ᐃᖅᑲᓇᐃᔭᖅᑎᑦᑎᔩᑦ ᑕᖅᑭᑕᒫᖅᓯᐅᑎᖏᑦ ᑮᓇᐅᔭᑦ ᐅᓂᒃᑳᖏᑦ ᖃᕆᓴᐅᔭᒃᑯᑦ-ᐊᑭᓕᒃᓴᑦ |
|
|
ᐱᒋᐊᕐᓗᒍ ᔮᓐᓄᐊᕆ 2022-ᒥᑦ, ᐃᖅᑲᓇᐃᔭᖅᑎᑦᑎᔩᑦ ᑕᑯᔪᓐᓇᖅᓯᓂᐊᖅᑐᑦ ᐃᖅᑲᓇᐃᔭᖅᑎᑦᑎᔨᑦᑕ ᑕᖅᑭᑕᒫᑦ ᑮᓇᐅᔭᑦ ᐅᓂᒃᑳᖏᓐᓂᒃ ᖃᕆᓴᐅᔭᒃᑯᑦ ᐊᑐᕐᓗᒍ WSCC Connect. ᑖᓐᓇ ᖃᕆᓴᐅᔭᒃᑯᑦ-ᐱᔨᑦᑎᕋᐅᑎ ᐊᑐᖅᑕᐅᔪᓐᓇᖅᑐᑦ ᐊᑭᓕᒃᓴᖃᕐᕖᑦ ᖃᔅᓯᖃᓕᕐᒪᖔᑦ ᐊᒻᒪᓗ ᑕᑯᔪᓐᓇᕐᓗᒋᑦ ᑕᖅᑭᑕᒫᑦ ᑮᓇᐅᔭᑦ ᐅᓂᒃᑳᖏᑦ ᐃᓗᐊᓂᑦ ᐊᕐᕌᒍᐃᑦ ᐱᖓᓱᑦ.
ᖃᓄᖅ ᐊᑎᓕᐅᖅᑕᐅᔪᓐᓇᖅᐳᖓ?
ᔮᓐᓄᐊᕆᒥᑦ, ᐊᑐᕈᓐᓇᕐᓂᕐᒧᑦ ᑲᒪᔩᑦ ᐃᓚᓯᑎᓐᓂᐊᖅᐸᐃᑦ ᐱᓕᕆᐊᖑᔪᓐᓇᖅᑐᑦ “ᐊᑭᓕᐅᑏᑦ ᐊᒻᒪᓗ ᑮᓇᐅᔭᑦ ᐅᓂᒃᑳᖏᑦ” ᐊᑐᖅᑎᒧᑦ ᐊᑭᓕᒃᓴᖃᕐᕕᖕᓄᑦ ᑖᓐᓇ ᐃᓄᒃ ᑲᒪᖃᑦᑕᖅᑐᖅ ᐊᑭᓕᒐᒃᓴᓄᑦ ᐊᑭᓖᖃᑦᑕᖅᑐᑦ ᓇᖕᒥᓂᖁᑎᖕᓄᑦ ᐅᕝᕙᓘᓐᓃᑦ ᑎᒥᖁᑎᖕᓄᑦ. ᑖᓐᓇ ᑐᓂᔭᐅᓯᒪᔪᓐᓇᖅᑐᖅ ᐊᒥᓱᓄᑦ ᐊᑐᖅᑎᓄᑦ.
ᑖᓐᓇ ᐱᐊᓂᒃᑕᐅᒍᓂ, ᑐᓂᔭᐅᓯᒪᔪᑦ ᐊᑐᖅᑏᑦ ᖃᕆᓴᐅᔭᒧᐊᕈᓐᓇᖅᑐᑦ ᑕᐃᑯᖓ WSCC Connect ᐊᒻᒪᓗ ᑕᑯᔪᓐᓇᖅᓯᓗᑎᒃ, ᖃᕆᓴᐅᔭᒃᑯᑦ ᐃᕐᖐᓐᓈᕈᓐᓇᐅᑎᒃᑯᑦ ᓇᒃᓯᐅᑎᓗᒍ, ᖃᕆᓴᐅᔭᕐᓄᐊᖅᑎᕐᓗᒍ ᐊᔾᔨᖓ ᑮᓇᐅᔭᑦ ᐅᓂᒃᑳᖏᓐᓄᑦ. ᑐᓂᔭᐅᓯᒪᔪᑦ ᐅᑎᖅᑏᑦ ᑐᒃᓯᕋᕈᓐᓇᕐᒥᔪᑦ ᖃᕆᓴᐅᔭᒃᑯᑦ ᐃᕐᖐᓐᓈᕈᓐᓇᐅᑎᒃᑯᑦ ᖃᐅᔨᒃᑲᐃᔾᔪᑎᒥᒃ ᐃᖅᑲᓇᐃᔭᖅᑎᑦᑎᔩᑦ ᑕᖅᑭᑕᒫᑦ ᑮᓇᐅᔭᑦ ᐅᓂᒃᑳᖏᑦ ᐊᑐᐃᓐᓇᐅᓕᕌᖓᑕ ᖃᕆᓴᐅᔭᒃᑯᑦ.
ᐱᒻᒪᕆᐅᔪᖅ
ᐃᖅᑲᓇᐃᔭᖅᑎᑦᑎᔩᑦ, ᖃᐅᔨᒋᐊᕐᕕᒋᓯᐅᒃ ᑖᓐᓇ WSCC Connect ᐊᑐᕈᓐᓇᕐᓂᕐᒧᑦ ᑲᒪᔨᐅᕙᒃᑐᖅ ᐊᑐᖅᑏᑦ ᐊᒻᒪᓗ ᐊᑭᓕᒃᓴᖃᕐᕕᖕᓄᑦ ᓇᓗᓇᐃᔭᐅᑏᑦ ᐅᓪᓗᒥᒨᖓᖕᒪᖔᑕ. ᑕᒻᒪᖅᓯᒪᙱᑐᑦ ᖃᕆᓴᐅᔭᒃᑯᑦ ᐃᕐᖐᓐᓈᕈᓐᓇᐅᑎᓄᑦ ᑐᕌᕈᑏᑦ ᐱᒻᒪᕆᐅᔪᑦ ᑖᒃᑯᐊ ᑎᒃᑯᐊᖅᑕᐅᓯᒪᔪᑦ ᐃᓄᐃᑦ ᐃᓄᐃᓪᓘᓐᓃᑦ ᑐᓂᔭᐅᖃᑦᑕᕐᒪᖔᑕ ᖃᐅᔨᒃᑲᐃᔾᔪᑎᒥᒃ ᑖᒃᑯᐊ ᐃᖅᑲᓇᐃᔭᖅᑎᑦᑎᔩᑦ ᑕᖅᑭᑕᒫᖅᓯᐅᑎᖏᑦ ᑮᓇᐅᔭᑦ ᐅᓂᒃᑳᖏᑦ ᐊᑐᐃᓐᓇᐅᓕᕌᖓᑕ ᑕᑯᔭᐅᔾᔪᓐᓇᖅᓯᒑᖓᑕᔭ. ᐱᒻᒪᕆᐅᖏᓐᓇᐅᔭᖅᑐᑦ WSCC Connect ᐊᑐᖅᑏᑦ ᐱᓕᕆᐊᒃᓴᖏᑦ ᐊᒻᒪᓗ ᑐᓴᐅᒪᔾᔪᑎᖏᑦ ᐅᓪᓗᒥᒨᖓᖃᑦᑕᕐᓗᑎᒃ ᑖᒃᑯᓄᖓᓗᒃᑖᖅ ᖃᕆᓴᐅᔭᒃᑯᑦ-ᐱᔨᑦᑎᕋᐅᑎᓄᑦ.
ᑕᐃᒪ ᓂᕈᐊᖅᓯᒪᓕᕈᕕᑦ ᑐᓂᔭᐅᖃᑦᑕᓕᕐᓗᑎᑦ ᖃᕆᓴᐅᔭᒃᑯᑦ ᐃᕐᖐᓐᓈᕈᓐᓇᐅᑎᒃᑯᑦ ᖃᐅᔨᒃᑲᐃᔾᔪᑎᒥᒃ ᐃᖅᑲᓇᐃᔭᖅᑎᑦᑎᔩᑦ ᑕᖅᑭᑕᒫᑦ ᑮᓇᐅᔭᑦ ᐅᓂᒃᑳᖏᓐᓄᑦ, ᑐᓂᔭᐅᖃᑦᑕᕈᓐᓃᕐᓂᐊᖅᑐᑎᑦ ᑕᖅᑭᑕᒫᑦ ᐸᐃᑉᐹᓂᒃ ᑮᓇᐅᔭᑦ ᐅᓂᒃᑳᖏᓐᓂᑦ ᑎᑎᖅᑲᒃᑯᕕᒃᑯᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᖃᖃᑎᒋᓗᒋᑦ ᑮᓇᐅᔭᓕᕆᔩᑦ ᐅᕘᖓ 1-844-238-5088.
|
|
2022 ᐊᑮᑦ ᑕᐃᒪᐃᓕᖓᐃᓐᓇᕐᓂᐊᖅᑐᑦ ᐊᔾᔨᖓᓃᖏᓐᓇᕐᓗᑎᒃ ᐊᑮᑦ ᖁᕝᕙᓯᓕᕇᖕᓂᖏᑦ |
|
|
ᑕᒪᑐᒪᓂ ᐊᕐᕌᒍᒥᑦ, ᐊᑐᖅᑕᐅᔭᕆᐊᓕᖕᓄᑦ ᖃᐅᔨᓴᕐᓂᕐᓄᑦ ᐊᑮᑦ ᑕᐃᒪᐃᓕᖓᐃᓐᓇᕐᓂᐊᖅᑐᑦ $2.40 ᐊᑐᓂ $100 ᑭᓇᐅᔾᔭᒃᓵᓄᑦ.
ᐃᒪᐃᒃᑲᓗᐊᖅᑎᓪᓗᒍ ᑐᙵᕕᐅᒐᔪᒃᑐᖅ ᐊᑭ ᓱᓕ ᐊᓯᔾᔨᖅᓯᒪᙱᑦᑐᖅ, ᐃᖅᑲᓇᐃᔭᖅᑎᑦᑎᔨᓕᒫᐸᓗᐃᑦ ᑕᑯᓂᐊᖅᑐᑦ ᐅᑭᓂᒃ ᖁᕝᕙᕆᐊᖅᑐᓂᒃ ᐅᕝᕙᓘᓐᓃᑦ ᐊᒃᐸᕆᐊᖅᑐᓂᒃ, ᑐᙵᕕᒋᔭᐅᓗᑎᒃ ᑕᑕᑎᕆᖃᑦᑕᕐᓂᖏᓐᓄᑦ ᓴᓇᕝᕕᖏᓐᓂᑦ ᐃᓛᒃᑰᖅᑐᓂᑦ ᐅᕝᕙᓘᓐᓃᑦ “ᐊᓪᓕᐅᓂᖅᓴᖅ ᐃᓛᒃᑰᖅᑐᑦ”.
ᐋᖅᑭᒃᓯᓇᓱᒃᖢᑎᒃ ᖃᐅᔨᓴᕐᓂᕐᒧᑦ ᐊᑭᖏᓐᓂᒃ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᓱᒪᒋᔭᖃᖃᑦᑕᖅᑐᑦ ᒪᑯᓂᖓ ᑭᓱ ᐊᑐᒃᑲᓐᓂᕈᓐᓇᕋᔭᕐᒪᖔᑦ ᑮᓇᐅᔭᖅᑖᕋᓱᖕᓂᕐᒧᑦ ᐊᑭᓕᐅᑎᓂᒃ, ᑕᐅᑐᙳᐊᖅᖢᒍ ᐱᓕᕆᕝᕕᖕᒥ ᖃᓄᐃᓕᐅᕈᓯᖅ, ᑮᓇᐅᔭᖅᑖᕋᓱᖃᑦᑕᖅᑐᑦ ᖃᓄᐃᓕᖓᓂᖏᓐᓄᑦ ᐊᒻᒪᓗ ᓈᒻᒪᓈᕐᒃᓯᒪᓇᓱᒃᑐᓂᒃ ᐃᖅᑲᓇᐃᔭᖅᑎᑦᑎᔨᓄᑦ.
ᓴᓇᕝᕕᖕᓂᑦ ᑕᐃᒪᐃᑎᑦᑎᑦᑕᐃᓕᔾᔪᑏᑦ ᐊᒻᒪᓗ ᐱᐅᓯᒋᐊᖅᓯᒪᔪᑦ ᐃᖅᑲᓇᐃᔮᒧᑦ-ᐅᑎᕐᓂᕐᒧᑦ ᖃᐅᔨᔭᐅᔪᑦ ᐃᓄᐃᓴᒃᖠᒋᐊᕆᓗᑎᒃ ᑕᑕᑎᖅᑕᐅᖃᑦᑕᖅᑐᓄᑦ ᐊᑭᓄᑦ ᐊᖏᓛᒥᒃ ᐊᓯᔾᔨᕐᓂᐅᕙᒃᑐᑦ ᐊᑭᓄᑦ ᐃᖅᑲᓇᐃᔭᖅᑎᑦᑎᔩᑦ ᐊᑭᓕᕆᐊᖃᖅᑕᖏᓐᓂᑦ. ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᓇᓱᒃᑐᑦ ᐃᑲᔪᕋᓱᒃᖢᑎᒃ ᐃᖅᑲᓇᐃᔭᖅᑎᑦᑎᔨᓂᒃ ᐋᖅᑭᒃᓱᐃᕙᓪᓕᐊᓂᕐᒥ ᐊᒻᒪ ᑲᒪᒋᔭᖃᐃᓐᓇᕐᓂᕐᒥᒃ ᐅᓗᕆᐊᓇᙱᑦᑐᒦᑎᑦᑎᓂᕐᒧᑦ ᖃᓄᐃᓕᐅᕈᑎᒃᓴᓂᒃ ᐊᒻᒪ ᐃᖅᑲᓇᐃᔮᒧᑦ ᐅᑎᕈᓐᓇᕐᓯᒍᑎᒃᓴᓂᒃ.
|
|
ᐃᓄᑐᖃᐅᓕᕐᓂᕐᒧᑦ ᐱᓕᕆᔾᔪᓰᑦ ᑐᒃᓯᕋᐅᑦ – ᐅᒃᑯᐃᖓᔪᖅ ᐃᓚᐅᑎᑦᑎᓂᖅ |
|
|
ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᕿᓂᖅᑐᑦ ᑐᓴᖅᑎᑕᐅᔪᒪᓪᓗᑎᒃ ᐃᖅᑲᓇᐃᔭᖅᑎᑦᑎᔨᓂᑦ ᑐᒃᓯᕋᐅᒻᒧᑦ ᐊᓯᔾᔨᐅᑎᐅᓂᐊᖅᑐᒧᑦ ᖃᓄᖅ ᐃᓄᑐᖃᐅᓕᕐᓂᕐᒧᑦ ᐃᑲᔫᓯᐊᑦ ᓇᐃᓴᐅᓯᖅᑕᐅᕙᖕᒪᖔᑕ ᐃᖅᑲᓇᐃᔭᖅᑎᓄᑦ ᐊᑐᖃᑦᑕᖅᑐᑦ ᐃᖅᑲᓇᐃᔭᕈᓐᓇᐃᓪᓕᓪᓚᑦᑖᕐᓗᑎᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᓚᐅᖅᓯᒪᓂᖏᓐᓄᑦ ᐅᕝᕙᓘᓐᓃᑦ ᐋᓐᓂᐊᓕᓚᐅᖅᓯᒪᓂᖏᓐᓄᑦ. ᐱᐅᔪᒥᒃ ᑭᐅᔭᐅᓚᐅᖅᑎᓪᓗᒋᑦ ᓯᕗᓪᓕᖅᐹᒥᒃ ᑭᒃᑯᓕᒫᓂᒃ ᐃᓚᐅᑎᑦᑎᓂᖃᓚᐅᖅᑎᓪᓗᒋᑦ ᑐᒃᓯᕋᖅᑕᐅᔪᒧᑦ ᒪᓕᒐᒃᓴᒧᑦ ᐊᓯᔾᔨᐅᑎᒃᓴᓄᑦ ᑖᒃᑯᓄᖓ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᕐᒧᑦ, ᑐᓂᓯᓯᒪᓕᖅᑐᒍᑦ ᑎᑎᕋᕆᐊᙵᖅᑕᐅᔪᒥᒃ ᐊᑐᐊᒐᕐᒧᑦ ᑎᑎᖅᑲᖁᑎᓂᒃ ᑭᐅᔾᔪᑕᐅᔪᓄᑦ.
ᐃᓚᐅᒋᑦ ᐅᓪᓗᒥ
ᑖᓐᓇ ᑐᒃᓯᕋᐅᑦ ᐅᒃᑯᐃᖓᓂᐊᖅᑐᑦ ᐅᖃᕐᕕᐅᔪᓐᓇᕐᓗᓂ ᑎᓯᐱᕆ 8, 2021-ᖑᕋᓱᖕᓂᖓᓂᑦ. ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᐅᓚᑦᑎᓂᕐᒧᑦ ᑲᑎᒪᔨᖏᑦ ᐃᓱᒪᒃᓴᖅᓯᐅᕈᑎᖃᕐᓂᐊᖅᑐᑦ ᐅᖃᐅᓯᐅᔪᓂ ᐃᓱᒪᓕᐅᕆᓚᐅᙱᓐᓂᖏᓐᓂᒃ ᒪᓕᒐᖅᑎᒍᑦ ᐊᓯᙳᖅᑎᑦᑎᓂᕐᒥᒃ.
|
|
ᐋᓐᓂᖅᑐᓕᕆᓂᕐᒧᑦ ᐱᖁᔭᐃᑦ ᐊᓯᔾᔨᖅᑕᐅᔪᑦ
ᑖᓐᓇ ᒪᑐᕝᕕᒃᓴᖓ ᖃᒡᓕᕙᓪᓕᐊᓕᕐᒪᑦ ᓇᖕᒥᓂᖁᑏᑦ ᒪᓕᑦᑎᐊᕋᓗᐊᕐᒪᖔᑦ 2021−ᒧᑦ ᐊᓯᔾᔨᐅᑎᓂᒃ ᐋᖅᑭᒃᑕᐅᓯᒪᔪᓂᒃ ᑖᒃᑯᓄᖓ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᒪᓕᒐᕐᓂᒃ, ᐱᓚᖓ 5 – ᐋᓐᓂᖅᑐᓕᕆᓂᖅ. ᑖᓐᓇ ᓄᑖᙳᕆᐊᖅᓯᒪᔪᖅ ᒪᓕᒐᒃᓴᖅ ᐊᑐᐃᓐᓇᐅᔪᖅ ᖃᕆᓴᐅᔭᒃᑯᑦ ᐃᑭᐊᖅᑭᕕᑦᑎᓐᓂᑦ, ᐃᑲᔫᑎᒃᓴᖅᑕᖃᖢᓂᓗ ᐊᒻᒪᓗ ᑐᓴᐅᒪᔾᔪᑎᒃᓴᑦ ᐃᑲᔪᖅᓯᕐᓂᐊᖅᑐᑦ ᓇᖕᒥᓂᖁᑏᑦ ᓅᓐᓇᓱᐊᖅᑎᓪᓗᒍ.
ᒪᑐᕝᕕᒃᓴᖅ:
- ᓄᓇᑦᓯᐊᖅ: ᔮᓐᓄᐊᕆ 1, 2022
- ᓄᓇᕗᑦ: ᕕᕝᕗᐊᕆ 12, 2022
|
|
|
ᐃᖅᑲᐃᑎᑦᑎᔾᔪᑦ: ᐊᕐᕌᒍᑕᒫᑦ ᐊᑭᓖᔾᔪᑎᓄᑦ ᐅᓂᒃᑳᑦ |
|
ᑐᓂᓯᔪᓐᓇᕐᓂᖅ ᐅᒃᑯᐃᖓᔪᖅ ᔮᓐᓄᐊᕆ 1, 2022 – ᕖᕝᕗᐊᕆ 28, 2022
ᐊᑕᖏᕐᓗᒋᑦ ᐃᖅᑲᓇᐃᔭᖅᑎᑦᑎᔩᑦ ᑐᓂᔭᐅᓂᐊᖅᑐᑦ ᑐᓴᐅᒪᔾᔪᑎᓂᒃ ᑐᓂᓯᓂᐅᑉ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᑉ (APR) ᒥᒃᓵᓄᑦ ᐊᑐᕐᓗᑎᒃ WSCC Connect ᐱᒋᐊᓕᓵᖅᑎᓪᓗᒍ ᑎᓯᐱᕆ. ᐃᓱᓕᒡᕕᒃᓴᐅᑖ ᕕᕝᕗᐊᕆ 28, 2022−ᖑᔪᖅ, ᑭᓯᐊᓂ ᑐᓂᓯᔪᓐᓇᖅᑐᑎᑦ ᐱᒋᐊᕐᓗᒍ ᔮᓐᓄᐊᕆ 1, 2022. ᐃᖅᑲᐅᒪᓂᐊᖅᐳᑎᑦ, ᑐᓂᓯᒋᐊᖃᖅᑐᑎᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.
ᑐᓂᔭᐅᓯᒫᓂᙱᒃᑯᕕᑦ ᑎᑎᖅᑲᒃᑯᕕᒃᑯᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᓄᑦ (APR) ᑎᑎᖅᑲᖁᑎᓂᒃ ᕿᑎᖅᐸᖅᑎᓪᓗᒍ ᑎᓯᐱᕆ, ᐅᖃᖃᑎᒋᒃᑭᑦ ᐃᖅᑲᓇᐃᔭᖅᑎᑦᑎᔨᓄᑦ ᐱᔨᑦᑎᕋᖅᑑᑦ:
ᑕᒫᓃᑦᑐᒍ ᐃᑲᔪᕈᒪᓪᓗᑕ! ᐃᑲᔪᖅᑕᐅᔭᕆᐊᖃᕈᕕᑦ ᑖᔅᓱᒧᖓ WSCC Connect, ᑕᑯᒋᐊᕐᓗᒍ WSCC Connect ᐃᑲᔪᖅᑕᐅᓂᕐᒧᑦ ᒪᒃᐱᖅᑐᒐᖓ ᐅᕝᕙᓘᓐᓃᑦ ᖃᐅᔨᒋᐊᕐᕕᐅᔪᓐᓇᖅᑐᖅ WSCC Connect ᐃᑲᔪᖅᑕᐅᓂᕐᒧᑦ ᐊᑭᖃᙱᑦᑐᖅ ᐅᕙᓂ 1-844-238-5008. |
|
ᐃᓱᓕᒡᕕᒃᓴᐅᑖ: ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ |
|
ᐱᔭᐅᔭᕆᐊᓖᑦ ᑎᓯᐱᕆ 31, 2021−ᒥ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᕚᓪᓕᕈᑏᑦ ᐃᑲᔪᖅᓱᐃᕙᒃᑐᓂ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓂᑦ ᐱᔪᓐᓃᕋᓱᒃᑎᓪᓗᒍ ᐊᒻᒪᓗ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᓂᐅᔪᒧᑦ. ᑭᓯᐊᓂ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑭᓖᕙᖕᓂᖓ ᑐᓂᔭᐅᑲᐅᑕᒋᕙᙱᓚᖅ ᓇᖕᒥᓂᖃᖅᑎᐅᔪᓄᑦ, ᐱᓕᕆᖃᑎᒋᔭᖏᓐᓂ, ᑎᑎᕋᖅᓯᒪᒍᕕᑦ ᑐᑭᒧᐊᖅᑎᑦᑎᔨᐅᓪᓗᑎᑦ, ᐅᕝᕙᓘᓐᓃᑦ ᓇᖕᒥᓂᖅ−ᐃᖅᑲᓇᐃᔭᖅᑎᑦᑎᒍᕕᑦ ᐃᓄᖕᓂ. ᓇᓪᓕᐅᒃᑯᒫᖃᕈᒪᒍᕕᑦ, ᓂᕈᐊᕈᓐᓇᖅᐳᑎᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒧᑦ, ᐊᔾᔨᒌᑦᑐᓂ ᐃᑲᔫᑎᓂ ᐊᑐᐃᓐᓇᐅᑎᑦᑎᓲᑦ ᐊᓯᖏᑎᑐᑦ ᓴᓇᔨᐅᔪᓂ.
ᓂᕈᐊᕐᓂᕐᓴᐅᒍᕕᑦ ᐊᕐᕌᒍᒧᑦ ᓇᐅᑦᑎᐅᒃᑯᒫᖃᕐᓂᕐᒥᒃ, ᓄᑖᙳᕆᐊᖃᖅᑕᐃᑦ ᓇᐅᑦᑎᐅᒃᑯᒫᕆᔭᐃᑦ ᐊᕐᕌᒍᑕᒫᑦ. ᖃᐅᔨᒪᒋᐊᑦᑎᐊᕐᓗᑎ ᓇᓪᓕᐅᒃᑯᒫᖃᕐᓂᕐᒧᑦ ᓄᖅᑲᖓᑲᐃᓐᓇᔾᔪᑎᖃᙱᑦᑐᖅ, ᐊᑏ 2022-ᒧᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᑦ ᑕᑕᑎᕆᐊᓖᑦ ᐱᔭᕇᖅᓯᒪᔭᕆᐊᖃᖅᐳᑦ ᐊᒻᒪ ᑐᓂᓯᒪᓂᐊᖅᐸᑎᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄ ᖄᖏᓚᐅᖅᑎᓐᓇᒍ ᑎᓯᐱᕆ 31, 2021−ᒥ.
ᖃᓄᖅ ᑐᒃᓯᕋᕆᐊᖃᕐᓂᕐᒥ:
ᓇᓪᓕᐅᒃᑯᒫᖅᑖᕈᓐᓇᖅᑐᑎᑦ ᒥᑭᓛᖓᓂ ᑕᖅᑭᑐᐊᕐᒧᑦ ᐊᒻᒪ ᐊᖏᓛᖓᓂ ᐊᕐᕌᒍᓕᒫᒧᑦ. ᑕᑕᑎᕐᓗᒍ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫ ᒥᑦ ᑕᑕᑎᕆᐊᓕᖕᒥ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖕᒥᑦ, ᐊᒻᒪ ᓇᒃᓯᐅᑎᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖓᓄᑦ ᐱᔪᓐᓇᕐᓂᖃᕐᕕᖕᓂ ᑎᓯᐱᕆ 31, 2021−ᒥ.
ᐊᐱᖅᑯᑎᒃᓴᖃᕈᕕᑦ ᒫᓐᓇᐅᔪᒥ ᖃᓄᐃᓕᖓᓂᖓᓂ ᓇᓪᓕᐅᒃᑯᒫᒋᔭᕐᓂ, ᐅᕝᕙᓘᓐᓃᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫ ᒥᑦ, ᖃᐅᔨᒋᐊᕐᕕᒋᑎᒍᑦ ᐅᓪᓗᒥ.
|
|
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ |
|
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᕋᕐᕕᖏᑦ ᒪᑐᓯᒪᓂᐊᖅᑐᑦ ᕿᑎᖅᑰᑦ, ᑎᓯᐱᕆ 23-ᒥᑦ ᐊᒻᒪᓗ ᐅᒃᑯᐃᒃᑲᓐᓂᓛᖅᖢᑎᒃ ᐊᐃᑉᐹ, ᔮᓐᓄᐊᕆ 4, 2022-ᒥᑦ.
ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.
|
|
Workers' Safety and Compensation Commission of the Northwest Territories and Nunavut,
5022 49th Street, 5th Floor, Centre Square Tower, Box 8888, Yellowknife, NT X1A 2R3 Canada
|
|
|
|
|
|
|
