Vandredi 5 Fevriye 2021 ‌ ‌ ‌ ‌

Mesaj Sipèentandan Doktè Donald E. Fennoy II Chak vandredi Sipèentandan Doktè Donald E. Fennoy II ap fè w konnen sa k ap pase nan Distri Lekòl Rejyon Palm Beach la. Klike la a pou gade videyo a an anglè. Nan non Komite Direksyon Distri a, ak tout anplwaye ki ap travay p0u Distri Lekòl Rejyon Palm Beach la, mèsi pou sipò inebranlab ou bay elèv nou yo ak anplwaye nou yo. Toujou sonje Lekòl piblik nivo A nou an se pi bon chwa w pou edikasyon pitit ou.

Komite Direksyon Distri a Apwouve Kalandriye Lekòl pou ane 2021-2022 an Komite Direksyon Distri Lekòl Rejyon Palm Beach la apwouve kalandriye akademik pou ane lekòl 2021-2022 nan reyinyon espesyal li ki te fèt nan dat 3 fevriye a. Dapre kalandriye a, premye jou lekòl la ap 10 Out 2021; dènye jou lekòl la ap 26 Me 2022. Klike la a pou w li plis.

Jou Nasyonal pou Siyen Distri Lekòl Rejyon Palm Beach la fyè de atlèt li yo ki ap chwazi lekòl yo prale. Se yon pi gwo plezi pou gade elèv yo ki ap siyen non yo sou liy pwentiye a. Seremoni an te fèt nan Lekòl Segondè Kominotè Atlantic. Klike la a pou wè videyo a.

Eksplore Opòtinite nan Sant Edikasyon pou Adilt la Sant Edikasyon pou Adilt la ofri opòtinite aprantisay pou imigran. Ou kapab enskri pou aprann anglè, rantre nan pwogram pou jwenn yon ekivalan diplòm lekòl segondè (GED) ak aprann yon metye ki kapab mete ou sou mache travay la. Klike la a pou gade videyo a.

Sèt elèv ki soti nan Akademi rechèch sou anviwònman nan Lekòl Segondè Jupiter ak Akademi Rechèch sou Teren (Field Studies Academy/JERFSA) pase plizyè mwa ap kolekte echantiyon dlo, fè rechèch nan zòn natirèl nan kominote a pou kolekte done.   Travay ak eksperyans sa yo mennen yo nan Konferans Entènasyonal Asosyasyon Resous Dlo Ameriken, kote elèv yo prezante rezilta rechèch pratik yo bay ekspè. Klike la a pou plis detay.

Suiv @pbcsdkreyol sou Facebook, Twitter, ak Instagram pou jwenn mizajou nouvèl an Kreyòl.