|
ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ | ᖁᐊᔭᕿᓐᓃᑦ, ᓈᓐᓂᑦ, ᐊᒻᒪᓗ ᐅᕐᕈᓚᕿᓃᑦ |
|
|
|
ᖃᐅᔨᒪᕖᑦ ᑕᐃᑦᓱᒪᓂ ᐊᑯᓐᓂᖏᓐᓂ 2017 ᐊᒻᒪᓗ 2021, ᐋᓐᓂᕈᑕᐅᕙᓚᐅᕐᒪᑕ ᖁᐋᔭᕿᓐᓃᑦ, ᓈᓐᓂᑦ, ᐊᒻᒪᓗ ᐅᕐᕈᓚᕿᓃᑦ ᑕᐃᒪᓐᓇᐃᓕᑎᑕᐅᔪᑦ ᐅᖓᑖᓂᓚᐅᕐᒪᑕ 20% ᐳᓴᓐᑎᑦ ᐊᑭᓕᖅᑕᐅᔭᕆᐊᓕᑦ ᐱᔭᐅᓪᓗᑎᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂᑦ (WSCC)? ᐃᑐᓴᒪᒋᓲᕆᒐᑦᑎᒍ ᖃᙳᑦᑎᓐᓇᕐᓂᖓ ᐹᓪᓚᖕᓂᐅᑉ ᓈᓪᓗᓂ ᐊᒻᒪᓗ ᖁᐋᔭᕿᓪᓗᓂ. ᑕᐃᒪᐃᒃᑲᓗᐋᖅᑎᓪᓗᒍ, ᐃᖅᑲᐅᒪᔭᕆᐋᖃᒃᑐᒍᑦ ᖁᐋᔭᕿᓐᓂᕐᒧᑦ, ᓈᓐᓂᕐᒧᑦ, ᐊᒻᒪᓗ ᐅᕐᕈᓚᕿᓃᑦ ᐳᓪᓕᓕᖅᑎᑦᑎᓲᖑᒪᑕ, ᑎᒡᓘᔭᓕᖅᑎᑦᑎᓪᓗᑎᒃ, ᐊᒻᒪᓗ ᐊᒃᓱᐋᓗᖅᑐᒥᒃ ᐋᓐᓂᐊᓕᖅᑎᑦᑎᓪᓗᑎᒃ. ᐱᐅᙱᓛᑦ ᐋᓐᓂᕈᑕᐅᔪᑦ, ᐱᓂᕐᓗᖕᓂᕐᒧᑦ ᐊᒃᓱᐋᓗᓕᖅᑎᑦᑎᔪᓐᓇᕐᒪᑕ ᐋᓐᓂᖅᑐᓂᑦ.
ᖁᐋᔭᕿᓐᓂᖅ ᐊᑐᓲᖑᖕᒪᑦ ᐃᓯᒐᒃᑎᑦ ᑐᖕᒪᑦᑎᐊᕈᓐᓃᕌᖓᑕ ᐱᓱᒡᕕᒋᔭᕐᓂ. ᓈᓐᓃᑦ ᐊᑐᓱᖑᒪᑕ ᒪᑭᑕᑦᑎᐊᕈᓐᓇᐃᓕᑎᑕᐅᔭᕌᖓᕕᑦ ᐃᓯᒐᒃᑎᑦ ᐅᕝᕙᓘᓐᓃᑦ ᑎᒦᑦ ᐊᐳᐴᑎᑎᓪᓗᒍ ᑭᓱᑐᐃᓐᓇᕐᒧᑦ. ᑕᒪᒃᑭᖏᓐᓂ ᐱᕐᕈᐋᕿᓂᐅᔫᖕᓂ, ᐋᓐᓂᕐᓂᖅ ᐱᕕᒡᔪᐋᓕᖅᑎᑦᑎᔪᓐᓇᕐᒪᑦ ᐊᒻᒪᓗ ᐊᑯᓂᐋᓗᒃ ᖃᓄᐄᑦᑐᓐᓃᕋᓱᒋᐊᖃᓕᕐᓗᓂ.
ᐊᒡᓛᓪᓗᓂᑦ ᑕᒪᒃᑯᐊ ᖁᐋᔭᕿᓐᓃᑦ, ᓈᓐᓂᑦ ᐊᒻᒪᓗ ᐅᕐᕈᓚᕿᓃᑦ ᐊᑐᓲᖑᒐᓗᐋᖅᑎᓪᓗᒋᑦ ᐅᑭᐅᖑᑎᓪᓗᒍ, ᐃᒡᓗᑉ ᐃᓗᐊᓂ ᐊᑐᖏᑎᑦᑎᔪᓐᓇᖏᒻᒪᑕ ᑕᒪᒃᑯᓂᖓ ᐱᓂᕐᓗᖕᓂᐅᔪᓂᒃ:
- ᖃᐅᓯᖅᑐᑦ ᐃᒪᓐᓇᐃᓕᑎᑦᑎᔪᓐᓇᕐᒪᑕ ᐱᓱᒡᕕᐅᔪᖅ ᖁᐋᓴᐅᓕᕐᓗᓂ. (ᑐᑭᓕᐅᑎᓗᒍ ᐊᐅᒃᐸᓪᓕᐋᑎᓪᓗᒍ ᐊᐳᑎ, ᑯᕕᓂᑯ ᑰᐱᑐᖅᑕᐅᔪᒦᖓᖅᑐᑦ, ᐊᓯᒃᑲᓐᓂᖏᓪᓗ)
- ᐊᑦᑐᖏᖅᓯᒪᑎᓐᓇᒋᑦ ᓇᑎᕋᐃᑦ ᐅᕝᕙᓘᓐᓃᑦ ᐊᓗᕐᓘᔭᐅᑎᑦ, ᐃᓚᒋᔭᐅᓪᓗᑎᒃ ᒪᓂᕋᖏᑦᑐᑦ ᐱᓱᒡᕕᐅᓲᑦ, ᓈᑦᑎᑦᑎᓲᖑᒻᒪᑕ.
- ᓴᓂᕈᓗᔮᓗᑎᓪᓗᒋᑦ ᓇᑎᑦ, ᐅᓕᒃᓯᒪᖏᑦᑐᑦ ᑲᐃᕗᑦ ᐅᐋᔭᑯᑕᑦ, ᐊᒻᒪᓗ ᐊᒧᓯᒪᑎᓪᓗᒋᑦ ᐊᓪᓕᖅᐹᑦ ᐊᒧᔭᖅᑐᑦ ᓈᔾᔪᑕᐅᓪᓗᐊᑕᓲᖓᖕᒪᑕ.
ᐅᔾᔨᖅᑐᑦᑎᐋᕆᑦ ᑕᒪᒃᑯᓂᖓ ᐅᓗᕆᐊᓇᖅᑎᑦᑎᔪᓂᑦ ᐊᒃᓲᖏᓂᖅᓴᐅᓕᖁᓪᓗᒍ ᖁᒃᓴᓇᕐᓂᖓ ᐋᓐᓂᑐᐃᓐᓇᕆᐋᖃᕐᓂᖅᐱᑦ! ᖃᐅᔨᒃᑲᓐᓂᖁᓪᓗᑎᑦ ᑕᒪᒃᑯᓂᖓ ᖁᐋᔭᕿᓐᓂᐆᔪᓂᒃ, ᓈᓐᓂᐆᔪᓂᒃ, ᐊᒻᒪᓗ ᐅᕐᕈᓚᕿᓂᐆᔪᓂᒃ ᐊᒻᒪᓗ ᖃᓄᖅ ᐊᑐᖅᑎᖏᑦᑐᓐᓇᕐᒪᖔᖅᐱᒋ, ᑕᑯᓚᐅᒃᑭᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᐃᑭᐊᕿᕕᖓ.
| | |
ᑭᒡᓕᓕᓯᒪᑎᑕᐅᓗᓂ ᒪᓂᒪᓂᖅ ᐊᒃᓱᐋᓗᒃ ᓂᒡᓇᓱᒃᑐᒧᑦ |
|
|
|
ᐊᑯᓂᐅᓂᕆᔭᐅᔪᓐᓇᖅᑐᖅ ᐃᖃᓇᐃᔭᖅᑎᓄᑦ ᐃᖃᓇᐃᔭᖅᑎᓪᓗᒋᑦ ᓯᓚᒥ ᐃᖃᓇᐃᔭᕐᓗᑎᒃ ᒪᓕᖕᒪᑦ ᐊᒥᓱᓂᒃ ᖃᓄᐃᓕᖓᓂᕆᔭᐅᔪᓐᓇᖅᑐᓂᒃ, ᐃᓚᒋᔭᐅᓪᓗᑎᒃ ᓯᓚᐅᑉ ᓂᒡᓚᓱᖕᓂᖓ, ᐊᓄᕆᐅᑉ ᐊᓄᕆᑐᓂᖓᓂᑦ, ᕿᐅᒃᑲᖓᓂᖓᓂᑦ, ᐊᒻᒪᓗ ᐊᓐᓄᕌᒃᓯᒪᑦᑎᐊᓂᖏᓐᓂᑦ.
ᐅᖅᑰᓯᑦᑎᕆᐋᖅᑐᕐᕕᒃᓴᓕᐅᕐᓂᖅ! ᐊᑐᕐᓗᒍ ᓂᒡᓚᓱᒃᑎᓪᓗᒍ ᐅᖅᑰᓯᑦᑎᕆᐊᖅᑐᕐᕕᓴᓕᐅᕐᓂᖅ ᒪᒃᑯᓄᖓ ᐃᖃᓇᐃᔭᖅᑐᓄᑦ ᓯᓚᒥ ᐱᐅᔪᐋᓗᖕᒪᑦ ᖁᒃᓴᓇᖏᓐᓂᖅᓴᐅᓕᖅᑎᑦᑎᔪᑎᒋᔭᕆᐊᖓ ᒪᓂᑦᑎᐅᑎᓯᒪᑐᐃᓐᓇᕐᓂᕐᒥᑦ ᓂᒡᓚᓱᖕᓂᖓᓄᑦ. ᒪᓕᑐᐃᓐᓇᕐᓗᒍ ᓯᓚᐅᑉ ᓂᒡᓚᓱᖕᓂᖓ ᐊᒻᒪᓗ ᐊᓄᕆᑐᓂᖓ (ᐃᖃᓇᐃᔭᖅᑎᑦ ᐅᖅᑯᐃᕕᖃᒃᑎᓐᓇᒋᑦ ᐊᓄᕌᕐᓂᖓᓂᑦ), ᓂᒡᓚᓱᒃᑎᓪᓗᒍ ᐃᖃᓇᐃᔭᖅᑐᑦ ᐅᖅᑰᓯᑦᑎᕆᐊᖅᑐᕐᕕᓴᓕᐅᓯᒪᓗᒋᑦ ᓇᓗᓇᐃᖅᓯᒐᔭᕐᒪᑦ ᖃᓄᑎᒋ ᐊᑯᓂᐅᑎᒋᔪᖅ ᐃᖃᓇᐃᔭᖅᑏᑦ ᐃᖃᓇᐃᔭᕆᐊᖃᕐᒪᖔᑕ ᓯᓚᒥ ᐅᖅᑰᓯᑦᑎᕆᐋᖅᑐᓚᐅᖏᓐᓂᖏᓐᓂ ᓄᖅᑲᖓᑲᐃᓇᕐᕕᖃᑎᑕᐅᓗᑎᒃ.
ᑐᑭᓕᐅᑎᓗᒍ, ᓯᓚ ᓂᒡᓚᓱᖕᓂᖃᒃᑎᓪᓗᒍ -33 °C ᓂᒡᓇᓱᖕᓂᖃᕐᓗᓂ ᐊᒻᒪᓗ ᐊᓄᕌᒃᑎᓐᓇᒍ, ᐃᖃᓇᐃᔭᖅᑎᑦ ᐃᖃᓇᐃᔭᕈᓐᓇᖅᑎᑕᐅᓗᑎᒃ ᓯᓚᒥ ᐃᖃᓇᐃᔭᕐᓗᑎᒃ ᑎᑭᐅᒪᔪᓂᒃ 75 ᒪᓇᑦᓯᓄᑦ ᓄᖃᖓᑲᐃᓇᕐᓂᐊᓕᕐᓗᑎᒃ 10−ᒪᓇᑦᓯᓂ ᓄᖃᖓᑲᐃᓇᓕᕐᓗᑎᒃ ᐅᖅᑰᔪᒥᓪᓗᑎᒃ. ᑕᐃᒪᓕ 20 km/h ᐊᓄᕆᓂᖅᑲᒃᐸᑦ, ᐊᑯᓂᐅᓂᕆᑎᑕᐅᔪᓐᓇᕐᓂᖓ ᒥᑭᒡᓕᒋᐊᖅᑕᐅᓲᖑᕗᖅ 40 ᒪᓇᑦᓯᐅᓕᕐᓗᑎᒃ. ᖃᐅᔨᒪᒋᑦ ᑕᒪᓐᓇ ᓯᓚᓐᓂᐋᖅᑕᐅᓯᒪᓂᖓᑕ ᖃᓄᐃᓕᖓᓕᕐᓂᖓ ᖃᐅᔨᓴᖅᑕᐅᖃᑦᑕᕆᐋᖃᕐᒪᑦ ᓇᑐᐊᕌᖓᑕ 4 ᐃᖃᕐᕋᐃᑦ, ᐊᒻᒪᓗ ᐅᖅᑰᓯᑦᑎᕆᐊᖅᑐᕐᕕᒃᓴᐅᑎᑕᐅᓂᖓ ᐋᖅᑭᒋᐋᖅᑕᐅᔭᕆᐋᖃᒃᖢᓂ ᒪᓕᑦᑎᐋᖅᓯᒪᓗᑎᒃ.
ᐊᓯᖏᑦ ᖃᓄᐃᓕᖓᓂᐅᔪᑦ ᖃᐅᔨᒪᔭᐅᒋᐋᕆᐋᓕᑦ ᖃᓄᐃᓕᑎᑦᑎᔪᓐᓇᕐᒪᑕ ᐊᑯᓂᐅᓂᕆᔪᓐᓇᖅᑐᓂᒃ ᐱᕕᖃᕐᓂᐅᔪᒥᑦ ᑭᓇᑐᐃᓐᓇᕐᒧᑦ ᐊᓃᕐᕕᐅᔪᓐᓇᕐᓂᖓᓂᑦ. ᐅᖃᐅᑎᒋᓗᒍ, ᐃᖃᓇᐃᔭᖅᑎᐅᑉ ᐊᓐᓄᕌᖏᑦ ᖃᐅᓯᓕᖅᑐᒥᓂᐅᒃᐸᑕ, ᐃᖃᓇᐃᔭᖅᑎ ᐅᖅᑰᔪᒨᑦᖤᐅᑎᒋᔭᕆᐋᓕᒃ ᐊᓯᖏᓐᓂᓪᓗ ᖃᐅᓯᖏᑦᑐᓂᑦ ᐊᓐᓄᕌᕆᐋᖅᑐᕐᓗᓂ.
ᐊᐱᕆᓚᐅᒃᑭᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓯᓚᐅᑉ ᖃᓄᐃᓐᓂᖓᒍᑦ ᒪᓕᒐᖏᑦ ᐱᓕᕆᔾᔪᓯᐅᔪᖅ ᖃᐅᔨᒃᑲᓐᓂᖁᓪᓗᑎᑦ ᑕᒪᒃᑯᓂᖓ ᓂᒡᓚᓱᒃᑎᓪᓗᒍ ᐃᖃᓇᐃᔭᕐᓗᓂ ᐅᖅᑰᓯᑦᑎᕆᐊᖅᑐᖅᑎᑦᑎᔭᕆᐋᖃᕐᓂᕐᒥᑦ.
| |
ᐃᖅᑲᓇᐃᔭᕐᕖᑦ ᖃᐅᔨᓴᖅᑕᐅᓂᖏᑦ: ᑕᖅᑭᑕᒫᑦ ᑭᖑᕙᕐᓗᑎᒃ ᐊᑭᓖᕙᒃᑐᓂᒃ ᐊᓄᓪᓚᒃᑎᑦᑎᒋᐊᕈᑎ | |
|
ᐃᖃᓇᐃᔭᖅᑎᑦᑎᔨᑦ ᐊᑐᖏᑦᑐᓐᓇᕐᒪᑕ ᑕᖅᑭᑕᒫᑦ ᑭᖑᕙᕐᓗᑎᒃ ᐊᑭᓖᔪᓂᒃ ᐊᓄᓪᓚᒃᑎᑦᑎᒋᐊᕈᑎᓂᒃ ᐊᑭᓖᒐᔭᕈᕕᑦ ᐊᑭᓕᖅᓯᒪᖏᑦᑐᑦ ᐊᒥᓲᓂᖏᓐᓂᑦ ᖃᐅᔨᓇᓱᐋᖅᓯᓂᐋᖅᑎᓪᓗᒋᑦ ᐅᕝᕙᓘᓐᓃᑦ ᓯᕗᓂᖓᒍᑦ ᐊᑭᓖᕙᒡᓗᑎᑦ ᓈᒻᒪᒃᓯᓚᐅᖅᑎᓐᓇᒍ ᐅᓪᓗᖓ. ᒪᓕᒐᓕᐋᖑᓯᒪᔪᖅ ᐊᓄᓚᒃᑎᑦᑎᒋᐊᕈᑎ ᒫᓐᓇ ᐊᒻᒪᓗ ᑭᖑᕙᓚᐅᖅᑐᓄᑦ ᐅᓄᕐᓂᖏᑦ ᐃᒪᓐᓇᑎᒋᐅᖕᒪᑦ 2% ᐳᓴᓐᑎᐅᓪᓗᑎᒃ ᑕᖅᑭᑕᒪᑦ. ᐊᓄᓪᓚᒃᑎᑦᑎᒋᐋᕈᑎ ᐱᒋᐋᓱᖑᖕᒪᑕ ᓯᕗᓪᓕᖅᐹᖓᓂ ᐅᓪᓗᖓᓂᑦ ᐊᑭᓕᖅᑕᐅᖁᔭᐅᔪᖅ ᑭᖑᕙᖅᑎᓪᓗᒍ ᐊᑭᓕᖅᑕᐅᔭᕆᐊᖃᕐᓂᖓᓂᑦ. ᖃᐅᔨᒃᑲᓂᕈᒪᒍᕕᑦ ᑕᒪᑐᒥᖓ ᒪᓕᒐᓕᐋᖑᓯᒪᔪᒧᑦ ᐊᓄᓪᓚᒃᑎᑦᑎᒋᐊᕈᑎᒥᒃ, ᖃᐅᔨᒋᐊᓛᐅᕈᒃ ᐅᓇ ᐊᑲᕐᕉᑎ ᐱᓕᕆᔾᔪᑎᒃᓴᓂ.
ᐊᑭᓖᓯᒪᔭᕆᐋᖃᕐᓂᖏᑕ ᐅᓪᓗᖏᑦ
ᐊᑭᓖᓯᒪᔭᕆᐊᖃᕐᓂᖏᑕ ᐅᓪᓗᖏᑦ ᐃᓇᐃᔭᖅᔭᖅᑎᑦᑎᔪᑦ ᑕᐃᒃᑯᖓ ᐊᖏᖅᑕᐅᓯᒪᕙᒌᖅᑐᑦ ᐊᑭᓖᔪᓐᓇᖅᑎᑕᐅᓪᓗᑎᒃ ᐊᑭᓖᕙᓪᓕᐊᓗᑎᒃ ᒪᑯᓇᓂᐅᕗᑦ ᒫᑦᓯ 31, ᒪᐃ 31, ᔪᓚᐃ 31, ᐊᒻᒪᓗ ᓯᑎᐱᕆ 30−ᒥ.
ᐃᖃᓇᐃᔭᖅᑎᑦᑎᔩᑦ ᑕᐃᒃᑯᐊ ᐊᑭᓕᖅᓱᐃᖏᑦᑐᑦ ᐊᑭᓖᕙᓪᓕᐊᓗᑎᒃ ᕿᒥᕐᕈᔪᓐᓇᖅᐳᑦ ᐊᑭᓖᓂᕆᕙᒃᑕᒥᓂᒃ ᐊᑭᓖᔭᕆᐊᖃᓕᖅᑎᓪᓗᒋᑦ ᐅᓪᓗᖓᓂᑦ ᖃᐅᔨᒋᐊᕐᓗᑎᒃ ᐃᖃᓇᐃᔭᖅᑎᑦᑎᔩᑦ ᑕᖅᑭᑕᒪᑦ ᑎᑎᕋᒃᓯᒪᔪᖁᑎᖏᓐᓂᑦ ᐅᕝᕙᓘᓐᓃᑦ WSCC Connect.
ᐊᑐᕐᓗᒋᑦ WSCC Connect ᐊᑭᓖᙱᓚᐅᖅᓯᒪᔪᓐᓃᓪᓗᑎᒡᓗ ᐊᑭᓖᔭᕆᐊᖃᓕᕌᖓᒥᒃ
ᐱᖃᑦᑕᕈᒪᓕᓚᐅᕆᑦ e−ᑎᑎᕋᒃᓯᒪᔪᓂᑦ ᖃᐅᔨᑎᑦᑎᔾᔪᑎᓂᒃ
-
ᖃᐅᔨᑎᑦᑎᔾᔪᑎᑦ ᑐᔫᑎᒋᔭᐅᓱᖑᖕᒪᑕ ᐊᑐᖅᐸᒃᑐᓄᑦ ᐃᓚᖃᓪᓗᑎᒃ ᐊᑭᓖᔾᔪᑎᓂᑦ ᐊᒻᒪᓗ ᑎᑎᕋᒃᓯᒪᔪᓂᑦ ᐃᖃᓇᐃᔭᕆᔭᐅᔪᓂᑦ WSCC Connect ᑕᐃᔅᓱᓂ ᐃᖃᓇᐃᔭᖅᑎᑦᑎᔪᒧᑦ ᑕᖅᑭᑕᒪᑦ ᑎᑎᕋᒃᓯᒪᔪᓂᑦ ᐱᔭᐅᔪᓐᓇᖅᓯᑎᓪᓗᒋᑦ ᕿᒥᕐᔪᔭᐅᔪᓐᓇᖅᑎᑕᐅᓕᖅᑎᓪᓗᒋᑦ.
ᐋᖅᑭᒃᓱᐃᓚᐅᕆᑦ ᐊᑭᓖᑦᖤᐅᑎᒋᔾᔪᑎᓄᑦ ᐊᑭᓖᕙᓕᕐᓗᑎᑦ
ᐃᖅᑲᐅᒪᒋᑦ, ᑕᒫᓂᒃᑲᑦᑕ ᐃᑲᔪᕈᒪᓪᓗᑕ! ᐅᖄᓚᕕᒋᓚᐅᖅᑎᒍᑦ ᐊᑭᖃᖏᑦᑐᒃᑯᑦ ᐅᕘᓇ 1-844-238-5008 ᐊᒻᒪᓗ ᓂᕈᐊᕐᓗᑎᒃ ᓇᓖᕋᒐᒃᓴᖅ 3−ᒥᑦ.
ᐊᓯᖏᓐᓄᑦ ᐊᑭᓖᓂᕐᒧᑦ ᓇᓕᕌᒐᒃᓴᐃᑦ
-
ᐊᑭᓖᔪᓐᓇᖅᑐᑎᑦ ᕖᓴᒧᑦ, ᒫᔅᑐᑲᐅᑦᒧᑦ, ᑎᔅᑲᕗᕆ, ᐊᒥᒃᔅ, ᕖᓴ ᐊᑭᓖᑦᖤᐊᑎᒋᔾᔪᑎᒧᑦ, ᐊᒻᒪᓗ ᒫᔅᑐᑲᐅᑦ ᐊᑭᓖᑦᖤᐅᑎᒋᔾᔪᑎᒧᑦ ᐅᑯᑎᒎᓇ WSCC Connect, ᐅᖄᓚᐅᑎᒃᑯᑦ, ᐅᕝᕙᓘᓐᓃᑦ ᓇᖕᒥᓂᖅ ᐅᐸᒍᑎᓗᑎᑦ ᔨᐋᓗᓇᐃᑉᒥ ᐊᒡᓚᒡᕕᑦᑎᓐᓄᑦ.
- ᑮᓇᐅᔭᒃᓴᐃᑦ ᓯᒃᑮᑦ ᑐᔫᑎᒋᔭᐅᔪᓐᓇᕐᒥᔪᑦ ᑎᑎᖃᕐᓂᐊᕐᕕᒃᑯᑦ ᐅᕝᕙᓘᓐᓃᑦ ᑐᓂᔭᖅᑐᕐᓗᒋᑦ ᓇᖕᒥᓂᖅ ᐅᕙᒍᑦ ᔨᐋᓗᓇᑉᒥ ᐊᒡᓚᒡᕕᑦᑎᓐᓄᑦ. (ᐊᑏ ᐱᕕᖃᒃᑎᑦᑎᒋᐋᓚᐅᕆᑦ ᐃᕝᕕᒃ ᐊᑭᓕᐅᑎᖓᓂᑦ ᑎᑭᐅᑎᔪᓐᓇᖅᑎᒋᐊᕐᓗᒋᑦ ᐅᕙᑦᑎᓐᓄᑦ ᓯᕗᓂᖓᒍᑦ ᐊᑭᓕᖅᑕᐅᓯᒪᕕᒋᔭᕆᐊᖃᒃᑕᖓᑕ ᐅᓪᓗᖓᓂ. ᑐᔪᐃᔪᓐᓇᖅᑐᑎᑦ ᑮᓇᐅᔭᕈᒃᑎᑕᐅᔪᓐᓇᕐᕕᒃᓴᖓᓂᑦ−ᐅᓪᓗᖃᒃᑎᓪᓗᒍ ᐊᑭᓖᕙᓪᓕᐊᔾᔪᑎᒋᓗᒍ ᐅᓪᓗᖏᓐᓂ.)
- RBC (ᐅᕈᐊᔪ ᕚᓐᒃ ᑲᓇᑕᒥ) ᖃᕋᑕᐅᔭᒃᑯᑦ ᐊᑭᓕᖁᔭᐅᔪᒥᒃ ᐊᑭᓖᓗᑎᑦ.
- ᖃᕋᑕᐅᔭᒃᑯᑦ ᑮᓇᐅᔭᓂᑦ ᑮᓇᐅᔭᖅᑖᖅᑎᑦᑎᔾᔪᑎᒃᑯᑦ
- ᑮᓇᐅᔭᓕᕆᔾᔪᑎ ᖃᕋᑕᐅᔭᒃᑯᑦ ᑮᓇᐅᔭᖅᑖᖅᑎᑦᑎᔾᔪᑎᑦ.
ᑐᓴᕆᐊᒃᑲᓂᕈᒪᒍᕕᑦ, ᐅᖃᕐᕕᒋᓚᐅᒃᑭᑦ ᐅᕙᒍᑦ ᑮᓇᐅᔭᓕᕆᓂᕐᒧᑦ ᐱᓕᕆᖃᑎᒌᒃᑐᖁᑎᕗᑦ ᐊᑭᖃᖏᑦᑐᒃᑯᑦ ᐅᕘᓇ
1-844-238-5088 ᐊᒻᒪᓗ ᓂᕈᐋᕐᓗᑎᑦ ᓇᓖᕋᒐᒃᓴᖅ 3−ᒥᑦ.
| |
|
ᐊᐅᓚᑦᑎᓂᕐᒧᑦ ᑲᑎᒪᔨᑦ ᕿᒥᕐᕈᓚᐅᕐᒪᑕ ᐊᒻᒪᓗ ᓈᒻᒪᒋᔭᐅᓪᓗᑎᒃ ᐋᖅᑭᒋᐋᖅᑕᐅᓂᖏᑦ ᐅᑯᐊ 7 ᐊᑐᐃᒐᐃᑦ, ᐊᒻᒪᓗ ᓈᒻᒪᒋᔭᐅᓪᓗᑎᒃ 3 ᓄᑖᑦ ᐊᑐᐋᒐᐃᑦ ᑎᓯᐱᕆ 2022−ᒥ ᑲᑎᒪᑎᓪᓗᒋᑦ ᔨᐋᓗᓇᐃᑉᒥ, ᓄᓇᑦᓯᐊᖅ.
ᐋᖅᑭᒋᐋᖅᑕᐅᓂᖏᑦ ᐊᑐᐋᒐᐃᑦ
- 00.08, ᐃᓱᒪᓕᐅᕆᓂᖅ
- 03.09, ᐃᓱᒪᓕᕆᓂᕐᒧᑦ ᐊᒻᒪᓗ ᐃᓱᒪᒨᖓᔪᑦ ᑕᐃᒫᑦᑎᐊᖏᓐᓃᑦ
- 05.01, ᐃᖃᓇᐃᔮᒧᖓᔪᑦ ᐃᓕᖅᑯᓯᕆᓚᐅᖅᑕᖓᑎᑑᓕᖅᑎᑦᑎᓂᕐᒧᑦ ᐊᔪᙱᑎᑕᐅᓂᕐᒥᑦ
- 05.02, ᐃᖃᓇᐃᔮᒧᖓᔪᑦ ᐃᓕᖅᑯᓯᕆᓚᐅᖅᑕᖓᑎᑑᓕᖅᑎᑦᑎᓂᕐᒧᑦ ᐱᔨᑦᓯᕈᑎᑦ ᐊᒻᒪᓗ ᐱᓕᕆᔾᔪᑏᑦ
- 05.05, ᐃᖃᓇᐃᔮᒧᖓᔪᑦ ᐃᓕᖅᑯᓯᕆᓚᐅᖅᑕᖓᑎᑑᓕᖅᑎᑦᑎᓂᕐᒧᑦ ᑐᓂᔭᐅᔪᑦ ᐊᒻᒪᓗ ᐊᐃᑦᑑᓯᐊᑦ
- 09.01, ᐊᑦᑕᕐᓇᖅᑕᐅᓕᒪᓂᕐᒧᑦ ᐊᔪᕈᓐᓃᖅᓴᑎᑦᑎᓂᖅ (ᒫᓐᓇᕋᑖᖑᓚᐅᖅᑐᖅ ᑕᐃᔭᐅᓲᖑᓚᐅᖅᑐᖅ, ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓐᓂᐊᕈᑎ ᐊᒻᒪᓗ ᐊᔪᕈᓐᓃᖅᓴᑎᑦᑎᔾᔪᑎᒥᒃ)
- 10.03, ᐱᑖᕐᓂᖅ
ᓄᑖᑦ ᐊᑐᐋᒐᐃᑦ
- 09.03, ᓯᕗᓪᓕᐅᑎᔭᐅᔭᕆᐋᖃᓕᖅᑎᑦᑎᑕᐅᓂᖏᑦ ᐃᖃᓇᐃᔭᕐᕕᐅᔪᒥᑦ ᖃᐅᔨᓴᖅᓯᓃᑦ
- 09.04, ᐊᖏᕐᕋᕆᔭᐅᔪᒥ ᐃᖃᓇᐃᔭᕐᕕᐅᔪᑦ ᖃᐅᔨᓴᖅᑕᐅᓂᖏᑦ ᐊᒻᒪᓗ ᖃᔨᓇᓱᐊᖅᑕᐅᓂᖏᑦ
- 09.05, ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓐᓂᐊᓂᖅ ᐊᒻᒪᓗ ᓯᕗᓪᓕᐅᑎᔭᕆᐋᖃᒃᑎᑕᐅᓗᑎᒃ ᐃᑲᔪᕋᓱᐋᖅᑎᑦ
ᐃᓘᓐᓇᑎᒃ ᐊᒻᒪᓗ ᓄᑖᑦ ᐊᑐᐋᒐᐃᑦ ᐊᑐᓕᕐᓂᐋᕐᓗᑎᒃ ᔮᓐᓄᐊᕆ 16, 2023−ᒥ. ᐊᐱᖅᓱᓚᐅᒃᑭᑦ ᐅᑯᐋ WSCC Policy Manual (ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ) ᓇᓂᓯᔪᓐᓇᖁᓪᓗᑎᑦ ᐋᖅᑭᒋᐋᖅᑕᐅᓯᒪᔪᓂᑦ ᐊᒻᒪᓗ ᓄᑖᓂᑦ ᐊᑐᐋᒐᕐᓂᑦ. ᑕᑯᒋᐋᕈᓐᓇᕐᒥᔭᑎᑦ ᐅᕙᒍᑦ Governance Council Directives (ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ) ᐃᑭᐊᕿᕕᑦᑕ ᒪᒃᐱᒐᖓᓂᑦ ᕿᒥᕐᕈᖁᓪᓗᑎᑦ ᐃᓘᓐᓇᖏᓐᓂᑦ ᐊᐅᓚᑦᑎᓂᕐᒧᑦ ᑲᑎᒪᔨᑦ ᐊᑐᐊᖅᑕᐅᖁᔭᖏᓐᓂᑦ.
| |
ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ, 5022 49th ᐊᖅᑯᑎ, ᑕᓪᓕᒪᖓᓐᓂ ᓇᑎᖓᓂ, ᕿᑎᐊᓂ ᑭᑉᐹᕆᒃᑐᖅ ᐃᒡᓗᐊᓗᒃ, ᑎᑎᖅᑲᕐᓂᐊᕐᕕᖓ 8888, ᔭᓗᓇᐃᕝ, ᓄᓇᑦᓯᐊᖅ X1A 2R3 ᑲᓇᑕ | | | | |
