ᒫᑦᓯ 2023

ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅ

ᖁᐋᔭᕿᓐᓃᑦ, ᓈᓐᓃᑦ, ᐊᒻᒪᓗ ᐃᔪᒃᑲᕐᓃᑦ

ᑕᐃᒪᓕ ᖁᐋᔭᕿᓐᓃᑦ, ᓈᓐᓃᑦ, ᐊᒻᒪᓗ ᐃᔪᒃᑲᕐᓃᑦ ᐃᓚᒋᔭᐅᖕᒪᑕ ᐊᑐᖅᑕᐅᕙᒃᑐᓂ ᐱᓂᕐᓗᒍᑕᐅᓪᓗᑎᒃ ᐃᖅᑲᓇᐃᔭᕐᕕᖕᒥ ᐋᓐᓂᕈᑕᐅᓪᓗᑎᒃ ᓄᓇᑦᓯᐋᕐᒥ ᐊᒻᒪᓗ ᓄᓇᕗᕐᒥ, ᑕᐃᒪᐃᓯᒪᑐᐃᓐᓇᕆᐋᖃᕐᒥᔪᑎᑦ ᐊᑐᖅᓯᒪᓗᒍ ᐱᓂᕐᓗᖕᓂᖅ ᓇᖕᒥᓂᖅ.


ᐃᒻᒥᓂᖅᓴᕐᓂᕐᓄᑦ, ᐊᒥᓱᑲᓪᓚᐅᖕᒪᑕ ᐊᑐᕈᓐᓇᖅᑕᑎᑦ ᐋᓐᓂᕈᑎᒋᒃᑕᐃᓕᒪᓗᒋᑦ ᐋᓐᓂᕈᑎᒋᔭᐅᓲᑦ ᑕᐃᒪᐃᓕᑎᑕᐅᓪᓗᑎᒃ ᖁᐋᔭᕿᓐᓂᕐᒧᑦ ᐊᒻᒪᓗ ᓈᓐᓂᕐᒧᑦ. ᐃᓚᒋᔭᐅᔪᖅ ᐱᐅᓂᖅᐹᖅ ᐊᑲᐅᙱᓕᐅᕈᑎᖃᒃᑕᐃᓕᒪᓂᕐᒧᑦ ᒥᑭᓂᖅᓴᐅᓕᖁᓪᓗᒍ ᖁᒃᓴᓇᕐᓂᖓ ᐊᑐᐃᓐᓇᐅᔭᖅᐸᒡᓗᑎᒃ ᐊᑑᑎᖃᒃᑎᐋᖅᑐᖕᓂᒃ ᐃᓯᒐᒍᑎᓂᒃ ᐊᑐᖅᑕᐅᓲᓂᑦ ᐃᖅᑲᓇᐃᔭᕐᕕᒋᔭᖅᐱᒃ ᖃᓄᐃᓕᖓᓂᖏᓐᓄᑦ. ᐃᖅᑲᓇᐃᔭᕆᐋᖃᓕᕋᖓᕕᒃ ᓯᓚᒥ ᐅᑭᐅᖑᑎᓪᓗᒍ, ᐊᑐᕋᓱᐋᖃᑦᑕᕆᑦ ᑲᒥᐋᓗᖕᓂᒃ ᐊᑐᕋᒃᓴᐅᑎᑕᐅᔫᖕᓂᒃ ᓂᒡᓚᓱᒃᑎᓪᓗᒍ ᖃᓄᐃᓕᖓᓂᐅᔪᒥ, ᑕᒪᒃᑯᐊ ᐊᑐᖅᑕᐅᑐᐃᓐᓇᓱᑦ ᐃᓯᒐᒍᑎᑦ ᓈᒻᒪᒃᑐᒥᒃ ᑐᖕᒪᓂᖃᑦᑎᑦᑎᐋᕈᓐᓇᖏᒻᒪᑕ. ᑲᓖᑦᔅ ᐱᐅᔪᐋᓗᑐᐃᓐᓇᕆᐊᓕᑦ ᓴᓇᔭᐅᓯᒪᓂᖏᑦ ᐊᑐᕋᒃᓴᑦᑎᐊᕙᐅᓗᑎᒃ ᐃᓯᒐᒍᑎᒃ ᐃᖅᑲᓇᐃᔭᕐᓗᑎᑦ ᓂᓚᒃᓯᒪᔪᓂ.


ᒪᔾᔭ ᒪᑯᐊ ᖃᐅᔨᒪᑦᑎᐊᕋᓲᐊᕈᑎᒋᓗᒋᑦ ᐊᑐᕈᓐᓇᖅᑕᑎᑦ ᒥᑭᓂᖅᓴᐅᓕᖁᓪᓗᒋᑦ ᖁᒃᓴᓇᕈᑎᔪᑦ ᖁᐋᔭᕿᓂᐅᓴᓂᕐᒧᑦ ᐊᒻᒪᓗ ᓈᑦᑐᖃᑐᐃᓐᓇᕆᐋᖃᕐᓂᕐᒧᑦ:

  • ᐸᕐᓇᒃᐸᒌᕐᓗᑎᑦ ᓯᕗᓂᖓᒍᑦ ᐅᑭᐅᖑᓂᐋᕐᓂᖓᓄᑦ. ᐃᓕᖕᓂᑦ ᐱᕕᖃᒃᑎᒋᐋᒃᑲᓐᓂᕐᓗᑎᑦ ᑎᑭᐅᑎᓇᓱᐋᕐᓂᕐᓂᒃ ᑎᑭᑦᑐᒪᔭᕐᓄᑦ. ᐅᔾᔨᖅᑐᑦᑎᐋᕐᓗᑎᑦ ᓇᒧᖓᓕᕐᒪᖔᖅᐱᑦ ᐊᒻᒪᓗ ᐋᖅᑭᒃᓯᒪᑦᑎᐊᕆᐋᖅᐸᒡᓗᒍ ᐊᓪᓗᖅᑕᑦᑎᐋᕋᓱᐋᖃᑦᑕᕐᓗᑎᑦ.
  • ᑕᐅᑐᑦᑎᐋᕋᓗᐋᖅᐱᑦ ᐅᐸᒐᓱᐋᖅᑕᕐᓃᑦ? ᐊᑐᑦᑎᐋᕋᓱᐋᖅᐸᒡᓗᑎᑦ ᑕᐅᑐᒃᑕᐃᑦ ᑖᓪᓕᖅᑕᐅᓯᒪᑎᑦᑕᐃᓕᒪᓗᒍ ᐊᒡᔭᖅᑕᕐᓄᑦ, ᓴᖑᒋᐋᕐᕕᖃᑦᑎᐋᕋᓱᐋᖃᑦᑕᕐᓗᑎᑦ ᑎᕿᖅᑯᕐᓂ ᓴᖑᒋᐋᕆᐋᖃᕈᕕᑦ ᐊᐳᖅᑕᐅᖁᓇᑎᑦ ᐃᖅᑲᓇᐃᔭᖃᑎᒋᔭᕐᓄᑦ, ᐊᒻᒪᓗ ᐊᑐᖅᐸᒡᓗᑎᑦ ᖃᐅᒻᒪᒃᑕᔫᕐᓂᒃ ᐅᕝᕙᓗᓂᑦ ᓂᐊᖁᕐᒥᒐᕐᓂᒃ ᖃᐅᒪᖁᑎᒥᒃ ᐃᓯᓕᖅᑎᓪᓗᑎᑦ ᖃᐅᒪᖃᖏᑦᑐᒧᑦ.
  • ᒪᑎᑕᒋᐋᕈᑎᖃᒃᐸᒡᓗᑎᑦ ᓇᐅᒃᑯᑦ ᐊᑐᕈᓐᓇᑐᐋᕋᖓᕕᒋᑦ! ᐋᖅᑭᐅᒪᑎᒋᐊᖅᐸᒡᓗᑎᑦ ᒪᑭᑕᑦᑎᐋᖁᓪᓗᑎᑦ ᐊᒡᒐᒃᐱᑦ ᐃᒡᓗᐊ ᐊᑐᖏᓪᓗᓂ, ᐊᒻᒪᓗ ᐊᔭᑉᐸᒃᑐᕐᕕᒃᑕᖃᑐᐋᖅᐸᑦ, ᓇᔪᒻᒥᕕᒋᓗᒍ.


ᐃᑭᐋᕿᕕᖕᒨᓚᐅᕆᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᐃᑭᐊᕿᕕᖓᑕ ᒪᒃᐱᒐᖓᓄᑦ ᖃᐅᔨᒃᑲᓐᓂᖁᓪᓗᑎᑦ ᑕᒪᒃᑯᓂᖓ ᖁᐋᔭᕿᓐᓂᕐᒥᑦ, ᓈᓐᓂᕐᒥᑦ, ᐊᒻᒪᓗ ᐃᔪᒃᑲᕐᓂᕐᒥᑦ ᐊᑐᖅᑕᐅᓕᒪᔪᓐᓇᕐᓂᐅᔪᓂᒃ.

ᐅᓗᕆᐋᓇᖅᑐᓂᑦ ᖃᐅᔨᑎᑦᑎᔾᔪᑎ – ᖁᕝᕙᓯᒃᑐᑦ ᐊᐳᑏᑦ ᐊᒻᒪᓗ ᓂᓚᐃᑦ


ᓂᒡᓚᓱᖕᓂᖅᐹᕆᔭᐅᔪᑦ ᐅᑭᐅᑉ ᑕᖅᑭᖏᑦ ᓱᒃᑲᐃᒃᑲᓗᐋᖅᖢᑎᒃ ᐊᓂᒍᖅᐸᓪᓕᐋᓕᕐᒪᑕ. ᑕᒪᒃᑯᐊ ᐅᓪᓗᑯᑖᖑᓕᖅᐸᓪᓕᐋᓂᑦ ᐊᒻᒪᓗ ᐅᖅᑰᓯᕙᓪᓕᐋᓂᑦ ᐱᕚᓪᓕᕈᑎᖃᕋᓗᐋᖅᑎᓪᓗᒋᑦ, ᐊᓯᕈᓂᖏᑦ ᖃᓄᐃᓕᖓᓂᐅᔪᑦ ᓴᖅᑭᑎᑦᑎᑐᐃᓐᓇᕆᐋᖃᕐᒪᑕ ᓄᑕᓂᒃ ᐃᖅᑲᓇᐃᔭᕐᕕᖕᒥ ᐅᓗᕆᐋᓇᕈᑎᔪᓐᓇᖅᑐᓂᒃ. ᖁᕝᕙᓯᒃᑐᑦ ᓄᐋᓯᒪᓂᖏᓐᓄᑦ ᓂᓚᐃᑦ ᐊᒻᒪᓗ ᐊᐳᑎᑦ ᐃᓚᒋᔭᐅᖕᒪᑕ ᖃᐅᔨᒪᔪᑎᒃᓴᐅᔪᓄᑦ.


ᐅᑭᐅᖑᑎᓪᓗᒍ, ᐊᐳᑎ ᓄᐋᓯᒪᑎᓪᓗᒍ ᖄᖓᓂ ᓲᕐᓗ ᒪᑯᓇᓂ ᐃᒡᓘᑉ ᖄᖓᓂ, ᐃᒐᓛᑦ ᐊᕙᓗᖏᓐᓂ, ᐅᕝᕙᓗᓂᑦ ᐃᖓᓛᖃᕐᕕᒋᔭᖏᓐᓂ. ᓂᒡᓚᓱᒍᓐᓃᖅᐸᓪᓕᐋᑎᓪᓗᒍ, ᖃᓄᐃᓕᖓᓂᐅᔪᑦ ᐋᖅᑭᒍᑎᕙᓪᓕᐋᓕᓲᖑᒻᒪᑕ ᖁᕝᕙᓯᒃᑐᑦ ᐊᐳᑎᑦ ᐊᒻᒪᓗ ᓂᓚᐃᑦ ᐊᐅᓚᔾᔭᖕᓂᐅᓴᓕᖅᖢᑎᒃ, ᐱᐋᕐᕆᓗᑎᒃ, ᑲᑕᒡᓗᑎᒡᓗ ᓄᓇᒧᑦ.


ᐊᖏᔫᑎᑦ ᑯᕝᕙᓯᒃᑐᑦ ᓄᐋᓯᒪᔪᑦ ᐊᒃᓱᐋᓗᖅᑎᑦᑎᔪᓐᓇᕐᒪᑕ ᐋᓐᓂᖅᑐᖃᕐᔪᐋᖅᑎᑦᑎᓗᑎᒃ ᐊᒡᓛᓪᓗᓂᑦ ᑐᖁᔪᖃᕈᓐᓇᕐᒪᑦ ᐲᖅᑐᖃᕐᓂᖅᐸᑦ ᐊᒻᒪᓗ ᑲᑕᒡᕕᐅᔪᖃᕐᓂᖅᐸᑦ ᐃᓄᖕᒥᑦ. ᒥᑭᓂᖅᓴᐅᓕᖁᓪᓗᒋᑦ ᖁᒃᓴᓇᕈᑎᔪᓐᓇᖅᑐᑦ ᐋᓐᓂᖅᑐᖃᑐᐃᓐᓇᕆᐊᖃᕐᓂᖓᓄᑦ, ᖃᐅᔨᓴᖃᑦᑕᐃᓇᕆᑦ ᐃᖅᑲᓇᐃᔭᕐᕕᒋᔭᕐᓂ ᖃᐅᔨᓇᓱᐋᑦᑎᐊᕐᓗᑎᑦ ᓇᓗᓇᐃᑕᐅᖁᓪᓗᒋᑦ ᐅᓗᕆᐊᓇᕈᓐᓇᖅᑐᑦ, ᐊᒻᒪᓗ ᐲᔭᖅᐸᒡᓗᒋᑦ ᐊᐳᑏᑦ ᐅᕝᕙᓗᓂᑦ ᓂᓚᐃᑦ ᐊᖏᒡᓕᓯᒪᔪᑦ ᓯᕗᓂᖓᒍᑦ ᐅᓗᕆᐋᓇᖅᑐᒦᓕᖅᑎᑦᑎᓚᐅᖏᓐᓂᖏᓐᓂ. ᐃᖅᑲᐅᒪᒋᑦ ᑕᐃᒃᑯᐊ ᐃᖅᑲᓇᐃᔭᖅᑎᑦ ᒪᔪᕐᓂᐋᖅᑐᑦ ᐃᒡᓘᑉ ᖄᖓᓄᑦ ᐱᔭᐃᔭᖅᑐᕐᓗᑎᒃ ᐊᐳᑎᒥᒃ ᐅᕝᕙᓗᓂᑦ ᓂᓚᖕᒥᑦ ᐊᑐᕆᐋᖄᕐᒪᑕ ᓇᒻᒪᒃᑐᓂᒃ ᐃᔪᒃᑲᕆᐋᕐᓂᖅᐸᑕ ᐃᔪᒃᑲᔾᔭᐃᒃᑯᑎᓂᒃ ᐊᒻᒪᓗ ᓇᖕᒥᓂᕐᒧᑦ ᓴᐳᒻᒥᔾᔪᑎᓂᒃ.


ᐃᑭᐋᕿᕕᖓᓅᓚᐅᕆᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐃᑭᐋᕿᕕᖓᓂᑦ ᖃᐅᔨᒃᑲᓐᓂᖁᓪᓗᑎᑦ ᒪᒃᑯᓂᖓ ᖃᕝᕙᓯᒃᑐᑦ ᐅᓗᕆᐋᓇᖅᑐᑦ ᐊᒻᒪᓗ ᐃᔪᒃᑲᔾᔭᐃᒃᑯᑎᓂᒃ.

ᐊᐅᔭᒃᑯᑦ ᐃᓕᓐᓂᐊᖅᑎᓂᒃ ᐃᖅᑲᓇᐃᔭᖅᑎᑦᑎᓂᐊᕐᐱ?

ᐸᕐᓇᒃᐸᓪᓕᐋᓕᕆᑦ ᐅᔪᕈᓐᓂᖅᓴᑎᑕᐅᓂᕐᒧᑦ!

ᐊᐅᔭᖅ ᓱᓕ ᖃᔅᓯᑲᓪᓚᖕᓂ ᑕᖅᑭᓂ ᑎᑭᖏᓱᖓᕐᒪᑦ, ᑭᓯᐊᓂ ᐃᓱᒪᔪᒃᓴᐅᓕᕇᕋᕕᑦ ᐃᖅᑲᓇᐃᔭᖅᑎᑦᑎᒐᔭᕆᐋᒃᓴᖅ ᒪᒃᑯᒃᑐᓂᒃ ᐃᖅᑲᓇᐃᔭᖅᑎᒃᓴᓂᒃ ᐃᑲᔪᖅᑕᐅᔪᒪᓗᓯ ᐊᐅᔭᐅᓂᖓᓂ ᐃᓕᓐᓂᐋᙱᑲᐃᓇᕐᓂᖏᓐᓂ. ᑕᐃᒪᓐᓇᐅᒍᑦᓯᓕ, ᐸᕐᓇᒋᐋᖃᓕᖅᑐᓯ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐅᓕᒪᓂᕐᒧᑦ ᐊᔪᕈᓐᓃᖅᓴᑎᑦᑎᓂᕐᒥᒃ ᐊᔪᕈᓐᓃᖅᓴᔾᔪᑕᐅᒐᔭᖅᑐᓂᒃ. 


ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑭᖃᖏᑦᑐᓂᒃ ᒪᒃᑯᒃᑐᑦ ᐃᖅᑲᓇᐃᔭᖅᑎᓄᑦ ᐱᓕᕆᒋᐋᕈᑎᒃᓴᓂᒃ ᐊᔪᕐᓇᖏᓐᓂᖅᓴᐅᓕᖁᓪᓗᒍ ᐊᐅᔭᐅᑎᓂᖓᓂ ᐃᓕᓐᓂᐋᖅᑎᑦ ᐊᑦᑕᓐᓇᖅᑕᐅᓕᒪᓂᕐᒧᑦ ᐊᔪᕈᓐᓂᖅᓴᑎᑕᐅᓂᖏᓐᓂᑦ ᐱᒡᒐᓇᖏᓐᓂᖅᓴᐅᓕᖅᑎᑕᐅᔾᔪᑎᒋᒐᔭᖅᑕᖏᓐᓂᑦ! 


  • ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ ᓇᓗᓇᐃᒃᑯᑕᕐᒥ ᐃᓕᓐᓂᐊᕐᓂᖅ: ᐊᑭᖃᖏᑦᑐᖅ ᖃᕋᑕᐅᔭᒃᑯᑦ ᐊᔪᕈᓐᓃᖅᓴᑎᑦᑎᓂᕐᒧᑦ ᐃᓕᓐᓂᐊᕋᒃᓴᖅ ᐱᔭᐅᑎᑦᑎᔪᓐᓇᖅᑐᖅ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ ᑕᒪᐃᑎᒍ ᐃᖅᑲᓇᐃᔭᕐᕕᐅᔪᒥ ᐊᑦᑕᕐᓇᖅᑕᐅᓕᒪᓂᕐᒧᑦ ᖃᐅᔨᒪᓂᐅᔪᓂᒃ. ᑕᒪᓐᓇᓗ 2−ᓂᒃ ᐃᖃᕐᕌᖕᓂᒃ ᐊᑯᓂᐅᓂᖃᒃᖢᓂ, ᐊᒻᒪᓗ ᒪᒃᑯᒃᑐᑦ ᐃᖅᑲᓇᐃᔭᖅᑏᑦ ᐱᒐᔭᖅᖢᑎᒃ ᓇᓗᓇᐃᑯᑕᖅᑖᕐᓗᑎᒃ ᐱᔭᕇᖅᓯᑐᐋᖅᐸᑕ ᐃᓕᓐᓂᐊᕋᒃᓴᐅᑎᑕᐅᔪᒥᒃ. ᐃᖅᑲᐅᒪᒋᑦ ᑕᒪᓐᓇ ᐃᓕᓐᓂᐋᖅᑎᑦᑎᔾᔪᑎᖓ ᐃᓇᖏᖅᓯᖏᒻᒪᑦ ᓇᔪᕐᓗᒍ ᑐᕌᖓᔪᓂᒃ ᐊᑦᑕᕐᓇᖅᑕᐅᓕᒪᓂᕐᒧᑦ ᐊᔪᕈᓐᓂᖅᓴᑎᑦᑎᓂᕐᒥᒃ.
  • ᒪᒃᑯᒃᑐᑦ ᐃᖅᑲᓇᐃᔭᖅᑏᑦ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ: ᐊᑐᓂ ᒪᒃᑯᒃᑐᓅᖓᔪᓂᒃ−ᐱᓕᕆᔾᔪᑕᐅᓗᐊᑕᖁᓪᓗᒍ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ ᓴᕿᑦᑎᔾᔪᑎᒋᔭᐅᖕᒪᑦ ᐊᔾᔨᒌᖏᑦᑐᓂᒃ ᐅᖃᓚᐅᑎᒋᔭᐅᔪᓂᒃ, ᓲᕐᓗ ᒪᑯᓂᖓ ᐊᐅᓚᔾᔪᑎᓕᖕᓂᑦ ᓴᓇᕐᕈᑎᓂ ᐊᑦᑕᓈᖅᑭᑕᐅᓕᒪᓂᕐᒧᑦ, ᐃᔭᕈᒃᑐᖃᖁᓇᒍ, ᐅᕝᕙᓗᓂᑦ ᐱᓕᕆᐋᖃᒃᑎᓪᓗᒋᑦ ᐊᒻᒪᓗ ᑭᕕᒃᓯᓇᓱᐋᖅᑎᓪᓗᒋᑦ. ᐊᑐᓂ ᐅᖃᓚᐅᑎᒋᔭᐅᔪᓂ, ᐱᑕᖃᕐᒪᑦ ᐱᔭᐅᑎᑕᐅᖃᓯᐅᑎᔪᓂᒃ ᐃᓕᓐᓂᐋᖅᑎᑦᑎᔨᒧᑦ ᒪᓕᒃᑕᐅᑎᑦᑎᔾᔪᑎᓂᒃ ᐃᑲᔪᕈᑎᒋᔭᐅᔪᓂᒃ ᐃᖅᑲᓇᐃᔭᖅᑎᑦᑎᔪᒧᑦ ᐊᒻᒪᓗ ᐊᔪᕈᓐᓃᖅᓴᑎᑦᑎᔪᒧᑦ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᕐᒧᑦ.
  • ᒪᒃᑯᒃᑐᓄᑦ ᐊᒻᒪᓗ ᐃᖅᑲᓇᐃᔭᓕᕋᑖᖅᑐᓄᑦ ᐃᖅᑲᓇᐃᔭᖅᑎᑦ ᐊᑦᑕᕐᓇᖅᑕᐃᓕᒪᓂᕐᒥᒃ ᖃᐅᔨᒪᓂᖅᓴᐅᓕᖅᑎᑕᐅᔾᔪᑎᖏᑦ ᐊᔪᕆᒃᓯᐅᔾᔨᓯᒪᔪᑦ: ᑕᒪᓐᓇ ᐊᑑᑎᖃᑦᑎᐋᖅᑐᒪᕆᐋᓗᖕᒪᑦ ᐱᓕᕆᔾᔪᑎ ᑭᓇᑐᐃᓐᓇᕐᒧᑦ ᐊᔪᕈᓐᓃᖅᓴᑎᑕᐅᔪᓄᑦ ᐊᐅᔭᒃᑯᑦ ᐃᓕᓐᓂᐊᖅᑎᓂᑦ, ᐃᑲᔪᕐᓂᖓᓄᑦ ᐋᖅᑭᒃᓱᐃᔾᔪᑎᒋᔭᐅᓂᖓ ᓄᑖᒥᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᔪᕈᓐᓃᖅᓴᑎᑦᑎᓂᕐᒧᑦ ᐃᓕᓐᓂᐊᕋᒃᓴᖅ ᐅᕝᕙᓗᓂᑦ ᖃᐅᔨᓴᕐᓗᒍ ᒫᓐᓇ ᐊᑐᖅᑕᐃᑦ. 


ᐃᖅᑲᐅᒪᒋᑦ, ᐃᖅᑲᓇᐃᔭᖅᑎᑦᑎᔪᑦ ᒪᓕᒐᖅᑎᒍ ᐱᓕᕆᔭᕆᐋᖃᒃᑎᑕᐅᖕᒪᑕ ᐱᔭᐅᑎᑦᑎᔭᕆᐋᖃᕐᓗᑎᒃ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᔪᕈᓐᓃᖅᓴᑎᑦᑎᓂᕐᒥᒃ ᐃᖅᑲᓇᐃᔭᓕᕋᑖᖅᑐᓄᑦ ᐃᖅᑲᓇᐃᔭᖅᑎᓄᑦ. ᐊᐅᔭᒃᑯᑦ ᐃᓕᓐᓂᐋᖅᑎᑦ ᐱᖃᓯᐅᑎᔭᐅᖃᑕᐅᖕᒪᑕ ᑕᔅᓱᒧᖓ ᒪᓕᒃᑕᐅᔭᕆᐋᔨᖕᒧᑦ. ᐊᑐᑦᑎᐋᕋᓱᐋᕆᑦ ᐱᔭᐅᑎᑦᑎᓚᕆᒐᓱᐋᕐᓗᑎᑦ ᐱᔭᐅᔭᕆᐋᓕᖕᓂᒃ ᐊᔪᕈᓐᓃᖅᓴᑎᑦᑎᔾᔪᑎᓂᒃ ᐊᑐᓚᕆᖁᓪᓗᒋᑦ ᐃᖅᑲᓇᐃᔭᕐᓂᖏᓐᓂ ᐊᑦᑕᕐᓇᖏᓪᓗᑎᒃ ᐊᐅᔭᒥ ᐃᖅᑲᓇᐃᔭᖅᑎᓪᓗᒋᑦ. ᓄᖅᑲᖓᔾᔪᑎᖃᒃᑕᐃᓕᒋᑦ ᐅᖃᕐᕕᒋᓂᐋᕐᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕐᓂᕈᕕᑦ ᑐᕌᖓᔪᓂᒃ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ.

Safe Workplace ᐱᓕᕆᐊᒃᓴᐅᔪᒥᒃ 

ᐃᒪᓐᓇᐃᑦᑑᕖᑦ Safe Workplace? 

ᖃᐅᔨᒋᐋᓚᐅᕈᒃ ᐃᕝᕕᑦ Safe Workplace ᖃᐅᔨᓴᐅᑎᖃᕕᖓᓅᕐᓗᑎᑦ ᖃᐅᔨᖁᓪᓗᑎᑦ!


ᑕᐃᒪᓕ ᐊᑎᓕᐅᖅᓯᒪᑐᐋᕈᕕᑦ ᐃᖅᑲᓇᐃᔭᖅᑎᑦᑎᔨᐅᓗᑎᑦ ᐅᑯᓇᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ, ᒫᓐᓇᕋᑖᖑᓚᐅᖅᑐᖅ ᑐᓂᓚᐅᕐᓂᕈᕕᒋᑦ ᐊᕐᕌᒍᑕᒪᑦ ᑮᓇᐅᔭᖅᑖᖅᑎᑦᑎᔾᔪᑎᒋᖃᑦᑕᖅᓯᒪᔭᑎᑦ ᐅᓂᒃᑳᖅᓯᒪᔪᑦ ᐊᒻᒪᓗ ᐃᖅᑲᓇᐃᔮᒥ ᐋᓐᓂᐊᖃᑦᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ (OHS) ᑭᐅᔭᐅᖃᑦᑕᕆᐋᓕᖕᓂᑦ. ᐃᖅᑲᓇᐃᔮᒥ ᐋᓐᓂᐊᖃᑦᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᑭᐅᔭᐅᖃᑦᑕᕆᐋᓕᒃ ᐃᑲᔪᕐᓂᖃᕐᒪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓱᒪᓕᐅᕈᑎᒋᖁᓪᓗᒍ ᐃᕝᕕᒃ Safe Workplace ᐃᓕᓐᓂᐊᖅᑎᑦᑎᔾᔪᑎᖓᑕ ᖃᓄᐃᓕᖓᓂᖏᓂ.


ᖃᐅᔨᓇᓱᓚᐅᒃᑭ ᐃᕝᕕᒃ Safe Workplace ᐃᓕᓐᓂᐊᖅᑎᑦᑎᔾᔪᑎᑦ ᖃᓄᐃᓕᖓᖕᒪᖔᑕ, ᖃᐅᔨᒃᑲᓐᓂᖁᓪᓗᑎᑦ ᐃᕝᕕᑦ ᐃᖅᑲᓇᐃᔮᒥ ᐋᓐᓂᐊᖃᑦᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᒪᓕᒐᓕᐋᖑᓯᒪᔪᓂᒃ ᐱᓯᒪᔭᐅᖁᔭᐅᔪᓂᒃ, ᐊᒻᒪᓗ ᖃᕋᑕᐅᔭᒨᖃᓪᓗᒋᑦ ᐃᕝᕕᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᕐᕕᖕᒥ ᓇᓗᓇᐃᑯᑕᖅᑖᕆᓯᒪᔭᐃᑦ ᐊᒻᒪᓗ ᖃᕋᑕᐅᔭᒃᑯᑦ ᑕᖅᓴᖁᑎᑖᕆᔭᐅᑎᑕᐅᓯᒪᔪᖅ ᐃᕝᕕᒃ ᐃᑭᐊᕿᕕᖓᓅᕐᓗᑎᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᕐᕕᖕᓂ ᖃᐅᔨᓴᐆᑎᖃᕐᕕᖓᓂ.


ᑕᐃᒪᓕ ᒫᓐᓇᐅᔪᖅ ᐱᓯᒪᖏᒃᑭᕕᑦ ᓇᓗᓇᐃᑯᑕᕐᒥ ᐃᓕᓐᓂᐊᕋᒃᓴᒧᑦ, ᐃᓱᒫᓗᒃᑕᐃᓕᒋᑦ! ᐊᖑᒪᑎᓕᖅᑎᒋᐋᕈᓐᓇᕋᕕᐅᒃ ᐃᖅᑲᓇᐃᔮᒥ ᐋᓐᓂᐊᖃᑦᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᑭᐅᔭᐅᖃᑦᑕᕆᐊᓕᒃ ᐱᕙᓪᓕᐋᑎᓪᓗᑎᑦ ᐃᕝᕕᑦ ᓴᓇᕕᖁᑎᖓᓂ ᐊᑦᑕᕐᓇᖅᑕᐅᓕᒪᓂᕐᒧᑦ ᐃᓕᓐᓂᐊᕈᑎᒥ. ᐅᖃᕐᕕᒋᓚᐅᖅᑎᒍᑦ ᐊᒻᒪᓗ ᐃᓕᖕᓂᑦ ᑲᓱᖃᑎᖃᒃᑎᑦᑎᔪᓐᓇᕐᓂᐋᕋᑦᑕ ᐱᓕᕆᒋᐋᕈᑎᒃᓴᖅᑖᕐᕕᖕᒥᑦ ᐱᔭᕆᐋᖃᒃᑕᕐᓂᑦ ᐱᓯᒪᓕᖁᓪᓗᑎᑦ Safe Workplace ᖃᓄᐃᓕᖓᓂᖓᓂ.


ᑕᒫᓃᑦᑐᒍ ᐃᑲᔪᕈᒪᓪᓗᑕ: ᑕᐃᒪᓕ ᖃᓄᑐᐃᓐᓇᖅ ᐊᐱᖅᑯᑎᒃᓴᖃᑐᐋᕈᕕᑦ ᑕᒪᑐᒥᖓ Safe Workplace ᐃᓕᓐᓂᐊᕈᑎᒥᒃ ᐅᕝᕙᓗᓂᑦ ᐃᑲᔪᖅᑕᐅᔭᕆᐋᖃᕈᕕᑦ ᐃᕝᕕᑦ ᖃᐅᔨᓴᐅᑎᖃᕐᕕᖓᓂ, ᐅᖃᕐᕕᒋᓚᐅᒃᑭᑦ Safe Workplace ᐱᓕᕆᖃᑎᒋᒃᑐᑦ: SafeWorkplace@wscc.nt.ca, safeworkplace@wscc.nu.ca, ᐅᕝᕙᓘᓐᓃᑦ 1 833-315-2057.

ᒪᒃᑯᒃᑐᓄᑦ ᑕᕐᕆᔭᓕᐊᒃᓴᒧᑦ ᓵᓚᒃᓴᕋᓲᑎᒃ 2023

ᖃᐅᔨᒪᔭᖃᖅᐲᑦ ᒪᒃᑯᒃᑐᒦᒃ ᐃᓄᖕᒥᑦ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐅᓕᒪᓂᕐᒥᒃ ᐱᕕᒡᔪᐋᕈᑎᖃᒃᑐᒦᒃ? ᐃᓚᐅᖁᓗᒋᑦ ᐱᓇᓱᐋᖃᑕᐅᖁᓗᒋᑦ 2023 ᐅᖃᓕᒫᒐᓕᐊᖑᓯᒪᓂᖓᓂ ᐅᑯᓇᙵᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂᑦ ᒪᒃᑯᒃᑐᓂᑦ ᑕᕐᕆᔮᒃᓴᓕᐅᕐᓂᕐᒧᑦ ᓵᓚᒃᓴᐅᓯᐋᕋᓱᐋᓗᑎᒃ!


ᓵᓚᒃᓴᐅᓯᐋᕋᓱᐋᕐᓂᖅ ᒪᑐᐃᖓᓂᐋᕐᒪᑦ ᒪᒃᑯᒃᑐᓄᑦ ᐅᑭᐅᓕᖕᓄᑦ 14-19−ᓂᒃ ᓄᓇᑦᓯᐋᕐᒥᑦ ᐊᒻᒪᓗ ᓄᓇᕗᕐᒥᑦ (ᐊᑭᓕᖅᑕᐅᓯᒪᓗᓂ ᐃᓕᓐᓂᐊᕐᕕᖓᓂᑦ ᐅᕝᕙᓗᓂᑦ ᒪᒃᑯᒃᑐᑦ ᐃᖅᑲᓇᐃᔭᕐᕕᖓᓂᑦ). ᐱᕕᖃᒃᑎᑕᐅᔪᑦ ᑎᑭᓐᓇᓱᐋᕐᓂᖓᓂ ᒫᑦᓯ 31, 2023 ᑐᓂᓯᔪᓐᓇᖅᑎᑕᐅᓪᓗᑎᒃ ᑖᒃᑯᐊ ᑐᖔᓂ 2 ᒪᓇᑦᓰᒃ ᑕᕐᕆᔮᒃᓴᓕᐊᖑᓯᒪᔪᒥᒃ ᐊᑦᑕᓇᖅᑐᖃᖏᓐᓂᕐᒨᖓᓗᓂ ᐃᖅᑲᓇᐃᔭᕐᓗᓂ. ᓯᕗᓪᓕᖅᐹᖑᓗᓂ−ᐃᓂᖃᒃᑐᑦ ᐃᓕᒌᑦ ᐱᑎᑕᐅᓂᐋᖅᑐᑦ ᑮᓇᐅᔭᓂᒃ $1,000−ᓂᒃ, ᐊᒻᒪᓗ ᐊᑭᓖᓯᒪᔪᖅ ᐃᓕᓐᓂᐋᕐᕕᒃ ᐅᕝᕙᓗᓂᑦ ᐃᖅᑲᓇᐃᔭᕐᕕᖁᑎ ᐱᑎᑕᐅᒐᔭᕐᒥᔪᖅᑕᐅᖅ ᑮᓇᐅᔭᓂᒃ $1,000−ᓂᒃ. ᓄᓇᓕᖃᕐᕕᐅᔪᒥ ᓵᓚᒃᓴᖃᑕᐅᔪᑦ ᐱᒋᐋᕈᓐᓇᖅᓯᑎᑕᐅᒐᔭᕐᒪᑕ ᑲᓇᑕᒥ ᐊᑭᑦᑐᕋᐅᑎᓂᕐᒧᑦ ᐱᓇᓱᒐᒃᑕᐅᑎᑕᐅᔪᒥᑦ ᐅᑯᓇᙵᑦ ᑲᓇᑕᒥ ᑐᑦᑕᕐᕕᒃ ᐃᖅᑲᓇᐃᔮᒧᑦ ᐋᓐᓂᐊᖃᑦᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ (CCOHS) ᐱᕕᖃᓕᖁᓪᓗᑎᑦ ᒪᕐᕈᐃᖅᓲᑎᓪᓗᐊᖏᓐᓂᒃ ᓵᓚᒃᓴᐅᓯᐋᕈᓐᓇᖅᓯᖁᕕᒋᒐᔭᖅᑕᖏᓐᓂᑦ! 


ᐃᑭᐋᕿᕕᖕᒧᕐᓗᑎᑦ ᓵᓚᒃᓴᐅᓯᐋᕋᓱᐋᕐᓂᕐᒧᑦ ᐃᑭᐊᕿᕕᐅᑉ ᒪᒃᐱᒐᖓ ᑐᓴᕆᐊᒃᑲᓐᓂᖁᓪᓗᑎᑦ! 

ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ, 5022 49th ᐊᖅᑯᑎ, ᑕᓪᓕᒪᖓᓐᓂ ᓇᑎᖓᓂ, ᕿᑎᐊᓂ ᑭᑉᐹᕆᒃᑐᖅ ᐃᒡᓗᐊᓗᒃ, ᑎᑎᖅᑲᕐᓂᐊᕐᕕᖓ 8888, ᔭᓗᓇᐃᕝ, ᓄᓇᑦᓯᐊᖅ X1A 2R3 ᑲᓇᑕ