Mehefin 2021
Croeso i E-fwletin mis Mehefin Cymru Iach ar Waith

Yn ein e-fwletin misol cewch ddarllen y diweddaraf am iechyd yn y gweithle, gan gynnwys canllawiau Covid-19, gwybodaeth am iechyd a lles a dolenni i ymgyrchoedd a gynhelir yn fuan. 

Mae croeso ichi rannu’r e-fwletin hwn â’ch cydweithwyr a’ch rhwydweithiau, mae gwybodaeth am sut i danysgrifio i’w gweld isod.
Newyddion Cymru Iach ar Waith

Siop un stop yn llawn gwybodaeth am Covid-19, pecynnau cymorth ac adnoddau gan gynnwys asesiadau risg, canllawiau i’r sector, gwybodaeth am frechiadau a gwybodaeth am ymgyrchoedd iechyd ehangach. Ewch i’n gwefan.

Canllawiau a Chefnogaeth Covid-19
Ar hyn o bryd mae Cymru yn symud yn raddol i lefel rhybudd 1. I weld y cyfyngiadau cyfredol a’r newidiadau a fydd yn digwydd yn fuan cliciwch yma. Os hoffech gael negeseuon e-bost gyda gwybodaeth newydd a diweddar am y Coronafeirws, ewch i Lywodraeth Cymru.

Brechlyn Covid-19
Ewch i Iechyd Cyhoeddus Cymru i gael gwybodaeth am frechlyn Covid-19. Os yw’n amser ichi gael eich brechlyn Covid-19 a does neb wedi cysylltu â chi, cliciwch yma am wybodaeth am beth i’w wneud nesaf. 

Cliciwch yma i gael gwybodaeth am gael i help i ddod dros COVID-19 (COVID hir).
Eich Cyfrifoldebau fel Cyflogwr: Coronafeirws
Ewch i dudalennau Llywodraeth Cymru i gael gwybodaeth am y rheoliadau Coronafeirws cyfredol, canllawiau penodol i’r sector, asesiadau risg a llawer mwy.
 
Busnes Cymru
Cyfeiriadur o gymorth, arweiniad a chwestiynau cyffredin i fusnesau Cymreig. Cliciwch yma i gael rhagor o wybodaeth.
Covid-19: Diweddariad i’r Diwydiant Twristiaeth
Cyn cyfnod gwyliau’r haf, mae Llywodraeth Cymru wedi cyhoeddi’r canllawiau diweddaraf, a phecyn cymorth asesu risg ar gyfer busnesau twristiaeth a lletygarwch. Mae gwybodaeth hefyd ar gael mewn fideo byr.
Covid-19 a Newidiadau i Gyflogaeth yng Nghymru
Mae Iechyd Cyhoeddus Cymru wedi cyhoeddi cyfres newydd o adroddiadau sy’n canolbwyntio ar effeithiau Covid-19 ar gyflogaeth yng Nghymru.
 
Mae’r canfyddiadau allweddol yn dangos bod pobl ifanc a phobl mewn gwaith ansicr yn agored iawn i’r newidiadau mewn cyflogaeth a achoswyd gan y pandemig. I weld yr adroddiad cliciwch yma.
Ysbrydoli Menywod i fod yn Egnïol yn ystod Canol Oed a’r Menopos 
Mae’r adroddiad hwn a gyhoeddwyd gan Women in Sport yn adeiladu ar y data presennol sy’n dangos bod menywod eisiau bod yn fwy egnïol yn ystod y cyfnod hwn o’u hoes. Bu’r ymchwil hwn yn edrych ar fywydau menywod dros gyfnod o bum mis er mwyn deall yn iawn eu profiadau o’r menopos ac ymarfer corff. Ymysg yr argymhellion ar sut i wella bywydau menywod, gan edrych ar ymarfer corff a’r menopos, y mae rôl bwysig rhanddeiliaid megis cyflogwyr i helpu menywod i fod yn egnïol yn ystod canol oed.

Cliciwch yma i weld canllawiau’r Prif Swyddog Meddygol ar gyfer ymarfer corffor.
Dyddiadau Pwsig

Gorffennaf
Cynhadledd rithiol. Gwaith Da, Iechyd Da: Diogelu ein Dyfodol.
Mae Rhwydwaith Iechyd Cyhoeddus Cymru mewn partneriaeth ag Iechyd Cyhoeddus Cymru yn falch iawn o gynnal y digwyddiad hwn lle gallwch ddysgu, rhwydweithio a chyfrannu. Y nod yw rhannu gwybodaeth ac ysgogi pobl i weithredu er mwyn gwella mynediad i waith da, teg er mwyn gwella iechyd a chydraddoldeb iechyd, ac mae’n canolbwyntio’n benodol ar bobl ifanc.

Ymysg y siaradwyr y mae Frank Atherton, Prif Swyddog Meddygol Cymru, yr Athro Syr Mansel Aylward, Athro Iechyd a Lles Darbodus ym Mhrifysgol Abertawe a cheir hefyd gyfraniadau gan bobl ifanc sy’n fuddiolwyr i Kickstart. I gael rhagor o wybodaeth a manylion cofrestru, cliciwch yma.

Gorffennaf
Mae Plastic Free July yn fudiad byd-eang sy’n helpu miliynau o bobl i fod yn rhan o’r ateb i lygredd plastig.

Gorffennaf
Bob mis Gorffennaf, mae canghennau’r Samaritans ar draws y Deyrnas Unedig ac Iwerddon yn cynnal digwyddiadau lleol i siarad am y gwasanaethau a gynigiant yn eu cymunedau.

Mae dolenni at lu o ymgyrchoedd ymwybyddiaeth iechyd hefyd i’w cael ar ein gwefan Cymru Iach Ar Waith.
Edrych i'r Dyfodol

Awst

Digwyddiad Cymeradwyaeth Covid-19
Mae tîm CIW yn trefnu digwyddiad rhithiol cymeradwyaeth Covid-19 ar gyfer hydref 2021 i gydnabod cyflogwyr yng Nghymru sydd wedi dangos ymarfer arloesol i warchod eu gweithlu a’r gymuned ehangach yn ystod y pandemig. Bydd manylion pellach am y digwyddiad a sut i gyflwyno eich ceisiadau am y gwobrau ar gael yn fuan!
I gofrestru ar gyfer e-fwletinau misol Cymru Iach Ar Waith ac i weld e-fwletinau blaenorol, cliciwch yma.  

Oherwydd y pandemig rydym wedi rhoi’r rhaglen CIW o’r neilltu, fodd bynnag, rydyn ni’n dal yn weithgar yn ein rôl i hybu iechyd a lles. Rydyn ni hefyd yn cysylltu â sefydliadau lle mae eu dyfarniad iechyd yn y gweithle wedi/ar fin dod i ben i gynnig Archwiliad Statws Ail-ddilysu er mwyn ymestyn eu dyfarniad am 12 mis. Os yw eich sefydliad chi yn un o’r rheini, e-bostiwch workplacehealth@wales.nhs.uk.