ᓄᕕᐱᕆ2022

ᐊᕐᕌᒎᑉ ᐃᓗᐊᓂ ᐱᓕᕆᓐᓇᖅᓯᓕᕆᕗᖅ ᑕᐃᒪ: ᑖᖅᓂᖅᓴᐅᖃᑦᑕᕐᓕᕐᒥᖕᒪᑦ ᐊᒻᒪᓗ ᐊᐱᓪᓗᓂ – ᓈᒻᒪᒃᓯᖕᒥᖕᒪᑦ ᖁᐊᔭᕿᓐᓇᖅᓯᓪᓗᓂ, ᐹᓪᓚᖃᑦᑕᕐᓇᖅᓯᓪᓗᓂ, ᐊᒻᒪᓗ ᐅᕐᕈᓐᓇᖅᓯᓪᓗᓂ.

ᐋᓐᓂᖅᑐᖃᖃᑦᑕᕐᓂᐊᓕᕐᒥᔪᑦ ᐱᓪᓗᐃᔪᓂᒃ ᐊᒻᒪᓗ ᓂᐅᕐᕈᐊᖅᓯᔪᓂᒃ ᒪᐃᑦᑐᑦ ᑕᐃᒪᓐᓇᐅᔪᖅ ᖁᐊᔭᕿᓂᕐᒧᑦ, ᐹᓚᖕᓂᕐᒧᑦ, ᐊᒻᒪᓗ ᑲᑕᖕᓂᕐᒧᑦ, ᑕᐃᒪᓐᓇᐅᖃᑦᑕᕐᓂᖅᓴᐅᓂᐊᓕᕐᒥᔪᑦ ᐅᑭᐅᒃᑯᑦ ᐱᓱᒡᓗᓂ ᖁᐊᑦᑖᓇᖅᑐᓂ. ᐅᑯᐊ ᐱᕐᕈᓗᐊᕿᓐᓇᐃᑦ ᓴᓇᔪᓄᑦ ᐋᓐᓂᐊᕈᑕᐅᕙᖕᓂᖅᐹᖑᔪᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐊᕐᕌᒍᑕᒫᑦ.

ᒥᑭᔪᒥᒃ ᐱᑦᑎᐊᓕᒍᕕᑦ, ᐋᓐᓂᓐᖏᑦᑐᓐᓇᖅᑐᖅ ᑎᒦᑦ ᐊᒻᒪᓗ ᑲᖕᖑᑦᑎᓇᔭᓐᖏᑦᑐᑎᑦ.

• ᑕᐃᒪᓗ ᐱᓱᒡᕕᑦ ᐅᒡᕙᓘᓐᓃᑦ ᐊᖁᑏ ᓯᑯᓯᒪᑎᓪᓗᒋᑦ, ᐊᑐᕐᓗᑎᑦ ᖁᐊᑦᑕᐃᓕᔾᔪᑎᓕᖕᓂᒃ ᐅᒡᕙᓘᓐᓃᑦ ᑯᐊᑦᑖᕐᓇᓐᖏᑦᑐᓂᒃ ᖃᒥᖕᓂᒃ.
• ᑐᐊᕕᓐᖏᓪᓗᑎᑦ ᐱᓱᓕᕈᕕᑦ! ᑐᐊᕕᓐᖏᒃᑯᕕᑦ ᐊᐅᓪᓗᑎᓂᐊᖅᑕᐃᑦ ᖃᓄᐃᓐᓂᖓ ᐱᓱᒡᕕᒋᔭᐃᑦ.
• ᐊᓪᓗᖅᑕᓗᐊᓐᖏᓂᖅᓴᐅᓗᑎᑦ – ᐱᔭᕆᐊᑭᓐᓂᖅᓴᖅ ᐅᕐᕈᓂᐊᓐᖏᓐᓇᕕᑦ.
• ᐱᑦᑎᐊᓕᓗᑎᑦ ᐊᒡᔭᖅᓯᑎᓪᓗᑎᑦ ᐱᖁᑎᓂᒃ ᓯᓚᒥᑦ – ᑕᓕᖅᐱᑦ ᐱᖃᑖ ᑎᒍᒥᐊᓐᖏᓪᓗᓂ, ᐱᔭᕐᓂᕐᓂᖅᓴᐅᓂᐊᖅᑐᖅ ᐅᕐᕈᑕᐃᓕᒪᓗᑎᑦ ᐅᒡᕙᓘᓐᓃᑦ ᐹᓪᓚᖕᓂᐊᓐᖏᓐᓇᕕᑦ ᑐᓄᐊᓪᓚᒡᓗᑎᓪᓘᓐᓃᑦ.
• ᑲᒥᒃᓯᒪᓗᑎᑦ ᓴᓇᓯᒪᔪᓂᒃ ᐊᑑᑎᖃᖅᑐᓂᒃ ᓯᓚ ᓂᒃᓴᓗᒃᑎᓪᓗᒍ. ᑲᒥᑐᐃᓐᓇᐃᑦ ᖁᐊᑦᑕᕐᓇᖅᓯᓲᑦ ᓯᓚᓗᒃᑎᓪᓗᒍ.

ᐃᓕᑦᑎᑲᓐᓂᕈᓐᓇᖅᑐᑎᑦ ᐱᓪᓗᐃᑦᑕᐃᓕᓂᖅ ᐊᒻᒪᓗ ᓂᐅᕐᕈᐊᖅᓯᑦᑕᐃᓕᓂᖅ ᐅᑭᐅᖅ, ᒪᑐᐃᕐᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ. ᓇᓂᓯᔪᓐᓇᖅᑐᑎᑦ ᐊᑑᑎᖃᖅᑐᓂᒃ ᑐᓴᒐᒃᓴᓂᒃ ᐅᑯᐊ ᐋᓐᓂᐊᕈᑎᒋᓂᐊᓐᖏᓐᓇᕕᒋᑦ ᖁᐊᔭᕿᓐᓃᑦ, ᐹᓪᓚᖕᓃᑦ, ᐊᒻᒪᓗ ᑲᑕᖕᓃᑦ ᖃᕆᓴᐅᔭᖃᕐᕕᑦᑎᒍᑦ. 

ᓯᓚ ᓂᒡᓚᓱᖃᑦᑕᕐᓂᐊᓕᕐᒥᔪᖅ. ᐱᒻᒪᕆᐅᕗᖅ ᐊᓐᓄᕌᖅᓯᒪᓗᑎᑦ ᐅᖂᔪᓂᒃ ᓯᓚᒥ ᓴᓇᓂᐊᖅᑎᓪᓗᑎᑦ ᕿᕿᓐᓂᐊᓐᖏᓐᓇᕕᑦ ᐊᒻᒪᓗ ᕿᐅᓂᐊᓐᖏᒻᒪᑦ ᑎᒦᑦ.

ᕿᓚᒥᑯᓘᔪᓐᓇᖅᑐᖅ ᕿᐅᓕᕐᓗᑎᑦ ᓯᓚ ᐃᒃᑮᕌᓗᑎᓪᓗᒍ ᑕᒪᓐᓇ ᐊᑦᑕᕐᓇᖅᑐᒦᑎᑦᑎᔪᓐᓇᖅᑐᖅ. 30 ᓴᑭᓐᔅ ᐅᕕᓃᑦ ᕿᕿᑦᑐᓐᓇᖅᑐᖅ ᐊᓄᕌᖅᑎᓪᓗᒍ 48 ᑭᓚᒦᑕᔅ ᐃᑲᕐᕋᒧᑦ. ᐅᕕᓃᑦ ᓴᕿᔮᕈᓂ ᐊᒻᒪᓗ ᐅᕕᓂᖕᓂ ᑕᖏᖅ ᕿᕿᓕᕈᓐᓇᖅᑐᖅ, ᑐᑭᖃᖅᑐᖅ ᐊᐅᕕᑦ ᐃᖏᕐᕋᓂᖓ ᐊᒃᑐᖅᑕᐅᔪᓐᓇᕐᒪᑦ. ᖁᐊᖅᑐᐋᓗᐃᑦ ᑐᖁᓲᑦ ᐊᒻᒪᓗ ᑕᓕᖏᑦ ᓂᐅᖏᑦ ᐲᖅᑕᐅᓲᖑᓪᓗᑎᒃ.

ᑎᒦᑦ ᕿᐅᓕᕈᓂ ᐊᑖᓃᓕᕐᓗᓂ 35°C, ᑎᒦᑦ ᕿᕿᓕᐸᓪᓕᐊᓕᓲᖅ. ᐅᓇ ᕿᓚᒥᑯᓗᒃ ᑐᖂᑦᑎᔪᓐᓇᖅᑐᖅ, ᐊᒻᒪᓗ ᐋᓐᓂᐊᕕᓕᐊᑲᐅᑎᒋᒋᑦ ᐃᕐᖐᓐᓇᖅ ᐃᑲᔪᖅᑕᐅᔭᖅᑐᕐᓗᑎᑦ.

ᓂᒡᓚᓱᒃᑎᓪᓗᒍ ᓯᓚ ᐋᓐᓂᕐᓂᐊᓐᖏᓐᓇᕕᑦ ᐃᒪᓐᓇᐅᓗᑎᑦ:

• ᐊᑐᕐᓗᑎᑦ ᓈᒻᒪᒃᑐᓂᒃ ᐊᓐᓄᕌᓂᒃ ᐊᒻᒪᓗ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᑦ ᐊᑐᕐᓗᒋᑦ. ᐆᒃᑑᑎᒋᓗᒍ, ᐊᑐᕐᓗᑎᑦ ᖃᓕᕇᓕᖕᓂᒃ ᐊᓐᓄᕌᓂᒃ ᐊᑕᐅᓯᐅᓐᖏᓪᓗᒍ ᐃᔾᔪᔫᒐᓗᐊᖅ, ᑕᑎᓗᐊᓐᖏᓪᓗᒋᑦ, ᐊᒻᒪᓗ ᐃᑭᐊᕐᒥᓕᖕᓂᒃ ᐊᑐᕐᓗᑎᑦ. ᓯᕗᓪᓕᖅ ᐊᑎᐃᑦ (ᑖᓐᓇ ᐅᕕᓂᖕᓄᑦ ᐊᒃᑐᐃᔪᖅ) ᐊᓐᓄᕌᑎᐊᕙᐅᓗᓂ ᓵᑦᑑᓐᖏᓪᓗᓂ. 
• ᓇᓴᖅᓯᒪᖃᑦᑕᕐᓗᑎᑦ ᓂᐊᖁᐃᑦ ᐅᖂᓂᐊᕐᒪᑦ. 
• ᑲᒥᒃᓯᒪᓗᑎᑦ ᐊᒻᒪᓗ ᐊᓕᖅᓯᒃᓯᒪᓗᑎᑦ ᐃᓯᒐᐃᔭᕐᓇᓐᖏᑦᑐᓂᒃ, ᑕᐃᒪᓗ ᐃᓄᒐᖑᐊᑎᑦ ᕿᓚᒥᑯᓗᒃ ᖁᐊᕈᓐᓇᖅᑐᑦ. 
• ᐊᑐᖅᑕᑎᑦ ᐊᓐᓄᕌᑦ ᒪᓴᐅᒃᐸᑕ ᓯᓚ ᓂᒡᓚᓱᖕᓂᖃᖅᑎᓪᓗᒍ ᐊᑖᓂ 2°C, ᐸᓂᖅᑐᓂᒃ ᐊᑎᖃᐅᑎᒋᓗᑎᑦ ᐃᕐᖐᓐᓇᖅ. 

ᐃᓕᑦᑎᑲᓐᓂᕈᓐᓇᖅᑐᑎ ᐊᑑᑎᖃᓛᓂᒃ ᕿᐅᓕᕐᓂᐊᓐᖏᓐᓇᕕᑦ ᓯᓚ ᓂᒡᓚᓱᒃᑎᓪᓗᒍ ᐋᓐᓂᕈᑎᒋᓗᒍ ᓴᓇᕕᒃᐱᑦ ᐃᓗᐊᓂ, ᑕᑯᒍᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓯᓚᐅᑉ ᖃᓄᐃᓐᓂᖓᒍᑦ ᒪᓕᒐᖏᑦ ᐱᓕᕆᔾᔪᓯᐅᔪᖅ.

ᐃᓱᓕᒡᕕᒃᓴᐅᑖ: ᐃᖅᑲᓇᐃᔭᖅᑎᓄᑦ ᐊᑭᓕᖅᓱᐃᒍᑎᓂᒃ ᐊᑐᖅᑕᐅᓂᐊᕋᓱᒋᔭᐅᔪᓄᑦ ᐋᕿᒋᐊᖅᓯᓂᖅ 

ᐅᓂᒃᑳᓕᐊᕆᓗᒋᑦ ᐃᒡᕕᑦ 2022 ᐃᖅᑲᓇᐃᔭᖅᑎᖕᓄᑦ ᑮᓇᐅᔭᒃᓴᖏᑦ ᐋᕿᒋᐊᖅᓯᒪᔪᑦ ᐊᑭᓖᑎᑕᐅᓂᐊᓐᖏᓐᓇᕕᑦ ᑭᖑᕙᖅᓯᒪᓂᕐᓄᑦ ᐅᓇ ᐃᓱᓕᕕᒃᓴᖓ ᓄᕕᐱᕆ 30. ᐊᑭᑐᔪᒥᒃ ᐊᓯᕈᖅᑐᖅ (25% ᐅᒡᕙᓘᓐᓃᑦ ᐊᖏᓂᖅᓴᖅ) ᐃᖅᑲᓇᐃᔭᖅᑎᖕᓄᑦ ᐊᑭᓕᐅᑎᓄᑦ ᖃᑦᓯᑖᓚᐅᓇᔭᕐᓂᖓ ᐅᖃᐅᓯᐅᓗᓂ ᑕᐃᒪᓗ ᖄᖓᒍᑦ ᐊᑭᓖᑎᑕᐅᓂᐊᓐᖏᓐᓇᕕᑦ. 

ᒪᑐᐃᕐᓗᒍ WSCC Connect ᐅᖃᐅᓯᕆᓗᒋᑦ ᓇᓕᐊᑐᐃᓐᓇᖅ ᐊᓯᑦᔨᖅᑐᑦ ᐅᒡᕙᓘᓐᓃᑦ ᑐᑭᓯᒋᐊᑲᓐᓂᕐᕕᒃᓴᕐᓂᒃ ᖃᐅᔨᒋᐊᕐᓗᑎᑦ ᐱᔾᔪᑎᒋᓪᓗᒍ ᐃᖅᑲᓇᐃᔭᖅᑎᓄᑦ ᐊᑭᓕᐅᑎᑦ ᐋᕿᒋᐊᖅᓯᒪᓕᕐᒪᑕ. ᐊᐱᖅᑯᑎᒃᓴᖃᕐᓂᕈᕕᑦ ᐊᓯᔾᔩᓂᕐᒥᑦ ᐃᖅᑲᓇᐃᔭᖅᑎᖁᑎᒃᐱᑦ ᐊᑭᓕᖅᑕᐅᔾᔪᑎᖏᓐᓂ, ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᖅᑎᒃᑯᑦ ᐅᖄᓚᕕᒋᓗᒋᑦ ᓄᓇᑦᓯᐊᕐᒥᑦ ᐅᕙᓂ 1-800-661-0792 ᐊᒻᒪ ᓄᓇᕗᒻᒥ ᐅᕙᓂ 1-877-404-4407.

ᐃᖅᑲᐃᑎᑦᑎᔾᔪᑦ: ᐊᕐᕌᒍᑕᒫᑦ

ᐊᑭᓖᔾᔪᑎᓄᑦ ᐅᓂᒃᑳᑦ

ᑐᓂᓯᔪᓐᓇᕐᓂᖅ ᐅᒃᑯᐃᖓᔪᖅ ᔮᓐᓄᐊᕆ 1, 2023 – ᕖᕝᕗᐊᕆ 28, 2023

ᐃᓱᓕᕕᒃᓴᖓ ᐃᖅᑲᓇᐃᔭᖅᑎᑦᑎᔪᑦ ᑐᓂᓯᓗᑎᒃ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ ᐅᓇ ᕕᕗᐊᕆ 28, 2023. ᐃᖅᑲᓇᐃᔭᖅᑎᑦᑎᔪᑦ ᐱᑎᑕᐅᓂᐊᖅᑐᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ ᑲᑎᖓᔪᑦ ᐱᒋᐊᕐᓂᖓᓂ ᑎᓯᐱᕆ ᐊᔪᕆᖅᓲᔾᔨᔪᑦ ᖃᓄᖅ ᑐᓂᓯᔪᓐᓇᕐᓂᕐᓂᒃ. ᐃᖅᑲᓇᐃᔭᖅᑎᑦᑎᔪᑦ ᑐᓂᓯᔪᓐᓇᖅᑐᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᖏᓐᓂᒃ ᑕᒪᐅᓐᓇ WSCC Connect ᖁᓛᓂ ᔮᓄᐊᕆ 1, 2023.

ᑐᓂᓯᒋᐊᖃᖅᑐᑎᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᑭᖑᕙᖅᓯᒪᔪᑦ ᐊᑭᓖᑎᑕᐅᓂᐊᖅᑐᑦ ᖃᓂᒋᔮᓂ 15% ᖄᖓᒍᑦ ᐊᕐᕌᓂ ᐅᓂᒃᑳᖏᑦ ᐃᖅᑲᓇᐃᔭᖅᑎᑦᑎᔪᑦ ᑕᒪᒃᑯᓂᖓ ᐃᖅᑲᓇᐃᔭᖅᑎᒥᖕᓄᑦ ᐊᑭᓕᐅᑎᑦ ᖃᐅᔨᓴᖅᓯᒪᔪᓄᑦ.

ᐅᖃᕐᕕᒋᓗᒍ ᐃᖅᑲᓇᐃᔭᖅᑐᖁᑎᓕᖕᓄᑦ ᐱᔨᑦᑎᕋᖅᑏᑦ ᐱᑎᑕᐅᓯᒪᓐᖏᒃᑯᕕᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ ᑲᑎᖓᔪᑦ ᑎᑎᖃᒃᑯᕕᒃᑯᑦ ᑭᑎᐊᓂ-ᑎᓯᐱᕆ: 

ᓄᓇᑦᓯᐊᖅ: 1-800-661-0792 ᐅᕝᕙᓘᓐᓃᑦ employer@wscc.nt.ca

ᓄᓇᕗᒥᑦ: 1-877-404-4407 ᐅᕝᕙᓘᓐᓃᑦ employernu@wscc.nu.ca

ᑕᒫᓃᑦᑐᒍ ᐃᑲᔪᕈᒪᓪᓗᑕ! ᐃᑲᔪᖅᑕᐅᔭᕆᐊᖃᕈᕕᑦ ᑖᔅᓱᒧᖓ WSCC Connect, ᑕᑯᒋᐊᕐᓗᒍ WSCC Connect ᐃᑲᔪᖅᑕᐅᓂᕐᒧᑦ ᒪᒃᐱᖅᑐᒐᖓ ᐅᕝᕙᓘᓐᓃᑦ ᖃᐅᔨᒋᐊᕐᕕᐅᔪᓐᓇᖅᑐᖅ WSCC Connect ᐃᑲᔪᖅᑕᐅᓂᕐᒧᑦ ᐊᑭᖃᙱᑦᑐᖅ ᐅᕙᓂ 1-844-238-5008.

ᐃᓱᓕᒡᕕᒃᓴᐅᑖ: ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ

ᐱᔭᐅᔭᕆᐊᓖᑦ ᑎᓯᐱᕆ 31, 2022−ᒥ

ᖃᐅᔨᒪᓚᐅᖅᐱᑦ: ᓇᖕᒥᓂᖁᑎᖃᕈᕕᑦ, ᐱᓇᓱᐊᖃᑎᖃᕈᕕᑦ ᐱᔅᓂᔅ, ᑐᑭᒧᐊᒃᑎᐅᒍᕕᑦ, ᐅᒡᕙᓘᓐᓃᑦ ᐱᔅᓂᔅᖃᖅᑎᐅᓗᑎᑦ, ᐃᕐᖐᓐᓇᖅ ᐊᑕᓐᖏᑦᑐᑎᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔫᓯᐊᕈᑎᖏᓐᓄᑦ? ᐅᓇ ᑐᑭᖃᖅᑐᖅ ᐋᓐᓂᖅᑐᖃᕈᓂ ᐃᖅᑲᓇᐃᔭᖅᑐᒥᒃ, ᐱᑎᑕᐅᓂᐊᓐᖏᑦᑐᑎᑦ ᐃᑲᔫᓯᐊᕈᑎᓂᒃ ᐊᓯᖏᓐᓄᑦ ᓴᓇᔨᓄᑦ ᑖᒃᑯᐊᓗ ᐱᔪᓐᓇᕋᔭᖅᑑᒐᓗᐊᓄᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᕕᖃᕐᑎᑦᑎᔪᑦ ᐊᑎᖃᖃᑕᐅᓗᑎᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ. ᐱᓇᔪᒍᓐᓇᖅᑐᑎᑦ 1-ᒥᑦ 12-ᒧᑦ ᑕᕿᓄᑦ ᐅᑎᕐᕕᐅᔪᓐᓇᕐᓂᐊᕋᕕᑦ ᖃᓄᐃᓕᔪᖃᖅᐸᑦ ᐊᔾᔨᒋᓐᓂᒃᑕᐅᖅ ᐊᓯᕕᑦ ᐃᖅᑲᓇᐃᔭᖅᑎᑦᑎᔪᑦ ᐱᕙᒃᑕᖏᓐᓂᒃ ᐃᕐᖐᓐᓇᖅ ᐊᑖᒍᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᓕᒐᖏᓐᓄᑦ. ᓇᓪᓕᐅᒃᑯᒫᑦ ᓄᑖᕈᖅᑎᖃᑦᑕᕆᐊᖃᖅᑐᑦ ᐊᕐᕌᒍᑕᒫᑦ. ᐃᓂᖃᖅᐳᑎᑦ ᑎᑭᓐᓇᓱᖕᓂᖓᓂ ᑎᓯᐱᕆ 31, 2022 ᐱᔭᕇᕐᓗᒋᑦ 2023 ᐃᓄᖕᒧᑦ ᓇᓪᓕᐅᒃᑯᒫᑦ ᑕᑕᑎᕆᐊᓕᑦ ᐊᒻᒪᓗ ᐅᑎᖅᑎᓪᓗᒋᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ.

ᖃᓄᖅ ᑐᒃᓯᕋᕆᐊᖃᕐᓂᕐᒥ:

ᑕᑕᑎᕐᓗᒍ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ ᑕᑕᑎᕆᐊᓕᖕᒥ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖕᒥᑦ, ᐊᒻᒪ ᓇᒃᓯᐅᑎᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖓᓄᑦ ᐱᔪᓐᓇᕐᓂᖃᕐᕕᖕᓂ ᑎᓯᐱᕆ 31, 2022−ᒥ.

ᓄᓇᑦᓯᐊᕐᒥ: employer@wscc.nt.ca ᐅᕝᕙᓘᓐᓃᑦ ᓱᒃᑲᔪᒃᑯᑦ: 867-873-4596

ᓄᓇᕗᒻᒥ: employernu@wscc.nu.ca ᐅᕝᕙᓘᓐᓃᑦ ᓱᒃᑲᔪᒃᑯᑦ: 867-979-8501

ᐊᐱᖅᑯᑎᒃᓴᖃᕈᕕᑦ ᒫᓐᓇᐅᔪᒥ ᖃᓄᐃᓕᖓᓂᖓᓂ ᓇᓪᓕᐅᒃᑯᒫᒋᔭᕐᓂ, ᐅᕝᕙᓘᓐᓃᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ, ᖃᐅᔨᒋᐊᕐᕕᒋᑎᒍᑦ ᐅᓪᓗᒥ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᑐᓯᒪᓂᐊᑎᑐᑦ ᐃᖃᐅᒪᓐᓇᐅᑎᓪᓗᒍ ᐅᓪᓗᖅ ᑕᐃᑲᓂ ᐅᓪᓗᑐᐃᓐᓇᖅ, ᓄᕕᐱᕆ 11, ᐊᒻᒪᓗ ᒪᑐᐃᑲᓐᓂᕐᓗᑎᒃ ᓇᒡᒐᔭᒥᒃ, ᓄᕕᐱᕆ 14.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ, 5022 49th ᐊᖅᑯᑎ, ᑕᓪᓕᒪᖓᓐᓂ ᓇᑎᖓᓂ, ᕿᑎᐊᓂ ᑭᑉᐹᕆᒃᑐᖅ ᐃᒡᓗᐊᓗᒃ, ᑎᑎᖅᑲᕐᓂᐊᕐᕕᖓ 8888, ᔭᓗᓇᐃᕝ, ᓄᓇᑦᓯᐊᖅ X1A 2R3 ᑲᓇᑕ