ՀՕՄ-ի Գանատայի Շրջանային վարչութեան հովանաւորութեամբ ՝ երկու հայորդիներու Խորէն Մարտոյեանի եւ Ռաֆֆի Տէմիրճեանի ձեռնարկած հեծելարշաւ դրամահաւաքը ի նպաստ Երեւանի «Զինուորի Տուն» վերականգնողական կեդրոնի, սկիզբ առաւ 12 Օգոստոս 2022 առաւօտեան ժամը 7:00-ին Թորոնթոյի« Յոյսի Այգի»ի Հայոց ցեղասպանութեան յուշարձանի մօտէն դէպի Օթթաուա:

ՀՕՄ-ի Գանատայի Շրջանային վարչութեան անդամ ընկերուհի Անի Հոթոյեան-Ժոլի ներկայ գտնուեցաւ մեկնարկի վայրը եւ Շրջանային վարչութեան անունով յաջողութիւն մաղթեց հեծելանւորդներուն:

14 Օգոստոս 2022-ի յետմիջօրէին ժամը 4:00-ին, 389 քիլոմեթր արշաւելէ ետք , Խորէն Մարտոյեան եւ Ռաֆֆի Տէմիրճեան Օթթաուայի «Եուսէֆ Քարշ»ի կիսանդրիին մօտ ծափողջոյններով դիմաւորուեցան ՀՕՄ-ի անդամներու կողմէ: ՀՕՄ-ի Գանատայի Շրջանային վարչութեան անունով ընկերուհի Ազգանուշ Հատիտեան գնահատեց մարզիկները, որոնք ջանք չխնայեցին այս հեծելարշաւէն գոյացած $25,000 գումարով հայրենիքի պաշտպանութեան համար վիրաւորուած զինուորին աջակցելու: Անգլերէնով շնորհաւորական Խօսք յայտնեց նաեւ Օթթաուայի «Սեւան» մասնաճիւղի ատենապետ ընկերուհի Թալին Շիրիքճեան:

Խորէն Մարտոյեան եւ Ռաֆֆի Տէմիրճեան իրենց կարգին շնորհակալութիւն յայտնեցին ՀՕՄ-ին եւ բոլոր նուիրատուներուն իրենց ընձեռուած առիթին համար։ Նուիրահաւաքէն գոյացած գումարով կարելի պիտի ըլլայ Երեւանի «Զինուորի Տուն» վերականգնողական կեդրոնի «Միկրոբուժական եւ Բլաստիկ վիրահատման» (Zimmer Biomet Skin Graft Mesher) բաժանմունքին բժշկական սարքեր ապահովել:

ՀՕՄ-ի Գանատայի Շրջանային վարչութիւն

Շաբաթօրեայ դպրոցի վերամուտ

Երկու տարուայ ակամայ դադարէ մը ետք, ՀՕՄ-ի Մեղրի մասնաճիւղը այս տարի ուրախութեամբ ձեռնարկեց ամառնային ճամբարի կազմակերպաման, Յուլիս 18-29, 2022:

Օրական ծրագիրը կ‘ընդգրկէր Հայերէն խօսակցութիւն, գրավարժութիւն, կարդալ, հայկական պար, ձեռային աշխատանք եւ խաղեր:

Ճամբարի մասնակցող երեխաները ուրախ օրեր անցուցին: Վարձքը կատար Տիկ. Զարա Քելեանի և Տիկ. Ռիթա Ակինեանի, ինչպէս նաև բոլոր անոնց որոնք օգտակար դարձան ճամբարին:

ARS Meghri Chapter was excited to have in-person Armenian Summer Camp again after a two-year break due to pandemic restrictions. The camp was held at the Armenian Community Centre in Cambridge from July 18-22, 2022 under the supervision of Or. Zara and Or. Rita, and from July 25-29, 2022 with Or. Zara. The daily program included Armenian conversation, reading, dancing, games, outdoor activities (weather permitting), etc. All children who attended had a great time. For additional photos, go to:

ՀՕՄ-ի Մոնթրէալի «Սօսէ» Մասնաճիւղի ընկերային յանձնախումբը , Երեքշաբթի, 16 Օգոստոս, 2022-ին, Մոնթրէալի Հայ Կեդրոնի Արդօ եւ Ալիս Մարգարեան սրահէն ներս, կազմակերպեց ճաշկերոյթ մը:

Ներկայ գտնուեցան համակիրներ եւ ընկերուհիներ, որոնք վայելեցին յանձնախումբին պատրաստած համեղ ճաշերն ու հաճելի մթնոլորտը։

Տօնուեցաւ նաեւ ընկհ.Սուլթան Փալանճեանի 90-րդ տարեդարձը: Սոյն ձեռնարկին ներկայ գտնուեցաւ ՀՕՄ-ի Սօսէ մասնաճիւղի նորընտիր ատենապետուհի՝ ընկերուհի Հուրի Զաքարեան, որ տուաւ իր սրտի խօսքը, գնահատեց յանձնախումբի աշխատանքը, ինչպէս նաեւ շնորհաւորեց ընկհ. Փալանճեանը իր տարեդարձին առթիւ:

The Armenian relief Society « Sosse » Chapter’s Social Committee organized a luncheon on Tuesday, August 16, 2022, in the Arto & Alice Markarian Hall, at the Armenian Community Center of Montreal.

 ՀՕՄ-ի «Շուշի» մասնաճիւղի վարչութիւնը Հինգշաբթի 25 Օգոստոս 2022 երեկոյեան կազմակեպեց գնահատանքի երեկոյ մը Լաւալի Պարոնեան սրահէն ներս։

Ներկայ էին Լաւալի Ս․ Գէորգ Եկեղեցւոյ Հովիւ Տէր Յակոբ քահանայ Գիադայեան, Շրջանային Վարչութեան անդամներ, Հայ Դատի եւ քոյր միութեանց ներկայացուցիչներ, ինչպէս նաեւ Գանատայի դաշնակցային կառավարութեան Վիմի շրջանի երեսփոխան Տիկ․ Անի Գութրաքիս. եւ Լաւալի քաղաքապետարանի անդամ ընկհ․ Սեդա Թոփուզեան Գուշեան։

Օրուան հանդիսավար ընկհ․ Տալիտա Պալիօզեան ՀՕՄ-ի քայլերգէն ետք հրաւիրեց քահանայ հայրը ճաշը օրհնելու և սրտի խօսքը փոխանցելու, որմէ ետք բեմ հրաւիրուեցաւ երեսփոխան տիկ․ Գութրագիս, ան բարձր գնահատեց ՀՕՄ-ի անդամներուն տարած կամաւոր աշխատանքը։

Ընթրիքէն ետք ասմունքեց Պրն․ Վարդգէս Քիւփէլեան Յովհաննէս Շիրազի "Ամենայն Սրտով" քերթուածը։ Ապա տեղի ունեցաւ երդման արարողութիւն 10 նորագիր ամդամներու, կնքամայրութեամբ՝ ընկհ․ Սիւզի Պոյամեանի։

Բեմ հրաւիրուեցաւ օրդ․ Նատիա Սիուֆին ստանալու վարչութեան կողմէ տրամադրուած այս տարուայ կրթաթոշակը։

Վարչութեան ատենապետ ընկհ․ Ֆլօրա Կիրակոսեան և ընկհ․ Սեդա Թոփուզեան Գուշեան Ոսկեայ Տարիք յանձնախումբին անդամներուն փոխանցեցին գնահատագրեր եւ շքանշաններ Լաւալի քաղաքապետարանի, դաշնակցային կառավարութեան եւ Շուշի մասնաճիւղի կողմէ։

Մեծարուած ընկերուհիներն են՝ Սիմա Մարունեան, Մանան Ապրաքեան, Ռիթա Էքմէքճեան, Վերժին Բուջիկեան, Մարի Չերչեան, Մակի Հաժժար, Մատլէն Գույումճեան, նաեւ յետ մահու մեծարուած ընկհ․ Սոնա Իսհակ։

Վարչութեան կողմէ գնահատագիր ստացաւ նաեւ Լաւալի Հայ կեդրոնի տնօրէն՝ ընկ․ Լեւոն Տէր Ադամեան։

Ձեռնարկի աւարտին Շրջանային վարչութեան ատենապետ ընկհ․Լուսին Փալանճեան շնորհաւորեց նորագիր անդամները մաղթելով իրենց բեղուն գործունէութիւն ՀՕՄ-ի շարքերէն ներս, ինչպէս նաեւ բարձր գնահատեց վարչութեան տարած աշխատանքը եւ շնորհաւորեց Ոսկեայ Տարիքի յանձնախումբի անդամները։

ՀՕՄ-ի Մոնթրէալի «Սօսէ» մասնաճիւղի ընկերային յանձնախումբը, Սուրբ Խաչվերացի տօնին առթիւ կազմակերպեց պտոյտ մը դէպի Թորոնթօ, Նիակարա ջրվէժ եւ Գէմպրիճ 9֊10 և11 Սեպտեմբերի շաբաթավերջին: 56 մասնակցողներ նախ ուղղուեցան Թորօնթօ և այցելեցին հայ կեդրոն: Հայր Վարդանի օրհնութիւնը ստանալէ ետք անցան սրահ և ճաշակեցին եկեղեցւոյ տիկնաց յանձնախումբի պատրաստած համեղ ճաշերը: Մի քանի ժամ հոն անցնելէ ետք այցելեցին Նիակարա ջրվէժը ու շաբաթ երեկոյեան հասան Գէմպրիճ, ուր ներկայ գտնուեցան մատաղ օրհնէնքի արարողութեան, ապա խրախճանքին:

Շատ հաճելի երեք օրեր անցնելէ յետոյ , մասնակցողները բարձր տրամադրութեամբ վերադարձան Մոնթրէալի հայ կեդրոն:

ՀՕՄ-ի Մոնթրէալի «Սօսէ» մասնաճիւղի ընկերային յանձնախումբը Չորեքշաբթի 21 Սեպտեմբեր, 2022-ին, կազմակերպեց խնձորաքաղի պտոյտ մը դէպի Գոնսդանթին ճաշարան:

Դաշտին մէջ տեղի ունեցաւ Հայկական սուրճի հիւրասիրութիւն :Ներկաներուն հրամցուցինք թահինով հաց, որ նուիրուած էր Տիկին Զեփիւռ Ներսէսեանի կողմէ:

Խնձորաքաղէն վերջ մասնակցողները ճաշակեցին ճաշարանին համեղ կերակուրները:

Բոլոր ներկաները շատ ուրախ օր մը անցնելէ ետք, դարձեալ իրար հանդիպելու միտումով բաժնուեցան ուրախ տրամադրութեամբ:

Յատուկ շնորհակալութիւն բոլոր անոնց, որոնք քաջալերեցին սոյն ձեռնարկը նաեւ Տիկին Զեփիւռ ներսէսեանին իր համեղ հիւրասիրութեան համար:

Վարձքը կատար յանձնախումբի բոլոր ընկերուհիներուն, որոնք ինչպէս միշտ ճիգ չեն խնայէր ձեռնարկը յաջողցնելու եւ յատուկ գուրգուրանք ցուցաբերելու բոլոր ներկաներուն:

Ուրբաթ, 5 Օգոստոս-ին Հ.Օ.Մ.-ի «Ռուբինա» Մասնաճիւղի Վարչութիւնը գնահատանքի երեկոյ մը կազմակերպած էր մասնաճիւղին 2021-2022 տարեշրջանի գործօն 16 յանձնախումբերուն, ներկայութեամբ՝ Շրջանային Վարչութեան Թորոնթոյի ներկայացուցիչ՝ Ընկհ.Անի Հոթոյեան-Ժոլի: Մասնաճիւղիս ատենապետ՝ Մարալ Միսիրեան շնորհակալութիւն յայտնեց բոլորին, բարձր գնահատելով ընկեր եւ ընկերուհիներուն տարած աշխատանքները, վստահեցնելով, որ այս տարի եւս համագործակցութեամբ պիտի իրականացնենք մեր ծրագիրները:

An appreciation night organized by ARS Roubina Chapter to acknowledge the dedication and hard work of it’s sixteen various committees in the 2021-2022 fiscal year. It was held on Friday, August 5th at the Armenian Community Centre.

ՀՕՄ-ի «Ռուբինա»մասնաճիւղի վարչութեան կազմակերպութեամբ՝ տեղի պիտի ունենայ ՄԱՐԶԱՆՔԻ ԴԱՍԸՆԹԱՑՔ, Չորեքշաբթի, 12 Հոկտեմբեր, 2022-էն սկսեալ, 10 շաբթուայ տեւողութեամբ, սակ $65:

ARS Toronto Roubina chapter has organized weekly fitness classes starting Wednesday October 12, 2022 for 10 weeks. Join us.

ՀՕՄ-ի «Ռուբինա» մասնաճիւղի տարեկան Կաղանդի Տօնավաճառը տեղի պիտի ունենայ 5 եւ 6 Նոյեմբեր, 2022-ին:

ARS "Roubina" Chapter's Christmas Market will be held on

November 5-6, 2022 in the main hall of the Armenian Community Centre.

Come and support our eventԷ