Madi 6 Avril 2021
Li Lè pou Enskri pou Kan Pandan Granvakans
Ap genyen kan pandan granvakans nan 35 Lekòl Elemantè pou ete a pou elèv ki genyen laj 5 jiska 12 ane. Kan yo ap kòmanse 21 jen pou fini 30 jiyè. Kontakte direktè kan kote ou vle ale a. Klike la a pou jwenn enfòmasyon sou lokal yo.
 
Selebrasyon Jou Souvni Olokòs
Biwo Etid Afriken, Afriken Ameriken, Latino, Olokòs, ak Sèks, ap òganize yon seremoni komemorasyon andirèk 8 avril soti 1:00 p.m. pou rive 1:30 p.m. pou selebre lavi ak ewoyis jwif ki te mouri nan Olokòs la ant 1933 ak 1945. Klike la a pou w li plis.
Elèv ap Aprann nan De Lang
Depatman Edikasyon Miltikiltirèl ap ajoute sou pwogram bileng li an. Lekòl Elemantè Palm Springs te kòmanse pwogram li an ki ap anseye an anglè ak panyòl.

Volontè Ede Pwòpte Lekòl Elemantè Lake Park
Anviwon 50 volontè soti nan yon legliz nan kominote a ede estaf nan lekòl Lake Park reyalize pwojè anbelisman nan lekòl la pandan yon matine samdi.

Rankontre Otè Vityèlman Wikenn Sa a nan Festival BAM
Patisipe nan festival liv, atizay, ak mizik ki ap fèt vityèlman ane sa a, samdi 10 avril soti 8:30 a.m. pou 5:30 p.m. Se yon jou lafanmi kote ap genyen plizyè sesyon ak aktivite ki ap ankouraje lekti ak aprantisay pou tout laj. Klike la a pou w enskri.

Medya Sosyal Kreyòl Distri a Bezwen Nou Suiv Yo
Suiv medya sosyal Kreyòl Distri a pou montre enpòtans lang Kreyòl Ayisyen ak nesesite pwogram bileng Kreyòl/Anglè nan distri a tankou pwogram Panyòl/Anglè yo. Gen TWITTER, FACEBOOK, INSTAGRAM. Suiv nou sou @PBCSDKreyol.