ᒪᐃ 2023

ᖁᕕᐊᒋᓯᒪᓪᓚᕆᑦᑕᕋ ᐱᔨᑦᓯᕋᖅᑎᐅᓯᒪᓂᕋ ᐊᖏᔪᖅᑳᖑᓪᓗᖓ ᐊᒻᒪ ᑎᒥᐅᔪᒥᑦ ᐊᐅᓚᑦᑎᔨᐅᓗᖓ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᕐᕌᒍᓄᑦ ᑎᓴᒪᓄᑦ!

ᐃᓕᑦᓯᒪᓪᓗᐊᓕᖅᑐᖓ ᐊᔾᔨᐅᖏᑦᑐᒥᑦ ᐊᕙᑎᐅᔪᒥᑦ ᐊᖏᕐᕋᕆᓂᕋᖅᑕᑎᓐᓂᑦ, ᐊᒻᒪ ᐊᑦᓱᕉᑎᐅᕙᑦᑐᑦ ᓵᖓᕙᑦᑕᕗᑦ ᐃᖅᑲᓇᐃᔭᕐᕕᐅᔪᑦ ᐊᑦᑕᓇᔾᔭᐃᕐᓯᒪᖁᓪᓗᒋᑦ. ᐊᑲᐅᓈᕈᔾᔨᓯᒪᑦᑎᐊᐸᑦᑐᖓ ᐃᑲᔪᕐᓱᐃᔪᓐᓇᓯᐊᖅᑐᓂᑦ ᐊᐅᓚᑦᑎᔨᓂᑦ ᑲᑎᒪᔨᖃᕈᓐᓇᕆᐊᓴᖅ, ᐊᒻᒪ ᐊᕙᓗᑕᐅᓯᒪᕙᑦᑐᖓ ᐱᓕᕆᔪᒪᑦᑎᐊᐸᑦᑐᓄᑦ ᐃᖅᑲᓇᐃᔭᖅᑎᓄᑦ ᐅᑉᐱᕈᓲᑎᖃᑦᑎᐊᐸᑦᑐᓂᑦ ᑕᑯᓐᓇᖕᖑᐊᒐᑦᑎᓐᓂᑦ ᓄᖑᓴᐃᓂᕐᒥᑦ ᐃᖅᑲᓇᐃᔭᕐᕕᓐᓂ ᐊᓐᓂᐊᑖᖑᕙᑦᑐᓂᑦ ᐊᒻᒪ ᐋᓐᓂᕈᑎᐅᕙᑦᑐᓂᑦ.

ᐊᑕᐅᑦᑎᒃᑯᑦ ᐊᑐᓚᐅᖅᑕᕗᑦ ᓄᕙᒡᔪᐊᕐᓇᖅ-19 ᐊᒥᓱᓄᑦ ᐋᓐᓂᐊᓕᕈᑎᐅᓚᐅᖅᑐᖅ, ᐊᒻᒪ ᑭᓪᓕᒋᓚᐅᖅᑕᖓ ᐱᐅᔪᐊᓘᓚᐅᖅᑐᖅ ᑖᓂᖅᑐᓕᕈᑎᐅᓚᐅᕐᓂᖓ ᐃᖅᑲᓇᐃᔭᕐᕕᒃᑯᑦ ᐃᓱᒪᓕᕆᓂᕐᒥᑦ ᐊᑦᑕᓇᔾᔭᐃᕐᓯᒪᐅᑎᓂᑦ ᓴᖅᑮᓚᐅᕐᒪᑦ. ᐃᖅᑲᓇᐃᔭᕐᕕᓐᓂ ᐋᓐᓂᕈᑎᐅᕙᑦᑐᑦ ᑎᒥᒃᑯᑐᐃᓐᓇᐅᐸᖕᖏᒻᒪᑕ, ᐊᒻᒪ ᐃᓱᒪᒃᑯᑦ ᐋᓐᓂᕈᑎᐅᓯᒪᔪᑦ ᐊᑯᓂᐅᓂᕐᓴᖅ ᒪᒥᒍᑎᐅᓇᓱᐊᖅᐸᑦᑐᑎᒃ ᐱᒻᒪᑕ. ᐱᑕᖃᖅᑎᑦᓯᑦᑕᐅᓕᒪᓂᖅ ᐱᐅᓂᖅᐹᖑᒐᔪᒻᒪᑦ ᐱᓕᕆᔾᔪᑎᒍᑦ, ᐊᒻᒪ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔫᑎᑦᓴᓂᑦ ᐱᓕᕆᔾᔪᑎᖃᐅᖅᑐᑎᑦ ᐱᒻᒪᑕ ᐊᑐᐃᓐᓇᐅᔪᓂᑦ ᐃᑲᔫᑎᑦᓴᖏᓐᓂᑦ ᐃᖅᑲᓇᐃᔭᕐᕕᐅᕙᑦᑐᑦ ᓴᖅᑮᔾᔪᑎᑦᓴᓂᑦ ᐃᓱᒪᒃᑯᑦ ᐊᑦᑕᓇᔾᔭᐃᕐᓯᒪᓂᕐᓴᓂᑦ ᐃᖅᑲᓇᐃᔭᕐᕕᓐᓂᑦ. ᖁᔭᓕᑦᑎᐊᖅᑐᖓ ᐃᑲᔪᕈᓐᓇᕐᓂᕆᓚᐅᖅᑕᓐᓂᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᒪᑦᓱᒥᖓ ᐱᔾᔪᑎᐅᓗᒥᑦ ᓴᖅᑮᓂᕐᒥᑦ, ᐊᒻᒪ ᐱᓕᕆᐊᖃᕋᓱᓐᓂᒃᑯᑦ ᐱᐅᓂᕐᓴᓂᑦ ᐃᓘᓐᓇᖏᓐᓄᑦ ᖃᐅᔨᒪᔾᔪᑎᑦᓴᐅᔪᓂᑦ ᐊᒻᒪ ᑐᑭᓯᔾᔪᑎᑦᓴᐅᔪᓂᑦ ᐃᖅᑲᓇᐃᔭᕐᕕᓐᓂ ᐃᓱᒪᒃᑯᑦ ᐃᓗᓯᓕᕆᓂᕐᒥᑦ.

ᐊᕐᕌᒍᑕᒫᕐᓯᐅᑎ ᐅᓪᓗᖓᓄᑦ ᕿᑦᓵᒍᑎᖃᕐᓂᐅᑉ ᐃᖅᑲᐅᒪᔾᔪᑎᐅᕙᑦᑑᑉ ᐃᖅᑲᓇᐃᔭᖅᑎᓂᑦ ᐃᓅᔪᓐᓃᕐᓯᒪᔪᓂᑦ ᐱᔾᔪᑎᒋᓪᓗᒋᑦ ᐃᖅᑲᓇᐃᔭᕐᕕᓐᓂ ᐱᕐᕈᓗᐊᕿᔾᔪᑎᐅᓯᒪᔪᑦ ᐊᑐᖅᑕᐅᓚᐅᖅᑐᖅ ᐃᐳᕈ 28. ᐱᓕᕆᔨᐅᓂᕐᓂ, ᐱᒋᐊᓚᐅᕐᓯᒪᓪᓗᖓ 2019, 18 ᐃᖅᑲᓇᐃᔭᖅᑎᐅᔪᑦ ᐃᓅᔪᓐᓃᓚᐅᖅᑐᑦ ᐃᖅᑲᓇᐃᔭᖅᑎᓪᓗᒋᑦ ᓄᓇᑦᓯᐊᕐᒥ ᐊᒻᒪ ᓄᓇᕘᒥ. 18 ᐃᓚᒌᑦ ᓱᓕ ᕿᑦᓵᑦᑐᑦ ᐅᐱᓐᓇᕋᓂ ᓇᓪᓕᒋᔭᖓᑦ ᐅᑎᓚᐅᖏᒻᒪᑦ ᐊᖏᕐᕋᒧᑦ ᐃᖅᑲᓇᐃᔭᕐᕕᒻᒥᓂᒃ ᑕᐃᑲᓂ ᐅᓪᓗᕐᒥ. ᐱᐅᓂᕐᓴᒃᑯᑦ ᐱᓕᕆᒋᐊᖃᓕᖅᑐᒍᑦ. ᐃᖅᑲᓇᐃᔭᕐᕕᖁᑎᕗᑦ ᐊᑦᑕᓇᔾᔭᐃᑦᓯᒪᓂᖅᓴᐅᒋᐊᖃᓕᖅᑐᑦ ᐊᒥᓱᒃᑲᓐᓃᑦ ᐃᓚᒌᑦ ᐊᑦᑐᖅᑕᐅᖃᑦᑕᖁᒍᓐᓃᖅᑐᒋᑦ ᐃᖅᑲᓇᐃᔭᕐᕕᓐᓂ ᐱᕐᕈᓗᐊᕿᔾᔪᑎᓄᑦ. ᑲᑐᔾᔨᓗᑕ, ᑕᒪᓐᓇ ᓴᖅᑭᖅᑎᒍᓐᓇᖅᑕᕗᑦ.

ᖁᔭᓐᓇᒦᕈᒪᕙᒃᑲ ᐃᖅᑲᓇᐃᔭᕐᕕᐅᔪᑦ, ᐃᖅᑲᓇᐃᔭᖅᑎᐅᔪᑦ, ᐊᒻᒪ ᑭᒃᑯᑐᐃᓐᓇᐃᑦ ᐃᑲᔪᕐᓱᐃᕙᓐᓂᖏᓐᓂᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ. ᑲᑐᔾᔨᓪᓗᑕ ᐱᕙᓪᓕᐅᑎᔪᒍᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᕐᕌᒍᓄᑦ ᑕᓪᓕᒪᓄᑦ ᐸᕐᓇᒍᑎᑦᓴᓂᑦ ᐸᕐᓇᐅᑎᖓᑦ, Paths Towards Safety (ᐊᖅᑯᑏᑦ ᐊᑦᑕᓇᔾᔭᐃᕐᓯᒪᓂᕐᒧᑦ), ᓇᓗᓇᐃᕐᓯᒪᑦᑎᐊᖅᑐᒥᑦ ᑐᑭᓕᐊᖅᑎᑦᔪᓐᓇᖅᑐᑦ ᓯᕗᓂᕐᒧᑦ.

ᐃᑉᐱᒍᓱᑦᑎᐊᕆᑦᓯ, ᐊᒻᒪ ᐊᑦᑕᓇᔾᔭᐃᕐᓯᒪᕙᓪᓗᓯ.

ᑎᐊᐱ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᕿᓃᓐᓇᐅᔭᖅᐸᑦᑐᑦ ᐱᐅᓯᑎᑦᓯᒋᐊᕈᑎᑦᓴᓂᑦ ᖃᓄᖅ ᐃᑲᔪᕐᓱᐃᒍᓐᓇᕐᒪᖔᑦᑎᒍ ᐃᖅᑲᓇᐃᔭᕐᕕᐅᕙᑦᑐᑦ ᐅᑭᐅᖅᑕᖅᑐᒥ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᑖᑦ ᐊᑦᑕᓇᔾᔭᐃᕐᓯᒪᓂᕐᒧᑦ ᑭᒃᑯᑐᐃᓐᓇᕐᓂᑦ ᐱᓕᕆᔾᔪᑎᓂᑦ ᑭᒡᒐᖅᑐᐃᔨᖏᑦ ᐃᑲᔪᕐᓂᐊᕐᓯᒪᔪᑦ ᐃᖅᑲᓇᐃᔭᕐᕕᓐᓂᑦ ᑐᑭᓯᐅᒪᐅᑎᓕᕆᓂᒃᑯᑦ – ᐊᒻᒪ ᑲᑎᒪᖃᑎᖃᕐᓗᑎᒃ – ᐃᖅᑲᓇᐃᔭᕐᕕᓐᓂ ᐊᒻᒪ ᐊᑦᑕᓇᔾᔭᐃᕐᓯᒪᓂᕐᒥᑦ (OHS) ᐱᓕᕆᐊᑦᓴᖏᓐᓂᑦ.

ᐊᑦᑕᓇᔾᔭᐃᕐᓯᒪᓂᕐᒧᑦ ᑭᒃᑯᑐᐃᓐᓇᕐᓂᑦ ᐱᓕᕆᔾᔪᑎᓂᑦ ᑭᒡᒐᖅᑐᐃᔩᑦ ᐊᑐᐃᓐᓇᐅᔪᑦ ᐃᖅᑲᓇᐃᔭᕐᕕᓐᓂᑦ ᐃᑲᔪᕐᓱᐃᔪᒪᓪᓗᑎᒃ ᐅᑯᐊ ᐱᓪᓗᒋᑦ:

• ᐱᕙᓪᓕᐊᑎᑦᓯᓂᖅ ᐃᖅᑲᓇᐃᔭᕐᕕᓐᓂ ᐊᒻᒪ ᐊᑦᑕᓇᔾᔭᐃᕐᓯᒪᓂᕐᒥᑦ ᐱᓕᕆᐊᑦᓴᓐᓂᒃ.
• ᐱᓕᕆᔾᔪᑎᓂᑦ ᖃᐅᔨᒪᓂᖅ ᓇᓗᓇᐃᔭᐃᓂᐊᕐᓗᓂ ᖃᓄᖅ ᒥᑭᓪᓕᑎᕆᓂᕐᒥᑦ ᐃᖅᑲᓇᐃᔭᕐᕕᓐᓂ ᐱᕐᕈᓗᐊᕿᓂᕐᒥᑦ.
• ᐃᓕᓐᓂᐊᕈᑎᒍᑦ ᐃᑲᔫᑎᑦᓴᑦ ᐱᐅᓯᑎᒋᐊᕈᑎᑦᓴᐅᓗᑎᒃ ᐃᖅᑲᓇᐃᔭᕐᕕᓐᓂ ᐊᒻᒪ ᐊᑦᑕᓇᔾᔭᐃᕐᓯᒪᓂᕐᒥᑦ ᓴᖅᑭᕈᓐᓇᖅᑐᓂᑦ ᐃᖅᑲᓇᐃᔭᕐᕕᓯᓐᓂ.

ᖃᐅᔨᒋᐊᕐᕕᑦᓴᖅ ᐊᑦᑕᓇᔾᔭᐃᕐᓯᒪᓂᕐᒧᑦ ᑭᒃᑯᑐᐃᓐᓇᕐᓂᑦ ᐱᓕᕆᔾᔪᑎᓂᑦ ᑭᒡᒐᖅᑐᐃᔨᑦᑎᓐᓂᑦ:

• ᓄᓇᑦᓯᐊᖅ: 1-800-661-0792 ᐅᕝᕙᓘᓐᓃᑦ Safety.Outreach@wscc.nt.ca
• ᓄᓇᕗᑦ: 1-877-404-4407 ᐅᕝᕙᓘᓐᓃᑦ Safety.Outreach@wscc.nu.ca

ᐅᐸᖁᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑭᐊᖅᑭᕕᖓᑦ ᖃᐅᔨᒃᑲᓐᓂᕈᒪᒍᕕᑦ ᐃᓗᓕᖏᓐᓂᑦ.

ᑭᕕᑦᓯᓂᖅ, ᐃᓕᓯᓂᖅ, ᐊᒻᒪ ᐊᐅᓚᑦᓯᓂᖅ ᓱᓇᑐᐃᓐᓇᕐᓂᑦ ᐱᓕᕆᔾᔪᑎᐅᔪᓂᑦ ᐃᓚᒋᔭᐅᔪᖅ ᐃᖅᑲᓇᐃᔭᕐᕕᓐᓂ ᐋᓐᓂᕈᑎᐅᓗᐊᖅᐸᑦᑐᓄᑦ ᓄᓇᑦᓯᐊᕐᒥ ᐊᒻᒪ ᓄᓇᕘᒥ.

ᐅᖁᒪᐃᓐᓂᖏᑦ ᓱᓇᑐᐃᓐᓇᐃᑦ ᐊᐅᓚᑕᑎᑦ ᐱᔾᔪᑎᓪᓗᐊᖑᕙᑦᑐᑦ ᐋᓐᓂᖅᑐᓄᑦ, ᐊᐅᓚᑦᑎᓂᐅᔪᖅ ᓱᓇᑐᐃᓐᓇᕐᓂᑦ ᐅᖁᒪᐃᓐᓂᓕᓐᓂᑦ ᐅᖓᑖᓂ 20 ᑭᓗᒍᕌᒻᔅ (44 ᐸᐅᓐ) ᐋᓐᓂᕈᑎᐅᒐᔪᑦᑐᒻᒪᕆᐅᒻᒪᑕ. ᑕᒪᐅᓇ ᑐᑭᖃᖏᒻᒥᔪᖅ ᐅᕿᓐᓂᕐᓴᓂᑦ ᐊᐅᓚᑦᑎᒐᓗᐊᖅᑐᓂ 100%−ᐳᖏᓐᓂᑦ ᐊᑦᑕᓇᔾᔭᐃᒃᑯᑎᖏᓐᓂᑦ ᓄᖑᓴᐃᕕᑦᓴᐅᖏᒻᒪᑦ ᖃᐅᔨᒪᒋᐊᓕᒃ. ᓲᕐᓗ, ᑭᕕᑦᓯᕙᓐᓂᖅ ᐊᒻᒪ ᐃᓕᓯᕙᓐᓂᖅ ᐅᕿᓐᓂᕐᓴᓂᑦ ᐊᒥᓱᖃᓪᓚᓐᓂ ᐃᑲᕐᕋᓂ ᑕᖃᔭᕐᓇᓂᕐᓴᐅᒻᒪᑦ, ᐋᓐᓂᖅᑐᖃᓕᕋᑕᕐᓗᓂ.

ᐃᖅᑲᓇᐃᔭᕐᕕᐅᓗᑎᑦ, ᐱᒻᒪᕆᐅᔪᒥᑦ ᐊᑑᑎᖃᕈᓐᓇᖅᑐᑎᑦ ᒥᑭᓪᓕᑎᕆᓂᒃᑯᑦ ᐃᖅᑲᓇᐃᔭᕐᕕᓐᓂ ᐋᓐᓂᕈᑎᐅᔪᓐᓇᖅᑐᓂᑦ ᓱᓇᑐᐃᓐᓇᕐᓂᑦ ᐊᐅᓚᑦᑎᓪᓗᓂ.

ᐃᓱᒪᒋᒋᐊᖁᔪᑦ ᐅᑯᐊ ᐱᒋᐊᖅᑎᑕᐅᔪᓐᓇᖅᑐᑦ ᐱᓕᕆᔾᔪᑎᐅᔪᓐᓇᖅᑐᑦ:

• ᐱᓕᒻᒪᓴᖅᑎᑕᐅᕙᓪᓗᑎᒃ ᐃᖅᑲᓇᐃᔭᖅᑎᐅᔪᑦ ᐱᑦᑎᐊᑐᒃᑯᑦ ᐱᓕᕆᔾᔪᑎᓂᑦ ᑭᕕᑦᓯᓂᐊᕐᓗᓂ, ᐃᓕᓯᓂᐊᕐᓗᓂ, ᐊᔭᐅᕐᓯᓂᐊᕐᓗᓂ, ᐊᒻᒪ ᓄᓱᑦᓯᓂᐊᕐᓗᓂ ᓱᓇᑐᐃᓐᓇᕐᓂᑦ
• ᐃᖅᑲᓇᐃᔮᑦᓴᐃᑦ ᐋᖅᑭᑦᓯᒪᓇᓱᐊᖅᐸᓪᓗᒋᑦ ᐃᑉᐱᒋᑦᑎᐊᕐᓂᐊᕐᓗᒋᑦ ᐅᖁᒪᐃᓐᓂᖅᐹᓂᑦ ᑭᕕᑕᐅᔪᓐᓇᖅᑐᓂᑦ ᐃᖅᑲᓇᐃᔭᖅᑎᒧᑦ ᐊᐅᓚᑕᐅᓂᐊᕐᓗᓂ ᐅᓪᓗᒃᑯᑦ.
• ᐊᔭᐅᖅᑐᐸᓪᓗᒋᑦ ᐃᖅᑲᓇᐃᔭᖅᑎᖁᑎᑎᑦ ᐅᕿᓪᓕᑎᕆᓂᒃᑯᑦ ᐅᖁᒪᐃᓐᓂᖏᓐᓂᑦ ᓱᓇᑐᐃᓐᓇᐃᑦ ᓅᓐᓂᐊᖅᑕᖏᓐᓂᑦ ᐊᐅᓚᑕᖏᓐᓂᑦ ᐅᕿᓪᓕᑎᒋᐊᖅᐸᓪᓗᒋᑦ. ᐊᑕᐅᓯᐊᓗᒻᒥᒃ ᐊᖏᓪᓕᑎᓯᒪᔪᒥᑦ ᓅᑦᑎᖏᓪᓗᓂ, ᒥᑭᔫᑎᐅᓂᕐᓴᐅᑎᓪᓗᒋᑦ ᓅᑕᐅᕙᒋᐊᓕᐅᔪᑦ ᐅᕿᓪᓕᑎᒋᐊᖅᐸᓪᓗᒋᑦ.
• ᓇᓗᓇᐃᕐᓯᒪᕙᓪᓗᓯ ᐃᖅᑲᓇᐃᔭᖅᑏᑦ ᑕᖅᑲᐃᓯᑎᑉᐸᓪᓗᒋᑦ ᐃᖅᑲᓇᐃᔮᖃᖅᑎᓪᓗᒋᑦ ᐅᑎᖅᑎᕋᐅᔭᖅᑐᑎᒃ.
• ᐊᐅᓚᐅᑎᓕᓐᓂᑦ ᑭᕕᑦᓯᔾᔪᑎᓂᑦ ᐊᑐᑦᓴᐃᓐᓇᕆᐊᖃᖅᑎᑉᐸᓪᓗᒋᑦ ᐱᓕᕆᐊᖃᖅᑎᓪᓗᒋᑦ ᐃᓚᖏᓐᓂᑦ ᐱᓕᕆᐊᑦᓴᓂᑦ.

ᐱᐅᓯᑎᑦᓯᒋᐊᖅᐸᓐᓂᖅ ᐃᖅᑲᓇᐃᔭᕐᕕᓐᓂ ᖃᓄᐃᔾᔪᓯᕐᓂᒃ ᐱᕙᓪᓕᐅᑎᒍᓐᓇᕐᒥᔪᑦ ᐋᓐᓂᔾᔭᐃᕐᓯᒪᓂᕐᒥᑦ. ᓱᓇᑐᐃᓐᓇᐃᑦ ᐊᓪᓛᑦ ᐳᖅᑐᓂᖏᑦ ᐊᒻᒪ ᐃᑎᓂᖏᑦ ᐃᓕᔾᔨᕖᑦ ᐊᖏᔪᐊᓗᒻᒥᑦ ᐊᑑᑎᖃᕈᓐᓇᕐᒥᔪᑦ ᖃᓄᖅ ᐃᖅᑲᓇᐃᔭᖅᑎᐅᔪᑦ ᐊᐅᓚᑦᑎᕙᓐᓂᖏᒍᑦ ᓱᓇᑐᐃᓐᓇᕐᓂᑦ ᐱᓕᕆᔾᔪᑎᓂᑦ. ᐋᖅᑭᒋᐊᕆᔪᓐᓇᖅᑐᓯ ᐃᓕᔾᔨᕕᓐᓂᑦ ᑎᒥᑦᓯᓐᓂᑦ ᐊᐅᓚᓗᐊᔾᔭᐃᕐᓯᒪᒍᓐᓇᖅᑐᓂᑦ ᐊᐅᓚᑦᓯᑎᓪᓗᒋᑦ ᓱᓇᑐᐃᓐᓇᕐᓂᑦ ᐱᓕᕆᔾᔪᑎᓂᑦ. ᖃᖓᑐᐃᓐᓇᒃᑯᑦ ᐊᔪᕐᓇᖏᑐᐊᖅᐸᑦ, ᓇᓗᓇᐃᕐᓯᒪᕙᒋᐊᓕᒃ ᓱᓇᑐᐃᓐᓇᐃᑦ ᐊᐅᓚᔾᔭᑦᑎᒋᐊᖃᓚᐅᖅᐸᑦᑐᑦ ᐃᓕᔭᐅᓯᒪᕙᒋᐊᓖᑦ ᓇᒥ ᐊᑯᓐᓂᖏᒎᖓᔪᓂᑦ ᓯᖅᑯᕕᑦ ᐊᒻᒪ ᓴᕝᕕᕕᑦ ᐳᖅᑯᓂᖏᓐᓂᑦ ᓇᓕᒧᓪᓗᑎᒃ.

ᖃᐅᔨᒋᐊᖁᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑦᑕᓇᔾᔭᐃᓯᒪᓂᕐᒧᑦ ᓇᓗᓇᐃᔭᐃᓂᕐᒥᑦ ᒪᑉᐱᒐᖓᑦ ᖃᐅᔨᒃᑲᓐᓂᕐᓂᐊᕋᕕᑦ ᐃᓗᓕᖏᓐᓂᑦ ᓱᓇᑐᐃᓐᓇᕐᓂᑦ ᐱᓕᕆᔾᔪᑎᓂᑦ ᐊᐅᓚᑦᑎᔾᔪᑎᓂᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᓕᓐᓂᑦ ᖃᐅᔨᓴᑦᓯᐊᖁᔨᕗᑦ ᑐᓄᓐᓂᒃ. ᑕᖅᑭᖓᓂ ᒪᐃ, ᐃᖅᑲᓇᐃᔭᕐᕕᐅᔪᑦ ᑐᑦᓯᕋᕈᓐᓇᖅᑐᑦ ᑐᕌᒐᓕᓐᓂᑦ ᖃᐅᔨᓴᖁᔨᓗᑎᒃ ᐃᑲᔪᕐᓱᐃᔾᔪᑎᓂᑦ ᑐᓄᒥᑦ ᐊᑦᑕᓇᔾᔭᐃᒃᑯᑎᑦᓴᓂᑦ, ᐊᒻᒪ ᑐᓄᒃᑯᑦ ᐋᓐᓂᔭᐃᒃᑯᑎᑦᓴᓂᑦ. ᐊᐅᓪᓚᑎᑦᑎᓗᑎ ᐅᕙᑦᑎᓐᓄᑦ ᖃᕋᓴᐅᔭᒃᑯᑦ ᐃᓂᔅᓴᓕᐅᕐᓗᑎ ᐃᕝᕕᑦ ᐃᓂᖓᓄ ᐅᓪᓗᒥ! ᐊᒻᒪ ᐃᒪᐃᓐᓂᐊᖅᑯᑎᑦ ᒪᓕᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᕋᓴᐅᔭᒃᑯᑦ ᐃᕐᖏᓐᓈᕈᑎᒃᑯᑦ ᑕᒪᑐᒪᓂ ᐱᓇᓱᐊᕈᓯᕐᒥ ᖃᐅᑕᒫᑦ ᓴᖅᑭᖅᑎᑕᐅᔪᓄᑦ ᐊᒻᒪ ᐊᑭᖃᖏᑦᑐᑦ ᑭᓱᓕᕆᔾᔪᑏᑦ ᐃᑲᔪᕐᓗᑎ ᐃᖅᑲᓇᐃᔭᕐᕕᒋᔭᐃᑦ ᑐᓄᒻᒧᑦ ᐋᓐᓂᖅᑐᑕᖃᕈᓐᓇᖏᓪᓗᓐᓂ ᑭᓪᓕᖓ!

ᑐᓂᓗᒋᑦ ᒪᒃᑯᒃᑐᑦ ᐃᖅᑲᓇᐃᔭᖅᑎᑎᑦ ᐱᓕᕆᔾᔪᑕᐅᔪᓂ ᐊᒻᒪ ᑐᑭᓯᒋᐊᕈᑎᒃᓴᓂ ᐱᔭᕆᐊᖃᖅᑕᖏᓐᓂᑦ ᐊᑦᑕᓇᖏᑦᑐᒥᑦ ᐃᖅᑲᓇᐃᔭᕐᓂᐊᕐᒪᑕ ᓯᕗᓪᓕᖅᐹᒥ ᐅᓪᓗᖓᓂ!

ᐱᒻᒪᕆᐅᔪᖅ ᐳᐃᒍᔾᔭᐃᕐᓯᒪᒋᐊᖃᕐᓂᖏᑦ ᐃᖅᑲᓇᐃᔭᕐᕕᐅᕙᑦᑐᑦ ᐊᒻᒪ ᖃᐅᔨᓴᖅᑎᐅᕙᑦᑐᑦ ᐃᖅᑲᓇᐃᔭᖅᑎᓂᑦ ᓇᓗᓇᐃᕐᓯᒪᓂᒃᑯᑦ ᒪᒃᑯᑦᑐᐃᑦ ᐊᒻᒪ ᓄᑖᑦ ᐃᖅᑲᓇᐃᔭᖅᑎᐅᓕᖅᑐᑦ ᐊᑐᐃᓐᓇᖃᖅᐸᓐᓂᖏᓐᓂᑦ ᐃᑲᔫᑎᑦᓴᓂᑦ ᐊᒻᒪ ᐃᑉᐱᒍᓲᑎᑦᓴᓂᑦ ᐱᔾᔪᑎᒋᓪᓗᒍ ᐊᑦᑕᓇᔾᔭᐃᓯᒪᐅᑎᓂᑦ ᐱᓕᒻᒪᑦᓴᖅᑕᐅᕙᒃᑲᓗᐊᕐᒪᖔᑕ. ᐃᖅᑲᓇᐃᔭᕐᕕᐅᓗᑎᑦ, ᖃᓄᐃᓕᐅᕈᑎᑎᑦ ᑐᕌᓪᓗᐊᖅᑐᑎᒃ ᖃᓄᐃᑎᑦᓯᔾᔪᑎᐅᔪᓐᓇᖅᑐᑦ ᐃᓗᓯᖏᒍᑦ ᐊᒻᒪ ᐊᑦᑕᓇᔾᔭᐃᒃᑯᑎᓕᕆᓂᕐᒥᑦ ᐱᐅᓯᖏᓐᓂᑦ ᒪᒃᑯᑦᑐᐃᑦ ᐃᖅᑲᓇᐃᔭᕐᕕᖏᓐᓂ ᐃᕝᕕᑦ. ᐃᓚᒋᔭᐅᓗᑎᒃ ᓇᓗᓇᐃᔭᐃᔾᔪᑎᓄᑦ ᐱᓕᒻᒪᓴᕐᓯᒪᒐᓗᐊᕐᒪᖔᑕ ᐊᒻᒪ ᐅᐸᓗᖓᐃᕐᓯᒪᓕᕐᓗᑎᒃ ᐃᖅᑲᓇᐃᔮᒥᓂᒃ ᐃᖅᑲᓇᐃᔮᖃᕐᓂᕐᒥᑦ ᐊᑦᑕᓇᔾᔭᐃᕐᓯᒪᓗᑎᒃ, ᐅᑯᐊ ᖃᓄᐃᓕᐅᕈᑎᐅᔪᓐᓇᖅᑐᑦ ᐊᑐᖅᑕᐅᖁᓪᓗᒋᑦ ᐊᑦᑕᓇᔾᔭᐃᕐᓯᒪᐅᑎᑦᓯᐊᕙᐃᑦ:

• ᓯᕗᓕᖅᑎᐅᓗᓂ ᐆᒃᑑᑎᒃᑯᑦ.
• ᐊᔭᐅᖅᑐᐸᓪᓗᒋᑦ ᒪᒃᑯᑦᑐᐃᑦ ᐊᐱᕐᓱᖃᑦᑕᖁᓗᒋᑦ ᖃᓄᑐᐃᓐᓇᑦᑎᐊᖅ ᑐᑭᓯᖕᖏᒐᐃᒍᑎᒃ ᐅᖃᐅᓯᐅᔪᓂᑦ.
• ᖁᔭᓐᓇᒦᖅᐸᓪᓗᒋᑦ ᐊᑦᑕᓇᔾᔭᐃᒃᑯᑎᑦᓴᓂᑦ ᐊᐱᕐᓱᕈᓐᓇᕐᓂᖏᓐᓂᑦ ᑕᑯᑦᓴᐅᑎᑦᑐᒍ ᐊᑦᑕᓇᔾᔭᐃᕐᓯᒪᓂᖅ ᓯᕗᓪᓕᐸᐅᔾᔭᐅᔭᕆᐊᖃᕐᓂᖓᓄᑦ!

ᓇᓗᓇᐃᕐᓯᖁᔪᖅ ᒪᕐᕉᓐᓂᒃ ᐊᑭᖃᖏᑦᑑᓐᓂᒃ ᓴᓇᕐᕈᑎᑦᓵᓐᓂᒃ ᐊᑐᐃᓐᓇᐅᔫᓐᓂᒃ ᐃᑲᔫᑎᖃᖁᓪᓗᑎᑦ ᐃᓗᓕᓕᒫᖏᓐᓂᑦ ᐊᑦᑕᓇᔾᔭᐃᒃᑯᑎᓂᑦ ᐃᓕᓐᓂᐊᕈᑎᑦᓴᓂᑦ ᒪᒃᑯᑦᑐᖁᑎᓐᓅᖓᔪᓂᑦ ᐅᕝᕙᓘᓐᓃᑦ ᓄᑖᓄᑦ ᐃᖅᑲᓇᐃᔭᖅᑎᖁᑎᓐᓄᑦ:

• ᒪᒃᑯᒃᑐᓄᑦ ᐊᒻᒪᓗ ᐃᖅᑲᓇᐃᔭᓕᕋᑖᖅᑐᓄᑦ ᐃᖅᑲᓇᐃᔭᖅᑎᑦ ᐊᑦᑕᕐᓇᖅᑕᐃᓕᒪᓂᕐᒥᒃ ᖃᐅᔨᒪᓂᖅᓴᐅᓕᖅᑎᑕᐅᔾᔪᑎᖏᑦ ᐊᔪᕆᒃᓯᐅᔾᔨᓯᒪᔪᑦ: ᐅᓇ ᐊᑐᐊᒐᖃᕐᕕᒃ ᐱᖃᓯᐅᔾᔨᓯᒪᔪᖅ ᓇᓗᓇᐃᔭᐃᑎᒥᑦ ᐃᓕᓐᓂᒃ ᐊᔪᕆᕐᓱᐃᔾᔪᑎᒥᑦ ᐱᓕᕆᐊᑦᓴᖏᓐᓂᑦ ᐊᑦᑕᓇᔾᔭᐃᒃᑯᑎᓕᕆᔪᓂᑦ ᐃᓕᓐᓂᐊᕈᑎᑦᓴᓂᑦ ᒪᒃᑯᑦᑐᓂᑦ ᐊᒻᒪ ᓄᑖᓂᑦ ᐃᖅᑲᓇᐃᔭᖅᑎᓂᑦ.
• ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ ᓇᓗᓇᐃᒃᑯᑕᕐᒥ ᐃᓕᓐᓂᐊᕐᓂᖅ: ᖃᕋᑕᐅᔭᒃᑯᑦ ᐃᑲᕐᕌᓐᓂᒃ ᒪᕐᕉᓐᓂᒃ ᐃᓕᓐᓂᐊᕈᑎᒥᑦ ᒪᒃᑯᑦᑐᓂᑦ ᐃᖅᑲᓇᐃᔭᖅᑎᓂᑦ ᖃᐅᔨᒪᔭᕆᐊᓕᓐᓂᑦ ᖃᐅᔨᒪᑎᑦᓯᔾᔪᑎᑦᓴᓂᑦ ᐃᖅᑲᓇᐃᔭᕐᕕᒻᒥ ᐊᑦᑕᓇᔾᔭᐃᒃᑯᑎᓕᕆᓂᕐᒥᑦ ᐊᒻᒪ ᐱᔪᓐᓇᐅᑎᖏᓐᓂᑦ ᐊᒻᒪ ᐱᓕᕆᐊᑦᓴᖏᓐᓂᑦ ᐃᖅᑲᓇᐃᔭᖅᑎᐅᓂᖏᓐᓂᑦ ᐱᓪᓗᒋᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᓂᖅᑐᑦ ᐃᓚᒋᔭᐅᔪᒪᒐᔭᖅᑐᒥᑦ ᐊᐅᓚᑦᑎᔨᓄᑦ ᑲᑎᒪᔨᓄᑦ ᓄᓇᑦᓯᐊᕐᒥ ᐃᖅᑲᓇᐃᔭᖅᑎᓂᑦ ᑭᒡᒐᖅᑐᐃᔨᑦᓴᒥᑦ. ᐅᓪᓗᕐᓯᐅᑎᒍᑦ ᐊᕐᕌᒍᓖᑦ ᐱᖓᓱᓂᑦ, ᑲᑎᒪᕙᑦᑐᑎᒃ ᑎᓴᒪᐃᕋᖅᑐᑎᒃ ᐊᕐᕌᒎᑉ ᐃᓗᐊᓂ ᐊᒻᒪ ᐊᑭᓕᖅᑕᐅᕙᑦᑐᑎᒃ ᐅᐸᑦᑐᑦ. ᐱᓕᕆᔾᔪᑎᑖᕆᑦ ᐃᓚᖏᓐᓂᑦ ᓂᐅᕐᕈᓂᕐᒧᑦ ᐃᑲᔫᓯᐊᓂᑦ, ᐊᑑᑎᓕᒻᒪᕆᓐᓂᑦ ᓯᕗᓕᖅᑎᐅᓂᕐᒥᑦ ᐱᓕᕆᔾᔪᑎᑖᕐᓗᑎᑦ, ᐊᒻᒪ ᐃᑲᔪᕐᓗᑎᑦ ᐊᑦᑐᐃᓂᒃᑯᑦ ᐃᖅᑲᓇᐃᔭᕐᕕᓐᓂ ᐃᓗᓯᓕᕆᓂᕐᒥᑦ ᐊᒻᒪ ᐊᑦᑕᓇᔾᔭᐃᕐᓯᒪᓂᕐᒥᑦ ᓄᓇᑦᓯᐊᕐᒥ ᐊᒻᒪ ᓄᓇᕘᒥ ᓇᒥᑐᐃᓐᓇᖅ.

ᓇᓗᓇᐃᔭᕐᓯᒪᓂᕐᓴᓂᑦ ᑕᑯᔪᒪᓐᓂᕈᕕᑦ, ᐅᓇ ᐅᐸᖁᔪᖅ ᐃᑭᐊᖅᑭᕕᕗᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᕋᕐᕕᖏᑦ ᒪᑐᓂᐊᕐᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᕋᕐᕕᖓᑦ ᒪᑐᓯᒪᓂᐊᖅᑐᑦ ᑯᐃᓐ ᓇᓪᓕᐅᓐᓂᖅᓯᐃᓂᖓᓂ ᐅᓪᓗᖓᓂ ᓇᒡᒐᔾᔭ, ᒪᐃ 22−ᒥ, ᐊᒻᒪᓗ ᐅᒃᑯᐃᒃᑲᓐᓂᕐᓗᑎᒃ ᐊᐃᑉᐹ, ᒪᐃ 23−ᒥ, 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ, 5022 49th ᐊᖅᑯᑎ, ᑕᓪᓕᒪᖓᓐᓂ ᓇᑎᖓᓂ, ᕿᑎᐊᓂ ᑭᑉᐹᕆᒃᑐᖅ ᐃᒡᓗᐊᓗᒃ, ᑎᑎᖅᑲᕐᓂᐊᕐᕕᖓ 8888, ᔭᓗᓇᐃᕝ, ᓄᓇᑦᓯᐊᖅ X1A 2R3 ᑲᓇᑕ