Madi 1ye Desanm 2020
Chwa Metòd Ensktrisyon Jwenn Ekstansyon pou K-12 ak VPK

Nan dat 30 novanm, Gouvènè Florid Ron DeSantis pwolonje chwa paran yo nan modalite edikasyon pandan sezon prentan an. Sa vle di ke Distri Lekòl Rejyon Palm Beach la ap rete ouvri pou ansèyman anpèsòn pou elèv K-12 ak VPK, epi ap kontinye ofri paran ak responsab yo opsyon pou chwazi aprantisay adistans. 

Soti nan 4-11 janvye, 2021, paran K-12 ak responsab yo kapab ale sou Pòtal Elèv la pou endike chwa metòd enstriksyon yo pou dezyèm semès la. Klike la a pou w li plis.
Koneksyon ak Kominote a Ede Elèv Jwenn WiFi
Florida Power & Light (FPL) ap kontinye sipò li depi lontan nan edikasyon nan bay 1.000 poto elektrik nan Rejyon Palm Beach la. Kontribisyon an pral ede Distri Lekòl la asire ke plis pase 25.000 elèv ak fanmi yo gen aksè a entènèt pou aprantisay adistans pandan nou nan pandemi COVID-19 la. Klike la a pou w li plis.
Inisyativ pou Kreye Amoni Pami Elèv
Elèv nan Hidden Oaks K-8 ap aprann kijan pou kreye bon jan amoni zanmitay pami yo gras ak inisyativ COBWRA (Coalition of Boynton West Residential Associations) ki mete ban zanmitay nan lekòl la pou aprann yo kenbe bon relasyon ant yomenm. Klike la a pou w gade videyo a.
Syantis ap Gide Elèv nan Vizit Vityèl nan Zòn Natirèl yo
Elèv yo ap fè eksperyans vizite lanati ak kote bèt ak lòt espès vivan abite, pandan y ap aplike sa yo aprann nan klas syans nan lekòl yo. Klike la a pou w gade dènye vizit vityèl nan Jupiter Ridge Natural Area. 
Jèn Polis Lekòl Rankontre Ansyen Modèl li
Wilburn, yon jèn polis nan Lekòl Elemantè Westward, se yon ansyen elèv distri a ki te toujou admire polisye Michael Anderson nan Lekòl Mwayen Roosevelt kòm modèl li depi li piti. Jodi a yo ap fè menm travay nan Distri a. Klike la a pou w gade videyo rankont yo.