ᒫᑦᓯ 2021                                                        
ᐅᓪᓗᖓ ᕿᔅᓵᓂᕐᒧᑦ - ᐊᐃᕐᕆᓕ 28
ᐅᓪᓘᔪᖅ ᐃᖅᑲᐅᒪᓂᕐᒧᑦ ᐊᒻᒪ ᐅᐱᒍᓱᖕᓂᕐᒧᑦ ᑕᐃᒃᑯᓄᖓ ᐃᓅᓯᐅᔪᓂ ᐊᓯᐅᔪᓄᑦ ᐃᖅᑲᓇᐃᔭᕐᕕᖕᒥ ᖃᓄᐃᓐᓂᐅᔪᒥ

ᐊᐃᕐᕆᓕ 28 ᐅᓪᓗᖓᐅᕗᖅ ᕿᔅᓵᓂᕐᒧᑦ. ᐅᓪᓘᕗᖅ ᐃᖅᑲᐅᒪᓂᕐᒧᑦ ᓴᓇᔨᓂᑦ ᐃᓅᓯᖓᓐᓂ ᐊᓯᐅᔨᓯᒪᔪᓄᑦ ᐱᔾᔪᑎᖃᖅᑐᒥ ᐃᖅᑲᓇᐃᔭᕐᕕᖕᒧᑦ ᐋᓐᓂᕐᓂᐅᔪᓂᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᕐᓇᓂᑦ.

ᐊᕐᕌᓂᐅᓚᐅᖅᑐᒥ ᑕᑖᖅᐳᖅ ᐊᒃᓱᕈᕐᓇᕐᓂᐅᔪᓂ ᓴᓇᔨᓕᒫᒧᑦ, ᐃᖅᑲᓇᐃᔭᖅᑎᖁᑎᓕᒫᒧᑦ, ᐃᒡᓗᓕᒫᕐᓄᑦ, ᐊᒻᒪᓗ ᓄᓇᓕᓕᒫᓄᑦ. ᑕᑯᓯᒪᕗᒍᑦ ᑕᑯᔭᐅᓚᐅᖅᓯᒪᙱᑦᑐᒥ ᐊᓯᔾᔨᕐᓂᐅᔪᓂ ᐃᖅᑲᓇᐃᔭᖅᐸᖕᓂᑦᑎᓐᓂ ᐊᒻᒪ ᐆᒪᕙᖕᓂᑦᑎᓐᓂ, ᐊᒻᒪᓗ ᐱᓕᕆᖃᑎᒌᒃᓯᒪᕗᒍᑦ ᓇᓂᓯᓂᕐᒥ ᐋᖅᑭᒍᑎᒃᓴᐅᔪᓂ. ᐃᒃᐱᒍᓱᖕᓂᐅᔪᒥ ᑲᒪᒋᔭᖃᖃᓯᐅᑎᔪᒥ ᐱᓪᓚᕆᐅᓯᒪᕗᖅ ᐃᖅᑲᓇᐃᔭᕐᕕᑦᑎᓐᓂ ᐊᑦᑕᓇᔾᔭᐃᖅᓯᒪᓂᕐᒧᑦ, ᐊᒻᒪᓗ ᐃᒃᐱᒍᓱᖕᓂᐅᔪᒥ ᑭᒃᑯᓕᒫᓄᑦ ᑲᒪᒋᔭᖃᕐᓂᐅᔪᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖏᕐᕋᐃᓐᓇᕆᐊᖃᖅᐳᖅ. ᓴᓇᔨᓕᒫᖅ ᐊᒻᒪᓗ ᐃᖅᑲᓇᐃᔭᖅᑎᖁᑎᓕᒃ ᐱᓕᕆᖃᑎᒌᒋᐊᖃᖅᐳᑦ ᐃᓕᓴᖅᓯᓂᕐᒥ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᓯᕗᓪᓕᐅᔾᔭᐅᖁᔭᕆᐊᖃᕐᓂᖓᓂ ᑕᒪᒃᑭᓄᑦ ᓇᖕᒥᓂᖃᕐᓂᕐᓄᑦ ᐊᒻᒪᓗ ᑕᒪᒃᑭᓄᑦ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓂ. ᑲᑎᙵᓗᑕ ᐱᑎᑦᑎᑦᑕᐃᓕᒪᓂᐊᖅᐳᒍᑦ ᖃᓄᐃᓐᓂᐅᒃᑲᓐᓂᖅᑐᓂ ᐊᒻᒪ ᐋᓐᓂᕐᓂᐅᔪᓂᑦ ᐱᑎᑦᑎᑦᑕᐃᔨᒪᓂᕐᒧᑦ. ᐊᑕᐅᓯᖅ ᐃᓅᓯᖅ ᐊᓯᐅᔪᖅ ᐊᒥᓲᓗᐊᖅᐳᖅ.

ᐅᕙᑦᑎᓐᓂ ᐃᓚᐅᖃᑕᐅᒋᑦ ᐊᐃᕐᕆᓕ 28−ᒥ ᓂᐱᖃᙱᓚᐅᑲᖕᓂᕐᒥ ᐃᖅᑲᐅᒪᓂᕐᒧᑦ ᐊᒻᒪᓗ ᐊᖏᖅᓯᒪᓂᓕᐅᕐᓗᑕ ᐃᓚᐅᖃᑕᐅᓂᕐᒧᑦ ᓯᕗᓪᓕᖅᐹᒥ ᓴᖅᑭᑎᑦᑎᓂᐅᔪᒥ ᓴᙱᔪᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᖅᑯᓯᐅᔪᒥ ᐃᖅᑲᓇᐃᔭᕐᕕᖕᓂᑦ ᐊᒻᒪᓗ ᓄᓇᓕᖕᓂᑦ.


ᑕᖃᒪᓂᖅ ᐃᖅᑲᓇᐃᔭᕐᕕᖕᒥᑦ
ᐱᓕᕆᔪᓐᓇᑦᑎᐊᖅᐱᑦ ᐃᖅᑲᓇᐃᔭᕐᕕᖕᓂ?


ᐅᑭᐅᖅᑕᖅᑐᖅ ᐊᔾᔨᐅᙱᖦᖢᓂ ᐃᓂᐅᕗᖅ ᓄᓇᖃᕐᓂᕐᒧᑦ ᐊᒻᒪᓗ ᐃᖅᑲᓇᐃᔭᕐᓗᓂ. ᐊᒥᓱᓂ ᖃᐅᑕᒫᖑᔪᒥ ᓱᓕᓂᐅᔪᓂ ᐃᖅᑲᓇᐃᔭᕐᕕᑦᑎᓐᓂ ᐅᕙᑦᑎᓐᓂ ᕿᒪᐃᔪᓐᓇᖅᐳᖅ ᑕᖃᖓᓗᑕ ᐊᒻᒪᓗ ᓱᔪᒃᓴᐅᔪᓐᓃᖅᑎᑦᑎᓗᓂ. ᐃᑲᕐᕋᑯᑖᖑᔪᓐᓇᖅᐳᖅ ᓴᓇᓂᕐᒥ ᐊᔾᔨᒌᙱᑦᑐᓂ ᐃᑲᕐᕋᐅᔪᓄᑦ, ᓴᓇᔨᕐᔪᐊᓄᑦ ᐅᕝᕙᓘᓐᓃᑦ ᐊᓯᖏᓐᓂ ᖃᓄᐃᑦᑑᓂᖏᓐᓂ ᐃᖅᑲᓇᐃᔮᓂ ᐱᓕᕆᕙᒃᑕᑦᑎᓐᓂ, ᐊᓯᔾᔨᖅᐸᓪᓕᐊᖏᓐᓇᐅᔭᖅᑐᖅ ᐅᓪᓗᖃᕐᓂᐅᔪᒥ ᐃᑲᕐᕋᐅᔪᓂ, ᐊᒻᒪᓗ ᐃᒻᒪᑳ ᐊᔾᔨᒌᙱᑦᑐᓂ ᐊᖏᕐᕋᒥ ᐊᒃᓱᕉᓴᖕᓂᐅᔪᒥ. ᑕᒪᒃᑭᑦ ᑖᒃᑯᓂᖓ ᐱᔾᔪᑕᐅᔪᓂ ᐃᑲᔪᖅᓱᐃᔪᓐᓇᖅᐳᑦ ᖃᐅᔨᒪᔭᐅᓂᐅᔪᒥ "ᑕᖃᓯᒪᓂᕐᒥ," ᖃᓄᐃᑦᑑᓂᖓᐅᔪᖅ ᐃᖅᑲᓇᐃᔭᕐᕕᖕᒧᑦ ᓱᔪᐃᓯᒪᓂᖃᓕᕐᓂᕐᒥ.

ᖃᖓ ᑕᖃᖓᓂᖅ ᑕᖃᓗᐊᕐᓂᐅᓇᔭᖅᐸ?

ᐃᓛᓐᓂᓚᐅᓱᖓᕐᒥ ᑕᖃᖓᓚᐅᑲᖕᓂᐅᔪᒥ ᓇᓗᓇᙱᑦᑐᒥ ᐃᓚᒋᔭᐅᕗᖅ ᐃᓅᓯᕐᒥ. ᐱᔭᒃᓴᖃᐅᖅᖢᑕ ᐃᓅᓯᖃᖅᐳᒍᑦ, ᖃᓄᐃᙱᑦᑎᐊᖅᐳᖅ ᐃᓛᓐᓂᓚᐅᓱᖓᖅ ᓱᔪᒃᓴᐅᔪᓐᓃᖅᑎᑦᑎᓗᓂ ᑕᖃᖓᓗᓂᓘᓐᓃᑦ. ᓴᓇᔩᑦ ᑕᖃᐃᖅᓯᖅᑐᒥ ᐅᓪᓗᕈᒻᒥᑕᓪᓗᐊᖅᐳᑦ ᓄᖅᑲᖓᓂᐅᔪᒥ, ᐃᒪᖅᑐᕐᓗᓂ ᐅᕝᕙᓘᓐᓃᑦ ᑳᐱᑐᕐᓗᓂ, ᐅᕝᕙᓘᓐᓃᑦ ᓴᓂᕐᕙᐃᓗᓂ ᖃᔅᓯᐊᕐᔪᖕᓂ ᖃᓱᓴᕐᓂᐅᔪᒥ. ᑭᓯᐊᓂ ᐃᓛᓐᓂᒃᑯᑦ ᑕᖃᖓᓗᐊᖅᖢᓂ ᐃᖅᑲᓇᐃᔭᕐᕕᖕᒥᑦ ᐅᓗᕆᐊᓇᖅᑐᖃᓕᕈᓐᓇᕐᒪᑦ.
 
ᑕᖃᓯᒪᓂᖅ ᐱᑎᑕᐅᓂᐅᕗᖅ ᐊᑯᓂᐅᔪᒥ ᑎᒥᒃᑯᑦ, ᐃᓱᒪᒃᑯᑦ, ᐅᕝᕙᓘᓐᓃᑦ ᐃᓱᒪᒧᑦ ᐊᒃᓱᕉᓴᖕᓂᐅᔪᒥ, ᓂᐱᖅᑯᖅᑐᔪᒥ ᐃᖅᑲᓇᐃᔮᓂ ᐊᕙᑎᐅᔪᒥ, ᐊᑯᓂᐅᔪᒥ ᑎᒥᒃᑯᑦ ᐊᒃᓱᕉᓴᓗᐊᕐᓂᐅᔪᒥ (ᐃᓚᖃᕈᓐᓇᖅᑐᒥ ᓴᖅᑭᔮᕐᕕᐅᓗᐊᕐᓂᕐᒧᑦ ᓂᓪᓕᐊᓂᐅᔪᓂ ᐅᕝᕙᓘᓐᓃᑦ ᓂᐱᖅᑯᖅᑐᓗᐊᕐᓂᐅᔪᓂ), ᐅᕝᕙᓘᓐᓃᑦ ᐱᑎᑕᐅᓂᐅᔪᓐᓇᖅᐳᖅ ᐊᑯᓂᐅᔪᒥ ᐊᓯᐊᒎᖅᑐᓂ ᐃᖅᑲᓇᐃᔭᕐᓂᐅᔪᓂ ᐱᓕᕆᐊᒃᓴᓂ ᐱᓕᕆᓪᓗᓂ ᑕᐃᒪᐃᒐᔪᖕᓂᐅᔪᒥ ᐅᕝᕙᓘᓐᓃᑦ ᐱᓕᕆᐊᒃᓴᓂ ᑲᒪᒋᔭᖃᑦᑎᐊᕆᐊᖃᕐᓂᐅᔪᒥ ᐅᓂᒃᑳᕆᓯᒪᑦᑎᐊᖅᑐᒥ.
 
ᓇᓗᓇᐃᒃᑯᑕᐅᔪᓂ ᑕᖃᓯᒪᓂᕐᒧᑦ ᐃᓚᖃᕈᓐᓇᖅᐳᖅ:
  • ᐃᓱᒪᓕᐅᕆᑦᑎᐊᕈᓐᓇᐃᓪᓕᓗᓂ
  • ᓱᒃᑲᐃᒡᓕᓗᓂ ᖃᓄᐃᓕᐅᓂᖓᒍᑦ
  • ᐳᐃᒍᑐᓕᕐᓂᖅ
  • ᐃᖅᑯᒪᔪᓐᓇᐃᓪᓕᓗᓂ
  • ᑐᓴᐅᒪᖃᑦᑕᐅᑎᓂᕐᒧᑦ ᐊᔪᙱᓐᓃᑦ ᐱᐅᙱᑉᐹᓪᓕᕐᓗᑎᒃ
  • ᐸᕖᓴᕋᐃᓪᓗᓂ
     
ᑕᖃᓯᒪᓂᖅ ᐱᑎᑦᑎᓂᐅᒐᔪᒃᐳᖅ ᖃᔅᓯᐸᓗᖕᓂ ᐊᔾᔨᒌᙱᑦᑐᓂ ᐱᔾᔪᑕᐅᔪᓂ ᑲᑎᑦᑐᒥ ᑕᖃᑎᑦᑎᓗᐊᕐᓂᐅᔪᒥ ᐃᓄᖕᒥ. ᐱᒻᒪᕆᐅᕗᖅ ᑐᑭᓯᓂᐅᔪᒥ ᐊᑯᓂᐅᔪᒥ ᑕᖃᓯᒪᓂᕐᒥ ᐊᒃᑐᐃᓂᖃᓕᕈᓐᓇᖅᐳᖅ ᓴᓇᔨᐅᑉ ᐃᓱᒪᖓᓂ ᐊᒻᒪ ᑎᒥᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ, ᐊᒻᒪ ᐊᑐᕈᓐᓇᕐᓂᖅᓴᐅᕗᑦ ᐃᖅᑲᓇᐃᔭᕐᕕᖕᒥ ᖃᓄᐃᓐᓂᐅᔪᒥ ᐅᕝᕙᓘᓐᓃᑦ ᐋᓐᓂᕐᓂᐅᔪᒥᑦ.

ᑕᓪᓕᒪᓂ ᐱᓕᕆᐊᓂᑦ ᐊᐅᓚᑦᑎᓂᕐᒥ ᑕᖃᓯᒪᓂᕐᒥ ᐃᖅᑲᓇᐃᔭᕐᕕᖕᒥᑦ

ᑕᖃᓯᒪᓂᖅ ᐃᓱᒪᒋᔭᐅᓂᐅᕗᖅ ᓱᔪᐃᓯᒪᓂᖃᓕᕐᓂᕐᒥ. ᐱᒻᒪᕆᐅᕗᖅ ᐃᖅᑲᓇᐃᔭᖅᑎᖁᑎᓕᑦ ᐊᑐᐊᒐᖃᕐᓂᖏᓐᓂ ᐊᐅᓚᑦᑎᓂᕐᒧᑦ ᓱᔪᐃᓯᒪᓂᖃᓕᕐᓂᕐᒥ ᐃᖅᑲᓇᐃᔭᕐᕕᖕᒥ. ᑭᓯᐊᓂ, ᑲᒪᔩᑦ ᐊᒻᒪᓗ ᐃᖅᑲᓇᐃᔭᖅᑏᑦ ᐱᒻᒪᕆᐅᔪᒥ ᐱᓕᕆᐊᖃᖅᐳᑦ ᐊᑐᕐᓂᒃᒧᑦ ᐊᐅᓚᑦᑎᓂᕐᒥ ᑕᖃᓯᒪᓂᕐᒥ ᐃᖅᑲᓇᐃᔭᕐᕕᖕᒥ:
  1. ᓴᓇᔨᐅᔪᖅ ᓇᓗᓇᐃᖅᓯᔭᕆᐊᖃᖅᐳᖅ ᐃᖅᑲᓇᐃᔭᕈᓐᓇᙱᓐᓂᖏᓐᓂ. ᐅᓇ ᑐᑭᖃᕈᓐᓇᖅᐳᖅ ᐃᒻᒥᓂᒃ−ᖃᐅᔨᓴᕐᓂᕐᒥ ᐆᒥᖓ, ᐊᐱᕆᓂᕐᒥ "ᓴᓇᔪᓐᓇᑦᑎᐊᕋᓗᐊᕐᐳᖔ?" 
  2. ᑕᒪᒃᑭᑦ ᐃᖅᑲᓇᐃᔭᖃᑎᒌᒃᑐᑦ, ᓴᓇᔩᑦ ᐊᒻᒪᓗ ᑲᒪᔨᐅᔪᑦ, ᐃᒻᒥᖕᓂᒃ ᓇᐅᑦᑎᖅᓱᖃᑦᑕᐅᑎᓪᓗᐊᖅᐳᑦ ᓇᓗᓇᐃᒃᑯᑕᓂᑦ ᑕᖃᓯᒪᓂᕐᒧᑦ.
  3. ᓴᓇᔨᒥ ᑕᖃᓯᒪᓗᐊᕐᐸᑦ ᐃᖅᑲᓇᐃᔮᖓᓂ ᐱᓕᕆᐊᖃᑦᑎᐊᕆᐊᒃᓴᖅ, ᐅᖃᖃᑎᖃᓪᓗᐊᖅᐳᑦ ᑲᒪᔨᐅᔪᒧᑦ. ᐅᖃᓪᓚᒡᓗᑎᒃ ᐊᑦᑕᓇᙱᒃᑲᓗᐊᕐᒪᖔᑦ ᐱᓕᕆᒃᑲᓐᓂᕐᓂᕐᒧᑦ ᐱᓕᕆᐊᒃᓴᒥ, ᐅᕝᕙᓘᓐᓃᑦ ᓴᓇᔨᐅᔪᖅ ᐊᖏᕐᕋᐅᓪᓗᐊᕈᓂ.
  4. ᓴᓇᔨ ᑕᖃᐃᕐᔫᒥᒃᐸᑦ, ᑲᒪᔨᖓ ᖃᐅᔨᒋᐊᒃᑲᓐᓂᓪᓗᐊᖅᐳᖅ. ᐅᖃᐅᓯᕆᓗᒋᑦ:
    • ᖁᔭᓕᓂᖅ ᓴᓇᔨᒧᑦ ᐃᓕᓴᖅᓯᓂᖅ ᐱᓕᕆᔪᓐᓇᙱᓚᐅᑲᖕᓂᖏᓐᓂ ᑎᓕᔭᐅᓯᒪᔭᖓᓐᓂ. ᑐᑭᖃᖅᐳᖅ ᑲᒪᒋᔭᖃᕐᒪᑕ ᓇᖕᒥᓂᖅ ᐊᑦᑕᓇᔾᔭᐃᖅᓯᒪᓂᖓᓐᓂ.
    • ᐱᓕᕆᐊᖓᓂ ᑐᕌᖅᑎᑦᑎᓚᐅᖅᐸ ᑕᖃᓯᒪᓂᖓᓄᑦ? ᐄᖑᒍᓂ, ᖃᓄᖅ ᐃᖅᑲᓇᐃᔮᖓ ᐋᖅᑭᒃᓱᖅᑕᐅᔪᓐᓇᖅᐸ ᐅᕝᕙᓘᓐᓃᑦ ᐊᓯᔾᔨᖅᑕᐅᓗᓂ ᐱᑎᑦᑎᑦᑕᐃᓕᒪᓂᕐᒧᑦ ᑕᖃᓯᒪᓂᕐᒥ?
    • ᑕᖃᓯᒪᓂᖅ ᐱᔾᔪᑕᐅᕙ ᐊᖏᕐᕋᒥ ᐱᔾᔪᑕᐅᔪᓄᑦ? ᑕᐃᒪᐃᖏᓐᓇᖅᑐᒥ ᐊᒃᓱᕈᕈᑕᐅᔪᒥ ᓴᓇᔨᐅᔫᑉ ᐃᓅᓯᖓᓂᐅᒍᓂ, ᑐᕌᖅᑎᓪᓗᐊᖅᐸᑎᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᕝᕕᐊᓄᑦ ᐅᕝᕙᓘᓐᓃᑦ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᑲᔪᕈᑎᒃᓴᓄᑦ ᐃᑕᔪᖅᓯᖅᑕᐅᓂᕐᒧᑦ.
  5. ᐋᖅᑭᒃᓯᓗᑎᑦ ᒪᓕᒍᑕᐅᔪᒥ ᐅᖃᓪᓚᖕᓕᐅᔪᒥ ᓇᓗᓇᐃᖅᓯᓂᕐᒧᑦ ᓴᓇᔨᐅᑉ ᐆᒻᒪᕆᖕᓂᖓᓂ ᑭᒡᓕᐅᔪᓂ ᐱᐅᓯᒋᐊᕐᓂᖓᓂ, ᐊᒻᒪᓗ ᐊᒥᐊᒃᑯᔪᓂ ᐃᓱᒫᓘᑕᐅᔪᓂᑦ. 
ᐅᓪᓘᑉ ᐃᓱᐊᓂ, ᐊᐅᓚᑦᑎᓂᖅ ᑕᖃᓯᒪᓂᕐᒥ ᐃᖅᑲᓇᐃᔭᕐᕕᖕᒥ ᒪᑐᐃᖓᓂᐅᔪᒥ ᐋᔩᖃᑎᒌᖕᓂᐅᔪᒥ ᐊᑯᓐᓂᖓᓂ ᐃᖅᑲᓇᐃᔭᖅᑎᖁᑎᓕᖕᓂᑦ, ᑲᒪᔨᐅᔪᓂᑦ, ᐊᒻᒪᓗ ᐃᖅᑲᓇᐃᔭᖅᑎᓂᑦ. ᖃᓄᖅ ᓇᓗᓇᐃᖅᓯᔪᓐᓇᖅᐱᑕ ᐱᓕᕆᓂᑦᑎᓐᓂ ᐊᑦᑕᓇᙱᑦᑐᒥ ᖃᐅᑕᒫᒥ? ᐃᓅᓯᖅ ᖃᓄᐃᑉᐸᓪᓕᐊᖏᓐᓇᕐᒪᑦ, ᐊᒻᒪ ᐃᓛᓐᓂᒃᑯᑦ ᑕᖃᓗᐊᖅᐸᒃᐳᒍᑦ, ᑭᓯᐊᓂ ᓯᕗᓪᓕᐅᔾᔭᐅᖁᔭᐅᕙᒃᐳᖅ ᓇᓗᓇᐃᖅᓯᓂᕐᒥ ᓴᓇᔨᐅᔪᑦ ᐊᖏᕐᕋᐅᓂᖏᓐᓂ ᐊᑦᑕᓇᙱᑦᑐᒥ ᐃᖅᑲᓇᐃᔭᕐᓇᐅᑉ ᐅᓪᓗᖓᑕ ᐃᓱᐊᓂ.

ᐃᑲᔪᕈᑎᒃᓴᐃᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑭᑎᑦᑎᓯᒪᕗᑦ ᐃᑲᔪᕈᑎᒃᓴᓂᑦ ᐃᓕᖕᓂ ᐃᑲᔪᕈᓐᓇᖅᑐᓂ ᐅᓗᕆᐊᓇᕈᑕᐅᔪᓂ ᑕᖃᓯᒪᓂᕐᒥ ᐃᖅᑲᓇᐃᔭᕐᕕᖕᒥ. ᐃᓚᓕᐅᔾᔨᓗᓂ ᑖᒃᑯᐊ ᐃᑲᔪᕈᑎᒃᓴᐅᔪᓂ ᐃᖅᑲᓇᐃᔭᕐᕕᖕᒧᑦ ᑭᖑᓪᓕᖅ ᐊᑦᑕᓇᔾᔭᐃᖅᓯᒪᓂᕐᓄᑦ ᐅᖃᓪᓚᖕᓂᐅᔪᒥ:
ᖃᐅᔨᒋᐊᒃᑲᓐᓂᕐᓂᕐᒧᑦ, ᐅᕝᕙᓘᓐᓃᑦ ᐱᓂᕐᒧᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᐅᑐᒃᑕᑐᐊᖃᑲᐃᓐᓇᖅᑐᒥ ᕿᒥᕐᕈᔭᐅᑦᑎᐊᕐᓂᖓᑕ ᐸᐃᑉᐹᖓᓐᓂ ᑕᖃᓯᒪᓂᕐᒧᑦ, ᖃᐅᔨᒋᐊᕐᕕᐅᔪᓐᓇᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᐅᓪᓗᒥ.





ᐊᐅᓚᑦᑎᓂᕐᒧᑦ ᑲᑎᒪᔩᑦ
ᒫᓐᓇᓕᓴᐅᔪᒥ ᐊᓯᔾᔨᕐᓂᐅᔪᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑕᐅᓂᖓ ᑖᒃᑯᓄᖓ 7−ᓂᒃ-ᐃᓄᓕᖕᓂᑦ ᐊᐅᓚᑦᑎᓂᕐᒧᑦ ᑲᑎᒪᔨᓂᑦ ᓄᓇᕗᒻᒥ ᐊᒻᒪᓗ ᓄᓇᑦᓯᐊᕐᒥ ᑭᒡᒐᖅᑐᐃᔪᓂ ᐱᔪᒪᔭᐅᓂᐅᔪᓂ ᓴᓇᔨᓂᑦ, ᐃᖅᑲᓇᐃᔭᖅᑎᖁᑎᓕᖕᓂᑦ, ᐊᒻᒪᓗ ᐃᓄᓕᒫᓄᑦ. ᐃᓚᒋᔭᐅᔪᑦ ᑎᒃᑯᐊᑦᑕᐅᓯᒪᕗᑦ ᒥᓂᔅᑕᒧᑦ ᑲᒪᒋᔭᖃᖅᑐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᑦ ᓄᓇᕗᒻᒥ ᐊᒻᒪᓗ ᓄᓇᑦᓯᐊᕐᒥ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᓂᕐᒧᑦ ᑲᑎᒪᔨᑦ ᒫᓐᓇᓕᓴᐅᔪᒥ ᑕᑯᓯᒪᕗᑦ ᐊᓯᔾᔨᕐᓂᐅᔪᓂ ᐃᓚᒋᔭᐅᓂᐅᔪᓄᑦ, ᐊᒻᒪᓗ ᐱᔪᒪᕗᑦ ᐆᒥᖓ ᐱᕕᒃᓴᖃᕐᓂᐅᔪᒥ ᖁᔭᓕᓂᕐᒧᑦ ᐊᓂᕙᓪᓕᐊᔪᓂ ᐃᓚᒋᔭᐅᔪᓂᑦ ᐊᒻᒪᓗ ᑐᙵᓱᒃᑎᑦᑎᓂᕐᒥ ᓄᑖᖑᔪᓂ ᐃᓚᒋᔭᑦᑎᓐᓂ.

ᐊᓂᕙᓪᓕᐊᔪᑦ ᐃᓚᒋᔭᐅᔪᑦ

ᑕᐃᕝ ᑕᑯᕐ, ᐃᒃᓯᕙᐅᑕᖅ, ᐊᐅᓚᑦᑎᓂᕐᒧᑦ ᑲᑎᒪᔨᑦ ᐃᓚᒋᔭᐅᔪᖅ ᑕᐃᒪᙵᓂ ᓯᑎᐱᕆ 2012−ᒥ
 
ᐊᐃᑉ ᑎᐅᓪ, ᓄᓇᑦᓯᐊᕐᒥ ᐃᓄᓕᒫᓂ ᐱᔪᒪᔭᐅᔪᓄᑦ ᑭᒡᒐᖅᑐᐃᔨ, ᐊᐅᓚᑦᑎᓂᕐᒧᑦ ᑲᑎᒪᔨᑦ ᐃᓚᒋᔭᐅᔪᖅ ᑕᐃᒪᙵᓂ ᕕᕝᕗᐊᕆ 2013−ᒥ
 
ᔮᒃ ᕉ, ᓄᓇᑦᓯᐊᕐᒥ ᐃᖃᓇᐃᔭᖅᑎᖁᑎᓕᒃ ᑭᒡᒐᖅᑐᐃᔨ, ᐊᐅᓚᑦᑎᓂᕐᒧᑦ ᑲᑎᒪᔨᑦ ᐃᓚᒋᔭᐅᔪᖅ ᑕᐃᒪᙵᓂ ᐊᐃᕐᕆᓕ 2013−ᒥ 

ᑎᑭᑉᐸᓪᓕᐊᔪᑦ ᐃᓚᒋᔭᐅᔪᑦ

ᔭᓂ ᐳᕉᔅ, ᐃᒃᓯᕙᐅᑕᖅ, ᐊᑐᓕᕐᓂᐊᖅᑐᒥ ᐊᐃᕐᕆᓕ 1, 2021−ᒥ
 
ᐲᑕ ᒫᑭ, ᓄᓇᕗᒻᒥ ᐃᓄᓕᒫᓄᑦ ᕿᑐᕐᖏᐅᕐᓂᕐᓄᑦ ᑭᒡᒐᖅᑐᐃᔨᐅᔪᖅ, ᐊᑐᓕᕐᓂᐊᖅᑐᒥ ᕕᕝᕗᐊᕆ 14, 2021−ᒥ
 
ᕌᐳᑦ ᐅᐃᓪᑭᓐᔅ, ᓄᓇᑦᓯᐊᕐᒥ ᐃᖅᑲᓇᐃᔭᖅᑎᖁᑎᓕᒃ ᑭᒡᒐᖅᑐᐃᔨ, ᐊᑐᓕᕐᓂᐊᖅᑐᒥ ᐊᐃᕐᕆᓕ 1, 2021−ᒥ
 
ᖃᐅᔨᒋᐊᒃᑲᓐᓂᕐᓂᕐᒧᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᓂᕐᒧᑦ ᑲᑎᒪᔨᖏᓐᓄᑦ, ᐅᐸᒡᓗᒍ ᐊᐅᓚᑦᑎᓂᕐᒧᑦ ᑲᑎᒪᔨᑦ ᒪᒃᐱᒐᖓᓄᑦ ᐃᑭᐊᖅᑭᕕᑦᑎᓐᓂ.


ᐃᑭᐊᖅᑭᕕᖕᒥ ᐋᖅᑭᐅᒪᑎᑦᑎᓂᕐᒧᑦ
ᐱᑐᐃᓐᓇᕆᐊᓕᖕᓕ ᐱᔨᑦᑎᕋᐅᑎᓕᕆᓂᕐᒥ ᓄᖅᑲᖅᑎᑦᑎᓂᐅᔪᒥ ᐊᐃᕐᕆᓕ 16−ᒥ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᑖᙳᕆᐊᖅᑎᑦᑎᓂᐊᖅᐳᑦ ᐃᓚᖏᓐᓂ ᑕᑯᒃᓴᐅᑎᑕᐅᓂᖏᓐᓂ ᐃᑭᐊᖅᑭᕕᑦᑎᓐᓂ ᐱᔨᑦᑎᕋᑦᑎᐊᒃᑲᓐᓂᕐᓂᕐᒧᑦ ᓇᖕᒥᓂᖃᖃᑕᐅᔪᓄᑦ. ᐊᓯᔾᔨᕐᓂᐅᔪᑦ ᑕᑯᒃᓴᐅᑎᑕᐅᓂᐊᖅᐳᑦ ᓴᖅᑭᔮᖅᑎᑕᐅᓗᑎᒃ ᐊᐃᕐᕆᓕ 16−ᒥ. ᐱᓕᕆᑎᓪᓗᑕ ᓇᓗᓇᐃᖅᓯᓂᕐᒥ ᓅᑦᑎᐊᕐᓂᐅᔪᒥ, ᐱᑕᖃᑐᐃᓐᓇᕆᐊᖃᖅᐳᖅ ᕿᓚᒻᒥᐅᔪᒥ ᐱᔨᑦᑎᕋᐅᑎᓕᕆᓂᕐᒧᑦ ᓄᖅᑲᓚᐅᑲᖕᓂᐅᔪᒥ ᐅᓪᓗᑐᐃᓐᓇᖅ ᐊᐃᕐᕆᓕ 16, 2021−ᒥ. ᐅᓇ ᐊᓯᔾᔨᖅᐸᓪᓕᐊᓂᖓ ᐊᒃᑐᐃᓂᖃᔾᔮᙱᓚᖅ WSCC Connect ᐱᔨᑦᑎᕋᕐᓂᕐᒧᑦ.

ᐅᔾᔨᕆᒍᕕᑦ ᐱᔨᑦᑎᕋᐅᑎᓕᕆᓂᕐᒧᑦ ᓄᖅᖃᓚᐅᑲᖕᓂᐅᔪᒥ, ᐲᔭᕋᓱᐊᕐᓂᐊᖅᐸᐃᑦ ᑲᑎᙵᓂᐅᔪᒥ ᖃᕋᓴᐅᔭᒃᑯᑦ ᕿᒥᕐᕈᕕᖓᓂ ᐊᒻᒪᓗ ᓄᑖᙳᕆᐊᖅᑎᓪᓗᒍ ᒪᒃᐱᒐᖓᓂ. ᐊᑲᐅᙱᓕᐅᕈᑎᖃᐃᓐᓇᖅᐸᑦ, ᐅᑕᖅᑭᓗᑎᑦ ᐃᖅᑲᓇᐃᔭᕐᓇᐅᔪᒥ ᐅᓪᓗᕐᒥ ᐊᑕᐅᓯᕐᒥ ᐆᒃᑐᒃᑲᓐᓂᕐᓂᕐᒧᑦ, ᐅᕝᕙᓘᓐᓃᑦ ᑐᐊᕕᕐᓇᖅᑐᓄᑦ ᖃᐅᔨᒋᐊᒃᕕᒋᑎᒍᑦ ᐅᕘᓇ ᖃᕋᓴᐅᔭᒃᑯᑦ ᑎᑎᕋᕐᕕᐅᔪᓐᓇᖅᑐᒧᑦ. ᒪᒥᐊᑉᐳᒍᑦ ᐊᑲᐅᙱᓕᐅᕈᑎᖃᕐᓂᐊᕈᓂ ᐱᑎᑦᑎᓂᐅᔪᒥ.


ᐊᑐᐊᒐᐃᑦ ᐊᓯᔾᔨᕐᓂᖏᑦ

ᐊᐅᓚᑦᑎᔩᑦ ᑲᑎᒪᔩᑦ ᕿᒥᕐᕈᓚᐅᖅᑐᑦ ᐊᒻᒪ ᐊᖏᖅᓯᓪᓗᑎ ᐅᑯᓂᖓ ᐊᑐᐊᒐᕐᓂᑦ ᒫᔾᔨ 2021−ᒥ ᑲᑎᒪᓂᖃᖅᑎᓪᓗᒋᑦ:
  • A.9 - ᐱᖁᑎᒋᔭᐅᔪᓄᑦ ᐃᓕᓯᒪᓂᖓᓂ
  • B.2 - ᐊᑭᑭᒡᓕᕙᓪᓕᐊᔪᒥ ᐊᒻᒪᓗ ᐊᑭᓕᕐᒃᑐᐃᓂᕐᒃ
ᑕᑯᒋᐊᕐᓗᒍ ᑖᓐᓇ WSCC Policy Manual (ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ) ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᖁᑎᖏᓐᓂᒃ ᐅᕝᕙᓘᓐᓃᑦ ᑖᓐᓇ Governance Council Directives (ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ) ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦᑐᑭᒧᐊᕈᑎᓂ.


ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓯᒪᓂᐊᖅᐳᑦ ᒪᑭᕝᕕᐊᑉ ᐱᓇᓱᐊᕈᓯᐅᑉ ᓄᙳᐊᓂ ᐅᓪᓗᑐᐃᓐᓇᕐᒥ, ᐊᐃᕐᕆᓕ 2−ᒥ ᐊᒻᒪᓗ ᓇᒡᒐᔾᔭᐅ, ᐊᐃᕐᕆᓕ 5−ᒥ, ᐊᒻᒪᓗ ᒪᑐᐃᒃᑲᓐᓂᓛᖅᐳᖅ ᐊᐃᑉᐹᓂ ᐊᐃᕐᕆᓕ 6−ᒥ 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.


wscc.nt.ca   /  1.800.661.0792   *   wscc.nu.ca  /  1.877.404.4407