Madi 15 Septanm 2020
Lokal Lekòl yo ap Reouvri Lendi 21 Septanm
Ak Dekrè Gouvènè Ron DeSantis pou mete Rejyon Palm Beach la nan Faz 2 a, Distri Lekòl Rejyon Palm Beach la pral reouvri lokal lekòl yo pou ansèyman anpèsòn lendi 21 septanm. Men paran ki vle rete nan Aprantisay Adistans gen dwa toujou chwazi fè sa.
Sipèentandan Donald Fennoy ak Direktris Anchèf Operasyon Distri a Wanda Paul ap genyen yon sesyon kesyon ak repons sou Facebook avan reouvèti lokal lekòl yo.

Vin patisipe ak nou epi poze kesyon pandan sesyon Facebook andirèk la vandredi 18 septanm a 5 p.m.
Distri a kreye Dokiman Gid COVID-19, ki bay anpil enfòmasyon itil pou paran.

Nan dokiman sa a w ap jwenn tout sòt enfòmasyon ki gen rapò ak règleman ki pral suiv nan lekòl yo.

Règleman sa yo gen rapò ak: Teknoloji, Vizitè, Mas, Sèvi Manje,
Klas, Gid pou elatriye.


KESYON KI POZE PI SOUVAN
Pwofesè yo ap anseye elèv ki vini lekòl anpèsòn yo ak sa ki nan aprantisay adistans yon anmenmtan. Elèv nan klas yo ap fas a fas ak pwofesè yo pandan ke elèv ki nan aprantisay adistans yo ap nan klas Google. Tout klas yo genyen kamera ak mikwofòn.



Objektif la se pou mete elèv yo chita a sis pye distans. Pandan plis elèv ap retounen nan lekòl yo epi nou bezwen plis plas, lekòl yo ap suiv rekòmandasyon CDC ak Akademy Ameriken Pedyat bay.



Règleman distri a mande pou tout elèv, anplwaye ak vizitè mete mas depi yo nan lokal lekòl yo, nan bis transpòtasyon yo, ak nan biwo yo. Yo kapab retire mas la pou manje ak bwè nan yon anviwonnman kote distans sosyal respekte. Y ap bay elèv yo mas ki kapab reitilize.
Pou suiv règleman pou kenbe distans sosyal la, yo kapab mande elèv pou tanporèman pran yon klas vityèlman nan yon lòt kote nan lekòl la. Sa ap depann de kantite elèv ki retounen anpèsòn nan lokal lekòl yo. Kidonk li kapab pa nesesè. Opsyon sa a ap fèt an rotasyon.

Nou atann nou pou elèv yo vini ak aparèy elektwonik distri a te ba yo a ak chajè li chak jou, epi pou yo byen chaje aparèy la chak swa. Pou elèv ki nan laj ba yo, lekòl yo gen dwa kenbe aparèy sa yo pou yo.

Nou atann pou tout lekòl genyen yon aparèy pou chak grenn elèv rive nan mitan mwa oktòb. Genyen ki ap rive akonpli sa depi avan.
Nan mezi sa posib, elèv dwe sèvi ak aparèy elektwonik yo pou fè devwa yo ba yo. Si sa pa posib, ap genyen distribisyon papye.

Elèv dwe itilize aparèy elektwonik pou konsilte liv lekòl. Si sa pa posib, y ap sèvi ak liv ki lekòl la.



Sonje ranpli RESANSMAN 2020 an avan 30 septanm. W ap jwenn kesyonè a sou entènèt nan: http://2020census.gov