Vandredi 2 Desanm 2022
Gayan Konkou Kat Souwè Sipèentandan An

Pou setyèm ane afile, yo te ankouraje elèv atis yo pou patisipe nan Konkou Kat Souwè Sipèentandan an pou montre talan ak kreyativite yo. Avèk konsèy epi sipò pwofesè atistik yo, elèv nan tout distri a te soumèt travay yo. Yo te chwazi twa gayan, yon elèv nan chak nivo: elemantè, mwayen ak segondè.
 
GAYAN LEKÒL ELEMANTÈ
• Camille Zambrano – Klas 5yèm, Palm Beach Public
Pwofesè Atizay: Jennifer Petti
 
GAYAN LEKÒL MWAYEN
 • Zarah Lee – Klas 7yèm, Lekòl Mwayen Crestwood
Pwofesè Atizay: Patricia Duebber

GAYAN LEKÒL SEGONDÈ
• Abigail Lopez – Klas 9yèm, Lekòl Segondè John I. Leonard
Pwofesè Art: Natasha Van der Kamp
Barbieri ak Brill reeli Prezidan, Vis-Prezidan
Komite Direksyon Distri Lekòl Rejyon Palm Beach la reeli Frank A. Barbieri, Jr., Esq. kòm Prezidan ak Karen Brill kòm Vis Prezidan.

Vòt la te fèt mèkredi 30 novanm 2022 pandan reyinyon Komite Direksyon Distri a. Klike la a pou w li plis.
Remèsye Yon Pwofesè
Jessica Gally se pwofesè ki genyen pri 'Remèsye Yon Pwofesè Pou Semèn Nan'. Li se yon pwofesè nan Lekòl Segondè Park Vista. Inisyativ sa a rekonèt chak semèn yon pwofesè ke elèv, paran, ak estaf anplwaye nonmen pou devouman yo, pwofesyonalis yo, ak jan yo genyen enpak pozitif sou elèv. Klike la a pou gade videyo a. 
Depatman Edikasyon Miltikiltirèl Akeyi Fanmi Ayisyen Ki Soti Amerik di Sid
Resamman, anpil fanmi ayisyen vin nan Distri Lekòl Rejyon Palm Beach ak yon lang epi yon referans edikasyon ki diferan de kilti tradisyonèl ayisyen an. Yo se nouvo imigran ki soti nan Amerik di Sid, espesyalman Chili ak Brezil. Klike la a pou w li plis.
Soti Nan Klas Rive Nan Yon Chanm Lopital, Elèv PBCSD Yo Ap Jwenn Eksperyans Pratik Pandan Y Ap Prepare Pou Yon Karyè Nan Domèn Medikal

Elèv nan Lekòl Segondè West Boca Raton ap jwenn eksperyans pratik nan pwogram Syans Medikal yo. Anndan sal ijans West Boca Medical Center, se jis yon lòt jou lekòl segondè pou etidyan akademi medikal yo. Se yon pati nan travay klas yo, men elèv yo di yo pa kapab tann chak jou pou ale fè eksperyans sa a.

Suiv @PBCSDKreyol sou Facebook, Twitter, ak Instagram pou jwenn mizajou
nouvèl nan lang Kreyòl Ayisyen.