Cylchlythyr Mis Rhagfyr 2023

Wrth i 2023 ddod i ben, hoffem ddiolch i’n staff, cydweithwyr GIG Cymru, partneriaid a’r cyhoedd am eu cefnogaeth yn ystod y flwyddyn ddiwethaf.

Gan ddymuno cyfnod Nadoligaidd hyfryd a blwyddyn newydd dda i bawb!

Os ydych chi yn dathlu’r Nadolig, Hanukkah, Kwanzaa, neu unrhyw achlysur arall, rydym

yn gobeithio y byddwch yn dod o hyd i amser i fyfyrio ar agweddau cadarnhaol y flwyddyn hon ac edrychwn ymlaen at eich gweld i gyd yn 2024!  

Gwyliwch ein neges dymhorol gan y Prif Weithredwr, Helen Thomas.

Nadolig Llawen a blwydden newydd dda! 

Ar hyn o bryd, rydym yn gwerthuso sut i gael y gorau o’n cylchlythyr allanol gydag arolwg byr 5 munud o hyd. Mae eich adborth chi fel rhywun sy’n cael cylchlythyr misol DHCW yn allweddol i’r broses hon.

Llenwi’r arolwg

MAE WYTH O GYFLENWYR SYSTEMAU FFERYLLIAETH GYMUNEDOL BELLACH WEDI DERBYN GRANTIAU I DDATBLYGU GWASANAETH PRESGRIPSIYNAU ELECTRONIG

Mae wyth o gyflenwyr systemau fferylliaeth gymunedol wedi cael grantiau i wneud yr arloesiadau sydd eu hangen i ddarparu gwasanaeth presgripsiynau electronig yng Nghymru a fydd yn helpu cleifion, meddygon teulu a fferyllfeydd.

Positive Solutions, Apotec a Cegedim Healthcare Solutions yw’r cwmnïau diweddaraf i gael cymorth gan y Gronfa Arloesi Systemau Fferylliaeth Gymunedol (CPSIF) a sefydlwyd gan y Portffolio Trawsnewid Gweinyddu Meddyginiaethau’n Ddigidol (DMTP) mewn partneriaeth â Hwb Gwyddorau Bywyd Cymru (LSHW).

Maent yn ymuno â Pharmacy X, Titan PMR (Invatech), Egton Medical (EMIS), Camascope a Clanwilliam a gafwyd grantiau yn y ddwy rownd gyntaf o geisiadau am gyllid.

Bydd y grantiau yn helpu cyflenwyr i ddatblygu eu systemau i ddefnyddio gwasanaeth presgripsiynau electronig (EPS) a derbyn presgripsiynau yn ddigidol yn lle ar bapur. Bydd hefyd yn cefnogi’r cyflenwyr i gyflwyno newidiadau arloesol i’w systemau a fydd yn arwain at weinyddu’n ddi-bapur ac integreiddio ag ap newydd GIG Cymru pan gaiff ei lansio.

Darllenwch ragor ar wefan DHCW

EDRYCH AR SUT Y GALL DEALLUSRWYDD ARTIFFISIAL CHWYLDROI GOFAL IECHYD MEWN DIGWYDDIAD DATA MAWR

Cafodd cyfleoedd cyffrous ar gyfer sut y gall deallusrwydd artiffisial drawsnewid iechyd a gofal cymdeithasol yng Nghymru eu rhannu mewn gweminar Data Mawr.

Gwelwyd arweinwyr a gweithwyr data proffesiynol o sefydliadau iechyd a gofal ledled Cymru yn y digwyddiad. Cafodd y digwyddiad ei gyflwyno gan y tîm Dadansoddeg Uwch, sef menter y Rhaglen Adnodd Data Genedlaethol yn DHCW, mewn cydweithrediad â Hwb Gwyddorau Bywyd Cymru.

Yn ogystal â rhannu enghreifftiau lle mae Deallusrwydd artiffisial (AI), dysgu peirianyddol neu ddulliau arloesi eraill wedi helpu i ddatrys problemau i weithwyr gofal iechyd proffesiynol neu gleifion, aethpwyd i’r afael hefyd â heriau a rhwystrau mabwysiadu AI ar raddfa fwy ac ystyriwyd cyfleoedd ar gyfer y dyfodol i alluogi mwy o bobl i ddefnyddio AI a dadansoddeg.

Trafododd Mike Emery Prif Swyddog Digidol ac Arloesi GIG Cymru Llywodraeth Cymru a Gareth Ashman, Arweinydd Polisi Deallusrwydd Artiffisial, y strategaeth ddigidol a data ar gyfer iechyd a gofal cymdeithasol yng Nghymru a gosodwyd y blaenoriaethau ar gyfer y 12 mis nesaf.  

Darllenwch ragor ar wefan DHCW