Cylchlythyr Mis Mai 2023

Y NEWYDDION DIWEDDARAF

Dyfarnu 'Safon Aur' Iechyd a Llesiant i Iechyd a Gofal Digidol Cymru

Mae DHCW wedi llwyddo i ennill gwobr ‘Safon Aur’ mewn Gwiriad Statws Uwch yn y Safon Iechyd Corfforaethol. Dyfernir y wobr i gyflogwyr sy'n rhagori ym maes iechyd a llesiant yn y gweithle.

Dywedodd yr aseswyr, “Roedd yn amlwg iawn bod ethos a diwylliant llesiant DHCW yn rhagorol, yn flaengar ac yn gynhwysfawr ac wedi’i ddatblygu i fod yn gwbl strategol o ran ymagwedd. Mae’n amlwg bod llesiant wrth wraidd popeth y mae DHCW yn ei wneud.”

Darllenwch ragor ar wefan DHCW

Cyhoeddwyd bod timau DHCW wedi cyrraedd rownd derfynol Gwobrau Arweinwyr Technoleg Ddigidol

Cyhoeddwyd bod tîm y Rhaglen Llysgenhadon Newid, ynghyd â Jamie Parry, arweinydd y tîm, a thîm Cofnod Gofal Nyrsio Cymru wedi cyrraedd rownd derfynol Gwobrau Arweinwyr Technoleg Ddigidol y cylchgrawn Computing.

Mae'r gwobrau'n dathlu cyflawniadau'r unigolion a'r sefydliadau sydd 'wir yn gwneud gwahaniaeth ym maes technoleg ddigidol'.

Mae’r Rhaglen Llysgenhadon Newid yn grymuso unigolion i gael effaith gadarnhaol yn eu rôl drwy ddeall egwyddorion newid mewn sefydliad, a sut y gallant ddylanwadu arno.

Mae Llysgenhadon Newid yn hyrwyddo diwylliant o groesawu a chefnogi newid trwy ymgysylltu â staff a hwyluso gwelliant parhaus ar adegau o newid.

Mae Cofnod Gofal Nyrsio Cymru (WNCR) wedi trawsnewid y ffordd y mae nyrsys yn cofnodi, storio, rhannu a chyrchu gwybodaeth am gleifion. Yn hytrach na defnyddio dogfennau papur, gall nyrsys ddefnyddio dyfeisiau digidol i gasglu gwybodaeth a'i storio'n ddiogel yn y WNCR digidol. Yn gyntaf, safonodd tîm WNCR y ffurflenni a oedd yn cael eu defnyddio ledled y wlad, ac yna gwnaethant greu cofnodion digidol y gellid eu cyrchu wrth erchwyn y gwely ar ddyfeisiau digidol.

Mae Jamie Parry wedi cyrraedd rownd derfynol y categori 'Llysgennad Digidol y Flwyddyn', ac mae’r ‘Rhaglen Llysgenhadon Newid’ yn y categori 'Prosiect y Flwyddyn'. Mae Cofnod Gofal Nyrsio Cymru wedi cyrraedd rownd derfynol 'Tîm Digidol y Flwyddyn'. Cynhelir y seremoni wobrwyo ar 6 Gorffennaf.

Darllenwch ragor ar wefan DHCW

Penodi arweinydd newydd ar gyfer Rhaglen Rhagnodi a Gweinyddu Meddyginiaethau yn Electronig mewn ysbytai

Bydd Lesley Jones yn arwain y newid mwyaf i’r broses rhagnodi a gweinyddu meddyginiaethau mewn ysbytai yng Nghymru ers degawdau.

Gan ddod â phrofiad helaeth o 30 mlynedd o weithio ym maes nyrsio, mae Lesley wedi’i phenodi yn dilyn cyfweliad fel Uwch Swyddog Cyfrifol ar gyfer y rhaglen rhagnodi electronig Gofal Eilaidd a Gweinyddu Meddyginiaethau (ePMA). Bydd hefyd yn parhau a’i rôl fel Pennaeth Nyrsio ar gyfer Safonau Proffesiynol a Digidol ym Mwrdd Iechyd Prifysgol Hywel Dda, gan rannu ei hamser rhwng y ddwy rôl.

Darllenwch ragor ar wefan DHCW

DIWEDDARIADAU PELLACH

ePMA: Cynulleidfa gyda Bwrdd Iechyd Prifysgol Bae Abertawe

Mae'r tîm e-Ragnodi ym Mwrdd Iechyd Prifysgol Bae Abertawe wedi rhannu eu mewnwelediadau ar weithredu system Rhagnodi a Gweinyddu Meddyginiaethau yn electronig (ePMA).

Ar 24 a 25 Mai, dysgodd dros 100 o weithwyr gofal iechyd proffesiynol fwy am y manteision a'r heriau a wynebir. Cynhaliwyd y digwyddiad gan y Portffolio Trawsnewid Gweinyddu Meddyginiaethau’n Ddigidol yn Stadiwm Dinas Caerdydd. Bydd yr hyn a ddysgwyd o'r digwyddiad yn cefnogi'r bwriad i gyflwyno ePMA ar bob ward ledled Cymru.

Cynhadledd Ryngwladol ar Ofal Integredig

Siaradodd Gareth John yn y Gynhadledd Ryngwladol ar Ofal Integredig yn Antwerp ar 22 Mai. Bu Gareth, Pennaeth Gwasanaethau Gwybodaeth, yn arddangos y cydweithio cyffrous rhwng Iechyd a Gofal Digidol Cymru (DHCW) ac arweinwyr clinigol wrth ddatblygu dangosfwrdd gofal diwedd oes.

Datblygwyd y dangosfwrdd fel rhan o hacathon data ac mae'n helpu'r rhai sy'n gwneud penderfyniadau i ddeall y gwasanaethau y mae unigolyn yn dod ar eu traws yn ystod blwyddyn olaf eu bywyd. Mae'n darparu tystiolaeth o'r newidiadau sydd eu hangen wrth gyflenwi gwasanaethau ac mae’n helpu i werthuso effaith y newidiadau hynny.

Y Fforwm Rhyngwladol ar Ansawdd a Diogelwch

Mae’r ymgyrch genedlaethol ‘Atal Strôc’ wedi’i sefydlu yng Nghymru ers nifer o flynyddoedd. Nod yr ymgyrch yw lleihau’r risg o strôc gan reoli ffibriliad atrïaidd yn well drwy gefnogi Practisiau Meddygon Teulu i nodi ac adolygu cleifion â’r cyflwr er mwyn sicrhau eu bod yn cael y feddyginiaeth gwrth-geulo briodol pan nodir hynny.

Gan gydnabod llwyddiant yr ymgyrch, bu cydweithwyr yn GIG Cymru yn cydweithio â Simon Scourfield a Thîm Gwybodaeth Gofal Sylfaenol DHCW i gyflwyno poster yn y categori Gwella Ansawdd yn y Fforwm Rhyngwladol ar Ansawdd a Diogelwch yn Copenhagen rhwng 15 a 17 Mai.

DIGWYDDIADAU I DDOD

Cynhadledd ac Arddangosfa Iechyd Ewropeaidd HIMSS23

Mae HIMSS (Cymdeithas Systemau Gwybodaeth a Rheoli Gofal Iechyd) yn gymdeithas byd-eang sy’n cynghori, yn arweinydd agweddau ac sy'n seiliedig ar aelodau sydd wedi ymrwymo i ddiwygio'r ecosystem iechyd byd-eang trwy bŵer gwybodaeth a thechnoleg.

Mae'r gymuned gofal iechyd Ewropeaidd yn ymgynnull yng Nghynhadledd ac Arddangosfa Iechyd Ewropeaidd HIMSS23 yn Lisbon, Portiwgal rhwng 7 a 9 Mehefin.

Bydd cynrychiolwyr DHCW yn bresennol yn HIMSS i drafod sut mae arloesi ym maes digidol yn trawsnewid gofal yng Nghymru a sut mae ein dull data yn helpu i ysgogi cyflenwi gwasanaethau ar gyfer anghenion y presennol a’r dyfodol.

Rhagor o wybodaeth yma: Cynhadledd ac Arddangosfa Iechyd Ewropeaidd HIMSS23 | HIMSS

MediWales Connects – Cynhadledd Cydweithio’r GIG

Bydd cydweithwyr yn y GIG o bob rhan o Gymru, cwmnïau lleol a’r sector diwydiant ehangach yn ymuno â’r digwyddiad MediWales hwn i rannu gwaith arloesi clinigol yn ymarferol i wella canlyniadau cleifion.

Bydd y digwyddiad yn cynnwys cyflwyniadau, gweithdai a chyfleoedd rhwydweithio.

Bydd rhaglenni allweddol DHCW yn bresennol yn y digwyddiad. Bydd cynrychiolwyr o’r Gwasanaethau Digidol ar gyfer Cleifion a’r Cyhoedd (DSPP), Portffolio Trawsnewid Gweinyddu Meddyginiaethau’n Ddigidol (DMTP) a’r Adnodd Data Cenedlaethol (NDR) ar gael i drafod sut mae eu cynhyrchion a’u gwasanaethau yn gweithio tuag at feithrin partneriaethau gofal iechyd cymunedol.

Rhagor o wybodaeth yma:

Hafan - MediWales Connects

GIG 75

Ar 5 Gorffennaf, bydd GIG Cymru yn nodi 75 mlynedd o wasanaeth. Mae GIG Cymru yn cyffwrdd â’n bywydau ni i gyd, a heddiw ni allwn ddychmygu bywyd hebddo. Wrth i ni nodi 75 mlynedd o’r GIG, edrychwn yn ôl ar gyflawniadau ein sefydliad, yn ogystal ag edrych ymlaen at y cyfleoedd sydd gennym i lunio’r dyfodol.

Heddiw, mae GIG Cymru yn trawsnewid drwy waith arloesi ac arferion gorau ar draws y wlad gyfan. Ni fyddai dim o hyn yn bosibl heb sgil, ymroddiad a thosturi staff a gwirfoddolwyr y GIG.

Bydd DHCW yn dathlu cyflawniadau allweddol y GIG dros y degawdau ar ein sianeli cymdeithasol o 3 Gorffennaf ymlaen ochr yn ochr â bod yn bresennol mewn digwyddiadau allweddol ar 5 Gorffennaf.

dhcw-enquiries@wales.nhs.uk

dhcw.nhs.wales

igdc.gig.cymru