ᑎᓯᐱᕆ 2024

ᓯᕗᓪᓕᖅᐹᖅ ᐊᑐᖅᑕᐃᑎᑕᐅᑦᑕᐃᓕᒪᓗᒍ ᑭᕕᒃᓯᓂᖅ ᐊᒻᒪᓗ ᐱᓪᓗᐃᓂᖅ ᖃᓄᐃᓕᓂᐅᔪᑦ ᐊᒻᒪ ᐋᓐᓂᖅᑕᐃᓕᒪᓂᕐᒧᑦ ᓇᓗᓇᐃᕐᓗᒋᑦ ᐊᑦᑕᓇᕈᑎᖃᖅᑎᑦᑎᔪᓐᓇᖅᑐᓂᑦ. ᑭᖑᓪᓕᖅ ᐊᑐᕐᓗᒍ ᐊᐅᓚᑦᑎᓃᑦ ᖁᕝᕙᐸᓪᓕᐊᓂᖏᑦ ᐲᕐᓗᒋᑦ ᐅᕝᕙᓘᓐᓃᑦ ᐊᑦᑎᓪᓕᒋᐊᕐᓗᒋᑦ ᐊᑦᑕᓇᕈᑎᐅᔪᓐᓇᖅᑐᑦ ᐊᑦᓇᖅᑐᑦ ᓇᓗᓇᐃᖅᑕᐅᓯᒪᔪᑦ. ᑕᑯᓗᒋᑦ ᐊᑖᓃᑦᑐᑦ ᐆᑦᑐᕋᐅᑏᑦ ᐊᐅᓚᑦᑎᓂᕐᒧᑦ ᑭᕕᔅᓯᓂᕐᒥᑦ ᐊᒻᒪᓗ ᐱᓪᓗᐃᓂᕐᒥᑦ:

• ᐲᕐᓗᒋᑦ ᐱᓪᓗᐃᓂᕐᒧᑦ ᐊᒻᒪ ᑭᕕᔅᓯᓂᕐᒧᑦ ᐊᑦᑕᓇᕈᑎᐅᔪᑦ ᐃᖅᑲᓇᐃᔭᕐᕕᒋᔭᐅᔪᒥᑦ ᑐᓂᔭᐅᑎᓪᓗᒋᑦ ᓱᓇᒃᑯᑖᑦ ᐃᖅᑲᓇᐃᔭᖅᑏᑦ ᓇᒦᖁᔭᖏᓐᓂ, ᐃᖅᑲᓇᐃᔭᖅᑏᑦ ᓇᒻᒥᓂᖅ ᓅᑦᑎᖏᖔᕐᓗᑎ.
• ᐃᒪᐃᒍᓐᓇᖅᑐᑎᑦ ᑭᖑᕝᕕᑎᑦᑎᓗᑎᑦ ᓱᓇᒃᑯᑖᒥᑦ ᐅᕝᕙᓘᓐᓃᑦ ᐃᖅᑲᓇᐃᐃᔮᖑᒋᐊᓕᒻᒥᑦ ᐊᑦᑎᓂᖅᓴᐅᑎᑦᑎᔪᓂ ᐊᑦᑕᕈᑎᓂᑦ, ᓲᕐᓗ ᓅᑦᑕᐅᓂᖏᑦ ᓴᓃᑦ ᒥᑭᔪᒧᑦ ᑭᕕᑦᑎᔾᔪᑎᒧᑦ ᐃᖅᑲᓇᐃᔭᖅᑏᑦ ᐊᑐᖏᖔᕐᓗᑎ ᖃᓗᕋᐅᑎᓂᑦ ᐊᒻᒪ ᑲᐃᓪᓗᐊᕈᑎᓂᑦ?
• ᓴᓇᓯᒪᔪᓕᕆᓂᖅ ᐋᖅᑭᒍᑕᐅᔪᖅ ᑕᑯᔅᓴᐅᓂᖃᕈᓐᓇᖅᑐᖅ ᐋᖅᑭᓱᖅᑕᐅᑲᓐᓂᕐᓗᑎ ᐃᖅᑲᓇᐃᔭᕐᕕᒋᔭᐅᔪᖅ ᑖᒃᑯᐊ ᐃᖅᑲᓇᐃᔭᖅᑏᑦ ᐊᓯᔾᔩᒋᐊᖃᕐᓂᐊᖏᒻᒪᑕ ᑐᕌᖅᑕᖏᓐᓂ ᐅᕝᕙᓘᓐᓃᑦ ᑎᑭᑦᑎᓗᑎ ᐊᔾᔭᖅᓯᑎᓪᓗᒋᑦ ᑭᓱᑐᐃᓐᓇᕐᒥᑦ, ᐱᒡᒐᓇᖏᓂᖅᓴᐅᑎᑦᑎᔪᖅ ᑎᒥᒧᑦ ᐊᐅᓚᓂᖓᓄᑦ.
• ᐊᐅᓚᑦᑎᓂᕐᒧᑦ ᐋᖅᑭᒍᑎᐅᔪᖅ ᐱᖃᓯᐅᔾᔨᔪᓐᓇᖅᑐᑦ ᕿᒥᕐᕈᓂᕐᒥᑦ ᐊᑦᑕᓇᐃᖅᓯᒪᓂᕐᒧᑦ ᐊᑐᖅᑕᐅᒋᐊᓕᓐᓂᑦ ᑭᓱᑐᐃᓐᓇᕐᓂ ᐊᐅᓚᑦᑎᓗᓂ ᐃᖅᑲᓇᐃᔭᖅᑎᓄᑦ ᐅᕝᕙᓘᓐᓃᑦ ᓄᑖᒥᑦ ᐃᓕᓐᓂᐊᑎᑦᑎᓂᖃᕐᓗᑎ ᐃᖅᑲᓇᐃᔭᖅᑎᓄᑦ, ᑐᑭᓯᒍᓐᓇᓂᐊᕐᓇᖓ ᐱᐅᔪᒥᑦ ᑎᒥᐅᑉ ᐊᐅᓚᓂᖃᕐᓂᖓᓂ ᑭᕕᔅᓯᑎᓪᓗᒋᑦ.
• ᖁᓛᓃᑦᑐᑦ ᐊᐅᓚᑦᑎᓂᐅᔪᑦ ᐲᖅᑕᐃᓕᓗᒍ ᑭᕕᒃᓯᓂᖅ ᐊᒻᒪᓗ ᐱᓪᓗᐃᓂᕐᒧᑦ ᐊᑦᑕᓇᕈᑎᐅᔪᑦ, ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE) ᐊᑦᑎᓪᓕᒋᐊᖅᑎᑎᑲᓐᓂᕈᓐᓇᖅᑐᑦ ᐊᑦᑕᓇᕈᑎᐅᔪᓐᓇᖅᑐᓂᑦ ᐱᖃᓯᐅᔾᔨᔪᓐᓇᖅᑐᑦ ᕿᒧᔪᑦ ᐃᑲᔪᖅᑕᐅᓂᖅ, ᐃᖅᑲᓇᐃᔭᖅᑐᖅᓯᐅᑎᑦ ᐊᒡᒑᑦ ᐱᐊᕐᕆᔾᔭᐃᒃᑯᑎᖃᖅᑐᑎ, ᐅᕝᕙᓘᓐᓃᑦ ᖁᐊᔭᕿᓐᓇᖏᑦᑑᓐᓂ ᐃᓯᒐᐅᔮᓐᓂᒃ.

ᑐᑭᓯᒋᐊᕈᑎᔅᓴᑲᓐᓂᕐᓄᑦ ᐱᔾᔪᑎᖃᖅᑐᓂ ᐊᑐᖅᑕᐅᓕᓂᕐᒥᑦ ᑭᕕᒃᓯᓂᖅ ᐊᒻᒪᓗ ᐱᓪᓗᐃᓂᖅ ᖃᓄᐃᓕᓂᐅᔪᓂᑦ ᐃᕝᕕᑦ ᐃᖅᑲᓇᐃᔭᕐᕕᖓᓂ, ᑕᑯᓗᒋᑦ ᓄᑖᖑᓛᕆᔭᕗᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ.

ᑕᒪᑐᒪᓂ ᐊᕐᕌᒍᒥᑦ, ᐊᑐᖅᑕᐅᔭᕆᐊᓕᖕᓄᑦ ᖃᐅᔨᓴᕐᓂᕐᓄᑦ ᐊᑮᑦ ᑕᐃᒪᐃᓕᖓᐃᓐᓇᕐᓂᐊᖅᑐᑦ $2.40 ᐊᑐᓂ $100 ᑭᓇᐅᔾᔭᒃᓵᓄᑦ.

ᐃᒪᐃᒃᑲᓗᐊᖅᑎᓪᓗᒍ ᑐᙵᕕᐅᒐᔪᒃᑐᖅ ᐊᑭ ᓱᓕ ᐊᓯᔾᔨᖅᓯᒪᙱᑦᑐᖅ, ᐃᖅᑲᓇᐃᔭᖅᑎᑦᑎᔨᓕᒫᐸᓗᐃᑦ ᑕᑯᓂᐊᖅᑐᑦ ᐅᑭᓂᒃ ᖁᕝᕙᕆᐊᖅᑐᓂᒃ ᐅᕝᕙᓘᓐᓃᑦ ᐊᒃᐸᕆᐊᖅᑐᓂᒃ, ᑐᙵᕕᒋᔭᐅᓗᑎᒃ ᑕᑕᑎᕆᖃᑦᑕᕐᓂᖏᓐᓄᑦ ᓴᓇᕝᕕᖏᓐᓂᑦ ᐃᓛᒃᑰᖅᑐᓂᑦ ᐅᕝᕙᓘᓐᓃᑦ “ᐊᓪᓕᐅᓂᖅᓴᖅ ᐃᓛᒃᑰᖅᑐᑦ”.

ᐃᖅᑲᓇᐃᔭᖅᑎᑦᑎᔨᐅᔪᑦ ᑕᑯᔪᓐᓇᕐᑐᑦ ᐱᓕᕆᐊᖏᓐᓅᖓᔪᓄᑦ ᐃᓄᒋᐊᓄᓪᓘᓐᓃᑦ ᐊᑭᓕᐅᑎᒃᓴᐅᑎᑕᐅᔪᓂᒃ ᐊᕐᕌᒍᒧᑦ ᐊᒡᒋᖅᑐᒧᑦ ᐅᕙᓂ WSCC Connect. ᑕᑯᔪᓐᓇᖅᑕᐃᑦ ᒫᓐᓇᐅᔪᖅ ᐅᐊᑦᑎᐊᕈᓪᓗ ᐊᑭᖏᓐᓂᒃ ᐃᒪᐃᓕᖓᓗᑎ Class & Subclass (ᐊᕕᒃᓯᒪᔪ ᐊᕕᒃᓯᒪᒃᑲᓐᓂᖅᑐᓂ) ᐊᒻᒪᓗ Specific Industry (ᓴᓇᔨᕐᔪᐊᓄᑦ ᑐᕌᖓᓪᓚᕆᒃᑐᓂ).

ᑎᓯᐱᕆ 31, 2024 – ᐃᓄᖕᒨᖓᔪᑦ ᐊᑐᕈᓐᓇᖅᑕᖏᑦ ᐊᑭᓕᐅᑎᒃᓴᐃᑦ ᓄᑖᖑᕆᐊᖅᑎᑕᐅᓂᖓ

ᑕᐃᒪᓗ ᓇᖕᒥᓂᖃᖅᑎᐅᒍᓂ, ᐱᓕᕆᖃᑕᐅᒍᓂ, ᑐᑭᒧᐊᒃᑎᐅᒍᓂ ᐃᓚᖏᔭᐅᓄᓂ, ᐅᕝᕙᓘᓐᓃᑦ ᓇᖕᒥᓂᖁᑎᖃᖅᑐᖅ ᐃᓄᑑᓪᓗᓕ, ᐊᑑᑎᖃᖅᑐᑦ ᐃᓄᖕᒨᖓᔪᑦ ᐊᑐᕈᓐᓇᖅᑕᖏᑦ ᐊᑭᓕᐅᑎᒃᓴᐃᑦ. ᐅᓇ ᑐᑭᖃᖅᑐᖅ ᐱᖃᖅᐳᑎᑦ ᑖᒃᑯᓄᖓᑦᑕᐃᓐᓇᖅ ᓴᓇᔨᓄᑦ ᐊᑭᓕᐅᑎᒃᓴᐃᑦ ᐃᑲᔫᓯᐊᒃᓴᖏᓐᓄᑦ ᖃᓄᐃᓕᔪᖃᖅᐸᑦ ᑕᐃᒪᓗ ᓴᓇᔨᑦ ᐊᒻᒪᓗ ᐃᑲᔫᓯᐊᕐᓗᑎᒃ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᕕᓂᐅᒃᐸᑕ. ᐱᓇᓱᒍᓐᓇᖅᑐᑎᑦ ᐃᑲᔫᑎᑖᕈᑎᒃᓴᓂᒃ ᑕᖅᑭᓂ 1-ᒥ 12-ᒧᑦ ᐃᑲᔫᑎᑖᕈᑎᒃᓴᓂᒃ.

ᑕᐃᒪᓗ ᒫᓐᓇ ᐱᖃᕈᕕᑦ ᐃᓄᖕᒨᖓᔪᑦ ᐊᑐᕈᓐᓇᖅᑕᖏᑦ ᐊᑭᓕᐅᑎᒃᓴᐃᑦ, ᐱᓇᔪᒃᑲᓐᓂᕆᐊᖃᖅᑐᑎᑦ ᑎᑭᐅᑎᓚᐅᓐᖏᓂᖓᓂ ᔮᓐᓄᐊᕆ 1, 2025, ᑕᐃᒪᓗ ᑲᔪᓂᐊᕐᒪᑕ ᐃᑲᔫᓯᐊᒃᓴᑎᑦ. ᐱᓇᔪᒃᓗᑎᑦ ᐅᕝᕙᓘᓐᓃᑦ ᓄᑖᖑᕆᐊᖅᑎᓪᓗᒍ ᐃᓄᖕᒨᖓᔪᑦ ᐊᑐᕈᓐᓇᖅᑕᖏᑦ ᐊᑭᓕᐅᑎᒃᓴᐃᑦ, ᐱᔭᕇᕐᓗᒍ ᐅᓇ ᑕᑕᑎᕆᐊᓕᒃ, ᓄᑖᖑᖅᑎᓯᒪᔪᖅ 2025-ᒧᑦ. 

ᔮᓐᓄᐊᕆ 1, 2025 – ᐊᕐᕌᒍᑕᒫᑦ ᐃᖅᑲᓇᐃᔭᖅᑎᓄᑦ ᐊᑭᓕᐅᑎᑦ ᐅᓂᒃᑳᖏᑦ ᑐᓂᔭᐅᖃᑦᑕᖅᑐᑦ ᑭᒃᑯᑐᐃᓐᓇᓄᑦ ᒪᑐᐃᖓᕗᑦ (ᐃᓱᓕᕕᖃᖅᑐᑦ ᕕᕝᕗᐊᕆ 28, 2025)

ᐃᖅᑲᓇᐃᔭᖅᑎᑦᑎᓲᑦ ᑐᓂᓯᓗᑎᒃ ᐊᕐᕌᒍᑕᒫᖅᓯᐅᑎᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ (APR) ᐱᒋᐊᖅᓵᓕᓗᑎᒃ ᔮᓐᓄᐊᕆ 1, 2025. ᖃᐅᔨᒪᓂᐊᖅᐳᑎᑦ ᐱᑎᑦ 2025 ᐃᖅᑲᓇᐃᔭᖅᑎᖕᓄᑦ ᐊᑭᓕᐅᑎᑦ ᓇᓚᐅᑖᖅᓯᒪᔪᑦ, ᐊᑐᖅᓯᓂᐊᖅᑐᑦ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ ᐅᓂᒃᑳᓕᐅᕐᕕᒋᔭᕐᓂᑦ. ᐱᒋᐊᕐᓗᑎᒃ ᔮᓐᓄᐊᕆ 1, 2025, ᓄᓇᑦᓯᐊᖅ ᐊᒻᒪᓗ ᓄᓇᕗᑦ ᐱᖃᖅᑐᑦ ᐊᔾᔨᒌᓐᖏᑦᑐᓂᒃ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᖅ (YMIR) ᐊᑭᑐᑎᒋᓂᖓ. ᐋᖅᑭᒋᐊᖅᑕᐅᓯᒪᔪᑦ 2025−ᒧᑦ, ᕿᒥᕐᕈᓗᒋᑦ ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ.

ᑐᓂᓯᒋᐊᖃᖅᑐᑎᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓂᐊᓐᖏᓐᓇᕕᑦ ᑭᖑᕙᕈᕕᑦ ᐅᓂᒃᑳᓕᐅᕐᕕᒋᔭᕆᐊᓂᖕᓄᑦ 15%-ᒥᒃ ᐊᕐᕌᓂᐅᓚᐅᖅᑐᖅ ᖃᐅᔨᓴᖅᑕᐅᓯᒪᔪᑦ, ᑐᓂᓗᒋᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐊᑦ ᑕᐃᑲᓂ ᐅᕝᕙᓘᓐᓃᑦ ᑎᑭᐅᑎᓚᐅᓐᖏᓂᖓᓂ ᕕᕝᕗᐊᕆ 28, 2025. ᑐᓂᓯᓗᑎᑦ ᐃᕝᕕᑦ ᐅᓂᒃᑳᓕᐊᖓᓂᒃ ᐅᕘᓇ WSCC Connect.

ᐱᔾᔪᑎᒋᓪᓗᒍ ᑲᓇᑕᒥ ᑎᑎᖅᑲᒃᑯᕕᓕᕆᔨᒃᑯᑦ ᓄᖅᑲᖓᓂᖏᓐᓄᑦ, ᑭᖑᕙᓂᐊᖅᑐᑦ ᑐᓂᔭᐅᓂᖏᓐᓄ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᖅᓯᒪᔪᑦ ᓲᕐᓗ ᐊᕐᕌᒍᑕᒫᑦ ᐊᑭᖏᑦ ᑐᓴᖅᑎᑦᑎᓂᕐᒧᑦ ᑎᑎᖅᑲᐃᑦ ᐃᖅᑲᓇᐃᔭᖅᑎᑦᑎᔪᓄᑦ.

ᐊᐅᓪᓚᑎᓐᓂᐊᖅᑕᕗᑦ ᑎᑎᖃᐃᑦ ᓄᖅᑲᖓᓂᐅᔪᑦ ᐃᓱᓕᑐᐊᕈᓂ. ᐱᔭᕆᐊᖃᕈᕕᑦ ᐊᔾᔨᖏᓐᓂ ᐃᕝᕕᑦ ᐊᑭᖏᓐᓄᑦ ᑎᑎᖅᑲᒥᑦ, ᖃᐅᔨᒋᐊᕐᕕᒋᓗᒍ ᐃᖅᑲᓇᐃᔭᖅᑎᑦᑎᔪᓄᑦ ᐱᔨᑦᑎᖅᑕᓄᑦ ᐋᖅᑭᔅᓯᓗᑎ ᖃᕋᓴᐅᔭᒃᑰᕈᓐᓇᖅᑐᓂᑦ ᑐᓂᔭᐅᓂᖏᓐᓄᑦ ᐅᕙᓐ:

ᓄᓇᑦᓯᐊᖅ: 1-800-661-0792

ᖃᕋᓴᐅᔭᑎᒍᑦ ᑎᑎᕋᕐᕕᒃᓴᖓ: employer@wscc.nt.ca 

ᓄᓇᕗᑦ: 1-877-404-4407

ᖃᕋᓴᐅᔭᑎᒍᑦ ᑎᑎᕋᕐᕕᒃᓴᖓ: employernu@wscc.nu.ca      

ᑐᑭᓯᒋᐊᕈᑎᔅᓴᑲᓐᓂᕐᓄᑦ ᐃᖅᑲᓇᐃᔭᖃᑎᒋᖃᑎᒋᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑲᓇᑕᒥ ᑎᑎᖅᑲᒃᑯᕕᓕᕆᔨᒃᑯᑦ ᓄᖅᑲᖓᑎᓪᓗᒋᑦᐅᕗᓐᖓᕐᓗᑎ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᕗᑦ.

ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕕᖏᑦ ᒪᑐᓯᒪᓛᖅᑐᑦ ᓇᒡᒐᔾᔭᐅ, ᑎᓯᐱᕆ 23, ᐊᒻᒪ ᒪᑐᐃᒃᑲᓂᕐᓗᑎ ᓯᑕᒻᒥᖅ, ᔮᓐᓄᐊᕆ 2, 2025.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ Report Unsafe Work (ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ) ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca 1.800.661.0792 | wscc.nu.ca 1.877.404.4407