Vandredi 27 Desanm 2023
Sipèentandan Burke Ap Mete Men Nan Pat La
Edisyon Polis K-9

Nan epizòd sa a, Sipèentandan Mike Burke te aprann plis sou wòl enpòtan chen ki se manm Depatman Polis Distri nou an. Li te rejwenn Detektif Curtis Riddick ak K-9 KASH nan Lekòl Elemantè Belvedere pou wè kijan de patnè sa yo ap travay pou kenbe kanpis lekòl nou yo an sekirite epitou pou konstwi relasyon ak elèv yo. Depatman Polis la ap anboche nouvo ofisye! Vizite palmbeachschools.org/careers pou aplike.
Bito David nan emisyon “ENFÒME W” nan Distri Lekòl Rejyon Palm Beach ap resevwa kòm envite Margueline Rimpel ki ap pale osijè sa paran dwe konnen nan mwa janvye a osijè rès ane akademik pitit yo. Klike la a pou w gade cho a.
Kijan Elèv Yo Te Selebre Semèn Alfabetizasyon

Plis pase 25 elèv ki soti nan Lekòl Segondè John I. Leonard te fòme "The traveling team of reading compagnons" pou enspire yon lanmou pou alfabetizasyon nan elèv ki nan lekòl primè lokal yo. Yo pral pase plis pase 1.000 èdtan pandan ane sa a nan Lekòl Elemantè Forest Hill pou ede elèv li epi ankadre yo .

Remèsye Yon Pwofesè

Milly Blanco se pwofesè ki genyen pri 'Remèsye Yon Pwofesè Pou Semèn Nan'. Li se yon pwofesè nan Lekòl Elemantè Blue Lake. Inisyativ sa a rekonèt chak semèn yon pwofesè ke elèv, paran, ak estaf anplwaye nonmen pou devouman yo, pwofesyonalis yo, ak jan yo genyen enpak pozitif sou elèv. Klike la a pou gade videyo a. 
Kenbe Yon Eritaj Mizik

CBS12 News fè patenarya ak Palm Beach Symphony pou fè yon diferans. A.W. Dreyfoos School of the Arts te resevwa yon don vyolon kòm yon pati nan pwogram "Play it Forward". Se yon eritaj yo vle kenbe pou jenerasyon ki ap vini yo.

Gen Yon NOUVO Pwogram Apre Lekòl Ki Ofri Repa Gratis Ak Opòtinite Anrichisman Pou Elèv Distri Yo.

Distri a ap kontinye ofri plis opòtinite pou chanje lavi elèv nan kominote a. Mwa sa a, Boys & Girls Clubs nan Palm Beach County ouvri twa nouvo lokal: Lekòl Mwayen Conniston nan West Palm Beach, Lekòl Elemantè Jupiter, ak Lekòl Segondè Pahokee.

Jaene Miranda, Direktè Jeneral Boys & Girls Clubs nan Palm Beach County deklare, “Klib Boys & Girls yo konsantre sou zòn povrete yo, ki se katye ki defavorize ekonomikman yo. Miranda di nouvo lokal klib yo suiv deviz òganizasyon an pou ale kote yo pi bezwen yo. Yo te chwazi lekòl yo yon fason estratejik epi yo te fèt pou ede elèv ki gen difikilte.

Nouvo lokal klib yo, ki te posib gras ak yon sibvansyon Depatman Edikasyon Florid la, gen ladan tou yon pwogram ete tout jounen an. Pri a se $30 pa ane pou patisipe. Kontakte lekòl pitit ou a si w enterese enskri.
Suiv @PBCSDKreyol sou Facebook, Twitter, ak Instagram pou jwenn mizajou
nouvèl nan lang Kreyòl Ayisyen.