ᕕᕝᕗᐊᕆ 2022
Safe Workplace
ᐊᑐᐃᓐᓇᖃᕈᓐᓇᕐᓂᖅ ᐱᓕᕆᐊᓄᑦ ᐃᑲᔪᕈᑎᒃᓴᓂᒃ
ᐃᖅᑲᓇᐃᔭᖅᑎᑦᑎᔨᐅᔪᑦ ᐊᐅᓚᑦᑎᔪᑦ ᓄᓇᕗᒥᑦ ᐊᒻᒪᓗ ᓄᓇᑦᓯᐊᕐᒥ ᐊᑐᐃᓐᓇᖃᓯᔪᑦ ᐆᒥᖓ Safe Workplace ᐱᓕᕆᐊᒃᓴᒧᑦ ᐅᕙᓂ WSCC Connect! ᐅᑯᐊ ᒪᓕᒡᓗᒋᑦ ᐱᖓᓱᑦ ᖃᓄᐃᓕᐅᕈᑎᒃᓴ ᕿᒥᕐᕈᐊᕈᓐᓇᕐᓂᐊᕋᕕᐅᒃ ᐱᓕᕆᐊᕆᔭᕕᑦ ᖃᓄᐃᓕᖓᓂᖓᓂᒃ:

  1. ᐱᓕᕆᐊᕆᔭᕐᓄᑦ ᑲᒪᒋᔭᖃᕐᑐᖅ ᐊᑦᑕᓇᖅᑐᒦᑦᑕᐃᓕᓂᕐᒥᒃ ᐃᒪᐃᑦᑐᖃᖅᑎᓪᓗᒍ ᐊᑐᕈᓐᓇᐅᑎ ᐅᕙᓂ WSCC Connect.
  2. ᐱᓕᕆ WSCC Connect ᐊᑐᐃᓐᓇᖃᖅᑎᑦᑎᓂᕐᒧᑦ ᐊᐅᓚᑦᑎᔨ ᐋᖅᑭᒃᓯᔭᕆᐊᖃᕐᒪᑦ ᐊᑦᑕᓇᖅᑐᒦᑦᑕᐃᓕᓂᒃᑯᑦ ᐃᖅᑲᓇᐃᔭᕐᕕᒃᒧᑦ (Safe Workplace) ᐱᓕᕆᐊᖓᓄᑦ ᐊᑐᕆᐊᖃᖅᑐᓂᒃ ᐱᓕᕆᕝᕕᒋᔭᕐᓄᑦ.
  3. WSCC Connect ᐊᑐᕈᓐᓇᐅᑎ, ᐊᒻᒪᓗ ᕿᒥᕐᕈᐊᕐᓗᒍ Safe Workplace ᖃᐅᔨᒋᐊᖅᕕᒃᓴᖅ ᑕᑯᔪᓐᓇᕐᓂᐊᕋᕕᐅᒃ ᐱᓕᕆᐊᕆᔭᐃᑦ ᖃᓄᐃᓕᖓᖕᒪᖔᑦ.

ᑕᕝᕙᙵᑦ Safe Workplace ᖃᐅᔨᒋᐊᖅᕕᒃᓴᖅᒥ ᖃᕋᓴᐅᔭᕐᓄᐊᕐᓗᒍ ᐃᕝᕕᑦ Safe Workplace ᐅᕝᕙᓘᓐᓃᑦ Advanced Safe Workplace ᓇᓗᓇᐃᒃᑯᑎᒋᔭᐃᑦ ᐊᒻᒪ ᑕᕐᓴᕆᓂᐊᖅᑕᐃᑦ, ᑖᓐᓇᓗ ᓴᖅᑭᔮᒐᒃᑯᑦ ᓴᖅᑭᔮᖅᑎᒐᒃᓴᐅᓪᓗᓂ, ᖃᕋᓴᐅᔭᒃᑯᑦ ᑎᑎᕋᖅᑕᒃᑯᑦ ᐅᕝᕙᓘᓐᓃᑦ ᑐᓴᐅᒪᔾᔪᑎᓕᕆᓂᒃᑯᑦ. ᐅᕙᑦᑎᓐᓂᒃ ᖃᐅᔨᑎᑦᑎᓂᐊᖅᐳᑎᑦ ᐅᕙᓂ @WSCCNTNU.

ᓱᓕ ᐊᑎᓕᐅᕐᑕᐅᓯᒪᙱᓚᑎᑦ ᐆᒧᖓ Safe Workplace-ᒨ?

ᐱᐊᓂᓚᐅᙱᒃᑯᕕᐅᒃ ᐱᓕᕆᐊᕆᔭᕕᒃ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ (APR), ᑖᓐᓇᓗ ᐱᔭᐅᓯᒪᔭᕆᐊᖃᖅᐸᒃᖢᓂ ᕕᕝᕗᐊᕆ 28-ᖑᕌᖓᑦ ᐊᕐᕌᒍᑕᒫᓐ, ᑕᐃᒪᓕ ᐱᓕᕆᐊᕆᔭᕕᑦ Safe Workplace-ᒧᑦ ᖃᓄᐃᓕᖓᓂᕆᔭᐃᑦ ᓄᑖᙳᕆᐊᖅᑕᐅᔪᓐᓇᔾᔮᙱᑦᑐᖅ. ᐱᓕᕆᖃᑎᖃᕐᓗᑎᒃ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᓕᕆᔨᒥᒃ ᑕᒻᒪᕐᓯᒪᙱᑦᑐᓂᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᒃ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑐᓴᐅᒪᔭᐅᔭᕆᐊᓕᖕᓂᒃ ᐆᒧᖓ ᐃᓚᖓ 4 ᐅᕙᓂ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ.

ᐱᓕᕆᐊᕆᐊᓪᓚᓚᐅᕐᓗᒍ ᐅᓇ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᖅᑕᕐᓂᒃ ᐊᒻᒪᓗ ᓇᓗᓇᐃᖅᑕᐅᓯᒪᙱᓪᓗᑎᑦ ᐃᒪᓐᓇ Safe Workplace-ᒥ, ᖃᐅᔨᒋᐊᕈᓐᓇᖅᑕᐃᑦ ᐃᕝᕕᑦ Safe Workplace ᖃᐅᔨᒋᐊᕐᕕᒃᓴᐃᑦ ᓇᓕᐊᓐᓂᒃ ᐊᑐᖁᔭᐅᔪᓂᒃ ᒪᓕᖕᒪᖔᑦ ᐊᒻᒪᓗ ᓇᓕᐊᓐᓂᒃ ᓱᓕ ᐊᑐᙱᒻᒪᖔᑦ. ᐊᑐᐃᓐᓇᖃᖅᑎᑦᑎᓂᕐᒧᑦ ᐊᐅᓚᑦᑎᔩᑦ, ᐅᕝᕙᓘᓐᓃᑦ ᐊᑐᖅᑎᐅᕙᒃᑐᑦ ᐆᒥᖓ Safe Workplace ᐱᓕᕆᐊᒧᑦ, ᓄᑖᙳᕆᐊᖅᑎᑦᑎᔪᓐᓇᖅᑐᑦ ᐅᑯᓂᖓ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐊᐱᖅᑯᑎᓂᒃ ᐅᓇ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᒃᓴᐃ ᐋᖅᑭᒃᑕᐅᒃᐸᑦ. ᖃᕋᓴᐅᔭᒃᑯᑦ ᑎᑎᕋᕐᓗᑎ ᐅᕗᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᐅᓪᓗᒥ ᐊᐱᖅᑯᑎᒃᓴᖃᕈᕕᑦ ᐆᒧᖓ Safe Workplace ᐊᑐᕆᐊᓕᖕᓂᒃ, ᐅᕝᕙᓘᓐᓃᑦ ᖃᓄᖅ ᐱᐅᓯᕚᓪᓕᖅᑎᑦᑎᔪᓐᓇᕆᐊᒃᓴᐃᑦ ᐱᓕᕆᐊᕆᔭᕕᑦ ᐱᕐᕈᓗᐊᕿᑦᑕᐃᓕᓂᕐᒧᑦ ᐱᓕᕆᐊᕆᔭᑎᑦ.

ᐱᓕᕆᑎᑦᑎᓂᐊᕐᐲᑦ ᐱᓕᕆᐊᖃᖅᐸᒃᑐᒥ?

ᐳᐃᒍᖅᑕᐃᓕᒋᑦ ᐅᓇ ᑕᑯᒋᐊᕈᓐᓇᖅᑕᐃᑦ ᕿᓂᕐᓗᒋᑦ Safe Workplace ᐃᖅᑲᓇᐃᔭᖅᑎᑦᑎᔨᐅᔪᑦ ᓇᓗᓇᐃᒃᑯᑎᖓ ᑕᑯᔪᓐᓇᕐᓂᐊᕋᕕᑦ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥ ᐃᖅᑲᓇᐃᔭᖅᑎᑦᑎᔨᓂᒃ ᒪᓕᒃᓯᒪᔪᓂᒃ Safe Workplace ᐱᓕᕆᐊᓄᑦ ᐊᑐᕆᐊᖃᖅᑐᓂᒃ. ᐅᓇ ᑐᓴᒐᒃᓴᖅ ᓄᑖᙳᕆᐊᖅᑕᐅᕙᒃᑐᖅ ᖃᐅᑕᒫᑦ, ᑕᐃᒪᓕ ᓇᖕᒥᓂᖅ ᐱᓕᕆᐊᕆᔭᐅᔪᖅ ᓇᓗᓇᐃᖅᑕᐅᓯᒪᒃᐸᑦ Safe Workplace-ᖑᓂᕐᒥᒃ ᐅᕝᕙᓘᓐᓃᑦAdvanced Safe Workplace, ᑕᐃᒪᓕ ᓇᓗᓇᙱᓚᖅ ᐊᑦᑕᓇᖅᑕᐃᓕᒪᓂᕐᒥᒃ ᐊᑐᖃᑦᑕᕐᓂᖏᓐᓂᒃ.

ᖃᐅᔨᒋᐊᒃᑲᓐᓂᕈᒪᒍᕕᑦ ᐊᒻᒪᓗ ᐊᐱᖅᑯᑎᐅᕙᒃᑐᓂᒃ, ᐅᓇ ᑕᑯᒋᐊᕐᓗᒍ Safe Workplace ᐱᓕᕆᐊᒃᓴᖅ ᒪᒃᐱᒐᖓ ᓴᖅᑭᔮᒐᑦᑎᓐᓂᒃ ᐅᕝᕙᓘᓐᓃᑦ ᐅᖃᕐᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ (WSCC) ᐅᓪᓗᒥ.

ᐃᖅᑲᐅᒪᓂᐊᖅᐳᑎᑦ! ᐅᓇ Safe Workplace ᓇᓗᓇᐃᒃᑯᑎᐅᔪᖅ ᐅᑯᓂᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᐊᓂᒍᐃᓂᕐᒧᑦ ᑎᑎᖃᖏᓐᓂᒃ ᐃᓇᙱᕐᓯᒍᑎᐅᙱᑦᑐᖅ. ᑐᓂᔭᐅᒍᕕᑦ ᐅᕝᕙᓘᓐᓃᑦ ᑐᓂᓯᓂᐊᕈᕕᑦ ᐱᓕᕆᑎᑦᑎᔾᔪᑎᓂᒃ, ᐱᔭᕆᐊᖃᖅᑐᓂᒃ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᐊᓂᒍᐃᓂᕐᒧᑦ ᑎᑎᖃᓂᒃ ᐅᕘᓇ ᓇᕿᓪᓗᒍ.
ᐱᓕᕆᔾᔪᑎᒃᓴᑦ ᓯᕗᓂᒃᓴᒥ
ᓄᑖᙳᕆᐊᖅᑕᐅᓯᒪᔪᑦ ᓯᓚᐅᑉ ᖃᓄᐃᓐᓂᖓᒍᑦ ᒪᓕᒋᐊᖃᖅᑐᑦ ᐱᓕᕆᔾᔪᓰᑦ
ᐅᑭᐅᖑᓕᕌᖓᑦ ᐅᑭᐅᕐᑕᖅᑐᕐᒥᑦ ᐅᓗᕆᐊᓇᓕᖃᑦᑕᕐᒪᑦ ᓯᓚᒧᑦ ᐋᓐᓂᐊᕈᑎᐅᔭᑦᑐᓂᒃ ᐊᒻᒪ ᐋᓐᓂᐊᖑᓕᖅᐸᒃᑐᓄᑦ. ᓯᓚᒥ ᐃᖅᑲᓇᐃᔭᕐᓂᐊᕋᓗᐊᕐᓗᓂᓘᓐᓃᑦ ᐅᕝᕙᓘᓐᓃᑦ ᐃᖅᑲᓇᐃᔭᕆᐊᑲᑕᒡᓗᓂ ᐊᒻᒪ ᐊᖏᕐᕋᐅᕙᒡᓗᓂ ᑕᐃᒪᓕ ᐸᕐᓇᒃᓯᒪᑦᑎᐊᕆᐊᖃᕐᓇᖅᑐᖅ ᓯᓚᒧᑦ. ᓯᓚᒧᑦ ᓂᒡᓚᓱᒃᑐᒧᑦ ᕿᕿᓕᕐᓇᖅᑐᖅ, ᕿᐅᓗᐊᕌᓗᓕᕐᓇᖅᖢᓂ, ᐊᓄᕆᒧᑦ ᓈᒻᒪᙱᓕᐅᕈᑎᖃᓕᕐᓇᖅᖢᓂ ᕿᓚᒥᐊᓗᑦ ᓯᓚ ᑕᐃᒪᐃᑎᓪᓗᒍ, ᑕᐃᒪᓕ ᐅᑭᐅᕐᑕᖅᑐᕐᒥᐅᑕᓕᒫᑦᑎᐊᑦ ᐅᔾᔨᕈᓱᑦᑎᐊᕆᐊᖃᖅᑐᑦ ᑕᒪᒃᑯᓂᖓ ᖃᓄᐃᓕᕈᑎᐅᔪᓐᓇᖅᑐᓂᒃ ᐊᒻᒪᓗ ᖃᓄᖅ ᓯᓚᒧᑦ ᓈᒻᒪᙱᓕᐅᕈᑎᖃᖅᑕᐃᓕᓂᕐᒥᒃ.

ᓯᓚᐅᑉ ᓂᒡᓚᓱᓗᐊᕐᓂᖓᓄᑦ ᒪᑯᐊ ᐅᓗᕆᐊᓇᕈᑎᐅᔪᓐᓇᖅᑐᑦ:

  • ᐊᒃᑐᖅᓯᑲᑕᖕᓂᖅ ᐱᓕᕆᔾᔪᑎᓂᒃ ᓂᒡᓕᓇᖅᑐᓂᒃ ᖁᐊᕐᓯᒪᔪᓂᒡᓘᓐᓃᑦ ᓴᕕᕋᔭᖕᓂᒃ, ᑕᐃᒪᐃᙱᑦᑐᓐᓇᖅᖢᑎᒃ ᐳᐊᓗᓯᒪᑦᑎᐊᕐᓗᓂ ᓯᓚᒧᑦ ᓈᒻᒪᒃᑐᓂᒃ;
  • ᖁᐊᐃᑐᐃᓐᓇᕆᐊᖃᕐᓂᖅ ᓂᓚᕈᔫᑲᑕᒃᑐᓄᑦ, ᑕᒪᒃᑯᐊᓗ ᓈᒻᒪᒃᑐᓂᒃ ᑲᒥᒃᓯᒪᔭᕆᐊᖃᕐᓇᖅᖢᓂ; ᐊᒻᒪᓗ,
  • ᑕᐅᑐᑦᑎᐊᕈᓐᓃᕐᓯᒪᓗᓂ ᐃᒡᒐᐃᑦ ᐳᔪᕐᓯᒪᓂᖏᓐᓄᑦ ᐊᒻᒪᓗ ᑕᐃᒪᐃᙱᓐᓂᕐᓴᐅᔪᓐᓇᖅᖢᑎᒃ ᐃᒡᒐᓄᑦ ᐳᔪᙳᖅᑕᐃᓕᔾᔪᑎᓂ ᐊᓪᓚᕈᑎᓄᑦ.

ᓄᑖᑦ ᐃᓚᒋᔭᐅᓕᕐᑐᑦ ᓯᓚᐅᑉ ᖃᓄᐃᓐᓂᖓᒍᑦ ᒪᓕᒋᐊᖃᖅᑐᑦ ᐱᓕᕆᔾᔪᓰᑦ

ᐅᓇ ᓯᓚᐅᑉ ᖃᓄᐃᓐᓂᖓᒍᑦ ᒪᓕᒋᐊᖃᖅᑐᑦ ᐱᓕᕆᔾᔪᓰᑦ ᐃᖅᑲᓇᐃᔭᖅᑎᑦᑎᔨᓄᑦ ᑐᓴᒐᒃᓴᖃᑦᑎᐊᖅᑐᑦ ᑕᒪᐃᓐᓂᒃ, ᑲᒪᔨᓄᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ ᑐᑭᓯᔭᐅᓯᒪᔭᕆᐊᓕᖕᓂᒃ ᐅᓗᕆᐊᓇᔭᑦᑐᓂᒃ ᓂᒡᓚᓱᓗᐊᖅᑐᒧᑦ, ᖃᐅᔨᔪᓐᓇᕐᐸᒡᓗᑎᒃ ᓂᓚᓱᖕᓂᕐᒧᑦ ᐋᓐᓂᕈᑎᐅᓕᕈᓐᓇᖅᑐᓂᒃ, ᐊᒻᒪᓗ ᖃᐅᔨᒪᔾᔪᑎᓂᒃ ᑐᓴᐅᒪᔭᐅᔭᕆᐊᓕᖕᓂᒡᓗ ᐋᓐᓂᖅᑕᐃᓕᒐᓱᖕᓂᕐᒧᑦ. ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᖃᖓᑦᑎᐊᓵᖅ ᓄᑖᙳᕆᐊᖅᑎᑦᑎᓚᐅᕐᒪᑕ ᒪᓕᒋᐊᖃᖅᑐᓂᒃ ᓄᑖᓂᒃ ᑐᓴᒐᒃᓴᓂᒃ ᐃᓚᓕᐅᔾᔨᓪᓗᑎᒃ ᐅᑭᐅᕐᑕᖅᑐᕐᒥ ᐃᖅᑲᓇᐃᔭᖅᑎᑦᑎᕙᒃᑐᓄᑦ ᐅᑯᓂᖓ ᐃᓚᖃᖅᖢᑎᒃ:

  • ᐱᓪᓚᕆᖕᓂᒃ ᓇᓗᓇᐃᒃᑯᑎᓂᒃ ᐊᒻᒪ ᓇᐃᓴᐃᔨᑎᒍᑦ ᖃᐅᔨᔭᐅᓯᒪᔪᓂᒃ ᐅᑭᐅᕐᑕᖅᑐᕐᒥ ᓯᓚᐅᑉ ᓂᒡᓚᓱᖕᓂᖓᓂᒃ ᐊᒻᒪ ᓯᓚ ᖃᓄᐃᔭᓐᓂᖓᓂᒃ.
  • ᐱᓕᕆᐊᒥᒃ ᐱᓕᕆᐊᖃᕐᓂᖅ ᐃᖅᑲᓇᐃᔭᕐᕕᒃᒥᑦ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐅᑭᐅᕐᑕᖅᑐᕐᒥ ᓯᓚᐅᑉ ᖃᓄᐃᓕᖓᔭᓐᓂᖓᒍᑦ.
  • ᑎᒥᐅᑉ ᐅᖅᑰᓂᖓ ᐊᒻᒪᓗ ᓇᓗᓇᐃᒃᑯᑎᐅᕙᒃᑐᑦ ᐊᒻᒪ ᖃᓄᐃᔾᔪᓯᐅᕙᒃᑐᑦ ᓂᒡᓕᓇᖅᑐᒦᓗᐊᓕᕐᓂᕐᒧᑦ.
  • ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᖃᓄᐃᑦᑑᓂᖏᑦ ᓂᒡᓚᓱᓗᐊᖅᑐᒧᑦ ᐊᑐᕈᓐᓇᖅᑐᑦ ᐅᑭᐅᕐᑕᖅᑐᕐᒥ.

ᓂᒡᓚᓱᖕᓂᕐᒧᑦ ᐱᕐᕈᓗᐊᕿᑦᑕᐃᓕᓂᕐᒥᒃ ᑐᓴᐅᒪᔭᕆᐊᖃᒻᒪᕆᒃᑐᑦ. ᓴᓇᕐᕈᑎᒃᑯᕕᖕᒥᑦ ᑐᕐᕈᓗᐊᕿᑦᑕᐃᓕᓂᕐᒧᑦ ᐅᖃᖃᑎᒌᓐᓂᖅ ᓂᒡᓚᓱᖕᓂᕐᒧᑦ ᐊᒃᓱᕈᕐᓇᖅᑐᑦ, ᐅᕝᕙᓘᓐᓃᑦ ᐅᖃᖃᑎᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᐅᓪᓗᒥ ᐃᑲᔪᖅᑕᐅᔪᒪᒍᕕᑦ ᐋᖅᑭᒃᓱᐃᓂᐊᕐᓗᑎᒃ ᖃᓄᐃᓕᐅᕈᑎᒃᓴᓂᒃ ᐃᖅᑲᓇᐃᔭᕐᕕᖕᓂᒃ ᓂᒡᓚᓱᒃᑐᒥ ᐱᓕᕆᓂᐊᕐᓗᓂ ᓯᓚᒥ.
ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ 
ᐊᒡᒐᑎᑦ ᕿᕿᑎᑦᑕᐃᓕᒪᑎᒐᓱᖕᓂᖅ
ᐊᓂᒪᐅᕐᓯᒪᓕᕐᐲᑦ ᓯᓚᒥ ᐱᓕᕆᑲᐅᖅᑐᕋᓱᒃᖢᑎᑦ, ᐳᐃᒍᖅᖢᑎᓪᓗ ᓈᒻᒪᒃᑐᓂᒃ ᐊᓐᓄᕌᖅᓯᒪᔭᕆᐊᖃᕐᓂᕐᓃ ᓯᓚᒥ? ᐊᒻᒪᓗ ᐃᓯᒃᑲᓐᓂᕈᕕᑦ ᐊᒡᒐᑎ ᓱᒃᑲᐃᓐᓂᕐᓴᐅᓕᔭᑦᑐᑦ ᐊᐅᓚᓐᓂᖏᑦ ᐅᕝᕙᓘᓐᓃᑦ ᑕᕐᓴᖏ ᐊᔾᔨᒋᔪᓐᓃᕐᓗᓂᒋᑦ, ᐊᒻᒪᓗ ᐃᒃᐱᖕᓇᑦᑎᐊᕈᓐᓃᕐᓯᒪᓪᓗᑎᒃ ᐅᕝᕙᓘᓐᓃᑦ “ᑲᑭᓚᓈᖅᓯᕈᔪᓕᖅᖢᑎᒃ.” ᐅᑯᐊ ᓂᒡᓚᓱᓗᐊᖅᑐᒧᑦ ᐋᓐᓂᕐᓯᒪᓕᕐᓂᕐᒨᖓᔪᑦ, ᕿᕿᓕᕐᓂᕐᒧᓪᓘᓐᓃᑦ ᕿᕿᑲᓇᖕᓂᕐᒥᒡᓗ. ᑕᖅᑭᒐᓴᖕᓂᒃ ᓂᒡᓚᓱᒃᑐᒦᑲᑕᖕᓗᓂ ᐃᓛᓐᓂ ᐃᓱᒪᓗᐊᕈᓐᓃᕐᓇᕐᒪᑦ. ᑭᓯᐊᓂᓕ, ᐱᒻᒪᕆᐊᓘᔪᖅ ᐅᔾᔨᕈᓱᑦᑎᐊᕆᐊᖃᕐᓂᑦᑎᓐᓂᒃ ᐊᒻᒪ ᐅᕙᑦᑎᓐᓂᒃ ᓴᐳᑎᓯᒪᔭᕆᐊᖃᕐᓂᑦᑎᓐᓂᒃ ᓂᒡᓚᓱᓗᐊᖅᑎᓪᓗᒍ ᓲᖃᐃᒻᒪ ᕿᓚᒥᐊᓗ ᐋᓐᓂᑲᐅᕐᑐᕐᓇᕐᒪᑦ.

ᐃᓕᖕᓂ ᓴᐳᑎᓯᒪᓗᑎᑦ

ᐅᕝᕙᐅᑯᐊ ᐃᑲᔪᕈᑎᐅᔪᓐᓇᖅᑐᑦ ᐊᒡᒐᑎ ᓴᐳᑎᓯᒪᓂᐊᕐᓗᒋ ᓂᒡᓚᓱᓗᐊᖅᑐᒧᑦ ᐋᓐᓂᖅᑕᐃᓕᓂᕐᒧᑦ:

  • ᐅᔾᔨᕈᓱᑦᑎᐊᖅᐸᒡᓗᓯ ᓯᓚᐅᑉ ᓂᒡᓚᓱᖕᓂᖓᓂᒃ, ᐊᒻᒪᓗ ᐊᓐᓄᕌᖅᓯᒪᓗᓯ ᓈᒻᒪᒐᓱᒃᑐᒥᑦ ᓯᓚᒧᑦ. ᐊᒡᒑᒃᓯᒪᕙᒡᓗᓯ ᐅᑭᐅᕐᑕᖅᑑᑉ ᓯᓚᖓᓄᑦ ᓈᒻᒪᒃᑐᓂᒃ.
  • ᐊᒡᒑᑎᑦ ᖃᐅᓯᓕᖅᐸᑕ, ᐊᓯᐊᓂᒃ ᐊᑎᑲᐅᑎᒋᓗᑎᑦ.
  • ᐅᖅᑰᓴᕆᐊᖅᑐᖃᑦᑕᕐᓗᑎᑦ ᐅᖅᑯᐊᖑᑦᑎᐊᖅᑐᓂᒃ, ᓄᓇᓯᐅᑎᒥᑦ ᐊᓯᖏᓐᓂᒡᓗ.
  • ᐅᓇᔪᒃᑐᒥᑦ ᐃᒥᖃᑦᑕᕐᓗᓯ ᑎᒥᖕᓄᑦ ᐅᖅᑰᓴᐅᑎᐅᔪᓐᓇᖅᑐᓂᒃ.

ᐃᓱᐊᖅᓴᕈᑏᑦ

ᐅᔾᔨᕆᒍᕕᑦ ᓂᒡᓚᓱᖕᓂᕐᒧᑦ ᓈᒻᒪᙱᓕᐅᕈᑎᖃᓕᕐᓂᕐᓂᒃ ᐅᕝᕙ ᐊᑐᕈᓐᓇᖅᑕᑎ:

  • ᐃᓕᖕᓂ ᓴᐳᑎᓯᒪᓗᑎᑦ ᖃᓄᐃᑎᑦᑕᐃᓕᒪᓗᑎᑦ ᐅᖅᑰᔪᒧᐊᕐᓗᑎ ᐊᓐᓄᕌᖅᑐᒃᑲᓐᓂᕐᓗᑎᓪᓘᓐᓃᑦ ᐅᖅᑰᔪᓂᒃ ᐊᔪᕐᓇᙱᑉᐸᑦ.
  • ᓇᓂᓯᔪᓐᓇᖅᑐᑎᑦ ᐋᓐᓂᖅᑐᓕᕆᓂᕐᒥᒃ ᐊᔪᕈᓐᓃᖅᓴᖅᓯᒪᔪᒥᒃ ᐃᑲᔪᖅᑕᐅᔪᒪᒍᕕᑦ.
  • ᐅᖅᑰᓇᖅᓯᑎᒋᐊᕐᓗᒍ ᐊᑦᑐᖅᑕᐅᓯᒪᔪᖅ ᐊᑐᕐᓗᑎ ᑎᒥᐅᑉ ᐆᓇᕐᓂᖓᓂ, ᒥᖑᐊᙱᓪᓗᒍ.
  • ᐋᓐᓂᐊᓯᐅᖅᑎᒧᑦ ᐃᑲᔪᖅᑕᐅᓇᓱᒡᓗᑎᑦ.

ᖃᐅᔨᒋᐊᒃᑲᓐᓂᕈᓐᓇᖅᑐᓯ ᕿᕿᓐᓂᐅᑉ ᒥᒃᓵᓄᑦ ᖁᐊᓕᕐᓂᐅᓪᓘᓐᓃᑦ ᐊᓯᖏᓐᓂᒡᓘᓐᓃᑦ ᐊᒡᒐᒃᑯᑦ ᓈᒻᒪᙱᓕᐅᕈᑎᐅᔪᓐᓇᖅᑐᓂᒃ, ᐅᓇ ᑕᑯᒋᐊᕐᓗᒍ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᓄᑦ ᒪᒃᐱᒐᖅ ᓴᖅᑭᔮᒐᑦᑎᓐᓂᒃ.
ᐃᓱᓕᒡᕕᒃᓴᐅᑖ: ᐊᕐᕌᒍᑕᒫᑦ ᐊᑭᓖᔾᔪᑎᓄᑦ ᐅᓂᒃᑳᑦ
ᑐᓐᓂᖅᑯᑎᒋᓗᒋᑦ ᐅᑯᐊ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐊᑎᑦ (APR) ᐅᓪᓗᒥ ᐅᕘᓇ WSCC Connect. ᐃᓱᓕᕝᕕᒃᓴᖓ ᕕᕝᕗᐊᕆ 28, 2022. ᐃᖅᑲᐅᒪᓂᐊᖅᐳᑎᑦ, ᑐᓂᓯᒋᐊᖃᖅᑐᑎᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.

ᐃᓚᖓ 4 ᐅᕙᓂ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ (APR) ᐅᑯᓂᖓ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐊᐱᖅᑯᑎᓂᒃ ᐊᒃᑐᐃᓇᔭᖅᑐᓂᒃ ᐱᓕᕆᐊᕆᔭᕕᒃ ᖃᓄᐃᓕᖓᓂᖓᓂᒃ ᐆᒧᖓ Safe Workplace ᐱᓕᕆᐊᒧᑦ. ᐅᖃᐅᓯᕆᓗᒋᑦ ᑭᐅᔾᔪᑎᐅᔪᑦ ᐱᓕᕆᐊᕐᓂᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᓕᕆᔨᒻᒪᕆᖕᒥ ᑐᓂᓚᐅᙱᓐᓂᕐᓂᒃ.

ᑕᒫᓃᑦᑐᒍ ᐃᑲᔪᕈᒪᓪᓗᑕ! ᑕᑯᒋᐊᕐᓗᒍ WSCC Connect ᐃᑲᔪᖅᑕᐅᔪᒪᓂᕐᒧᑦ ᒪᒃᐱᒐᖅ, ᐅᕝᕙᓘᓐᓃᑦ ᐅᖃᖃᑎᖃᕐᓗᑎᒃ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᐅᑎᓕᕆᔨᒥᒃ ᓄᓇᕗᒥᑦ ᐅᕙᓂ:

ᐃᖅᑲᐃᑎᑦᑎᔾᔪᑦ: ᐋᓐᓂᖅᑐᓕᕆᓂᕐᒧᑦ ᐱᖁᔭᐃᑦ ᐊᓯᔾᔨᖅᑕᐅᔪᑦ
ᓄᓇᑦᓯᐊᕐᒥ ᐃᖅᑲᓇᐃᔭᖅᑎᑦᑎᔨᐅᔪᑦ ᒪᓕᒃᓯᒪᔭᕆᐊᖃᓕᕐᑐᑦ ᓄᑖᙳᕆᐊᖅᑕᐅᓯᒪᔪᒥᒃ ᐋᓐᓂᖅᑐᓕᕆᓂᕐᒧᑦ ᒪᓕᒐᓂᒃ ᐊᑐᕆᐊᓕᖕᓂᒃ. ᒪᓕᒐᐅᔪᓂ ᐊᓯᔾᔨᕈᑎᑦ ᐊᒃᑐᐃᔪᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᒪᓕᒃᑕᐅᔭᕆᐊᓖᑦ, ᐃᓚᖓ 5 − ᐋᓐᓂᖅᑐᓕᕆᓂᖅ.

ᓄᓇᕗᒻᒥ ᐃᖅᑲᓇᐃᔭᖅᑎᖁᑎᓖᑦ ᕕᕝᕗᐊᕆ 12, 2022−ᖑᕋᓱᖕᓂᖓᓂ ᑭᐅᓂᖃᕆᐊᖃᖅᐳᑦ ᓄᑖᙳᕆᐊᖅᓯᕝᑎᑕᐅᓯᒪᔪᒥ ᒪᓕᒐᑎᒍᑦ ᐱᔭᐅᔭᕆᐊᖃᖅᐸᒃᑐᑦ ᐱᔭᕆᐊᓕᖕᓂ.

ᖃᐅᔨᒃᑲᓐᓂᕈᒪᒍᕕᑦ ᑕᑯᒋᐊᕐᓗᒍ ᐋᓐᓂᖅᑐᓕᕆᓂᕐᒧᑦ ᒪᒃᐱᒐᖅ ᖃᕋᓴᐅᔭᒃᑯᑦ ᐃᑭᐊᖅᑭᕕᖓᓂ.
ᐊᓯᔾᔨᕐᓂᐅᔪᑦ ᖃᔨᐃᓴᕐᓂᕐᒧᑦ ᐊᑭᓕᐅᑎᓄᑦ ᐊᑭᓕᖅᑕᐅᔭᕆᐊᖃᕐᓂᖓᓂ ᐅᓪᓗᖏᑦ
ᖃᐅᔨᓴᕈᑎᓄᑦ ᐊᑭᓕᐅᑎᐅᔭᕆᐊᓖᑦ ᐱᔭᐅᖃᑦᑕᕆᐊᖃᓕᕐᑐᑦ ᐅᓪᓗᕐᓯ ᐊᑕᐅᓯᕐᒥ ᑐᙵᐅᑦᑎᓯᒪᔪᒥᒃ ᐅᑯᑎᑑᓇᐅᙱᑦᑐᖅ ᐊᑐᖅᑕᐅᖃᑦᑕᕐᓂᑯᑎᑐᑦ. ᐊᕕᒃᑐᖅᓯᒪᓂᐅᔪᓂ ᓇᓕᒧᑦᑐᓂ ᐊᑭᓖᖃᑦᑕᕈᕕᑦ ᐊᒻᒪᓗ ᐊᑭᓖᕙᒡᓗᑎᑦ ᐊᖏᖅᑕᐅᓯᒪᕙᒌᖅᑐᒥ ᐊᑭᓕᒃᓴᓂᒍᒻᒪᐅᑎᒧᑦ ᐊᐅᒃᑕᔫᒧᑦ ᐅᕝᕙᓘᓐᓃᑦ ᑭᖑᓂᐊᒍᑦ−ᐅᓪᓗᓕᖅᓯᒪᔪᓂ ᓯᒃᑭᓂ, ᕿᒥᕐᕈᒍᒃ ᐊᑭᓖᓪᔪᑎᖕᓂ ᐱᓕᕆᔾᔪᓯᖓᓐᓂ ᓇᓗᓇᐃᖅᓯᓂᕐᒧᑦ ᒫᓐᓇᒨᒐᓗᐊᖅᓯᒪᓂᖓᓂ. ᐊᑭᓖᓂᐅᔪᑦ ᐅᕘᓈᖅᑎᑕᐅᔪᓐᓇᖅᑐᑦ WSCC Connect.

ᖃᐅᔨᓴᖅᑕᐅᔾᔪᑎᓄᑦ ᐊᑭᓕᐅᑎᒃᓴᑦ ᐅᑯᓇᓂ ᐊᑭᓕᖅᑕᐅᔭᕆᐊᓖᑦ:

  •  ᒫᔾᔨ 31 (ᓯᕗᓂᐊᓂ ᐊᐃᕐᕆᓕ 1)
  • ᒪᐃ 31 (ᓯᕗᓂᐊᓂ ᔫᓂ 1)
  •  ᔪᓚᐃ 31 (ᓯᕗᓂᐊᓂ ᐋᒡᒌᓯ 1)
  • ᓯᑎᐱᕆ 30 (ᓯᕗᓂᐊᓂ ᐅᑐᐱᕆ 1)

ᖃᐅᔨᒋᐊᒃᑲᓐᓂᕐᓄᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᖃᐅᔨᓴᕐᓂᐅᔪᓂᑦ, ᑕᑯᒍᒃ ᐊᑐᐊᒐᖅ 02.01: ᐃᖅᑲᓇᐃᔭᖅᑎᑦᑎᔨᒧᑦ ᖃᐅᔨᓴᖅᑕᐅᓪᔪᑏᑦ ᐊᑐᐃᓐᓇᐅᔪᑦ ᐅᕙᓂ ᐊᑐᐊᖓᓄᑦ ᒪᓕᒐᒃᓴᓂᒃ ᒪᒃᐱᒐᕐᒥ ᓴᖅᑭᔮᒐᑦᑎᓐᓂᒃ.
Workers' Safety and Compensation Commission of the Northwest Territories and Nunavut,
5022 49th Street, 5th Floor, Centre Square Tower, Box 8888, Yellowknife, NT X1A 2R3 Canada