Vandredi 2 Avril 2021

Chak vandredi Sipèentandan Doktè Donald E. Fennoy II ap fè w konnen sa k ap pase nan Distri Lekòl Rejyon Palm Beach la.

Nan non Komite Direksyon Distri a, ak tout anplwaye ki ap travay pou Distri Lekòl Rejyon Palm Beach la, mèsi pou sipò inebranlab ou bay elèv nou yo ak anplwaye nou yo. Toujou sonje Lekòl piblik nivo A nou an se pi bon chwa w pou edikasyon pitit ou.
Anons Pwofesè ak Anplwaye Lekòl pou Ane a

Toshimi Abi-Janiga, pwofesè nan Akademi Preparatwa Riviera Beach ak Hernan Avila, Asistan Teknik pou Sipò Enstriksyon (ITSA) nan Lekòl Segondè Wellington, nonmen Pwofesè pou Ane a ak Anplwaye Lekòl pou Ane a nan Distri Lekòl Rejyon Palm Beach la. Anons la te fèt pandan yon seremoni andirèk Madi 30 Mas. Klike la a pou w li plis.
Devouman Pwofesè Fè yon Diferans

Inisyativ "Remèsye yon Pwofesè: An Toune" te nan Lekòl Elemantè South Olive.

Konpliman pou pwofesè eksepsyonèl ki te nonmen pou vin gayan pou semèn sa a: Chelsea Sturgess, Ilona Nixon, ak Misty Reves!  Klike la a pou w gade videyo a...
Yon Òganizasyon
nan Kominote a
Ede Abiye Elèv nou yo

Riviera Beach Preparatory and Achievement Academy asosye ak òganizasyon Giving Closet pou bay jenn gason ki elèv nan kominote a 400 kostim. Yo espere nouvo rad sa yo pral ede yo abiye pou reyisi. Klike la a pou w gade videyo a...

Konsèy Ekonomik Rejyon Palm Beach la anonse finalis pou 37yèm Prim anyèl William T. Dwyer pou ekselans nan edikasyon. Nan 28 finalis yo, 26 se pwofesè nan Distri Lekòl Rejyon Palm Beach la. Klike la a pou w li plis.
Suiv @PBCSDKreyol sou Facebook, Twitter, ak Instagram pou jwenn mizajou
nouvèl nan lang Kreyòl Ayisyen.