Vandredi 4 Mas 2022
Direktris Sèvis Manje Lekòl nan Distri a ap eksplike wòl Depatman sa a ak bon avantaj ki genyen pou vin travay nan depatman an.
BON POU KONNEN
Distribisyon manje ap fèt pou elèv pou peryòd vakans prentan an Jedi 10 Mas.
Gade Cho Televizyon Nou "Enfòme W" Pou Semèn Sa a!

Nan emisyon sa a n ap pale osijè: Enpòtans Lekti Nan Siksè Akademik Elèv
Konekte Pandan w Nan Bis
Pandan elèv nan bis kounye a yo kapab pwofite fè devwa yo epi etidye. Depatman Transpòtasyon Distri Lekòl Rejyon Palm Beach la mete WiFi kounye a nan tout 850 bis lekòl yo kòm yon alonjman klas yo. Gade kijan elèv kapab konekte sou entènèt pandan yo nan bis pou ale lekòl epi retounen lakay yo.
Will Rhymes Se Gayan "Remèsye Yon Pwofesè"
Will Rhymes se yon pwofesè mizik nan kè li, mwen li te jwenn rekòmandasyon pou anseye klas senkyèm ane sa a nan Lekòl Elemantè Northmore. Depi lè a se pwogrè sèlman li ap reyalize ak elèv li yo. Gade videyo kote yo fè l vizit sipriz pou anonse l li se Pwofesè pou semèn nan.
Twa Lekòl Nan Zòn Westlake Resevwa Don Winn-Dixie
Twa lekòl nan distri a resevwa don jenere pou ede pwojè enpòtan nan men rezo makèt Winn-Dixie. Lidè magazen yo prezante yon chèk $4000 bay Lekòl Elemantè Acreage Pines, Lekòl Mwayen Western Pines, ak Lekòl Segondè Seminole Ridge nan inogirasyon yon nouvo magazen yo nan Westlake.
Gade kijan selebrasyon "Jou Pou Li Nan Tout Etazini" enspire elèv nan lekòl nou yo. Nou remèsye tout volontè ki te vin pase tan pou li nan klas nou yo.
Suiv @PBCSDKreyol sou Facebook, Twitter, ak Instagram pou jwenn mizajou
nouvèl nan lang Kreyòl Ayisyen.