Ebrill 2023

‌ Amdanom di Cofrestrwch Swyddi gwag

Iechyd a Gofal Digidol Cymru (DHCW) yn rownd derfynol Gwobrau Digidol HSJ Mae Cofnod Gofal Nyrsio Cymru, y tîm Dewis Fferyllfa a’r tîm y tu ôl i gyfres o ddangosfyrddau data GIG Cymru wedi cyrraedd rownd derfynol Gwobrau Digidol HSJ eleni. Mae'r gwobrau'n cydnabod rhagoriaeth mewn digideiddio, cysylltu a thrawsnewid iechyd a gofal.

Cymerodd tîm Arbenigwyr Gwybodaeth y dangosfyrddau data ran yn y gystadleuaeth Ysgogi Newid trwy Ddata a Dadansoddeg ar y cyd â Chanolfan Gwerth mewn Iechyd Cymru mewn cydnabyddiaeth o’r dangosfyrddau y mae’r timau wedi’u creu i helpu clinigwyr a’r rhai sy’n gwneud penderfyniadau yn GIG Cymru i ddarparu’r gofal gorau posibl i gleifion.

Cymerodd tîm Cofnodion Gofal Nyrsio Cymru (WNCR) ran yn y gystadleuaeth Tîm Digidol y Flwyddyn. Mae’r WNCR yn system ddigidol sy’n trawsnewid y ffordd y mae nyrsys yn cofnodi, storio a chyrchu gwybodaeth am gleifion. Yn hytrach na defnyddio dogfennau papur, gall nyrsys ddefnyddio dyfeisiau digidol i gasglu gwybodaeth a’i storio’n ddiogel yn y WNCR, fel bod modd i’r rheiny sy’n rhoi gofal gyrchu’r un wybodaeth gyfredol ar hyd llwybrau gofal iechyd cleifion.

Ymgeisiodd y tîm Dewis Fferyllfa am y wobr Gwella Gofal y Tu Allan i'r Ysbyty trwy Ddulliau Digidol. Mae’r cais ar y cyd â Phrifysgol Caerdydd, Fferylliaeth Gymunedol Cymru a Llywodraeth Cymru yn dathlu llwyddiant y Gwasanaeth Adolygu Meddyginiaethau wrth Ryddhau (DMR) yn mynd yn ddigidol. Dechreuodd y gwasanaeth DMR fel gwasanaeth papur yn 2011, ond yn dilyn adolygiad dan arweiniad Prifysgol Caerdydd datblygwyd cymhwysiad digidol newydd sy’n cysylltu â systemau eraill ar draws GIG Cymru. Dysgwch ragor ar wefan Iechyd a Gofal Digidol Cymru.

Dogfennau cleifion mewnol pediatrig i fynd yn ddigidol Mae system ddigidol arloesol ar gyfer nodiadau cleifion ar fin symud i'w thrydydd cam wrth i nodiadau cleifion mewnol plant gael eu cynnwys yn y system. Ddwy flynedd ar ôl lansio Cofnod Gofal Nyrsio Cymru (WNCR) ym mis Ebrill 2021, bydd y prosiect nawr yn symud i’r cam nesaf, ac mae dogfennaeth ar gyfer cleifion mewnol pediatrig bellach yn mynd yn ddigidol diolch i £1.8m o gyllid o Gronfa Buddsoddi mewn Blaenoriaethau Digidol Llywodraeth Cymru. Mae cam un a dau o'r prosiect wedi canolbwyntio ar wardiau cleifion mewnol oedolion mewn ysbytai acíwt a chymunedol. Mae system ddigidol wedi disodli nodiadau papur traddodiadol, gan drawsnewid y ffordd y mae nyrsys yn cofnodi, storio a chyrchu gwybodaeth. Dysgwch ragor ar wefan Iechyd a Gofal Digidol Cymru.

Cronfa Arloesi System Fferylliaeth Gymunedol sy'n helpu i ddigideiddio presgripsiynau yng Nghymru yn agor heddiw Mae’r Portffolio Trawsnewid Gweinyddu Meddyginiaethau’n Ddigidol a Hwb Gwyddorau Bywyd Cymru yn lansio cronfa newydd heddiw i helpu cyflenwyr systemau fferylliaeth gymunedol digidol yng Nghymru i ddarparu gwasanaeth presgripsiwn electronig (EPS). Bydd cyflwyno EPS mewn gofal sylfaenol yng Nghymru yn gwneud y broses rhagnodi a gweinyddu yn fwy diogel, yn haws ac yn fwy effeithlon i gleifion a gweithwyr gofal iechyd proffesiynol. Mae’r gwaith yn rhan allweddol o’r Portffolio Trawsnewid Gweinyddu Meddyginiaethau’n Ddigidol sy’n cael ei letya gan Iechyd a Gofal Digidol Cymru. Bydd yn galluogi rhagnodwyr (fel meddygon teulu) i anfon presgripsiynau yn electronig i ddosbarthwr (fel fferyllfa gymunedol) o ddewis y claf. Dysgwch ragor ar wefan Iechyd a Gofal Digidol Cymru.

GIG 75: parkrun ar gyfer y Gwasanaeth lechyd Mae’r GIG yn dathlu ei ben-blwydd yn 75 oed fis Gorffennaf yma. I ddathlu, mae parkrun UK wedi ymuno â’r GIG i gynnal parkrun i’r GIG. Rydym yn annog staff, gwirfoddolwyr a chymunedau lleol i ddathlu’r garreg filltir hon, defnyddio’u hegni a rhedeg i’r GIG ar 8 Gorffennaf, neu mewn digwyddiadau parkrun i’r ieuenctid ar 9 Gorffennaf. Gallwch redeg, loncian, cerdded neu wirfoddoli yn un o'r digwyddiadau. Dod o hyd i’ch parkrun agosaf

dhcw-enquiries@wales.nhs.uk ‌ ‌ ‌ ‌

dhcw.nhs.wales

igdc.gig.cymru