Vandredi 10 Septanm 2021
Sipèentandan Mike Burke ap fè nou konnen aktivite ak inisyativ ki te genyen nan distri a pandan semèn nan.


An n Sonje 11 Septanm
Pou selebre ventyèm anivèsè Jou Patriyòt ki se komemorasyon 11 Septanm, lekòl nan distri a òganize plizyè aktivite pou sonje viktim yo epi aprann elèv yo sa yo dwe konnen osijè jou fatal sa a.

Mwa Eritaj Panyòl
Mwa Eritaj Panyòl selebre chak ane soti 15 septanm jiska 15 oktòb. Pandan tout mwa a, Distri Lekòl Rejyon Palm Beach la onore divèsite inik ak kontribisyon kilti Panyòl ak Latino. Anplis, yon pwoklamasyon pou Mwa Eritaj Panyòl pral sou ajanda reyinyon Komite Direksyon Distri a nan dat 22 septanm.
"Remèsye Yon Pwofesè" Te Nan Lekòl Mwayen Bak

Shannon Owens, ki ap anseye pwodiksyon televizyon nan Lekòl Mwayen Bak, se premye gayan "Remèsye Yon Pwofesè" pou ane lekòl 2021-2022 a. Gade Reyaksyon li lè li jwenn anons sipriz sa a.


Aprann Yon Karyè Oswa Yon Aktivite Pou Pastan

Si w bezwen aprann yon metye, jwenn sètifika pou yon karyè, pase GED w, oswa aprann yon aktivite pou pastan, Depatman Edikasyon Pou Adilt genyen yon varyete pwogram nan plizyè lokal nan rejyon Palm Beach la.

Direktris Depatman Kominikasyon, Claudia Shea, ak Ofisye Medikal Anchèf Distri Swen Sante nan Palm Beach, Belma Andrić, MD, MPH, te reponn kesyon pandan yon seyans medya sosyal kesyon ak repons sou estrateji pou diminye pwopagasyon COVID-19, ki gen ladan ogmante aksè ak vaksinasyon ansanm ak tès volontè pou anplwaye yo, fanmi yo, ak elèv ki gen 12 oswa plis. Klike la a pou w jwenn Enfòmasyon Sou Tès ak Vaksinasyon Volontè Covid-19.
Suiv @PBCSDKreyol sou Facebook, Twitter, ak Instagram pou jwenn mizajou
nouvèl nan lang Kreyòl Ayisyen.