Vandredi 4 Jen 2021

Chak vandredi Sipèentandan Doktè Donald E. Fennoy II ap fè w konnen sa k ap pase nan Distri Lekòl Rejyon Palm Beach la.

Distri Swen Sante Ofri Vaksen COVID-19 pou Adilt ak Timoun 12 Ane Oswa Pi Gran Nan Lokal Distri a

Distri Lekòl Rejyon Palm Beach la, an patenarya avèk Distri Swen Sante nan Rejyon Palm Beach, ap ofri vaksen Pfizer COVID-19 pou elèv, anplwaye, ak fanmi yo (ki gen laj 12 an oswa plis) nan kat lokal Distri Lekòl la.

Vaksen COVID-19 PA obligatwa pou elèv oswa manm pèsonèl Distri Lekòl Rejyon Palm Beach la. Klike la a pou w li plis.
Nouvo Lwa Sou Double Klas Nan Lekòl Elemantè
 
Daprè lwa sa a, paran oswa responsab elèv K-5 lekòl leta yo kapab mande pou yo kenbe pitit yo pou ane lekòl 2021-2022 a nan menm klas la, depi yo fè demann lan pou rezon akademik. Sa vle di, se desizyon ou pou elèv lekòl elemantè ou a double klas li ye kounye a.Klike la a pou w li plis. Klike la a pou w li plis.

Anons Gayan Bousdetid Merit Pou Ane 2021

Dis-nèf elèv ki gradye nan Distri Lekòl Rejyon Palm Beach la te onore kòm gayan bousdetid National Merit la pou kolèj.
 
Se kolèj oswa inivèsite kote yo prale a ki chwazi elèv ki pou resevwa pri yo pami anviwon 4.000 finalis nan pwogram nan. 
$ 20K Finansman Pou Syans Enfòmatik ak Sekirite Sibènetik Nan Seminole Ridge

Lekòl Segondè Seminole Ridge resevwa yon sibvansyon $ 20.000 nan men Project Lead the Way (PLTW), yon òganizasyon san bi likratif, ki se yon lidè nan domèn kourikoulòm pou jeni, syans enfòmatik, ak syans biyomedikal. Klike la a pou w li plis.
Sipò Pou Pwogram Manje Lekòl

Pandan ane lekòl 2020-2021 an, Depatman Sèvis Manje Lekòl Distri Lekòl Rejyon Palm Beach la (SFS) te resevwa yon total $ 185.000 nan men òganizasyon No Kid Hungry, ki gen ladan yon resan sibvansyon $ 30.000 pou ede sipòte misyon l ki se priyorize timoun. Klike la a pou w li plis.
Distri a fyè pou inogire konstriksyon nouvo lekòl segondè nan Rejyon Palm Beach la, ki ap ouvri nan mwa Out 2023. Lekòl sa a pral ede redui twòp kantite elèv ki nan lekòl segondè nan zòn nan.

Lekòl la ap nan Lyons Rd., nan nò Lekòl Mwayen Woodland nan Lake Worth. Klike la a pou w gade videyo a.
Suiv @PBCSDKreyol sou Facebook, Twitter, ak Instagram pou jwenn mizajou
nouvèl nan lang Kreyòl Ayisyen.