Vandredi 23 Septanm 2022
FWA KOLÈJ AK KARYÈ

SONJE Distri Lekòl Rejyon Palm Beach la ap òganize Fwa Kolèj ak Karyè mèkredi 28 septanm 2022 soti 5:00 pou 8:00 PM nan South Florida Fairgrounds nan West Palm Beach. Ap genyen reprezantan anpil kolèj, inivèsite, lekòl komès ak fòs ame ki ap vin pataje enfòmasyon. Ap gen sesyon FAFSA, ki se Aplikasyon Gratis pou Èd Federal pou Elèv pou ede fanmi yo konprann pwosesis pou aplike pou resevwa èd finansye pou kolèj. 
ak Emmanuel Morel
Selebre Mwa Nasyonal Alfabetizasyon 
Sipèentandan Mike Burke te pase jedi maten nan Lekòl Elemantè Blue Lake pou li ak elèv jadendanfan nan kad selebrasyon Mwa Nasyonal Alfabetizasyon!

Klike la a pou jwenn resous ak estrateji pou w travay sou lekti ak pitit ou.
Klike la a pou w gade videyo a.
Remèsye Yon Pwofesè
Heather Lescaille se pwofesè ki genyen pri 'Remèsye Yon Pwofesè Pou Semèn Nan'. Li se yon pwofesè nan Lekòl Dreyfoos School of the Arts. Inisyativ sa a rekonèt chak semèn yon pwofesè ke elèv, paran, ak estaf anplwaye nonmen pou devouman yo, pwofesyonalis yo, ak jan yo genyen enpak pozitif sou elèv. Klike la a pou gade videyo a. 
Lekòl Mwayen Palm Springs Selebre
Mwa Eritaj Panyòl
PBCSD fyè pou l selebre sizyèm Lekòl Akademi Entènasyonal Panyòl li! Rekonesans ak distenksyon ke yo bay Lekòl Mwayen Palm Springs se yon temwayaj sou angajman Distri a pou ofri elèv yo yon bon kalite edikasyon bileng ki pral prepare yo pou siksè.
Pwogram OCHWA Nan Lekòl Atizay Plumosa Sèvi Elèv Ki Pa Gen Gwo Opòtinite Finansye

Se "Semèn Nasyonal Atizay Nan Edikasyon," Lekòl Atizay Plumosa nan Delray Beach ap ede elèv yo jwenn ritm yo epi ofri opòtinite anpil timoun nan lekòl la pa t ap genyen otreman. Kòm yon lekòl Tit I, klas sa yo sèvi elèv ak kominote ki pa toujou gen aksè ak yo.

Suiv @PBCSDKreyol sou Facebook, Twitter, ak Instagram pou jwenn mizajou
nouvèl nan lang Kreyòl Ayisyen.