ. ᑖᒃᑯᐊᓕ ᖃᓄᐃᓕᐅᕈᑎᒃᓴ ᐊᔾᔨᑐᐃᓐᓇᕆᖕᒥᔭᖏᑦ ᐃᓚᖏᑦ ᑐᓄᒃᑯᑦ ᐋᓐᓂᖅᑕᐃᓕᒪᓂᕐᒧᑦ.
  1. ᐃᓱᒪᒋᓗᒋᑦ ᐃᖅᑲᓇᐃᔭᖅᕕᒋᔭᐅᕙᒃᑐᑦ ᐊᒻᒪ/ᐅᕝᕙᓘᓐᓃᑦ ᐱᓕᕆᐊᒃᓴᑦ - ᐃᖅᑲᓇᐃᔭᖅᑎ ᐅᑎᕐᓂᐊᕐᓂᖓᓄᑦ ᐸᕐᓇᓯᒫᓂᒃᐹᑦ ᑐᓄᒧᑦ ᐋᖅᑭᒃᓯᒪᔾᔪᑎᐅᓇᔭᖅᑐᓂᒃ ᐱᓕᕆᕝᕕᒋᓂᐊᖅᑕᖓᓂ? ᐊᑐᖅᐸᑦ ᑐᓄᒧᑦ ᐋᖅᑭᒃᓯᒪᔾᔪᑎᐅᓇᔭᖅᑐᓃ? ᐋᖅᑭᒋᐊᕈᑎᒃᓴᖅᑕᖃᖅᐹ ᐃᓂᒃᓴᓕᐅᕐᕕᒋᔪᓐᓇᖅᑕᕐᓂ ᐊᒻᒪ ᐱᓕᕆᕝᕕᐅᔪᓐᓇᖅᑐᒦᑦ, ᐅᕝᕙᓘᓐᓃᑦ ᐃᑲᔪᕈᑎᒃᓴᓂᒃ ᑭᕕᒃᓯᑲᑕᒋᐊᖃᖅᐸᑦ? ᐅᖁᒪᐃᑦᑐᓂᒃ ᐊᒻᒪ ᐅᕿᑦᑐᓂᒃ ᓂᑭᑦᑖᖅᑎᑦᑎᕙᖕᓂᖅ ᐊᒻᒪᓗ ᑎᒥ ᖃᓄᐃᓕᖓᓂᖓ ᐃᖅᑲᓇᐃᔭᕐᕕᒃᒥᑦ ᑕᖃᓴᕋᓐᓇᙱᓐᓂᕐᓴᐅᔪᓐᓇᖅᑐᖅ ᐊᒻᒪ ᐋᓐᓂᕐᓇᙱᓐᓂᕐᓴᐅᓗᓂ. ᐃᖅᑲᓇᐃᔭᖅᑎᑦᑎᔨᐅᔪᖅ ᐋᓐᓂᐊᖃᕐᓇᙱᑦᑐᓕᕆᔨᖓᑕ ᖃᓄᐃᓕᖓᔾᔪᑎᓂᒃ ᐊᑐᖁᑐᐃᓐᓇᕆᐊᖃᖅᑕᖓ.
  2. ᐊᑐᐃᓐᓇᖃᕈᓐᓇᕐᓂᖅ ᐱᕐᕈᓗᐊᕿᑦᑕᐃᓕᔾᔪᑎᓂᒃ ᐱᖁᑎᓂᒃ - ᐱᕐᕈᓗᐊᕿᑎᑦᑕᐃᓕᓂᖅ ᐃᓕᖅᑯᓯᖅᑖᕆᓗᒍ ᖃᓄᐃᓕᐅᖃᑦᑕᕐᓂᒃᑯᑦ ᐱᓕᕆᕝᕕᒋᓂᐊᖅᑕᕐᓂᒃ. ᑭᕕᒃᓯᑲᑕᖕᓂᕐᒧᑦ ᐃᑲᔪᕈᑎᑦ, ᓇᖕᒥᓂᖅ ᐋᓐᓂᖅᑕᐃᓕᔾᔪᑎᑦ (PPE), ᐊᒻᒪ ᐃᑲᔪᕈᑎᒃᓴᑦ ᐊᑐᐃᓐᓇᐅᓗᑎᒃ, ᑕᐃᒪᓗ ᑕᒪᒃᑯᐊ ᐊᑐᖅᑕᐅᓂᖅᓴᐅᓇᔭᖅᑐᑦ.
  3. ᐊᑐᐊᒐᐃᑦ ᐊᒻᒪ ᐊᑐᖃᑦᑕᕆᐊᓖᑦ - ᐊᑐᐊᒐᓂ ᐃᓚᖃᕐᓗᓂ ᒪᑯᓄᖓ ᑭᕕᒃᓯᕙᖕᓂᕐᒧᑦ, ᑭᐳᒥᑦ ᖃᓄᐃᓕᖓᔾᔪᑎᓄᑦ ᐊᓯᖏᓐᓄᓪᓗ, ᐃᖅᑲᓇᐃᔭᖅᕕᒃᒧᑦ ᐅᑎᕈᓐᓇᐅᑎᓂᒃ ᐊᑐᐊᒐᖃᕐᓗᓯ ᐊᒻᒪᓗ ᐊᑐᖃᑦᑕᕆᐊᓕᓃᒃ ᓇᓗᓇᐃᔭᖅᓯᒪᔪᓂ ᖃᓄᖅ ᐃᖅᑲᓇᐃᔭᖅᑎ ᐅᑎᕈᓐᓇᑦᑎᐊᕋᔭᕐᓂᖓᓂᒃ.
  4. ᐱᓕᕆᖃᑎᒌᖕᓂᖅ ᐊᒻᒪ ᐱᕐᕈᓗᐊᕿᑦᑕᐃᓕᓂᖅᒧᑦ ᐃᓕᖅᑯᓯᖃᑦᑎᐊᕐᓂᖅ - ᐃᖅᑲᓇᐃᔭᖅᑎᓯ ᐋᓐᓂᖅᓯᒪᔪᑦ ᐅᑎᕐᓂᐊᓕᖅᐸᑕ ᖃᐅᔨᒪᑎᓪᓗᒋ ᖁᕕᐊᒋᓂᔅᓯᓐᓂ ᐅᑎᕐᓂᖏᓐᓂᒃ! ᐃᖅᑲᓇᐃᔭᖅᕕᒃ ᐃᖅᑲᓇᐃᔭᖅᑎᓂᒃ ᐱᕐᕈᓗᐊᕿᑎᑦᑎᑦᑕᐃᓕᔾᔪᑎᓕ ᐃᓕᖅᑯᓯᖃᑦᑎᐊᖅᐳᖅ ᐱᕐᕈᓗᐊᕿᑎᑦᑎᑦᑕᐃᓕᓂᖅᒥᒃ.
  5. ᑐᓴᐅᒪᑎᑦᑎᕙᖕᓂᖅ - ᐊᑐᕈᑎᖃᖅᑐᖅ ᐅᑎᕐᓂᐊᕐᓗᓂ ᐃᖅᑲᓇᐃᔭᖅᕕᒃᒧᑦ, ᑐᓴᐅᒪᑎᑦᑎᕙᖕᓂᖅ ᐃᑲᔪᕈᑎᐅᔪᓐᓇᕐᒪᑦ ᐃᖅᑲᓇᐃᔭᖅᕕᒃᒧᑦ ᐅᑎᕐᓂᐊᖅᑐᓂᒃ ᐊᑐᕐᒪᖔᑦ ᐊᒻᒪᓗ ᐅᓗᕆᐊᓇᙱᓪᓗᓂ ᐃᖅᑲᓇᐃᔭᖅᑎ ᐅᑎᕐᓂᐊᓕᖅᐸᑦ.
ᐊᐱᖅᑯᑎᒃᓴᖃᕈᔅᓯ ᑐᓄᒧᑦ ᐱᕐᕈᓗᐊᕿᑦᑕᐃᓕᓂᖅᒥᒃ ᐅᖃᕐᕕᒋᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᐅᔨᓴᖅᑎ ᐅᓪᓗᒥ. ᐊᐱᖅᑯᑎᒃᓴᖃᕈᔅᓯ ᐅᑎᕐᕕᒃᓴᐅᔪᓐᓇᖅᑐᓂᒃ ᖃᓄᐃᓕᐅᕈᑎᐅᔪᓐᓇᖅᑐᓂᒃ ᐃᖅᑲᓇᐃᔭᕐᕕᒃᓄᑦ ᖃᐅᔨᒋᐊᕐᕕᒋᓗᒍ ᐅᓇ ᐃᖅᑲᓇᐃᔮᒧᑦ ᐅᑎᕐᑐᓄᑦ ᐱᓕᕆᔨᒻᒪᕆᒃ.


ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖓᑦ ᒪᑐᓯᒪᓂᐊᖅᑐᑦ ᓄᖅᑲᖓᓐᓇᒥ ᓇᒡᒐᔾᔭ, ᓯᑎᐱᕆ 6, ᐊᒻᒪᓗ ᐅᒃᑯᐃᒃᑲᓐᓂᕐᓗᑎᒃ ᐊᐃᑉᐹ, ᓯᑎᐱᕆ 7, 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.


wscc.nt.ca   /  1.800.661.0792   *   wscc.nu.ca  /  1.877.404.4407