ᑎᓯᐱᕆ 2021
ᐊᕐᕌᒍᑕᒫᑦ ᐊᑭᓖᔾᔪᑎᓄᑦ ᐅᓂᒃᑳᑦ
ᑐᓂᓯᕙᓪᓕᐊᔪᓐᓇᖅᓯᔪᓯ ᕿᓚᒻᒥᐅᓛᖑᔪᓐᓇᖅᑐᑦ ᔮᓐᓄᐊᕆ 1, 2022
ᒫᓐᓇᒃᑯᑦ, ᐃᖅᑲᓇᐃᔭᕐᕖᑦ ᐱᓯᒪᔪᑦᓴᐅᓕᖅᑐᑦ ᑐᑭᓯᒋᐊᕈᑎᓂᑦ ᖃᓄᖅ ᑐᓂᓯᔪᓐᓇᕐᒪᖔᑕ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ ᐊᖅᑯᑎᒋᓪᓗᒍ WSCC Connect. ᐅᓪᓗᕐᓯᐅᑎᒍᑦ ᑐᓂᓯᔪᓐᓇᕐᕕᐅᔫᑉ ᐅᓂᒃᑳᓂᑦ ᕕᕝᕗᐊᕆ 28, 2022, ᑭᓯᐊᓂᑦᑕᐅᖅ ᑐᓂᓯᔪᓐᓇᓯᐊᖅᑐᓯ ᓯᕗᓂᑐᖃᖓᒍᑦ ᐃᒻᒪᖄ ᔮᓐᓄᐊᕆ 1, 2022 ᐊᑐᐃᓐᓇᐅᑉᐸᑕ. ᐃᖅᑲᐅᒪᓂᐊᖅᐳᑎᑦ, ᑐᓂᓯᒋᐊᖃᖅᑐᑎᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.

ᕿᒥᕐᕈᓗᒋᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐊᐱᖅᑯᑏᑦ

2022-ᒥᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓴᖅᑮᓛᖅᑐᑦ ᓄᑖᒥᒃ ᐱᓕᕆᐊᒃᓴᐅᔪᒥᒃ ᑕᐃᔭᐅᓪᓗᓂ Safe Workplace. ᑖᒃᑯᐊ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐊᐱᖅᑯᑏᑦ ᑖᒃᑯᓄᖓ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᖅ (APR) ᐊᑐᖅᑕᐅᕙᓚᐅᖅᑐᑦ ᓇᓗᓇᐃᖅᑕᐅᓇᓱᐊᖅᑎᓪᓗᒍ ᑲᒻᐸᓂᐅᔫᑉ ᖃᓄᐃᓕᖓᓂᖓ ᐊᑦᑕᕐᓇᙱᑦᑑᓪᓗᓂ ᐃᖅᑲᓇᐃᔭᕐᕕᒃ. WSCC Connect ᐊᑐᖅᑎᐅᔪᑦ ᐅᖃᖃᑎᖃᓪᓗᐊᖅᐳᑦ ᐃᓄᖕᒧᑦ ᐊᐅᓚᑦᑎᕙᒃᑐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑲᒻᐸᓂᓐᓂᑦ (ᐅᕝᕙᓘᓐᓃᑦ ᑲᒻᐸᓂᒧᑦ ᑎᑎᕋᕈᔾᔨᕙᓪᓕᐊᓂᕐᓄᑦ) ᐃᓕᖕᓂ ᑐᓂᓯᓂᕐᒧᑦ ᑭᐅᓂᐅᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᒋᔭᖏᓐᓄᑦ. ᑕᒪᒃᑭᕐᓯᒪᔪᑦ ᒪᑯᓄᖓ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐊᐱᖅᑯᑎᐅᕙᒃᑐᑦ ᓄᑖᓂ ᑐᑭᓯᒋᐊᕈᑎᖃᖅᖢᑎᒃ ᓇᓂ ᓇᓂᓯᔪᓐᓇᕐᒪᖔᑦ ᐅᕙᓃᑦᑐᖅ ᐃᓚᖓ 4 ᐅᕙᓂ ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ.

ᐃᑲᔪᖅᓯᖅᑕᐅᔪᒪᒍᕕᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐊᐱᖅᑯᑎᖏᓐᓄᑦ ᐅᖃᖃᑎᒋᑎᒍᑦ ᐅᓪᓗᒥ. ᐱᓕᕆᔾᔪᑏᑦ ᖃᓄᖅ ᐋᖅᑭᑦᓯᒪᒋᐊᖃᕐᓂᖏᓐᓂᑦ ᐃᑲᔪᕆᐊᖃᕈᑦᓯ ᐅᑯᓅᓇ WSCC Connect, ᑕᑯᓂᐊᕐᓗᒍ WSCC Connect Help ᒪᑉᐱᒐᖅ ᐅᕝᕙᓘᓐᓃᑦ ᐅᖄᓚᕕᒋᓗᒋᑦ ᐅᖓᓯᑦᑐᒧᑦ ᐊᑭᓖᒋᐊᖃᖕᖏᑦᑐᑦ ᐅᖄᓚᕕᒋᓗᒋᑦ 1-844-238-5008.
Safe Workplace 
ᑭᓱᓂᒃ ᑐᓴᖅᓯᒪᕕᑕ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᕙᒌᔭᐃᑎᓪᓗᒋᑦ ᓴᖅᑭᑦᑎᓂᕐᒧᑦ ᓄᑖᒥᒃ Safe Workplace ᐱᓕᕆᐊᒃᓴᒥᒃ ᔮᓐᓄᐊᕆ 2022-ᒥᑦ, ᖁᔭᓕᔪᒪᕙᑦᑎᒋᑦ ᐅᖃᐅᓯᒃᓴᖃᕐᕕᒋᓚᐅᕋᕕᐅᒃ. ᐃᖅᑲᓇᐃᔭᖅᑎᑦᑎᔩᑦ ᐊᒻᒪᓗ ᐱᓕᕆᖃᑎᖏᑦ ᓄᓇᕗᓗᒃᑖᒥᑦ ᓄᓇᑦᓯᐊᓗᒃᑖᒥᓪᓗ ᐅᖃᕆᐊᖅᑐᖃᑦᑕᖅᓯᒪᓚᐅᕐᒪᑕ ᐃᓱᒪᒋᔭᖏᓐᓂᒃ. ᑖᓐᓇ ᑐᓴᖅᑎᑦᑎᓂᖅ ᐱᒻᒪᕆᐅᓪᓗᓂ ᐃᓚᒋᔭᐅᓚᐳᖅᑐᖅ ᓴᓇᓇᓱᒃᑎᓪᓗᒋᑦ ᓄᑖᒥᒃ ᐱᓕᕆᐊᒃᓴᒥᒃ ᐱᐊᓯᒋᐊᖁᓪᓗᒋᑦ ᐋᓐᓂᐊᖃᖅᑕᐃᓕᒪᓃᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓃᑦ ᐃᖅᑲᓇᐃᔭᕐᕕᖕᓂᑦ ᐅᑭᐅᖅᑕᖅᑐᒥᑦ. ᐅᖃᓕᒫᕈᓐᓇᖅᑕᑎᑦ “ᑭᓱᓂᒃ ᑐᓴᓚᐅᕐᒪᖔᑦᑕ ᐅᓂᒃᑳᖅ”, ᐊᑏ ᑕᑯᔭᖅᑐᕈᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᕆᓴᐅᔭᒃᑯᑦ ᐃᑭᐊᖅᑭᕕᖓᑦᑎᒍᑦ.
ᓄᑖᑦ ᐃᑲᔫᑎᒃᓴᓄᑦ ᐊᑐᖅᑕᐅᔪᓐᓇᖅᑐᑦ
ᐃᓱᒪᒧᑦ ᐋᓐᓂᐊᖃᖅᑕᐃᓕᒪᓂᖅ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᕐᕕᖕᒥᑦ ᒪᓕᒃᑕᐅᔪᓐᓇᖅᑐᑦ
ᐅᖃᐅᓯᒃᓴᐅᔪᑦ ᐱᒻᒪᕆᐅᓂᖓᓂᒃ ᐃᓱᒪᒧᑦ ᖃᓄᐃᙱᑦᑎᐊᕐᓂᐅᑉ ᒥᒃᓵᓄᑦ ᑐᓴᖅᑕᐅᒐᔪᖕᓂᖅᓴᐅᕙᓪᓕᐊᓕᕐᒪᑕ ᐃᖅᑲᓇᐃᔭᕐᕕᖕᒥᑦ. ᐱᐅᔫᓪᓗᓂ ᐊᑐᖅᑕᐅᕙᓪᓕᐊᓕᖅᑐᖅ ᑕᒪᓐᓇ ᐱᒻᒪᕆᐅᔪᖅ ᐅᖃᐅᓯᒃᓴᖅ ᓴᖅᑭᔮᖅᑎᓪᓗᒍ, ᑭᓯᐊᓂᓕ ᓇᒧᙵᐅᓂᐊᖅᐱᑕ ᑕᕝᕙᙵᑦ? ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓴᖅᑮᓯᒪᓕᖅᑐᑦ ᐊᑐᒐᕐᓂᖅᑐᒥᒃ, ᑭᖑᓕᕇᓂᒃ ᒪᓕᒃᑕᐅᔪᓐᓇᖅᑐᓂᒃ ᐃᑲᔪᕐᓂᐊᖅᑐᑦ ᐃᖅᑲᓇᐃᔭᖅᑎᑦᑎᔨᓂᒃ ᓴᖅᑮᓗᑎᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᕆᐊᒃᓴᐅᔪᓂᒃ ᐱᓕᕆᐊᖑᔪᓐᓇᖅᑐᑦ ᐱᐅᓯᒋᐊᖅᑕᐅᖁᓪᓗᒋᑦ ᐃᓱᒪᒧᑦ ᐋᓐᓂᐊᖃᖅᑕᐃᓕᒪᓃᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓃᑦ ᐃᖅᑲᓇᐃᔭᕐᕕᖏᓐᓂ(ᑦ). ᑖᓐᓇ ᒪᓕᒃᑕᐅᔪᓐᓇᖅᑐᑦ ᐅᖃᐅᓯᖃᖅᑐᑦ ᐃᓚᖏᓐᓂᒃ ᑕᐅᑐᒃᑕᐅᔪᓂᒃ ᐃᓄᐃᑦ ᑲᒪᖃᑦᑕᕐᓂᖏᓐᓄᑦ ᐃᓱᒪᒧᑦ ᖃᓄᐃᙱᑦᑎᐊᕐᓂᕐᒧᑦ ᐊᔪᕐᓇᕈᑎᓂᒃ, ᐊᒻᒪᓗ ᓴᓇᕐᕈᑏᑦ ᐃᑲᔪᕐᓂᐊᖅᑐᑦ ᐊᖏᔪᖅᑳᓂᒃ ᐃᑲᔪᖅᓯᑦᑎᐊᕈᓐᓇᖁᓪᓗᒋᑦ ᑕᐃᒃᑯᓂᖓ ᐃᓄᖕᓂᒃ ᐊᒻᒪᓗ ᐃᖅᑲᓇᐃᔭᖅᑏᑦ ᐊᑦᑕᕐᓇᖅᑐᒦᖁᓇᒋᑦ, ᐃᓚᐅᑎᓪᓗᒋᑦ ᐊᒻᒪᓗ ᓴᓇᑦᑎᐊᖏᓐᓇᕈᓐᓇᖁᓪᓗᒋᑦ. ᑖᓐᓇ ᒪᓕᒃᑕᐅᔪᓐᓇᖅᑐᑦ ᐱᓕᕆᐊᖃᕐᓂᐊᖅᑐᑦ ᐊᑐᕐᓗᑎᒃ ᐱᖓᓱᓂᒃ ᐱᒻᒪᕆᐅᔪᓂᒃ ᑭᖑᓕᕇᓂᒃ ᒪᓕᒃᑕᐅᔪᓐᓇᖅᑐᓂᒃ:

  1. ᑎᒥᐅᔪᑦ ᐊᖏᖅᓯᒪᓂᖏᑦ – ᐋᖅᑭᒃᓯᓗᑎᒃ ᐱᒻᒪᕆᐅᒋᔭᐅᔪᓂᒃ ᓇᖕᒥᓂᕆᔭᐅᔫᑉ/ᑎᒥᐅᔫᑦ ᐋᖅᑭᒃᑕᖏᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᖅᑎᖁᑎᖏᓐᓄᑦ, ᑎᒥᖏᓐᓂᑦ ᑖᒃᑯᓄᖓ ᐃᒃᐱᖕᓂᐊᓂᖏᓐᓄᑦ ᐊᒻᒪᓗ ᐃᓱᒪᐅᑉ ᖃᓄᐃᙱᑦᑎᐊᕐᓂᖓᓄᑦ.
  2. ᐸᕐᓇᐃᓂᖅ ᐊᒻᒪᓗ ᐊᑐᓕᖅᑎᑦᑎᓂᖅ – ᑲᔪᓯᕙᓪᓕᐊᓂᖓ ᐸᕐᓇᐃᓂᐅᑉ ᐊᓯᔾᔨᐅᑎᓪᓚᑦᑖᓄᑦ ᑎᒥᐅᔪᒥᑦ, ᐊᒻᒪᓗ ᒪᓕᒃᑕᐅᓗᑎᒃ ᐸᕐᓇᐅᑎᓕᐊᑎᑦ.
  3. ᐊᖏᖅᑕᐅᓯᒪᐃᓐᓇᕐᓗᑎᒃ ᐊᒻᒪᓗ ᐱᐊᓯᒋᐊᖏᓐᓇᖃᑦᑕᕐᓗᑎᒃ – ᖃᐅᔨᒋᐊᖅᑕᐅᕙᒡᓗᑎᒃ ᐱᒻᒪᕆᐅᔪᖅ. ᓴᖅᑮᓗᑎᒃ ᐅᓪᓗᒃᓴᖏᓐᓂᒃ ᓴᖅᑭᔮᖅᑎᑦᑎᖁᓪᓗᒋᑦ ᐊᒻᒪᓗ ᖃᐅᔨᓴᖅᑕᐅᓗᑎᒃ ᐊᓂᒍᖅᑕᐅᑦᑎᐊᖃᑦᑕᖅᑐᑦ ᐸᕐᓇᐅᑎᖕᓂᑦ, ᐊᒻᒪᓗ ᐱᒻᒪᕆᐅᓛᖅ, ᓇᓂᓯᖃᑦᑕᕐᓗᓯ ᓇᐅᒃᑯᑦ ᐱᐅᓯᒋᐊᕈᓐᓇᕐᒪᖔᑦ. 

ᐱᒻᒪᕆᐅᔪᖅ ᑖᓐᓇ ᐃᓱᒪᒧᑦ ᖃᓄᐃᙱᑦᑎᐊᕐᓂᖅ ᐊᑕᐅᓯᐊᑐᐃᓐᓇᖅ ᐅᖃᐅᓯᐅᔪᓐᓇᙱᒻᒪᑦ, ᑭᓯᐊᓂᓕ ᓯᕗᓪᓕᐅᑎᔭᕆᐊᖃᖅᑕᕗᑦ ᐃᓂᓕᐅᕐᓗᑎᒍᓪᓗ ᐃᖅᑲᓇᐃᔭᕐᕕᑦᑎᓐᓂᑦ. ᓇᓂᔪᓐᓇᖅᑕᐃᑦ ᑖᓐᓇ ᒪᓕᒃᑕᐅᔪᓐᓇᖅᑐᑦ, ᐋᖅᑭᒋᐊᖅᑕᐅᓯᒪᓪᓗᓂ ᑲᓇᑕᒥᑦ ᒪᓕᒃᑕᐅᕙᒃᑐᑦ ᑖᒃᑯᓄᖓ ᐃᓱᒪᒧᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᕐᕕᖕᒥᑦ, ᑕᑯᔭᖅᑐᕐᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᕆᓴᐅᔭᒃᑯᑦ ᐃᑭᐊᖅᑭᕕᖓᑦ ᐅᓪᓗᒥ.
ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ 
ᐱᔭᐅᔭᕆᐊᓖᑦ ᑎᓯᐱᕆ 31, 2021−ᒥ
ᓇᖕᒥᓂᖃᖅᑎᐅᒍᕕ, ᑲᑐᔾᔨᖃᑎᒋᔭᐅᒍᕕ, ᑎᑎᕋᖅᓯᒪᒍᕕᑦ ᑐᑭᒧᐊᖅᑎᑦᑎᔨᐅᓪᓗᑎ, ᐅᕝᕙᓘᓐᓃᑦ ᓇᖕᒥᓂ−ᐃᖅᑲᓇᐃᔭᖅᑎᐅᒍᕕᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᓇᓪᓕᐅᒃᑯᒫᖃᑦᑕᐅᑎᒋᙱᑦᑐᑎᑦ ᐃᒡᕕᑦ ᐃᖅᑲᓇᐃᔮᖓᒍᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᓇᓪᓕᐅᒃᑯᒫᖃᓂᐊᓗᓂ, ᐊᑎᓕᐅᕆᐊᖃᖅᑐᑎ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒧᑦ, ᐊᔾᔨᒌᑦᑐᓂ ᐃᑲᔫᑎᓂ ᐊᑐᐃᓐᓇᐅᑎᑦᑎᓲᑦ ᐊᓯᖏᑎᑐᑦ ᓴᓇᔨᐅᔪᓂ ᐃᖅᑲᓇᐃᔭᕐᕕᖕᒥ ᐋᓐᓂᐊᕐᓇᑐᑖᑲᓪᓛᒃᑯᕕᑦ ᐊᒻᒪ ᐋᓐᓂᑳᓪᓚᒃᑯᕕᑦ.

ᓇᓪᓕᐅᒃᑯᒫᖅᑖᕈᓐᓇᖅᑐᑎᑦ ᑕᖅᑭᑐᐊᕐᒧᑦ ᐊᒻᒪ ᐊᕐᕌᒍᓕᒫᒧᑦ. ᓇᓪᓕᐅᒃᑯᒫᒃᓴᐃᑦ ᓄᑖᙳᖅᑎᔭᕆᐊᖃᖅᑕᐃ ᐊᕐᕌᒍᑕᒫᑦ. ᖃᐅᔨᒪᒋᐊᑦᑎᐊᕐᓗᑎ ᓇᓪᓕᐅᒃᑯᒫᖃᕐᓂᕐᒧᑦ ᓄᖅᑲᖓᑲᐃᓐᓇᔾᔪᑎᖃᙱᑦᑐᖅ, ᐊᑏ 2022-ᒧᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᑦ ᑐᓂᓯᒪᓂᐊᖅᐸᐃ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄ ᖄᖏᓚᐅᖅᑎᓐᓇᒍ ᑎᓯᐱᕆ 31, 2021.

ᕿᒥᕐᕈᐊᓂᕐᒧᑦ ᐊᒻᒪ ᑕᑕᑎᕆᓂᕐᒧᑦ ᑖᔅᓱᒥᖓ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ, ᓇᕿᑦᑎᓗᑎ ᒪᐅᓇ. ᖃᕆᓴᐅᔭᒃᑯᑦ ᐃᕐᖐᓐᓈᕈᓐᓇᐅᑎᒃᑯᑦ ᓇᒃᓯᐅᑎᓗᒋ ᑕᑕᑎᕆᐊᓖᑦ ᓇᓕᐊᖕᓄᑐᐃᓐᓇᖅ ᓄᓇᕗᑦ ᐅᕝᕙᓘᓐᓃᑦ ᓄᓇᑦᓯᐊᖅ ᑎᑎᕋᕐᕕᖏᑦ, ᐅᕝᕙᓘᓐᓃᑦ ᓱᒃᑲᔪᒃᑯᑦ ᐊᑭᖃᙱᑦᑐᖅ ᓄᓇᕘᒥᑦ ᑎᑎᕋᕐᕕᖓᓂᑦ ᐅᕗᖓ 1 (866) 979-8501 ᐅᕝᕙᓘᓐᓃᑦ ᓄᓇᑦᓯᐊᒥᑦ ᑎᑎᕋᕐᕕᖓᓄᑦ ᐅᕗᖓ 1 (866) 277-3677.
ᐱᓕᕆᔨᐅᔪᓄᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓂᕐᓗᒃᑕᐅᔪᓂᒃ ᖃᓄᐃᑦᑐᓐᓃᕐᔫᒥᑎᑦᑎᓇᓱᖕᓂᕐᒧᑦ ᑲᑎᒪᔨᓄᑦ ᓇᖕᒥᓂᖃᖃᑕᐅᔪᓄᑦ ᖃᐅᔨᓴᖅᑕᐅᓚᐅᖅᑐᓄᑦ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᖃᑎᖃᖅᑐᑦ Malatest-ᒥᒃ, ᐃᒻᒥᒃᑰᖓᔪᑦ ᖃᐅᔨᓴᕐᓂᖅᒥᒃ ᐱᓕᕆᐊᖃᖅᑐᑦ ᖃᓄᖅ ᐃᖅᑲᓇᐃᔭᖅᑎᑦᑎᔨᐅᔪᑦ ᐊᒻᒪ ᐃᖅᑲᓇᐃᔭᖅᑐᑦ ᐅᑯᓂᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ (WSCC) ᐱᓕᕆᖃᑎᖃᖃᑦᑕᕐᓂᖏᓐᓂᒃ.

ᑕᒪᕐᒥᒃ ᖃᐅᔨᔭᐅᔪᑦ ᖃᐅᔨᓴᕈᑎᑎᒍᑦ ᑕᒪᐅᖓᒥᐊᖅ ᐅᖃᐅᓯᐅᔾᔮᙱᑦᑐᑦ, ᑕᐃᒪᓕ ᐃᓚᐅᔪᑦ ᖃᐅᔨᒪᔭᐅᓇᔭᙱᑦᑐᑦ ᑭᐅᔾᔪᑎᖏᓐᓄᑦ. ᑕᒪᕐᒥᒃ ᑐᓴᖅᑕᐅᔪᒃᓴᑦ ᒪᓂᒪᔭᐅᔪᑦ ᓴᐳᔾᔭᐅᓯᒪᔪᑦ ᐅᕘᓇ ᓄᓇᑦᓯᐊᕐᒥ ᑐᓴᐅᒪᔭᕆᐊᓕᖕᓂ ᐊᑐᐃᓐᓇᖃᕐᓂᖅᒧᑦ ᐊᒻᒪ ᓴᐳᔾᔨᓯᒪᓂᖅᒧᑦ ᒪᓕᒐᖅᓂᒃ.

ᐅᖃᐅᑎᑎᒍᑦ ᖃᓄᖅ ᐃᓱᒪᖃᕐᒪᖔᖅᐱᑦ ᑕᒪᒃᑯᓂᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᓕᕆᑎᑦᑎᔾᔪᑎᒋᔭᖏᓐᓂᒃ ᐅᖃᓗᒡᓗᑎᑦ ᐅᕗᖓ 1-866-247-6465 ᐊᑭᖃᙱᑦᑐᖅ ᐅᕝᕙᓘᓐᓃᑦ ᐱᔭᕇᑦᑎᐊᕐᓗᒍ ᓇᐃᑦᑐᖅ ᑕᑕᑎᕆᐊᓕᒃ ᐊᐱᖅᓲᑎ ᖃᐅᔨᓴᕈᑎ ᖃᕆᓴᐅᔭᒃᑯᑦ.
ᐊᑐᐊᒐᐃᑦ ᐊᓯᔾᔨᕐᓂᖏᑦ
ᐊᐅᓚᑦᑎᓂᕐᒧᑦ ᑲᑎᒪᔩᑦ ᕿᒥᕐᕈᐊᓚᐅᕐᒪᑕ ᐊᒻᒪ ᐊᖏᓚᐅᖅᖢᑎ ᑕᒪᒃᑯᓂᖓ ᐊᑐᐊᒐᕐᓂᒃ ᓯᑎᐱᕆ 2021-ᒥ ᑲᑎᒪᑎᓪᓗᒋᑦ:

  • ᐊᑐᐊᒐᖅ 00.03 – ᐱᔪᓐᓇᐅᑎᖃᕐᕕᖃᖃᑎᒌᓄᑦ ᐊᖏᖁᑎ 
  • ᐊᑐᐊᒐᖅ 02.04 – ᓇᓪᓕᐅᒃᑯᒫᑦ ᓯᓚᑖᓂᑦ ᓄᓇᑦᓯᐊᑉ ᐊᒻᒪᓗ ᓄᓇᕘᑉ
  • ᐊᑐᐊᒐᖅ 02.07 – ᐱᓕᕆᐊᒃᓴᕐᔪᐊᑦ ᖃᐅᔨᓴᖅᑕᐅᓂᖏᑦ
  • ᐊᑐᐊᒐᖅ 06.01 – ᓄᖅᑲᐅᓯᐅᒃᓴᓄᑦ ᐱᖃᑕᐅᔪᓐᓇᕐᓂᐅᔪᑦ
  • ᐊᑐᐊᒐᖅ 06.02 – ᐃᑦᑐᖅᓯᐅᑎᓂᒃ ᓴᖑᑎᑦᑎᓂᐅᔪᓂ ᐊᒻᒪ ᐅᖓᕙᕆᐊᖅᑕᐅᓂᖏᓐᓂ
  • ᐊᑐᐊᒐᖅ 06.03 – ᐋᖅᑭᑦᑕᐅᓂᖏᑦ ᐃᓕᓯᒪᐃᓐᓇᕐᓂᐊᖅᑐᓄᑦ ᐊᑭᓕᖅᑕᐅᔾᔪᑎᓄᑦ

ᑕᑯᒋᐊᕐᓗᒍ ᑖᓐᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᖁᑎᖏᓐᓂᒃ ᐅᕝᕙᓘᓐᓃᑦ ᑖᓐᓇ ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦᑐᑭᒧᐊᕈᑎᓂ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᕋᕐᕕᖓ ᒪᑐᓯᒪᓛᖅᑐᖅ ᕿᑲᕐᓇᒥᑦ ᕿᑎᖅᑰᑦ, ᑎᓯᐱᕆ 23, ᐊᒻᒪᓗ ᐅᒃᑯᐃᒃᑲᓐᓂᕐᓗᑎᒃ ᐊᐃᑉᐹ, ᔮᓐᓄᐊᕆ 4, 2022-ᒥᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.
Workers' Safety and Compensation Commission of the Northwest Territories and Nunavut,
5022 49th Street, 5th Floor, Centre Square Tower, Box 8888, Yellowknife, NT X1A 2R3 Canada