Vandredi 31 Mas 2023 ‌ ‌ ‌ ‌

Byenvini Pwomosyon 2036!   Distri Lekòl Rejyon Palm Beach la, yon distri nivo A, ap òganize aktivite enskripsyon jadendanfan nan chak lekòl nan distri a semèn pwochèn. Pandan evènman sa yo, ou menm ak pitit ou a pral gen opòtinite pou rankontre pèsonèl lekòl ou a, aprann sou kourikoulòm jadendanfan an, konprann kijan yo pral akeyi ak fòme pitit ou a, epi fè konesans ak pwogram ak sèvis nan lekòl la.   Ou kapab jwenn enfòmasyon sou Enkrispyon pou Jadendanfan/Kindergarten Round-Up nan palmbeachschools.org/kindergarten epi pou jwenn orè a, vizite: palmbeachschools.org/kindergartenroundup2023.

Rezilta Pwogram Ochwa Ak Karyè Yo Pare   Rezilta lotri pwogram ochwa pou ane lekòl 2023-2024 k ap vini an ap pibliye jodi a vandredi 31 mas 2023, apre 4 p.m. Pou wè rezilta aplikasyon yo, tanpri vizite pòtal aplikasyon an nan mypbchoiceapp.com apre 4 p.m. jodi a.   Pou nenpòt kesyon ak asistans adisyonèl, tanpri voye yon imèl detaye nan: ChoiceQuestions@palmbeachschools.org   Klike la a pou plis enfòmasyon.

Bito David nan emisyon “ENFÒME W” nan Distri Lekòl Rejyon Palm Beach ap resevwa kòm envite Margueline Rimpel ki ap pale osijè sa paran dwe konnen pou rès ane akademik pitit yo kote l ap kouvri sijè tankou: Preparasyon pou gradyasyon Kontak ak Konseye Adademik  Klike la a pou w gade cho a.

Ekip Palm Beach La Ap Anboche Kounye A   Avèk opòtinite pou pwomosyon, orè travay fleksib aplentan, salè konpetitif pou kòmanse, benefis eksepsyonèl, ak opòtinite pou remèt kominote a sa li fè pou ou apati travay ou, Distri Lekòl Rejyon Palm Beach envite w rantre nan Ekip Palm Beach la.   Klike la a pou aplike jodi a!

Remèsye Yon Pwofesè Kris Ward, se pwofesè ki genyen pri 'Remèsye Yon Pwofesè Pou Semèn Nan'. Li se yon pwofesè nan Lekòl K-8 Addison Mizner. Inisyativ sa a rekonèt chak semèn yon pwofesè ke elèv, paran, ak estaf anplwaye nonmen pou devouman li, pwofesyonalis li, ak jan li genyen enpak pozitif sou elèv. Klike la a pou gade videyo a.

Finansman Pou Ede Kominote Lokal Yo   Pou adrese pwojè sèvis kominotè, plizyè elèv prezante vizyon yo genyen. Pandan final aktivite ki rele Philanthropy Tank nan Kravis Center nan dat 8 mas 2023, elèv yo resevwa yon total $39,000 nan men konseye filantwòp yo. Lajan sa a pral itilize pou egzekite lide yo.   Klike la a pou w gade.

Komite Direksyon Distri A Finalize Fwontyè Ofisyèl Nouvo Lekòl Segondè Dr. Joaquín García Ap Kouvri   Mèkredi 29 mas, Komite Direksyon Distri a bay apwobasyon final pou nouvo fwontyè Lekòl Segondè Dr. Joaquín García pou ane lekòl ki ap vini an. Reyinyon an se te akimilasyon yon pwosesis long ak diskisyon ki deparye plizyè milye elèv pou redui kantite ki genyen nan kèk lekòl epi pou reklase elèv pou ale nan nan nouvo Lekòl Segondè Dr. Joaquín García nan lwès Lake Worth. Lekòl la ap ouvri ofisyèlman pou elèv yo nan mwa Out 2023. Pou aprann plis sou nouvo lekòl la, klike la a.    Klike la a pou w gade istwa konplè a sou WPTV Kanal 5.

Suiv @PBCSDKreyol sou Facebook, Twitter, ak Instagram pou jwenn mizajou nouvèl nan lang Kreyòl Ayisyen.

Koneksyon Edikasyon Se Vwa Kreyòl Distri A Sou Radyo Sonje Distri Lekòl Rejyon Palm Beach prezante KONEKSYON EDIKASYON. Koneksyon Edikasyon se vwa Kreyòl Distri a pou pote enfòmasyon pou paran ayisyen ak tout kominote a sou sa k ap pase nan lekòl yo ak nan distri a. Tout sa w bezwen konnen sou Distri Lekòl Rejyon Palm Beach pou w pi byen patisipe nan edikasyon pitit ou w ap tande l sou frekans 980 AM Radio Haiti Amérique Internationale jedi a 5:30 nan apremidi.