9 Oktòb 2023
Distri A Apwouve Pi Gwo Ogmantasyon Salè Pou Pwofesè Pou Ane Akademik 2023-2024 La

Distri a rive jwenn yon akò ak Asosyasyon Pwofesè Lekòl nan Rejyon Palm Beach la (CTA) pou bay yon ogmantasyon salè mwayèn 7% ak yon bonis 3% pou anplwaye ki ap anseye yo.

Sipèentandan Mike Burke di: “Edikatè nou yo travay san pran souf pou elèv nou yo, nou kontan anpil pou n pwopoze ogmantasyon salè istorik sa a bay Asosyasyon Pwofesè Lekòl yo. Akò sa a pral ogmante salè pwofesè yo pi wo pase sa li te janm ye nan 30 ane ki sot pase yo. Nou espere li ede nou rekrite plis bon kalite pwofesè, epi montre apresyasyon nou pou edikatè nou genyen aktyèlman yo.”
“ENFÒME W” Ap Resevwa Kòm Envite Frantz Théus Ki Ap Bay Enfòmasyon Sou Pwogram Chwa Yo
Elèv Aprann Sekirite Pyeton Pandan Jounen Pou Mache Pou Ale Lekòl
Nan maten Mèkredi 4 oktòb la, yon total 66 lekòl te patisipe nan Jounen Nasyonal Mache Pou Ale Lekòl nan tout Distri Lekòl Rejyon Palm Beach la. Evènman ane sa a te pi gwo selebrasyon nan eta Florid ak youn nan pi gwo selebrasyon nan peyi a. Mèsi tout elèv, anplwaye, ak paran ki te patisipe!
Remèsye Yon Pwofesè Kòm Pwofesè Semèn Nan
Gregg Lasher se nouvo gayan inisyativ “Remèsye Yon Pwofesè” nan Distri Lekòl Rejyon Palm Beach la. Li jwenn nominasyon kòm Pwofesè Pou Semèn pase a. Li se yon pwofesè jewometri nan Lekòl Segondè Boca Raton. Li te resevwa vizit sipriz nan klas li pou gwo anons sa a. Li resevwa yon chèk $250 soti nan men HCA Florida Healthcare ki se esponnsò inisyativ la pou ane sa a. Inisyativ “Remèsye Yon Pwofesè” genyen kòm objektif pou ankouraje epi rekonèt yon pwofesè paran, elèv ak kanmarad li nonmen pou gwo enpak pozitif li genyen sou elèv li.

Distri Lekòl Rejyon Palm Beach Se Meyè Chwa
Pou Mete Pitit Ou
Gen anpil rezon ki fè 182 lekòl nan Distri Lekòl Rejyon Palm Beach yo se meyè chwa w pou edikasyon pitit ou. Jwenn plis enfòmasyon nan Ekspozisyon Lekòl Yo nan dat 17 oktòb a 4 p.m. rive 8 p.m., nan South Florida Fairgrounds Expo Center. Aplikasyon Chwa pou ane lekòl 2024-2025 la ap ouvri 1ye novanm 2023. Klike la a pou w aprann plis!

Elèv Nou Yo Ap Aprann Anpil Nan Karyè
Nan Ospitalite ak Touris
Discover The Palm Beaches an patenarya ak Distri Lekòl Rejyon Palm Beach ede elèv eksplore posiblite karyè nan pi gwo endistri Sid Florid la, Ospitalite ak touris. Elèv yo te vizite Kravis Center for the Performing Arts ak The Ben Hotel nan West Palm Beach.
Elèv Distri Yo Ap Prepare Pou Karyè Nan Aviyasyon
Nicole Ward, yon ansyen nan Lekòl Segondè Suncoast di: "Mwen ta renmen vini yon Pilòt."

Distri Lekòl Rejyon Palm Beach ak Ayewopò Entènasyonal Palm Beach fè patenarya pou prezante elèv yo yon pakèt opòtinite karyè nan domèn aviyasyon. Jounen Karyè nan Aviyasyon ane sa a te pèmèt elèv ki soti nan Suncoast, Boynton Beach, ak Lekòl Segondè Atlantic kite klas yo pou rantre nan kabin avyon pou eksplore fiti yo.