Cylchlythyr Mis Mehefin 2023

Y NEWYDDION DIWEDDARAF

Tîm Dewis Fferyllfa yn Ennill Gwobr am ei Waith Stiwardiaeth Ddiagnostig

Mae gwaith tîm Dewis Fferyllfa yn Iechyd a Gofal Digidol Cymru (DHCW) wedi’i gydnabod yng Ngwobrau Antibiotic Guardian.

Mewn cydweithrediad â Phrifysgol Caerdydd, enillodd y tîm y Wobr Stiwardiaeth Ddiagnostig am ei werthusiad o wasanaeth profi a thrin dolur gwddf (STTT) mewn fferyllfeydd cymunedol.

Mae STTT yn wasanaeth rhad ac am ddim ac mae dros 134 o fferyllfeydd cymunedol yng Nghymru yn cynnig y gwasanaeth. Gall pobl gael cyngor am eu symptomau, cael asesiad ac os oes angen cael swab gwddf, a elwir hefyd yn brawf pwynt gofal (POCT). Yna gall fferyllwyr gynnig y driniaeth gywir. Gall hyn gynnwys cymryd gwrthfiotigau neu feddyginiaeth lleddfu poen.

Darllenwch ragor ar wefan DHCW

Y ddau gyflenwr systemau fferylliaeth gymunedol cyntaf wedi cael cyllid i ddatblygu gwasanaeth presgripsiynau electronig yng Nghymru

Mae’r Gronfa Arloesi System Fferylliaeth yn y Gymuned, a sefydlwyd i gefnogi’r gwaith o gyflwyno gwasanaeth presgripsiynau electronig (EPS) yng Nghymru, wedi dyfarnu ei grantiau cyntaf – i ddau gyflenwr systemau digidol fferylliaeth yn y gymuned.

Bydd y grantiau yn helpu cyflenwyr i ddatblygu eu systemau i ddefnyddio gwasanaeth presgripsiynau electronig a chael presgripsiynau yn ddigidol yn hytrach nag ar bapur.

Byddant hefyd yn helpu cyflenwyr i gyflwyno newidiadau arloesol i’w systemau, a fydd yn arwain at ddosbarthu presgripsiynau yn ddi-bapur ac integreiddio ag ap newydd GIG Cymru pan gaiff ei lansio.

Darllenwch ragor ar wefan DHCW

Penodi arweinydd newydd ar gyfer Rhaglen Rhagnodi a Gweinyddu Meddyginiaethau yn Electronig mewn ysbytai

Mae cofnod electronig a ddyluniwyd yn benodol ar gyfer cleifion diabetes yn mynd o nerth i nerth. Mae dros 6,000 o nodiadau ymgynghoriad Diabetes (DCN) yn cael eu creu bob mis ac mae mwy na 150,000 o DCNs wedi’u creu ers ei lansio yn 2019.

Mae'r DCN yn darparu mynediad amser real i'r holl wybodaeth am ofal diabetes ar un platfform ym Mhorth Clinigol Cymru. Mae'n gwella ansawdd a diogelwch gofal trwy leihau'r achosion o ddyblygu profion, triniaethau ac apwyntiadau, ac yn caniatáu mynediad cyflymach at ddata i bob gweithiwr gofal iechyd proffesiynol.

Darllenwch ragor ar wefan DHCW

DIWEDDARIADAU PELLACH

Cerdded gyda Balchder: Gorymdaith Pride Cymru

Ar 17 Mehefin cerddodd pobl o bob rhan o’r GIG mewn gorymdaith drwy Ganol Dinas Caerdydd i ddathlu mis Balchder.

Roedd yr orymdaith yn cynnwys pobl o bob cefndir a safle cymdeithasol yn dathlu eu hunigrywiaeth a’u hunaniaeth. Rydym yn falch o aelodau staff DHCW a gymerodd ran yn yr hyn sydd yn un o ddathliadau mwyaf Cymru o ran hyrwyddo cydraddoldeb ac amrywiaeth.

Cynhadledd Ryngwladol ar Ofal Integredig

Mae Gwobrau HSJ yn glod uchel ei barch o ragoriaeth gwasanaeth gofal iechyd yn y DU, gan daflu goleuni ar yr ymdrechion a’r cyflawniadau rhagorol a wneir gan dimau ar draws y sector gofal iechyd. Eleni, er nad oedd DHCW yn enillwyr, roedden ni wedi cyrraedd y rownd derfynol mewn tri chategori gwahanol.

Cyrhaeddodd DHCW mewn cydweithrediad â Chanolfan Gwerth mewn Iechyd Cymru rownd derfynol y categori 'Ysgogi Newid trwy Ddata a Dadansoddeg' am eu gwaith gyda Dangosfyrddau Data Iechyd GIG Cymru.

Yn sgil 'Gwella Gofal y Tu Allan i'r Ysbyty trwy Ddigidol', cyrhaeddodd DHCW, Prifysgol Caerdydd, Fferylliaeth Gymunedol Cymru a Llywodraeth Cymru rownd derfynol Gwasanaeth Adolygu Meddyginiaethau wrth Ryddhau (DMR) - Mynd yn Ddigidol.

Cafodd Cofnod Gofal Nyrsio Cymru ganmoliaeth uchel yn y rownd derfynol ar gyfer 'Tîm Digidol y Flwyddyn'.

Rydym am longyfarch yr holl dimau a enwebwyd a chymryd eiliad i gymeradwyo eu gwaith caled.

DIGWYDDIADAU I DDOD

Iechyd a Gofal Digidol dan sylw mewn dau ddigwyddiad mawr

Rydym yn gyffrous i fod yn rhan o ddwy gynhadledd a digwyddiad mawr sydd ar ddod.

Ar 5 Gorffennaf yn y Senedd ym Mae Caerdydd rydym yn falch o fod yn rhan o ddathliad pen-blwydd arbennig sy’n cael ei gynnal i nodi 75 mlynedd o GIG Cymru.

Byddwn yn rhan o’r arddangosfa ‘Dyfodol Iechyd a Gofal’, lle byddwn yn arddangos:

y Portffolio Trawsnewid Gweinyddu Meddyginiaethau’n Ddigidol
ap GIG Cymru
yr Adnodd Data Cenedlaethol

Rydym hefyd yn rhan o ddigwyddiad nodi 75 mlynedd a drefnwyd gan Gomisiwn Bevan - Y Pwynt Tyngedfennol: Lle nesaf i iechyd a gofal?

Fe’i cynhelir ar 5 a 6 Gorffennaf yn y Celtic Manor, Casnewydd, ac mae’n dod â thua 400 o arbenigwyr rhyngwladol ac uwch arweinwyr ynghyd ar gyfer sgyrsiau am ddyfodol iechyd a gofal yng Nghymru a’r camau sydd eu hangen i ailadeiladu systemau gofal cymdeithasol iechyd a TG er mwyn iddynt ffynnu mewn byd modern. Bydd Iechyd a Gofal Digidol Cymru a’r Portffolio Trawsnewid Gweinyddu Meddyginiaethau’n Ddigidol yn cynnal sesiwn grŵp 40 munud ar gyfer cynrychiolwyr am 3.00pm ar yr ail ddiwrnod (6 Gorffennaf).

Gweithdai Darganfod Digidol

Sganiwch y cod QR am ddyddiadau, lleoliadau ac i archebu gweithdy, neu ewch i https://igdc.gig.cymru/systemau-a-gwasanaethau/gofal-sylfaenol/gweithdai-darganfod-digidol/

I gael rhagor o wybodaeth, cysylltwch â DHCW.PCMHDigital@wales.nhs.uk

dhcw-enquiries@wales.nhs.uk

dhcw.nhs.wales

igdc.gig.cymru