ᓄᑖᖅ: ᐊᖅᑕᕐᓇᙱᑦᑐᒥᒃ ᐃᖅᑲᓇᐃᔭᕐᕕᖃᕐᓂᕐᒧᑦ ᐱᓕᕆᐊᒃᓴᖅ
ᐱᐅᓯᒋᐊᕆᓂᖅ ᐊᑦᑕᕐᓇᖅᑕᐃᓕᒪᓂᕐᒥᒃ ᐅᑭᐅᖅᑕᖅᑐᓗᒃᑖᒥᑦ
ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᕙᓪᓕᐊᑎᑦᑎᔪᑦ ᐱᓕᕆᐊᒃᓴᐅᔪᒥᒃ ᑎᓕᐅᕐᓗᒋᑦ ᓇᖕᒥᓂᕆᔭᐅᔪᑦ ᐊᒻᒪᓗ ᐃᖅᑲᓇᐃᔭᖅᑎᑦᑎᔩᑦ ᓴᙱᒃᑎᒋᐊᕆᖁᓪᓗᒋᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᕆᐊᒃᓴᐅᔪᓂᒃ ᐊᒻᒪᓗ ᓯᕗᕙᕆᐊᕐᓗᒋᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᖅᑯᓯᐅᔪᑦ ᐃᖅᑲᓇᐃᔭᕐᕕᖕᓂᑦ ᓄᓇᕘᒥᑦ ᐊᒻᒪᓗ ᓄᓇᑦᓯᐊᒥᑦ. ᑖᓐᓇ ᐱᓕᕆᐊᒃᓴᐅᔪᖅ ᓴᓇᔭᐅᕙᓪᓕᐊᔪᖅ ᐃᖅᑲᓇᐃᔭᖅᑎᑦᑎᔨᓄᑦ, ᐊᒻᒪᓗ ᓴᖅᑮᓗᑎᒃ ᐊᑑᑎᖃᖅᑐᓂᒃ ᐱᓕᕆᐊᒃᓴᐅᔪᓂᒃ ᑐᑭᖃᖅᖢᓂ ᐃᖅᑲᓇᐃᔭᖅᑎᑦᑎᓂᒃ ᑐᓴᕈᒪᔪᒍᑦ.
ᐅᖃᐅᑎᑎᒍᑦ ᐃᕝᕕᑦ ᐃᓱᒪᒋᔭᖏᓐᓂᑦ
ᐅᖃᓕᒫᕐᓗᒍ ᑖᓐᓇ ᐊᑦᑕᕐᓇᖅᑕᐃᓕᒪᓂᖅ ᐃᖅᑲᓇᐃᔭᕐᕕᖕᒥᖅ ᐅᖃᖃᑎᒌᖕᓂᖅ ᐸᐃᑉᐹᖅ ᑐᓴᐅᒪᔾᔪᑎᓄᑦ ᑕᒪᑐᒧᖓ ᐱᓕᕆᐊᒃᓴᐅᔪᒧᑦ, ᐱᖃᓯᐅᖢᒋᑦ ᐱᕚᓪᓕᕈᑎᒃᓴᖅ ᐃᓚᐅᓂᕐᒧᑦ, ᑐᒃᓯᕋᖅᑕᐅᔪᖅ ᑮᓇᐅᔭᖅᑖᒃᑲᓐᓂᕈᑕᐅᔪᓐᓇᖅᑐᑦ, ᐊᒻᒪᓗ ᖃᓄᖅ ᓇᖕᒥᓂᖁᑏᑦ ᑎᒃᑯᐊᖅᑕᐅᓯᒪᓕᕈᓐᓇᕐᒪᖔᑦ ᐊᑦᑕᕐᓇᙱᑦᑑᔪᖅ ᐃᖅᑲᓇᐃᔭᕐᕕᒃ. ᐅᖃᓕᒫᕈᓐᓇᕐᒥᔭᑎᑦ ᑖᒃᑯᐊ ᐊᑦᑕᕐᓇᖅᑕᐃᓕᒪᓂᖅ ᐃᖅᑲᓇᐃᔭᕐᕕᖕᒥᖅ ᐅᖃᖃᑎᒌᖕᓂᖅ ᐊᑕᖏᖅᑐᒥᒃ ᑕᑯᔪᒪᒍᕕᑦ ᐱᓕᕆᐊᒃᓴᐅᔪᒧᑦ ᐊᒻᒪᓗᑦᑕᐅᖅ ᑐᓴᐅᒪᔾᔪᑏᑦ ᐊᔾᔨᒌᙱᑦᑐᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑮᓇᐅᔭᖅᑖᒃᑲᓐᓂᕈᑕᐅᔪᓐᓇᖅᑐᑦ ᐱᓕᕆᐊᒃᓴᐅᔪᖅ ᑲᓇᑕᓗᒃᑖᒥᑦ.
ᐅᖃᖃᐅᑎᑎᒍᑦ ᖃᓄᖅ ᐃᓱᒪᒋᖕᒪᖔᖅᐱᐅᒃ ᐱᓕᕆᐊᒃᓴᐅᔪᖅ:
|
|
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂᑦ (WSCC) ᖃᐅᔨᓴᖕᓃᑦ
ᖃᐅᔨᓴᖕᓃᑦ, ᖃᓄᐃᓕᐅᖁᔨᓃᑦ, ᒪᓕᑦᑎᐊᕐᓂᕐᓗ
 ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᒻᒪᓗ ᐃᖅᑲᓇᐃᔭᖅᑎᑦᑎᔩᑦ ᐱᓕᕆᐊᒃᓴᖃᖅᑐᐃᓐᓇᐃᑦ ᒪᓕᒃᖢᒋᑦ ᓄᓇᕗᒻᒥᑦ ᓄᓇᑦᓯᐊᒥᓪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᖅ(ᑦ) ᐊᒻᒪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᒪᓕᒐᕐᓂᒃ. ᐃᖅᑲᓇᐃᔭᖅᑎᑦᑎᔩᑦ ᐊᑐᐃᓐᓇᐅᑎᑦᑎᔭᕆᐊᓖᑦ ᐊᑦᑕᕐᓇᙱᑦᑐᒥᒃ ᐃᖅᑲᓇᐃᔭᕐᕕᖕᒥᒃ ᐃᖅᑲᓇᐃᔭᖅᑎᖏᓐᓄᑦ, ᐊᒻᒪᓗ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᐊᒃᓴᖃᖅᖢᑎᒃ ᐃᖅᑲᓇᐃᔭᖅᑎᑦᑎᔩᑦ ᑎᑭᐅᒪᔭᕆᐊᖃᖅᑎᑦᑎᓪᓗᑎᒃ ᒪᓕᒐᖅᑎᒍᑦ ᐱᓕᕆᐊᒃᓴᖏᓐᓂᒃ. ᐊᑕᐅᓯᖅ ᐊᑐᖅᑕᐅᕙᒃᑐᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑐᖃᑦᑕᖅᑕᖓᑦ ᐊᑦᑕᕐᓇᔾᔭᐃᖅᓯᒪᖁᓪᓗᒋᑦ ᐃᖅᑲᓇᐃᔭᕐᕖᑦ ᐊᑐᕐᓗᒋᑦ ᐃᖅᑲᓇᐃᔭᕐᕕᖕᓂᑦ ᖃᐅᔨᓴᕐᓂᖅ.
ᑭᓱᓂᒃ ᕿᒥᕐᕈᐊᕆᐊᖃᖅᐸᑦ
ᐊᑦᑕᕐᓇᔾᔭᐃᖅᓯᒪᖁᓪᓗᒋᑦ ᑭᒃᑯᓕᒫᑦ ᐃᖅᑲᓇᐃᔭᕐᕕᖕᒥᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᖃᐃᔨᓴᖅᑎ ᑐᓂᓯᔪᓐᓇᖅᑐᖅ ᖃᓄᐃᓕᐅᖁᔨᓂᕐᓂᒃ ᑕᑯᒍᑎᒃ ᐱᓕᕆᐊᖑᔪᒥᒃ ᐅᕝᕙᓘᓐᓃᑦ ᐊᑐᖅᑕᐅᔪᒥᒃ ᐊᑦᑕᕐᓇᖅᑐᒥᒃ ᐱᓕᕆᑎᓪᓗᒋᑦ ᐃᖅᑲᓇᐃᔭᕐᕕᖕᓂᒃ ᐳᓚᕋᕐᓂᕐᒥᒃ. ᖃᓄᐃᓕᐅᖁᔨᔾᔪᑏᑦ ᑎᑎᕋᖅᓯᓯᒪᔪᑦ ᒪᓕᒐᓕᐊᖑᔪᒪᔪᕐᒥᒃ ᒪᓕᙱᒻᒪᑦ, ᐋᖅᑭᒋᐊᕈᑎᓄᓪᓗ ᐱᓕᕆᐊᖑᔭᕆᐊᓕᑦ.
ᐃᖅᑲᓇᐃᔭᕐᕖᑦ ᑐᓂᔭᐅᒍᓂ ᖃᓄᐃᓕᐅᖁᔭᐅᔾᔪᑎᒥᒃ ᑖᒃᑯᓇᖓᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᑦ (WSCC): - ᐃᖅᑲᓇᐃᔭᖅᑎᑦᑎᔨᓂᒃ ᑭᒡᒐᖅᑐᐃᔪᖅ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᐅᔨᓴᖅᑎᖓ ᐋᖅᑭᒃᓯᓂᐊᖅᑐᑦ ᐊᖏᖃᑎᒌᒍᑕᐅᓯᒪᔪᒥᒃ ᐅᓪᓗᕐᒥᒃ ᒪᓕᓕᕐᓂᕐᒧᑦ.
- ᐃᓱᓕᕝᕕᒃᓴᖓ ᑭᖑᕙᖅᓯᒪᑉᐸᑦ, ᐃᖅᑲᓇᐃᔭᖅᑎᑦᑎᔨ ᖃᐅᔨᒋᐊᕐᕕᐅᓇᔭᖅᑐᖅ ᑖᒃᑯᓇᙵᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᑦ (WSCC).
- ᓯᕗᓪᓕᖅᐹᖅ ᖃᐅᔨᒃᑲᐃᔾᔪᑎ ᑐᓂᔭᐅᓂᐊᖅᑐᑦ 24 ᐃᑲᕐᕋᑦ ᐊᓂᒍᖅᐸᑦ ᐃᓱᓕᕝᕕᒃᓴᖓ ᖄᖏᕈᓂ. ᒫᓐᓇᐅᔪᒃᑯᑦ, ᑐᓂᓯᔪᓐᓇᖅᑐᑎᑦ ᑐᒃᓯᕋᐅᑎᒥᒃ ᐅᖓᕙᕆᐊᖅᑕᐅᖁᔨᔾᔪᑎᒥᒃ, ᐊᒻᒪᓗ/ᐅᕝᕙᓗᓃᑦ ᑐᒃᓯᕋᐅᒻᒥᒃ ᐃᑲᔪᖅᑕᐅᔪᒪᓂᕐᒥᒃ ᐱᔭᕇᖅᓯᓂᕐᒧᑦ ᒪᓕᑦᑎᐊᕐᓂᕐᒥᒃ ᐊᑐᖅᑕᐅᔭᕆᐊᓕᖕᓂᒃ ᐋᖅᑭᒃᑕᐅᓯᒪᔪᓂᒃ ᒪᓕᒐᓕᐊᖑᔪᒪᔪᓂᒃ.
- ᑕᒪᓐᓇ ᐱᓇᐃᓗᑕᖅ ᐋᖅᑭᒃᑕᐅᙱᒃᑯᓂ, ᑭᖑᓪᓕᖅᐹᖅᓯᐅᑎ ᑐᓴᒃᑲᐃᔾᔪᑎ ᑐᓂᔭᐅᓂᐊᖅᑐᑦ 14 ᐅᓪᓗᐃᑦ ᖄᖏᖅᑎᓪᓗᒍ ᐃᓱᓕᕝᕕᒃᓴᖓ ᖄᖏᓚᐅᖅᑎᓪᓗᒍ. ᒫᓐᓇᐅᔪᖅ, ᐊᔪᕐᓇᖅᓯᓇᔭᖅᑐᖅ ᑐᒃᓯᕋᐅᑎᓕᐅᕆᐊᒃᓴᖅ ᐅᖓᕙᕿᐊᖅᑕᐅᖁᔨᔾᔪᑎᒧᑦ, ᑭᓯᐊᓂᓕ ᐅᖃᖃᑎᖃᕈᓐᓇᖅᑐᑎᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᑐᓴᐅᒪᔾᔪᑎᒃᑲᓐᓂᕐᓄᑦ ᐊᒻᒪᓗ ᐃᑲᔪᖅᓲᑎᓄᑦ.
- ᒪᓕᖕᓂᕐᒧᑦ ᑎᑭᒪᙱᑉᐸᑕ ᓱᓕ 14 ᐅᓪᓗᐃᑦ ᐊᓂᒍᓚᐅᖅᑎᓪᓗᒍ ᑭᖑᓪᓕᖅᐹᖅᓯᐅᑎ ᖃᐅᔨᒃᑲᐃᔾᔪᑎ ᓇᒃᓯᐅᔾᔭᐅᓚᐅᖅᑎᓪᓗᒍ, ᓄᖅᑲᖅᑎᑦᑎᓂᖅ ᐱᓕᕆᐊᖑᔪᓂᒃ ᑎᓕᓯᔾᔪᑎ ᑐᓂᔭᐅᑐᐃᓐᓇᕆᐊᓕᒃ ᐅᕝᕙᓘᓐᓂᑦ ᐱᓕᕆᐊᖑᒃᑲᓐᓂᕈᓐᓇᖅᑐᑦ ᐱᒋᐊᖅᑕᐅᑐᐃᓐᓇᕆᐊᓖᑦ.
ᑭᓇᑐᐃᓐᓇᖅ ᑕᑯᔪᒪᙱᑦᑐᖅ ᐊᑦᑕᕐᓇᖅᑐᒥᒃ ᐃᖅᑲᓇᐃᔭᕐᕕᖕᒥᒃ ᐅᕝᕙᓘᓐᓃᑦ ᐸᒡᕕᓴᒃᑕᐅᓂᖅ ᐱᓕᕆᐊᒃᓴᓄᑦ, ᑕᐃᒪᐃᓐᓂᖓᓄᑦ ᐱᒻᒪᕆᐅᔪᓄᑦ ᓵᑕᒃᓴᐅᓗᑎᒃ ᒪᓕᒐᓕᐊᖑᔪᒪᔪᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᖅᑎᔅᓯᓐᓄᑦ ᑭᖑᕙᙱᓪᓗᑎᒃ. ᑲᔪᓯᓂᐅᔪᓗᒃᑖᓄᑦ ᑕᒪᑐᒧᖓ, ᑎᓕᐅᕆᔪᒍᑦ ᓇᖕᒥᓂᖃᖅᑎᐅᔪᓄᑦ ᐅᖃᖃᑎᖃᐃᓐᓇᖃᑦᑕᕐᓗᑎᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ (WSCC). ᑕᕝᕙᓃᑦᑐᒍᑦ ᐃᑲᔪᖅᓯᕈᒪᓪᓗᑕ ᐃᓕᖕᓂᒃ.
ᐃᓕᒃᑲᓐᓂᕈᒪᒍᕕᑦ ᑲᔪᓯᓂᐅᕙᒃᑐᑦ ᒥᒃᓵᓄᑦ, ᑕᑯᓗᒋᑦ ᑎᑎᕋᖅᓯᒪᔭᕗᑦ ᓄᑖᑦ ᑐᓴᐅᒪᔾᔪᑎᓄᑦ ᑎᑎᖅᑲᑦ. ᐊᐱᖅᑯᑎᒃᓴᖃᕈᕕᑦ ᓇᓕᐊᖕᓄᑐᐃᓐᓇᑦᑎᐊᖅ, ᐅᖃᖃᑎᒋᒃᑭᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐅᓪᓗᒥ.
|
|
ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ
ᑭᐳᕕᑦ ᐋᖅᑭᒃᓯᒪᓂᖏᑦ ᐊᒻᒪᓗ ᑐᓄᒧᑦ ᐋᓐᓂᖅᑕᐃᓕᒪᔾᔪᑏᑦ
ᐊᕐᕌᒎᓚᐅᖅᑐᒥᑦ ᓇᑉᐸᖓᓗ ᑕᑯᖃᑦᑕᖅᓯᒪᕗᑦ ᐃᓄᖕᓂᒃ ᐃᖅᑲᓇᐃᔭᖅᑐᓂᒃ ᐊᔾᔨᒌᙱᑦᑐᓂᒃ ᓇᓃᓐᓂᖏᓐᓂᒃ ᐊᔾᔨᒌᙱᑦᑐᓂᒡᓗ ᐋᖅᑭᒃᓯᒪᔪᓂᒃ. ᐃᒪᐃᒃᑲᓗᐊᖅᐸᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᕐᓗᑎᒃ ᑎᑎᕋᒃᕕᖕᒥᑦ, ᐃᖅᑲᓇᐃᔭᕐᓗᑎᒃ ᐊᖏᕐᕋᒥᑦ, ᐅᕝᕙᓘᓐᓃᑦ ᐃᖅᑲᓇᐃᔭᖅᓗᑎᒃ ᐃᓂᐅᓚᐅᑲᒃᑐᒥᑦ, ᐱᒻᒪᕆᐅᔪᖅ ᐃᓱᒪᕆᖃᓯᐅᑎᓗᒋᑦ ᐃᖅᑲᓇᐃᔭᕐᕕᖕᒧᑦ ᐋᖅᑭᒃᓯᒪᓃᑦ. ᑐᓄᐃᑦ ᐋᓐᓂᖅᑎᑦᑕᐃᓕᒪᓗᒍ, ᐊᒻᒪᓗ ᐊᖏᓯᑦ ᐋᖅᑭᒃᓯᒪᓂᐅᕙᒃᑐᓄᑦ ᐋᓐᓂᕐᓃᑦ, ᑭᒃᑯᓕᒫᑦ ᐱᐅᓛᒥᒃ ᐃᖅᑲᓇᐃᔭᕐᕕᖃᖅᑎᓪᓗᒋᑦ ᐊᑐᓂ ᒪᓕᒡᓗᒋᑦ.
ᑭᐳᕕᑦ ᖃᓄᐃᓕᖓᓂᖓᓄᑦ ᐃᑲᔪᑎᒃᓴᑦ:
- ᐊᖓᔪᖅᑳᑉ ᖃᓄᐃᓕᖓᓂᖏᓐᓄᑦ ᕿᒥᕐᕈᓂᖓ - ᐊᔪᕐᓇᖅᑐᖅ ᖃᓄᐃᓕᐊᓂᖏᓐᓄᑦ ᖃᐅᔨᓴᕋᓱᒃᖢᓂ ᓇᖕᒥᓂᖅ ᐃᖅᑲᓇᐃᔭᕐᕕᖕᓂᑦ, ᑭᓯᐊᓂ ᐊᖏᔪᖅᑳᖅ ᐱᑎᑦᑎᔪᓐᓇᖅᑐᖅ ᐱᔭᕆᐊᓕᖕᓂᑦ ᐃᑲᔪᖅᓱᖅᑕᐅᔾᔪᑎᓄᑦ. ᑕᕐᕆᔭᕈᒃ ᑖᓐᓇ ᑕᕆᔮᒃᓴᖅ ᑕᑯᖁᓪᓗᑎᑦ ᐊᔾᔨᐅᔪᓂᒃ ᖃᕆᓴᐅᔭᒃᑯᑦ (Zoom) ᖃᓄᐃᓕᖓᓂᕐᒧᑦ ᖃᐅᔨᓴᕈᑎ. ᐃᒪᐃᒃᑲᓗᐊᕈᓂ ᓇᔫᑎᓗᑎᑦ ᐅᕝᕙᓘᓐᓃᑦ ᖃᕆᓴᐅᔭᒃᑯᑦ (Zoom), ᖃᓄᐃᓕᐊᓂᕐᒧᑦ ᖃᐅᔨᓴᕈᑏᑦ ᒪᓕᒍᓐᓇᖅᑐᑦ ᑕᐃᓚᓐᓇᔅᓴᐃᓐᓇᖅ. ᐋᖅᑭᒍᑏᑦ ᐊᑭᑐᔫᔭᕆᐊᖃᙱᑦᑐᑦ ᐊᑑᑎᖃᕐᓂᐊᕈᑎᒃ, ᑭᓯᐊᓂᓕ ᐱᒻᒪᕆᐅᔪᖅ ᑖᒃᑯᐊ ᐃᖅᑲᓇᐃᔭᖅᑏᑦ ᐱᔪᒪᔭᖏᑦ ᐃᓱᒪᒋᔭᐅᖃᓯᐅᔾᔭᐅᓗᑎᒃ.
- ᓴᖅᑭᔮᖅᑎᑕᐅᔪᑦ ᐊᑭᓐᓇᕐᒥᐅᑕᑦ - ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS) ᓴᓇᓯᒪᔪᖅ ᓴᖅᑭᔮᖅᑎᑕᐅᔪᑦ ᐊᑭᓐᓇᕐᒥᐅᑕᑦ ᐃᑲᔫᑎᒃᓴᖃᖅᖢᑎᒃ, ᑐᑭᓯᒋᐊᒐᒃᓴᖃᖅᖢᑎᒃ, ᐊᒻᒪ ᑭᒡᓕᓯᓂᐊᖅᑕᐅᓯᒪᔪᑦ ᐋᓐᓂᖅᑕᐃᓕᒪᓂᕐᒧᑦ ᐱᓕᕆᑎᓪᓗᒋᑦ ᑭᐳᒥᑦ. ᐃᖅᑲᓇᐃᔭᖅᑏᑦ ᐊᑐᕈᓐᓇᖅᑕᖏᖏᑦ ᓴᖅᑭᔮᖅᑐᑦ ᐃᖅᑲᐃᓯᒋᐊᕈᑏᑦ ᐃᖅᑲᓇᐃᔭᕐᕕᖏᓐᓂᑦ.
- ᑭᐳᒥᑦ ᑕᓯᓴᕐᓂᖅ - ᐋᖅᑭᑦᑎᐊᖅᓯᒪᔪᓪᓛᓘᒐᓗᐊᕈᓂ ᐃᖅᑲᓇᐃᔭᕐᕖᑦ, ᐊᑯᓚᐃᓕᖀᓂᒃ ᐊᐅᓚᖃᑦᑕᕐᓂᖅ ᐱᐅᓛᖑᔪᖅ ᑕᐃᒪᐃᑦᑕᐃᓕᒪᓗᓂ. ᐃᖅᑲᐃᓯᖃᑦᑕᕐᓗᒋᑦ ᐃᖅᑲᓇᐃᔭᖅᑏᑦ ᓇᖏᖅᓯᖃᑦᑕᕐᓗᑎᒃ ᐊᒻᒪᓗ ᐊᐅᓚᖃᑦᑕᕐᓗᑎᒃ ᐃᑲᕐᕋᐃᑐᐊᕌᖓᑦ: ᐃᒥᕐᒥᒃ ᐊᐃᒃᖠᕐᓗᑎᒃ, ᑎᒍᓯᓗᑎᒃ ᐅᓄᖅᑐᓕᐅᕈᑎᒥᑦ, ᐅᕝᕙᓘᓐᓃᑦ ᐱᐅᓂᖅᐹᖅ, ᑭᐳᒥᑦ ᑕᓯᓴᕐᓗᑎᑦ! ᐊᑐᕐᓗᒋᑦ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒨᑯᑦ (CCOHS) ᖃᐅᔨᒋᐊᕐᕕᐅᔪᓐᓇᖅᑐᖅ ᖃᐅᔨᒪᔨᐅᓂᐊᕐᓗᓂ ᐃᖅᑲᓇᐃᔭᖅᑎᓂᒃ ᐃᓚᖏᓐᓄᑦ ᑭᐳᒥᑦ ᑕᓯᓴᕐᓂᕐᒧᑦ.
ᐃᓕᒃᑲᓐᓂᕈᒪᒍᕕᑦ ᐱᓕᕆᐊᒃᓴᕐᓂᒃ ᒪᓕᒃᖢᒋᑦ ᓄᓇᕘᒥᑦ ᐊᒻᒪᓗ ᓄᓇᑦᓯᐊᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒐᕐᓄᑦ, ᑕᑯᓗᒍ ᐊᕕᒃᑐᖅᓯᒪᒧᑦ 85 ᑕᐃᑲᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᕐᓇᔾᔭᐃᖅᓯᒪᓂᕐᒧᑦ (OHS) ᒪᓕᒐᕐᓂᑦ. ᐃᓕᒃᑲᓐᓂᕈᒪᒍᕕᑦ ᑐᓄᐃᑦ ᐋᓐᓂᖅᑕᐃᓕᒪᓂᑎᓐᓂᕐᒧᑦ, ᐊᒻᒪᓗ ᐱᓕᕆᔾᔪᑏᑦ ᐊᑐᖅᑕᐅᔪᓐᓇᖅᑐᓪᓗ ᐊᑐᐃᓐᓇᖁᑎᒋᔭᑦᑎᓐᓄᑦ ᐃᓕᓐᓂᐊᕈᑕᐅᓗᑎᒃ ᐃᖅᑲᓇᐃᔭᖅᑎᓄᑦ, ᑕᑯᔭᖅᑐᕐᓗᒍ ᖃᕆᓴᐅᔭᒃᑯᑦ ᐃᑭᐊᖅᑭᕕᒃᐳᑦ ᐅᓪᓗᒥ, ᐅᕝᕙᓘᓐᓃᑦ ᐅᖃᖃᑎᒋᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᐅᔨᓴᖅᑎᖁᑎᖓ ᐃᖅᑲᓇᐃᔭᕐᕕᐅᔪᒧᑦ ᑕᑯᔭᖅᑐᖁᓪᓗᒍ.
|
|
ᓄᑖᑦ ᐊᒻᒪᓗ ᓄᑖᙳᕆᐊᖅᓯᒪᔪᑦ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᕐᓄᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᓕᒫᒐᑦ
ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᓕᒋᐊᕆᓯᑲᑕᐃᓐᓇᐅᔭᖅᑐᑦ ᐊᒻᒪᓗ ᓄᑖᙳᕆᐊᕆᕙᒃᖢᑎᒃ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐊᑐᖅᑕᐅᔪᓐᓇᖅᑐᓄᑦ. ᐊᒥᓱᒐᓚᖕᓂᒃ ᓄᑖᓂᒃ ᐊᒻᒪᓗ ᓄᑖᙳᕆᐊᖅᓯᒪᔪᖁᑎᖃᖅᑐᒍᑦ ᐃᓚᓕᐅᑎᔭᐅᔪᓐᓇᖅᑐᓂᒃ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐱᓕᕆᐊᒃᓴᔅᓯᓐᓄᑦ. ᑖᒃᑯᐊ ᐱᓕᕆᔾᔪᑎᑦ ᐊᑐᖅᑕᐅᔪᓐᓇᖅᑐᑦ ᓴᙱᒃᑎᒋᐊᕈᑕᐅᓗᑎᒃ ᓴᙱᔪᒥᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᖅᑯᓯᕐᒥᒃ ᑎᒥᖁᑎᔅᓯᓐᓂᑦ.
ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᓕᒫᒐᖅ
ᑖᒃᑯᐊ ᐱᓕᕆᔾᔪᑏᑦ ᐱᐅᔪᓐᓚᕆᐅᔪ ᓂᕕᙵᕐᓗᒋᑦ ᓄᓇᓕᔅᓯᓐᓂᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᓕᒫᒐᖃᕐᕕᖕᓄᑦ ᓂᕕᙵᐃᕝᕕᖕᓄᑦ, ᐅᕝᕙᓘᓐᓃᑦ ᓇᒃᓯᐅᑎᓗᒋᑦ ᐃᖅᑲᓇᐃᔭᖅᑎᓄᑦ ᖃᕆᓴᐅᔭᒃᑯᑦ ᐃᕐᖐᓐᓈᕈᓐᓇᐅᑎᒃᑯᑦ. ᓇᓗᓇᐃᔭᐃᑲᐅᖅᑐᓲᑦ ᐊᑦᑕᖕᓇᖅᑕᐃᓕᒪᓂᖕᒧᑦ ᐱᔾᔪᑕᐅᔪᓂᒃ, ᐃᓗᓕᖃᖅᖢᑎᒡᓗ ᓇᓗᓇᐃᔭᖅᓯᒪᔪᓂᑦ ᐃᖅᑲᓇᐃᔭᖅᑎᑦ ᐃᓱᒪᒋᔭᕆᐊᖃᖅᑕᖏᓐᓂᑦ ᐃᒻᒥᓂᒃ ᐊᑦᑕᖕᓇᖅᑐᒦᖁᓇᒋᑦ. ᑖᒃᑯᐊ ᓄᑖᑦ ᐊᒻᒪᓗ ᓄᑖᙳᕆᐊᖅᓯᒪᔪᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᓕᒫᒐᖅ ᐃᒪᐃᑦᑑᔪᑦ:
ᓴᓇᕐᕈᑎᒃᑯᕕᖕᒥ ᐅᖃᖃᑎᒌᓐᓃᑦ
ᐱᐅᓛᖑᔪᖅ ᐊᑦᑕᕐᓇᔾᔭᐃᖅᓯᒪᓐᓇᕈᓱᒃᖢᓂ ᑭᒃᑯᓕᒫᑦ ᐃᓱᒪᒋᖄᙱᓐᓇᐅᔭᕆᐊᖃᖅᑕᖓᑦ ᕿᓚᒥᑯᓗᒃ 5 ᒥᓂᑦᓯᓂᒃ ᐊᑦᑕᕐᓇᔾᔭᐃᓯᒪᓂᕐᒧᑦ ᐅᖃᖃᑎᒌᒍᑎᖃᑲᐅᖅᑐᕐᓂᖅ ᐃᖅᑲᓇᐃᔭᕐᓇᐅᙱᑎᓪᓗᒋᑦ, ᐅᕝᕙᓘᓐᓃᑦ ᓄᑖᓂᒃ ᐊᓯᔾᔨᖅᑐᖃᓚᐅᙱᓐᓂᖓᓂ. ᑖᒃᑯᐊᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓃᑦ ᐅᖃᖃᑎᒌᒍᑎᒋᑲᐅᖅᑐᕐᓗᒍ ᖃᐅᔨᒪᔾᔪᑎ ᐊᑐᕈᓐᓇᖅᑕᑦ ᐱᒋᐊᖅᑎᓪᓗᒋᑦ ᑕᒪᒃᑯᐊ ᐅᖃᖃᑎᒌᒍᑏᑦ. ᐱᐅᔪᒻᒪᕆᐊᓘᕗᑦ, ᑭᓯᐊᓂ ᐳᐃᒍᖅᑕᐃᓕᒋᑦ ᐃᓚᓯᓂᐊᕐᓗᓂ ᐃᓂᒋᔭᕐᓂᒃ−ᑐᕌᖓᓪᓗᐊᑕᖅᑐᓂᒃ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐅᖃᖃᑎᒌᖕᓂᕐᓂᑦ. ᑖᒃᑯᐊ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓃᑦ ᐃᒪᐃᑦᑑᔪᑦ:
ᑐᑭᓯᒋᐊᒃᑲᓐᓂᕈᒪᒍᕕᑦ ᑖᒃᑯᓂᖓ ᐊᓯᖏᓐᓂᒡᓗ ᐱᔾᔪᑎᓂᒃ, ᑕᑯᒋᐊᕐᓗᒍ ᖃᕆᓴᐅᔭᒃᑯᒃᒃ ᐃᑭᐊᖅᑭᕕᕗᑦ ᐅᓪᓗᒥ.
|
|
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕕᖓ ᒪᑐᓯᒪᓛᖅᐳᖅ ᓯᕕᒃ ᕿᑲᕐᓇᒥ ᓇᒡᒐᔾᔭᐅᒥ, ᐋᒡᒌᓯ 2−ᒥ, ᐊᒻᒪᓗ ᒪᑐᐃᒃᑲᓂᕐᓂᐊᖅᑐᓂ ᐊᐃᑉᐹ, ᐋᒡᒌᓯ 3−ᒥ ᐅᓪᓛᒃᑯᑦ 8:30−ᒥ.
ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.
ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.
|
|
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
|
|
|
|
|
