Newyddion Cymru Iach ar Waith
Siop un stop am wybodaeth, pecynnau cymorth ac adnoddau sy’n gysylltiedig â COVID-19, gan gynnwys asesiadau risg, canllawiau sector, gwybodaeth frechu ac ymgyrchoedd a gwybodaeth iechyd ehangach. Dewch i’n gweld ni yma.
Covid-19 a Gweithleoedd: Adnoddau ar gyfer Cyflogwyr
Mae tîm Cymru Iach ar Waith yn falch o rannu pecyn newydd o adnoddau y gellir eu lawrlwytho gyda’r rhai sy’n tanysgrifio i’r e-fwletin, a gynlluniwyd i roi arweiniad i gyflogwyr ar fesurau allweddol i sicrhau bod yr holl gamau priodol yn cael eu cymryd i atal Covid-19 rhag cael ei drosglwyddo.
Mae’r adnodd hwn yn amlinellu mesurau pwysig ar gyfer y gweithle i sicrhau bod yr holl gamau priodol yn cael eu cymryd i:
- reoli trosglwyddo yn y gweithle
- mabwysiadu deddfwriaeth ar gyfer mesurau gweithle rhesymol
- cynnal asesiad risg Covid-19 yr Awdurdod Gweithredol Iechyd a Diogelwch yn y gweithle
- cynnal profion yn y gweithle
Cwestiynau Cyffredin ynglŷn â Covid-19
Drwy gydol y pandemig Covid-19, mae toreth o ganllawiau, deddfwriaeth a mesurau wedi cael eu rhoi ar waith. Mae’r Cwestiynau Cyffredin hyn yn rhoi gwybodaeth syml a defnyddiol am amrywiaeth o gwestiynau a ofynnir yn gyffredin ynglŷn â COVID-19 ac atal a rheoli heintiau ar gyfer gweithleoedd.
Covid-19 a Gweithleoedd: Ffeithluniau
Mae’r ffeithluniau hyn y gellir eu hargraffu yn galluogi cyflogwyr i gynyddu ymwybyddiaeth eu staff o faterion Covid-19 mewn fformat graffigol a hawdd ei ddeall. Maen nhw ar gael i’w harddangos ar hysbysfyrddau neu i’w rhannu’n ddigidol gyda’r gweithlu ar y pynciau canlynol:
Cysylltwch â ni
Mynnwch y wybodaeth ddiweddaraf am bynciau newydd a rhai sy’n dod i’r amlwg yn ymwneud â Covid-19 trwy ein gwefan a’n sianeli cyfryngau cymdeithasol. Bydd ein tîm yn postio amrywiaeth o asedau, gan gynnwys ffeithluniau, podlediadau a negeseuon allweddol ynglŷn â materion pwysig sy’n wynebu gweithleoedd. Mae dolenni i dudalennau Facebook, Twitter a LinkedIn Cymru Iach ar Waith ar gael ar waelod yr e-fwletin hwn.
