ᓯᑎᐱᕆ 2021                                                  
ᐃᓱᓕᒡᕕᒃᓴᐅᑖ: ᐃᖅᑲᓇᐃᔭᖅᑎᓄᑦ ᐊᑭᓕᖅᓱᐃᒍᑎᓂᒃ ᐊᑐᖅᑕᐅᓂᐊᕋᓱᒋᔭᐅᔪᓄᑦ ᐋᕿᒋᐊᖅᓯᓂᖅ
ᑐᓂᓯᒪᔭᕆᐊᖃᖅᑐᖅ ᐅᕙᓂ ᐅᓪᓗᕐᒥ ᑐᖔᓂᓪᓘᓐᓃᑦ ᓄᕕᐱᕆ 30, 2021

ᐃᓱᓕᕝᕕᒃᓴᖓ ᐅᓂᒃᑳᕆᓂᕐᒧᑦ 2021-ᒥ ᑮᓇᐅᔭᓕᐊᓄᑦ ᐊᑭᓖᔾᔪᑎᒃᓴᔅᓯᓐᓂ ᖃᓂᒡᓕᓕᖅᑐᖅ. ᓈᒻᒪᙱᓕᐅᕈᑎᖃᕈᒪᙱᒃᑯᔅᓯ, ᐅᓂᒃᑲᐅᓯᖃᕆᐊᖃᖅᐳᓯ ᐅᔾᔨᕐᓇᓗᐊᖅᑐᓂᒃ ᐊᓯᙳᖅᑐᓂᒃ (25%-ᒥ ᐅᖓᑖᓄᓪᓘᓐᓃᑦ) ᐃᖅᑲᓇᐃᔭᖅᑎᓄᑦ ᐊᑭᓕᖅᓱᐃᒍᑎᓂᒃ ᐊᑐᖅᑕᐅᓂᐊᕋᓱᒋᔭᔅᓯᓐᓂᒃ ᐅᓇ ᐊᓂᒍᓚᐅᖅᑎᓐᓇᒍ ᓄᕕᐱᕆ 30, 2021. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᖃᓂᒃ ᐊᐅᓪᓚᖅᑎᑦᑎᓯᒪᓕᕐᒪᑕ ᑕᒪᐃᓐᓄᑦ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥᑦ ᐃᖅᑲᐃᔭᖅᑎᑦᑎᔨᐅᔪᓄᑦ ᐃᖅᑲᐃᑎᑦᑎᒍᑎᓂᒃ ᐃᖅᑲᓇᐃᔭᖅᑎᓄᑦ ᐊᑭᓕᖅᓱᐃᒍᑎᓂᒃ ᐋᕿᒋᐊᕐᓯᓂᕐᒨᒐᔪᓂᒃ.

ᐊᓯᙳᖅᑐᓂᒃ ᓇᓗᓇᐃᕐᓂᐊᕐᓗᓂ ᐅᓇ ᓇᓕᕐᓗᒍ Report Payroll (ᐊᑭᓕᐅᑎᓄᑦ ᐅᓂᒃᑳᑦ) ᐅᕙᓂ WSCC Connect.

ᐃᑲᔫᑎᒃᓴᖃᑦᑎᐊᖅᑐᖅ ᐅᕙᓂ WSCC Connect. ᐊᐱᖅᑯᑎᒃᓴᖃᕐᓂᕈᕕᑦ ᐊᓯᔾᔩᓂᕐᒥᑦ ᐃᖅᑲᓇᐃᔭᖅᑎᖁᑎᒃᐱᑦ ᐊᑭᓕᖅᑕᐅᔾᔪᑎᖏᓐᓂ, ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᖅᑎᒃᑯᑦ ᐅᖄᓚᕕᒋᓗᒋᑦ ᓄᓇᑦᓯᐊᕐᒥᑦ ᐅᕙᓂ 1-800-661-0792 ᐊᒻᒪ ᓄᓇᕗᒻᒥ ᐅᕙᓂ 1-877-404-4407.


ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ
ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐱᖁᑏᑦ



ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE) ᐊᑕᐅᓯᐅᓪᓗᓂ ᐊᒥᓱᓂ ᐱᓕᕆᓂᐅᕗᑦ ᓴᓇᔨᐅᔪᑦ ᓴᐳᔾᔨᓯᒪᔪᓐᓇᕐᓂᖏᓐᓂ ᐊᑦᑕᕆᔭᐅᔪᓂ ᐃᖅᑲᓇᐃᔭᕐᕕᖕᒥ. ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᓈᒻᒪᐃᓐᓇᐅᔭᕆᐊᖃᖅᐳᑦ ᐱᓕᕆᓂᐅᔪᒥ ᐱᓕᕆᐊᖑᔪᒥ, ᐊᒻᒪᓗᑦᑕᐅᖅ ᓴᓇᔨᐅᑉ ᓈᒻᒪᒋᓗᓂᐅᒃ.

ᐱᓕᕆᐊᒃᓴᕆᔭᐅᔪᑦ ᑲᒪᒋᔭᐅᔭᕆᐊᖃᖅᐸᒃᑐᓪᓗ

ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥ, ᐃᖅᑲᓇᐃᔭᖅᑎᑦᑎᔨᐅᔪᑦ ᑲᒪᒋᔭᖃᖅᐳᑦ ᑐᓂᓯᓂᕐᒥ ᐊᖏᖅᑕᐅᓯᒪᔪᓂ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᑦ ᐊᑭᖃᙱᓪᓗᓂ ᓴᓇᔨᐅᔪᓄᑦ, ᐊᒻᒪᓗ ᓇᓗᓇᐃᖅᓯᓂᕐᒥ ᐊᑐᐃᓐᓇᐅᓂᖏᓐᓂ ᐃᖅᑲᓇᐃᔭᕐᕕᒋᔭᖏᑕ ᐃᓂᒋᔭᖓᓂ ᐃᖅᑲᓇᐃᔭᓚᐅᙱᓐᓂᖏᓐᓂ. ᑭᓯᐊᓂ, ᐱᒻᒪᕆᐅᒋᕗᖅ ᐃᖅᑲᐅᒪᓂᕐᒥ ᓴᓇᔨᐅᔪᑦ ᐱᒻᒪᕆᐅᔪᒥ ᐊᑐᕐᓂᖃᕆᕗᑦ ᐋᖅᑭᐅᒪᑎᑦᑎᓂᕐᒧᑦ, ᓴᓗᒻᒪᖅᓴᐃᓂᕐᒧᑦ, ᐊᒻᒪ ᐊᑐᕐᓂᕐᒧᑦ ᓇᓚᐅᑦᑐᒥ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᑦ ᐊᑐᕆᐊᖃᕌᖓᑕ.

ᓂᕈᐊᕐᓂᖅ ᓈᒻᒪᑎᐊᖅᑐᒥᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᑦ
  1. ᓇᓂᓗᒋᑦ ᐅᓗᕆᐊᓇᑐᑦ - ᐱᓕᕆᐊᒃᓴᖅ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓂ ᓴᖅᑭᔮᕐᓂᖃᕈᓂ ᐊᑦᑕᕐᓇᖅᑑᕐᓂᖓᓂ ᐃᖅᑲᓇᐃᔭᖅᑎᓄᑦ? ᓇᓂᓯᓗᑎᑦ ᖃᓄᓕᒫᑦᑎᐊᖅ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓱᒫᓘᑕᐅᔪᒥ ᐃᖅᑲᓇᐃᔭᕆᐊᓚᐅᙱᓐᓂᕐᓂ. ᓯᑯᖃᕐᓂᐅᔪᓐᓇᖅᐳᖅ, ᐃᓚᐅᕈᑎᒃᓴᓂ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓂ, ᕿᔪᖕᓂ ᖁᓕᕇᓕᖅᓯᒪᔪᓂ ᑭᕕᒋᐊᖃᕋᔭᖅᑐᓂ, ᐊᓯᖏᓪᓗ.
  2. ᓇᓂᓯᓗᑎᑦ ᐋᖅᑭᒍᑎᒃᓴᓂ - ᐃᓱᒪᓗᑎᑦ ᑭᓱᑐᐃᓐᓇᓂ ᐃᑲᔪᕐᓂᐊᖅᑐᒥ ᓴᓇᔨᓂ ᐊᑦᑕᓇᔾᔭᐃᖅᓯᒪᓂᕐᒥ ᐊᑦᑕᕆᔭᐅᔪᓂ. ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓄᑦ, ᐃᓱᒪᒋᔭᖃᕈᓐᓇᖅᐳᑎᑦ ᑲᒫᓗᓂᑦ, ᐊᒡᒑᒃ, ᓇᓴᐃᑦ, ᐊᓂᖅᓵᖅᑑᑎ, ᐊᓯᖏᓪᓗ.
  3. ᐋᖅᑭᒍᑎᒃᓴᑎᑦ ᐱᓕᕆᓗᒍ - ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐱᓗᒋᑦ ᓂᕈᐊᖅᑕᕐᓂ ᐊᒻᒪ ᐊᐱᕆᓗᑎᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᓈᒻᒪᒃᑲᓗᐊᕐᒪᖔᑕ ᐊᖏᓂᖓ ᐊᒻᒪ ᓈᒻᒪᒡᓗᓂ ᓴᓇᔨᖕᓄᑦ, ᓲᕐᓗ: ᑕᐅᑐᑦᑎᐊᖅᑐᖅᑐᐅᓯᑎᓂᒃ ᐃᒡᒐᓂ ᐊᑐᕈᓐᓇᕋᔭᖅᐸᑦ ᐊᑐᕐᓗᒍ? ᐋᖅᑭᒋᐊᖅᑕᐅᒃᑲᓐᓂᕆᐊᖃᖅᐸ ᐅᕝᕙᓘᓐᓃᑦ ᓈᒻᒪᒃᓯᓕᖅᑎᑕᐅᓗᓂ ᐃᓄᖕᒧᑦ (ᑕᐃᒪᐃᓐᓂᖓᓂ ᐊᓂᖅᓵᖅᑑᑎᓕᖕᓂ)? ᐊᒻᒪᓗ ᕿᒥᕐᕈᐊᕐᓗᒍ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓂ ᐊᒻᒪ ᓇᓗᓇᐃᖅᓯᓗᑎᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐊᑐᐃᓐᓇᐅᖕᒪᖔᑕ ᓴᓇᔨᓄᑦ, ᓲᕐᓗ: ᑮᒃᓯᒪᕙ ᐃᒡᓗᕈᓯᕐᒥ, ᐅᕝᕙᓘᓐᓃᑦ ᑐᖅᑯᖅᓯᒪᕙ ᐃᖅᑲᓇᐃᔭᖅᑎᐅᑉ ᐃᒡᓗᕈᓯᖓᓐᓂ ᐊᒻᒪᓗ ᓴᓂᐊᓃᑉᐸ ᐱᓕᕆᓂᐅᓂᐊᖅᑐᒧᑦ?
ᑎᑎᕋᖅᓯᒪᓂᐅᔪᓂ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐊᑐᖅᑕᐅᔪᓐᓇᖅᑐᓄᑦ, ᐅᐸᒍᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᐃᓚᖓ ᐃᑭᐊᖅᑭᕕᑦᑎᓐᓂ. ᐅᖃᖃᑎᖃᕐᓂᕐᒧᑦ ᖃᐅᔨᓴᖅᑎᒥ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᑦ ᐊᑦᑕᓇᔾᔭᐃᖅᓯᒪᓂ ᓴᓇᓂᕐᒧᑦ ᐱᐅᓯᖏᓐᓂ, ᖃᕋᓴᐅᔭᒃᑯᑦ ᑎᑎᕋᕐᓗᓯ ᐅᓪᓗᒥ.


ᐊᓯᔾᔨᖅᐸᓪᓕᐊᔪᒥ ᖃᐅᒪᓂᖓᓂ ᖃᓄᐃᓕᖓᓂᐅᔪᓂ
ᐃᖅᑲᐅᒪᓂᐊᖅᐳᑎᑦ ᖁᑦᑎᒃᑐᒃᑯᑦ ᑕᑯᒃᓴᐅᓐᓇᖅᑐᑦ ᐊᓐᓄᕌᓂᑦ ᐊᒻᒪᓗ ᐃᓚᒋᐊᕈᑎᖏᓐᓂ

ᓯᓚ ᖃᐅᒪᓂᖓᓂ ᐃᒃᑲᕐᕋᖏᑦ ᒥᒃᖠᕙᓪᓕᐊᑎᓪᓗᒍ, ᐃᖅᑲᐃᑎᑦᑎᓗᑎᑦ ᑕᒪᒃᑭᓂ ᓴᓇᔨᓂ ᐊᑐᕐᓂᖏᓐᓂ ᖁᑦᑎᒃᑐᒃᑯᑦ ᑕᑯᒃᓴᐅᓐᓇᖅᑐᑦ ᐊᓐᓄᕌᓂᑦ ᐊᒻᒪᓗ ᐃᓚᒋᐊᕈᑎᖏᓐᓂ. ᓴᓇᔨ ᐱᓱᒃᑲᓗᐊᕈᓂ ᑕᐃᑯᖓ ᑕᐃᑲᙵᓪᓗ ᐃᖅᑲᓇᐃᔭᕐᕕᖕᒧᑦ, ᐅᕝᕙᓘᓐᓃᑦ ᐱᓕᕆᓗᑎᒃ ᓯᓚᒥ ᖃᓄᐃᓐᓂᐅᔪᓂ, ᖁᑦᑎᒃᑐᒃᑯᑦ ᑕᑯᒃᓴᐅᓐᓇᖅᑐᑦ ᐊᓐᓄᕌᑦ ᐅᖃᐅᓯᒃᓴᑦᑎᐊᕙᐅᕗᖅ ᑭᖑᓪᓕᕐᒥ ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᓂᐅᔪᒥ.

ᐊᓐᓄᕌᑦ ᓴᖅᑭᔮᑦᑎᐊᕐᓇᖅᑐᓄᑦ ᐊᓐᓄᕌᑦ (HVSA) ᐃᓚᖃᕈᓐᓇᖅᐳᖅ ᑖᖅᑐᒥ ᑕᑯᔭᒃᓴᐅᔪᒥ ᐅᕝᕙᓘᓐᓃᑦ ᖃᐅᒻᒪᒃᑕᖅᑐᓂ ᓱᓇᒃᑯᑖᓂ, ᐊᒻᒪ ᓂᕈᐊᖅᑕᐅᓪᓗᐊᖅᐳᑦ ᐊᑐᕐᓗᓂ ᐅᑯᓂᖓ ᓈᒻᒪᒋᔭᐅᔪᓂᑦ:
  • ᐅᓕᒃᓯᒪᓂᖓ
  • ᓈᒻᒪᖕᓂᖏᑦ
  • ᖃᐅᒪᓂᖓ
  • ᐊᒥᐊᖓ
  • ᓴᓇᒪᓂᖓ
ᐱᓕᕆᐊᒃᓴᐅᒐᔪᒃᑐᓂ ᐊᑐᕆᐊᖃᖅᑐᓂ ᐊᓐᓄᕌᑦ ᓴᖅᑭᔮᑦᑎᐊᕐᓇᖅᑐᓄᑦ ᐊᓐᓄᕌᓂ, ᓲᕐᓗ ᖃᐅᔨᓴᐃᓂᐅᔪᓂ ᐱᓕᕆᔨᓂᑦ, ᐊᖅᑯᒻᒥ ᓴᓇᔨᓂᑦ, ᐆᒻᒪᖅᑯᑎᓂ ᓴᓇᔨᓂᑦ, ᐊᓯᖏᓪᓗ. ᑭᓯᐊᓂ, ᐃᖅᑲᐃᑎᑦᑎᔾᔪᑎᑦᑎᐊᕙᐅᕗᖅ ᐃᖅᑲᓇᐃᔭᖅᑎᓕᒫᓄᑦ, ᐊᑐᕆᐊᖃᕐᒪᖔᑕ ᐊᓐᓄᕌᑦ ᓴᖅᑭᔮᑦᑎᐊᕐᓇᖅᑐᓄᑦ ᐊᓐᓄᕌᓂᑦ, ᐋᒃᑲᓘᓐᓃᑦ, ᐊᑐᕐᓂᕐᒧᑦ ᖃᐅᒪᔪᓂ ᐊᒻᒪ ᑕᑯᒃᓴᐅᑦᑎᐊᖅᑐᓂ ᐊᓐᓄᕌᓂᒃ, ᐊᒻᒪᓗ ᐃᓕᓯᓂᕐᒥ ᖃᐅᒪᔪᓂ ᓇᓗᓇᐃᒃᑯᑕᓂ, ᓂᐱᑎᒐᕐᓂ, ᐅᕝᕙᓘᓐᓃᑦ ᓇᓗᓇᐃᒃᑯᑕᕐᓂ ᐴᖏᓐᓂ ᐊᒻᒪ ᐊᓐᓄᕌᖏᓐᓂ ᑕᑯᒃᓴᐅᖏᓐᓇᕈᓐᓇᕐᓂᕐᒧᑦ ᐱᓱᒃᑎᓪᓗᒋᑦ ᐊᓯᔾᔨᖅᐸᓪᓕᐊᔪᒥ ᓯᓚᒥ ᖃᐅᒪᓗᐊᙱᑦᑐᒥ ᖃᓄᐃᓕᖓᓂᐅᔪᓂ.

ᐃᓕᑦᑎᒃᑲᓐᓂᕐᓂᕐᒧᑦ ᐊᓐᓄᕌᑦ ᓴᖅᑭᔮᑦᑎᐊᕐᓇᖅᑐᓂ ᐊᓐᓄᕌᓂ, ᑕᑯᒍᒃ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ: ᐊᓐᓄᕌᑦ ᓴᖅᑭᔮᑦᑎᐊᕐᓇᖅᑐᑦ ᒪᓕᒋᐊᖃᖅᑐᑦ ᐱᓕᕆᔾᔪᓯᐅᔪᑦ. ᐅᖃᖃᑎᖃᕐᓂᕐᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔨᐅᔪᒧᑦ ᐱᐅᓯᒋᐊᖅᑎᑦᑎᓂᕐᒥ ᐊᑦᑕᓇᖅᑐᖃᖁᓇᒍ ᖃᓄᐃᓕᐅᕈᑎᒥ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᑦ ᐊᒻᒪ ᐊᓐᓄᕌᑦ ᓴᖅᑭᔮᑦᑎᐊᕐᓇᖅᑐᓂ ᐊᓐᓄᕌᓂ, ᖃᕋᓴᐅᔭᒃᑯᑦ ᑎᑎᕋᕐᕕᒋᑎᒍᑦ ᐅᓪᓗᒥ.


ᐃᖅᑲᓇᐃᔭᕆᐊᑐᐃᓐᓇᕆᐊᖃᓕᖅᐲᑦ?
ᐱᓕᕆᐊᖑᔪᓄᑦ ᑎᑎᖅᑕᐅᕙᓪᓕᐊᓂᐅᔪᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ 
ᒪᒃᑯᒃᑐᑦ ᐃᖃᓇᐃᔭᖅᑏᑦ ᓄᑖᖑᔪᓂ ᐃᖅᑲᓇᐃᔭᖅᑎᐅᔪᓄᑦ, ᐅᕝᕙᓘᓐᓃᑦ ᒫᓐᓇᓕᓴᐅᔪᒥ ᐃᖃᓇᐃᔭᖅᑎᙳᕋᑖᖅᑐᓂ, ᓱᓕ ᑐᑭᓯᐅᒪᙱᑦᑐᒃᓴᐅᕗᑦ ᑐᙵᕕᒋᔭᐅᔪᓂ ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓂᕐᒥ. ᐃᓱᒪᒋᓚᐅᖅᓯᒪᑦᑕᐃᓕᒍᒃ ᒪᒃᑯᒃᑐᖅ ᐃᖅᑲᓇᐃᔭᖅᑎ ᖃᐅᔨᒪᓂᖓᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔮᒥ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᓕᕆᐊᖑᔪᓄᑦ ᑎᑎᖅᑕᐅᕙᓪᓕᐊᓂᐅᔪᖃᖅᐳᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ, ᓇᓗᓇᐃᖅᓯᔪᒥ ᐱᒻᒪᕆᐅᔪᓂ ᐅᖃᐅᓯᒃᓴᓂ ᐃᖅᑲᓇᐃᔭᕐᓂᕐᒥ ᐅᓗᕆᐊᓇᙱᑦᑐᒥᑦ:
  1. ᐱᖓᓱᑦ ᐱᔪᓐᓇᐅᑎᑦ ᑕᒪᐃᓐᓄᑦ ᐃᖅᑲᓇᐃᔭᖅᑎᐅᔪᒧᑦ.
  2. ᑕᒪᕐᒥᓕᒫᑦ ᑎᒍᒥᐊᖅᐳᑦ ᑲᒪᒋᔭᐅᔭᕆᐊᖃᕐᓂᖓᓂᒃ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᕐᕕᖕᒥ.
  3. ᑐᑭᓯᒋᐊᕈᑎᒃᓴᑦ ᓇᒥ ᓇᓂᓯᓂᕐᒧᑦ ᐃᑲᔪᕈᑎᒃᓴᓂᑦ ᐊᒻᒪᓗ ᓴᓇᕐᕈᑎᓂᑦ ᐃᖅᑲᓇᐃᔭᕐᓂᕐᒥ ᐅᓗᕆᐊᓇᙱᑦᑐᒥᑦ.
ᓴᓇᔩᑦ ᑎᑎᖅᓯᓯᒪᙱᑉᐸᑦ ᑕᒪᒃᑭᓂ ᐅᒥᖓ ᐱᓕᕆᐊᖑᔪᓄᑦ ᑎᑎᖅᑕᐅᕙᓪᓕᐊᓂᐅᔪᓄᑦ, ᐊᑯᓂᐅᒃᑲᓐᓂᑐᐃᓐᓇᕆᐊᖃᖅᐳᑦ ᐊᒻᒪ ᐱᓕᒻᒪᒃᓴᕐᓂᕐᒥ ᑐᙵᕕᐅᔪᓂ ᐃᖅᑲᓇᐃᔭᓕᓚᐅᖅᑳᕋᑎᒃ. ᒪᒃᑯᒃᑐᑦ ᐃᖅᑲᓇᐃᔭᖅᑎᑦ ᐋᖅᑭᒃᓱᖅᓯᒪᓗᑎᒃ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓱᒪᓕᐅᕆᓂᕐᒧᑦ, ᓇᓂᓯᓗᑎᑦ ᐃᑲᔪᕈᑎᒃᓴᓂ ᐱᔭᕆᐊᖃᖅᑕᖏᓐᓂ ᐱᓕᕆᓂᕐᒧᑦ ᐊᑦᑕᓇᙱᑦᑐᒥ, ᐊᒻᒪ ᖃᐅᔨᒪᓂᖏᓐᓂ ᑭᒃᑯᑦ ᐃᖅᑲᓇᐃᔭᕐᕕᖕᓂ ᐃᓕᓐᓂᐊᖅᑎᑦᑎᔨᐅᔪᓐᓇᕐᓂᖓᓂ ᐱᓕᕆᓂᕐᒧᑦ ᐊᑦᑕᓇᙱᑦᑐᒥ.

ᐅᓇ ᓇᕿᓪᓗᒍ ᓇᓂᓯᓂᕐᒥ ᐱᓕᕆᐊᖑᔪᓄᑦ ᑎᑎᖅᑕᐅᕙᓪᓕᐊᓂᐅᔪᑦ, ᐅᕝᕙᓘᓐᓃᑦ ᐅᐸᒡᓗᒍ ᒪᒃᑯᒃᑐᑦ ᐃᖅᑲᓇᐃᔭᖅᑏᑦ ᐱᓕᕆᐊᖑᔪᒥ ᒪᒃᐱᖅᑐᒐᖓᓐᓂ ᓇᓂᓯᓂᕐᒧᑦ ᑕᒪᒃᑭᓂ ᐊᑐᐃᓐᓇᐅᔪᓂ ᐃᑲᔪᕈᑎᒃᓴᓂᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ.


ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖓᑦ ᒪᑐᓯᒪᓂᐊᖅᐳᑦ ᑲᓇᑕᐅᑉ ᐅᓪᓗᖓᓂ ᓱᓕᓂᕐᒧᑦ ᐊᒻᒪ ᓴᐃᒻᒪᖃᑎᒌᖕᓂᐅᔪᒥ ᕿᑎᖅᑰᒥ, ᓯᑎᐱᕆ 30−ᒥ, ᐊᒻᒪ ᒪᑐᐃᒃᑲᓐᓂᕐᓂᐊᖅᐳᖅ ᐅᓪᓗᑐᐃᓐᓇᖅ, ᐅᑐᐱᕆ 1-ᒥ.  ᑎᑎᕋᕐᕕᒃᐳᑦ ᒪᑐᓯᒪᓛᖅᑐᑦ ᖁᔭᓕᓐᓇᐅᑉ ᐅᓪᓗᖓᓂ ᓇᒡᒐᔾᔭᐅ, ᐅᑐᐱᕆ 11-ᒥ, ᐊᒻᒪ ᒪᑐᐃᒃᑲᓐᓂᕐᓗᑎ ᐊᐃᑉᐱᐅᓕᖅᑲᑦ, ᐅᑐᐱᕆ 12-ᒥ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.


wscc.nt.ca   /  1.800.661.0792   *   wscc.nu.ca  /  1.877.404.4407