Mawrth 2021
Croeso i e-fwletin mis Mawrth Cymru Iach ar Waith
 
Gobeithio eich bod yn ei hoffi ar ei newydd-wedd. Bob mis, rydym yn dod â’r newyddion diweddaraf am iechyd yn y gweithle i chi, gan gynnwys canllawiau Covid-19, gwybodaeth a dolenni i’r ymgyrchoedd hybu iechyd sydd ar y gweill.  
 
Mae croeso i chi rannu’r e-fwletin hwn ar draws eich rhwydweithiau. Gellir dod o hyd i wybodaeth am danysgrifio isod.
Canllawiau, Cyngor a Chymorth Covid-19

Ar hyn o bryd, mae Cymru gyfan ar lefel rhybudd 4. Yr hyn sydd angen i chi ei wneud ar lefel rhybudd 4. 

Mae’r cyfyngiadau aros gartref wedi’u disodli gan reol aros yn lleol newydd yng Nghymru fel rhan o becyn o fesurau, gan ddechrau’r broses o lacio’r rheoliadau llym sy’n gysylltiedig â’r coronafeirws.

Gwefan Cymru Iach ar Waith 
Siop un stop ar gyfer gwybodaeth, pecynnau cymorth ac adnoddau yn ymwneud â Covid-19 gan gynnwys asesiadau risg, canllawiau sector, gwybodaeth frechu ac ymgyrchoedd a gwybodaeth iechyd ehangach. Dewch i’n gweld ni yma.

Canllawiau Llywodraeth Cymru ar gyfer y Gweithle
Yn cynnwys gwybodaeth am reoliadau Coronafeirws, gweithio gartref, lleihau’r risg o drosglwyddo a gweithredu Profi, Olrhain a Diogelu. Dilynwch y ddolen hon.

Busnes Cymru
Cyfeiriadur cymorth, canllawiau a chwestiynau cyffredin ar gyfer busnesau Cymru. Cliciwch yma i gael rhagor o wybodaeth 
Arolwg i Gyflogwyr
 
Beth yw effeithiau pandemig Covid-19 ar iechyd cyflogwyr a'u staff ar hyn o bryd ac yn y dyfodol? A sut ddylai Cymru Iach ar Waith a sefydliadau partner ymateb i hyn? Rhannwch y ddolen hon gyda chyflogwyr:
 
Bydd yr arolwg yn fyw tan 31 Mawrth 2021
Fframwaith Profi Covid-19 yn y Gweithle
 
Bydd cymorth Llywodraeth Cymru ar gyfer profi asymptomatig rheolaidd mewn gweithleoedd sector preifat a chyhoeddus yn canolbwyntio ar weithleoedd:
 
• lle mae gweithwyr yn dod i fwy o gysylltiad â risg;
• lle mae gweithwyr yn gweithio’n agos at bobl eraill;
• sydd â > 50 o weithwyr nad ydynt yn gallu gweithio gartref;
• sy’n darparu ac yn cynnal gwasanaethau allweddol ar gyfer y cyhoedd.
 
Cliciwch yma i gael rhagor o wybodaeth. 
Pecyn Cymorth Covid-19 i Fusnesau
 
Mae cymorth Covid-19 ar gael i gyflogwyr a’r hunangyflogedig, gan gynnwys unig fasnachwyr a chyfarwyddwyr cwmnïau cyfyngedig, Efallai eich bod yn gymwys i gael benthyciad, rhyddhad treth a grantiau arian parod, boed eich busnes ar agor neu ar gau.
 
Defnyddiwch yr adnodd canfod cymorth busnes hwn i ddod o hyd i gymorth sydd ar gael i’ch busnes. 
Gweithio o Bell Cymru
 
Ar hyn o bryd, mae Llywodraeth Cymru yn edrych ar fodel i’r gweithle lle gall staff ddewis gweithio yn y swyddfa, gartref neu mewn canolfannau penodedig mewn trefi a chymunedau. Mae’r cynllun hwn yn ceisio cynnwys sylwadau ac adborth gan bawb ym mhob rhan o Gymru ar adeg lle mae gweithio o bell neu weithio gartref wedi dod yn drefn arferol i lawer o bobl oherwydd pandemig Covid-19. 
 
Os hoffech helpu i lywio dyfodol y gweithle yng Nghymru, dilynwch y ddolen hon i gwblhau’r arolwg erbyn 26 Mawrth. 
Dyddiadau Allweddol
 
Ar Eich Traed, Brydain 29 Ebrill
Cymerwch ran mewn diwrnod cenedlaethol pan fydd gweithwyr ledled Prydain yn uno ac yn cymryd rhan mewn gweithgareddau hwyl a syml er mwyn #EisteddLlai a #SymudMwy yn y gwaith. 
 
Cyfle gwych i godi ymwybyddiaeth am ganser y coluddyn ac i godi arian.
Edrych Ymlaen
 
Yn cael ei gynnal gan y Sefydliad Iechyd Meddwl, thema eleni yw ‘natur’ a’r nod yw sicrhau bod pawb yn gallu profi pa mor llesol yw byd natur i iechyd meddwl .
 
Mae Mis Cerdded Cenedlaethol yn annog pobl i gerdded mwy trwy gydol mis Mai. Mae'r mentrau'n cynnwys, Wythnos Cerdded i'r Gwaith ac Wythnos Cerdded i'r Ysgol.
I weld e-fwletinau Cymru Iach ar Waith blaenorol, cliciwch yma. 
 
Ar gyfer tanysgrifwyr newydd, i dderbyn yr e-fwletinau misol hyn, e-bostiwch workplacehealth@wales.nhs.uk gan gynnwys TANYSGRIFIO yn y blwch testun.
 
Rydym wedi oedi’r rhaglen Cymru Iach ar Waith dros dro o ganlyniad i’r pandemig, ond rydym yn parhau â’n rôl i hybu iechyd a lles. Rydym hefyd yn cysylltu â sefydliadau lle mae eu dyfarniad iechyd yn y gweithle wedi/neu ar fin dod i ben i gynnig Gwiriad Statws Ailddilysu. Os yw hyn yn berthnasol i’ch sefydliad, anfonwch e-bost at workplacehealth@wales.nhs.uk.