Vandredi 11 Novanm 2022
Rezilta Referandòm 2022 Pibliye - Yon Mesaj Pou Votè yo

Referandòm Lekòl Rejyon Palm Beach la te genyen yon gwo sipò nan eleksyon Novanm 2022 a ak 74% votè yo ki chwazi renouvle li.

Lè yo kontinye referandòm sa a, votè yo rekonèt enpòtans sekirite lekòl, sèvis sante mantal elèv, salè pwofesè, ak pwogram atizay, mizik, espò, chwa, ak Edikasyon teknik ak karyè. Referandòm 2022 a pral kontinye travay enpòtan sa a pou kat ane ki ap vini yo epi n ap rete responsab pou chak dola ki depanse.

Lekòl Djanm! Kominote Djanm!
Yon reeleksyon pou Distri 6 ak Nouvo Manm Distri 7

Marcia Andrews, manm Komite Direksyon Distri a depi lontan, reeli pou reprezante Distri 6 la apre li genyen 56% bilten yo te depoze nan eleksyon jeneral 8 novanm yo.
Avoka lokal Edwin Ferguson eli ak 52% nan vòt pou Distri 7 la, pou ranplase Doktè Debra Robinson ki te pran retrèt apre li te sèvi nan Komite a depi 2000. Andrews ak Ferguson pral prete sèman nan dat 22 novanm. Y ap sèvi yon tèm 4 ane.

Ferguson te travay deja kòm pwofesè nan Lekòl Segondè Suncoast ak Palm Beach Lakes avan li vin yon avoka. Ak eleksyon li, kounye a li pral reprezante yon distri ki gen ladan Riviera Beach ak yon sipèfisi etwat ki rive jiska Delray Beach nan zòn ès I-95.
Bito David nan emisyon “ENFÒME W” nan Distri Lekòl Rejyon Palm Beach ap resevwa kòm envite Ruth Lindor ki ap pale osijè kanè lekòl ak pèfòmans akademik elèv. 

Onore Veteran Yo 
Vandredi, 11 novanm, elèv ki toupatou nan Distri a te pase jounen an aprann enpòtans ak siyifikasyon istorik Jounen Veteran yo. Anpil lekòl te òganize seremoni espesyal pou Jounen Veteran yo, kote elèv yo te chante omaj bay ewo yo, akeyi Veteran nan tout branch yo pou yo pale ak elèv yo.
Selebrasyon Anplwaye Eksepsyonèl
Chak ane, Depatman Edikasyon Florid rekonèt anplwaye eksepsyonèl ki soti nan chak distri lekòl nan tout eta a. Distri Lekòl Rejyon Palm Beach, ansanm ak Fondasyon Edikasyon Rejyon Palm Beach, fyè pou l prezante kandida pou Direktè, Asistan Direktè, Pwofesè, ak Anplwaye ki gen rapò ak lekòl pou ane a 2023. Klike la a pou w li sou kandida yo!
Aktivite Pou Lafanmi Nan Dreyer Park
Sosyete Fanm Enjenyè PBC dènyèman te òganize Jounen Amizan pou Fanmi nan Dreher Park nan West Palm Beach. Elèv ak paran yo te jwi tout kalite plezi ak aktivite STEM, jwèt enteresan, ak eksperyans. Evènman anyèl sa a ankouraje yon lanmou pou aprann.
Anpil Gwo Biznis Pwomèt Sipò Alontèm Pou Seminole Ridge Ak Elèv yo

Vandredi 4 Novanm, Distri Lekòl Rejyon Palm Beach te selebre Al Packer Ford ki antre nan yon akò 10 ane ak Seminole Ridge Community High School pou l vin patwone Akademi Otomobil lekòl la ak patwone non teren foutbòl la. Konpayi an pran angajman tou pou kreye trajektwa pou elèv Akademi Otomobil yo gen opòtinite travay alavni ak Al Packer Ford.

Seminole Ridge prezante yon nouvo konplèks foutbòl ki rele Al Packer Field nan Callery Judge Grove Stadium. Lekòl la gen onè pou l kontinye patenarya biznis li depi lontan ak Callery Judge Grove. Ajoute sou sa Al Packer Field pral kontinye patenarya fòmidab ak anpil gwo biznis nan Rejyon Palm Beach.
Suiv @PBCSDKreyol sou Facebook, Twitter, ak Instagram pou jwenn mizajou
nouvèl nan lang Kreyòl Ayisyen.