ᒪᐃ 2022
‌
ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ: ᒪᐃ 1-7  
ᓱᓕ ᐱᕕᒃᓴᖃᖅᐳᖅ ᓇᓗᓇᐃᖅᓯᓂᕐᒥ ᐱᓇᓱᐊᕈᓯᕐᒥ 
ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ ᐱᓇᓱᐊᕈᓯᓕᒫᒥ ᖃᓄᐃᓐᓂᐅᔪᖅ ᖁᕕᐊᓱᒍᑕᐅᔪᒥ ᐅᐊᖕᓇᒥ ᐊᒥᐊᓕᑲᒥ ᓇᓗᓇᐃᖅᓯᔪᒥ ᐱᒻᒪᕆᐅᓂᖓᓂ ᓄᖅᑲᖅᑎᑦᑎᓂᕐᒥ ᐋᓐᓂᕐᓂᐅᔪᒥᑦ ᐊᒻᒪ ᐋᓐᓂᐊᕐᓇᒥᒃ ᐃᖅᑲᓇᐃᔭᕐᕕᖕᒥ ᐊᒻᒪ ᓄᓇᓕᖕᓂ. ᓇᓗᓇᐃᕐᓗᒍᑦ ᑕᒪᑐᒪᓂ ᐊᕐᕌᒎᔪᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᕌᒐᖃᖅᑐᑦ ᖃᓄᖅ ᐱᕙᒌᔭᖅᓯᒪᔪᓐᓇᕐᒪᖔᑕ ᒪᒃᑯᒃᑐᑦ ᐃᖅᑲᓇᐃᔭᖅᑏᑦ ᐊᑦᑕᓇᔾᔭᐃᖅᓯᒪᓂᕐᒥ ᐃᓯᕈᓐᓇᕐᓂᖏᓐᓂ ᐃᖅᑲᓇᐃᔭᖅᑎᐅᖃᑕᐅᓂᕐᒧᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐱᓕᕆᔨᒻᒪᙲᑦ ᐳᓛᕆᐊᖅᓯᒪᕗᑦ ᐱᓇᓱᐊᕈᓯᓕᒫᒥ ᐃᓕᓐᓂᐊᕐᕕᖕᓄᑦ ᐊᒻᒪᓗ ᓇᖕᒥᓂᖁᑎᒋᔭᐅᔪᓄᑦ ᓄᓇᑦᓯᐊᓗᒃᑖᒥᑦ ᐊᒻᒪᓗ ᓄᓇᕗᓗᒃᑖᒥᑦ, ᐊᒻᒪᓗ ᖃᐃᖁᔨᓯᒪᖃᑦᑕᕐᓂᐊᖅᖢᑎᒃ ᓴᓇᕝᕕᐅᔪᕗᑦ−ᑐᕌᖓᓪᓚᕆᒃᑐᑦ Zoom ᑲᑎᒪᓃᑦ ᐃᖅᑲᓇᐃᔭᕐᕕᖕᓄᑦ ᐃᖅᑲᓇᐃᔭᖅᑎᑦᑎᒐᔪᒃᑐᓄᑦ ᒪᒃᑯᒃᑐᓂᒃ. ᖁᔭᓐᓇᒦᒃ ᑭᒃᑯᓕᒫᓄᑦ ᐃᓚᐅᓚᐅᖅᑐᓄᑦ ᑲᑎᒪᓂᐅᔪᓂ ᐅᕝᕙᓘᓐᓃᑦ ᖃᐅᔨᒋᐊᖅᓯᒪᔪᓂ ᐅᕗᖓ ᖃᕋᓴᐅᔭᑎᒍᑦ ᒪᒃᑯᑦᑐᓄᑦ ᐃᖅᑲᓇᐃᔭᖅᑎᓄᑦ ᐃᑲᕗᕈᑎᒃᓴᓄᑦ.

ᓱᓕ ᐱᕕᒃᓴᖃᖅᐳᖅ ᑕᒪᒃᑭᓄᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᖃᐅᒃᐸᑦ, ᐅᓪᓗᑐᐃᓐᓇᖅ ᒪᐃ 6, 2022−ᒥ ᐱᔭᕇᖅᓯᓂᕐᒥ ᐱᓇᓱᐊᕈᓯᐅᔪᒥ ᑕᐅᑐᒃᑕᑐᐊᖃᑲᐃᓐᓇᖅᑐᒥ ᐊᑦᑕᓇᔾᔭᐃᖅᓯᒪᓂᕐᒥ. ᑕᑯᓗᒋᑦ ᐊᑕᑦᑐᑦ ᐱᕕᖃᕐᕕᒋᔪᓐᓇᖅᑕᑎᑦ ᐃᓚᐅᓂᕐᒧᑦ! ᐊᑕᖏᖅᖢᑎᒃ Zoom ᑲᑎᒪᓃᑦ ᐱᒋᐊᖃᑦᑕᕐᓂᐊᖅᑐᑦ 1:00 ᐅᓐᓄᒃᓴᒃᑯᑦ ᐅᐊᓕᓂᕐᒥᐅᑦ ᓯᕿᙳᔭᖓ ᒪᓕᒃᖢᒍ/3:00 ᐅᓐᓄᒃᓴᒃᑯᑦ ᕿᑭᖅᑖᓘᑉ ᓯᕿᙳᔭᖓ ᒪᓕᒃᖢᒍ.

• ᑕᓪᓕᒻᒥᖅ, ᒪᐃ 6 – ᐃᖅᑲᓇᐃᔭᕐᕕᓗᒃᑖᑦ

ᐊᑎᓕᐅᖃᑕᐅᓂᕐᒥ Zoom ᑲᑎᒪᓂᕐᒧᑦ, ᓇᕿᓪᓗᒍ ᑲᓱᕐᕕᒃᓴᖅ ᖁᓛᓂ, ᐅᕝᕙᓘᓐᓃᑦ ᖃᕋᓴᐅᔭᑎᒍᑦ ᑎᑎᕋᕐᕕᒋᑎᒍᑦ ᐅᕘᓇ.
ᓇᑉᐸᖅᑎᕆᓂᖅ ᐊᕐᕌᒍᒥ ᐃᓗᐊᓂ ᖃᖓᐅᓂᖓᓂ ᐃᖅᑲᐃᔾᔪᑎ
ᑐᓴᒐᒃᓴᑦ ᐃᓕᖕᓄᑦ ᐃᑲᔪᕐᓂᐊᖅᑐᓂ ᐸᕐᓇᖕᓂᕐᒧᑦ
ᑕᐃᒪᐃᓕᕌᖓᑦ ᐊᕐᕌᒍᒥᑦ ᐊᒥᓱᑦ ᐃᖅᑲᓇᐃᔭᖅᑏᑦ ᓄᑖᓂᒃ ᐃᖅᑲᓇᐃᔭᓕᖃᑦᑕᕐᒪᑕ, ᓄᑖᑦ ᐃᖅᑲᓇᐃᔭᖅᑏᑦ, ᓄᑖᑦ ᐃᖅᑲᓇᐃᔭᕐᕕᖕᓂᑦ ᖃᓄᐃᓕᖓᓂᐅᔪᑦ, ᐊᒻᒪᓗ ᓄᑖᓪᓚᕆᐊᓗᐃᑦ ᐃᖅᑲᓇᐃᔭᕐᕕᖕᓄᑦ ᐃᓃᑦ. 

ᐊᑦᑕᕐᓇᕐᔪᐊᖅᑐᓂ ᐱᓕᕆᓂᕐᓂ ᑐᓴᐅᒪᑎᑦᑎᔾᔪᑎ

ᒪᓕᒐᑎᒍᑦ ᐱᔭᕆᐊᖃᕐᓂᐅᕗᖅ ᑕᒪᒃᑭᓄᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᖃᐅᔾᔨᓂᖃᕐᓂᕐᒥ ᐊᖓᔪᖅᑳᖅ ᐊᑦᑕᓇᔾᔭᐃᖅᓯᒪᓕᕆᔨᒧᑦ ᓄᓇᕗᒻᒥ ᐊᒻᒪ ᓄᓇᑦᓯᐊᕐᒥ ᓈᒻᒪᒃᑐᒥ ᐊᑯᓂᐅᓂᐅᔪᒥ ᓯᕗᓂᐊᓂ ᖁᑦᑎᒃᑐᒥ ᐅᓗᕆᐊᓇᕐᔪᐊᖅᑐᖅ ᐱᓕᕆᓂᐅᔪᖅ ᐱᒋᐊᓚᐅᖅᑳᕋᓂ. ᐊᑦᑕᕐᓇᕐᔪᐊᖅᑐᖅ ᐱᓕᕆᓂᕐᓂ ᐃᓚᖃᖅᐳᖅ: 

  • ᐱᒋᐊᕐᓂᕐᒥ ᓄᑖᖑᔪᒥ ᐊᐅᓚᑕᐅᓂᐅᔪᒥ ᓇᑉᐸᖅᑎᕆᓂᕐᒥ, ᐱᖁᑎᓕᐅᕐᓂᕐᒥ, ᐅᕝᕙᓘᓐᓃᑦ ᐱᓕᕆᓂᖃᖅᑐᓂ 20−ᓂ ᐅᖓᑖᓄᓪᓘᓐᓃᑦ ᓴᓇᔨᐅᔪᓂ ᐃᖅᑲᓇᐃᔭᕐᓂᐊᖅᑐᓄᑦ ᑕᖅᑭᓄᑦ 6−ᓄᑦ ᐅᖓᑖᓄᓪᓘᓐᓃᑦ;
  • ᐳᐊᕐᕆᔭᕐᓂᖅ ᐸᒃᑲᒡᓂᕐᒥ, ᑐᐊᑦᑐᒥ ᖃᐅᖅᑎᕐᓂᕐᒥ, ᐅᕝᕙᓘᓐᓃᑦ ᐸᒃᑲᒡᓂᕆᓂᕐᒥ ᑐᐊᑦᑐᑯᑖᖕᒥ ᓱᓪᓗᒥᒃ ᐊᖏᓂᖅᓴᐅᔪᒥ 5−ᓂ ᐃᓯᒐᓪᓗᐊᓂ (1.52 ᒦᑕ), ᐅᕝᕙᓘᓐᓃᑦ ᓴᓇᔨᐅᔪᒥ ᐃᓯᕆᐊᖃᕐᓂᐊᖅᑕᖓᓂ;
  • ᐳᐊᕐᕆᔭᐃᓂᖅ ᓱᓪᓗᓕᐊᖕᒥ ᐱᓕᕆᔨᐅᔪᖅ ᐱᔭᕆᐊᓕᒃ ᐅᕝᕙᓘᓐᓃᑦ ᐃᓯᕈᓐᓇᖅᑎᑕᐅᓗᓂ.

ᐱᓕᕆᕝᕕᒋᔭᐃᑦ ᐱᓕᕆᒍᓂ ᐊᑦᑕᓇᕐᔪᐊᖅᑐᓂ ᐱᓕᕆᓂᐅᔪᓂ ᐊᐅᔭᐅᔪᒥ, ᖃᐅᔨᒋᐊᕐᕕᒋᒍᒃ ᐊᖓᔪᖅᑳᖅ ᐊᑦᑕᓇᔾᔭᐃᖅᓯᒪᓕᕆᔨ ᐅᓪᓗᒥ.

ᐱᔪᓐᓇᕐᓂᖓᓂ ᑎᑎᖅᑲᒥ ᑐᒃᓯᕋᕐᓂᖅ

ᖃᐅᔨᒪᕕᑦ ᐅᕘᓇ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖅ(ᑦ), ᐸᓯᔭᒃᓴᐅᔪᓐᓇᕐᓂᕐᓂ ᐊᑭᓕᖅᑕᐅᓯᒪᙱᑦᑐᓄᑦ ᖃᐅᔨᓴᕐᓂᐅᔪᓂᑦ ᑳᓐᑐᕌᒃᑎᐅᔪᓄᑦ ᐃᖅᑲᓇᐃᔭᖅᑎᑕᖕᓂᑦ? ᒪᓕᒐᖅ(ᑦ) ᐅᖃᖅᓯᒪᕗᖅ ᑕᒪᔅᓯ ᑲᑎᙵᓪᓗᓯ ᐊᒻᒪ ᐃᒻᒥᒃᑰᖅᑐᒥ ᐱᓯᔭᒃᓴᐅᔪᓐᓇᖅᐳᓯ ᐊᑭᓖᔭᕆᐊᖃᕐᓂᕐᒧᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᖃᐅᔨᓴᐃᓂᐅᔪᓂ ᐱᔾᔪᑎᖃᖅᑐᒥ ᑳᓐᑐᕌᖏᓐᓂ. ᐅᕘᓇ WSCC Connect, ᐱᔪᓐᓇᖅᐳᑎᑦ ᑎᑎᖅᑲᒥᐊᑭᓕᒃᓴᖃᙱᓐᓂᕋᐃᕈᑎᒥ ᐱᓕᕆᒋᐊᓚᐅᙱᓐᓂᕐᓂ ᐱᓕᕆᐊᒃᓴᒥ, ᐊᒻᒪᓗ ᑭᖑᓪᓕᖅᐹᒥᑦ ᐊᔪᙱᑎᑕᐅᓂᕐᒧᑦ ᑎᑎᖅᑲᒥᑦ ᐱᓕᕆᐊᖑᔪᖅ ᐱᐊᓂᒃᑯᓂ ᐃᓕᖕᓂ ᓴᐳᔾᔨᓯᒪᓂᕐᒧᑦ ᐊᑭᓕᒃᓴᙳᑐᐃᓐᓇᕆᐊᓕᖕᓂᑦ ᐊᑭᓕᕆᐊᖃᕐᓂᕐᒧᑦ ᑳᓐᑐᕌᒃᑎᐅᔪᑦ ᖃᐅᔨᓴᕐᓂᐅᔪᓂᑦ.

ᐃᓕᓯᓂᐊᕈᕕᑦ ᑐᒃᓯᕋᐅᑕᐅᔪᒥ ᐱᓕᕆᓂᕐᒧᑦ ᑲᒻᐸᓂᒋᔭᖅᐱᑦ ᐱᓕᕆᔪᒪᓂᐊᖅᑕᖓᓂ, ᑐᒃᓯᕋᕈᓐᓇᖅᐳᑎᑦ ᐊᑭᑦᑐᕋᐅᑎᓂᕐᒧᑦ ᐊᓂᒍᐃᔾᔪᑎᒥᒃ ᑎᑎᖅᑲᒥ ᑕᑯᑎᑦᑎᓂᕐᒧᑦ ᐱᓕᕆᐊᕆᔭᐃᑦ ᑎᑎᕋᖅᑕᐅᓯᒪᓂᖓᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ.


ᐊᑦᑕᓇᔾᔭᐃᖅᓯᒪᓂᕐᒥ ᓇᑉᐸᖅᑎᕆᓂᖃᕐᓂᐊᖅᐳᑎᑦ ᐊᕐᕌᒍ ᐃᓗᐊᓂ ᖃᖓᐅᓂᖓᓂ 

ᐃᖅᑲᐅᒪᓂᐊᖅᐳᑎᑦ ᖃᖓᑐᐃᓐᓇᖅ ᐱᓕᕆᐊᖑᔪᖅ ᐊᓯᔾᔨᕈᓂ, ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓂ ᐊᓯᔾᔨᕈᓂ, ᓴᓇᔨᑎᑦ ᐱᓕᒻᒪᒃᓴᖅᑕᐅᔭᕆᐊᖃᖅᐳᑦ ᐱᓕᕆᓂᖏᓐᓂ ᐱᓕᕆᐊᒥᓂ ᐊᑦᑕᓇᔾᔭᐃᖅᓯᒪᓂᕐᒥ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓚᖏᓐᓂ ᐱᓕᕆᔾᔪᑎᖏᑦ ᐊᒻᒪᓗ ᐃᑲᔫᑎᒃᓴᖏᑦ ᐊᑐᐃᓐᓇᐅᔪᓂ ᐃᑲᔪᖁᓪᓗᒋᑦ ᐃᓕᖕᓂᒃ ᐊᑦᑕᕐᓇᖅᑕᐃᓕᒪᓂᖅ ᐃᓱᒪᒌᓐᓇᖁᓪᓗᒍ ᓴᓇᕝᕕᖕᓂᑦ ᓴᓇᕝᕕᖕᒥᑦ: 


ᖃᐅᔨᒋᐊᕐᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐱᖅᑯᑎᒃᓴᖃᕈᕕᑦ ᐱᓕᕆᓂᐅᔪᒥ ᐱᓕᕆᐊᕆᔭᕐᓂ ᐊᐅᔭᒃᑯᑦ, ᐅᕝᕙᓘᓐᓃᑦ ᑲᒪᒋᔭᕆᐊᖃᖅᑕᕐᓂᑦ ᐅᕘᓇ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖅ(ᑦ) ᐊᒻᒪ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓖᑦ. ᑕᒪᒃᑭᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔾᔪᑎᓕᖕᓂ ᒪᓕᒐᐃᑦ ᓇᓂᔭᐅᔪᓐᓇᖅᐳᑦ ᐃᑭᐊᖅᑭᕕᑦᑎᓐᓂ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᕙᓃᑉᐳᑦ ᐃᓕᖕᓂ ᐃᑲᔪᖅᓱᐃᓂᕐᒧᑦ ᓴᖅᑭᑎᑦᑎᓂᕐᒥ ᐊᑦᑕᓇᙱᓐᓂᖅᓴᐅᔪᒥ ᐃᖅᑲᓇᐃᔭᕐᕕᖕᒥ. 
ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ
ᐊᓇᐅᔭᐅᔪᖅ ᑭᓱᑐᐃᓐᓇᒧᑦ
ᐊᓇᐅᔭᐅᔪᖅ ᐋᓐᓂᕐᓂᐅᔪᓂᑦ ᐃᓱᒫᓗᒍᑕᐅᕗᖅ ᑕᒪᒃᑭᓄᑦ ᐱᓕᔨᕐᔪᐊᖑᔪᓄᑦ, ᑭᓯᐊᓂ ᐱᓗᐊᖅᑐᒥ ᖁᑦᑎᓗᐊᙳᐊᖅᐳᖅ ᓇᑉᐸᖅᑎᕆᓂᕐᒧᑦ ᓴᓇᔨᐅᔪᓄᑦ, ᐊᒻᒪ ᖁᑦᑎᓛᖑᓪᓗᑎᒃ ᐱᔾᔪᑕᐅᓪᓗᑎᒃ ᐋᓐᓂᕐᓂᐅᔪᒥ ᓄᑖᓄᑦ, ᒪᒃᑯᒃᑐᓄᑦ ᐊᒻᒪ ᐃᖅᑲᓇᐃᔭᓚᐅᑲᒃᐸᒃᑐᓄᑦ.

ᐊᓇᐅᔭᐅᔪᖅ−ᐆᒧᖓ ᐅᖃᐅᓯᐅᕗᖅ ᐊᑐᖅᑕᐅᓲᒥ ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓂᕐᒥ ᐊᔾᔨᒌᙱᑦᑐᓂ ᖃᓄᐃᑦᑑᓂᖏᓐᓂ ᐋᓐᓂᕐᓂᐅᔪᓂ ᐱᔪᓐᓇᖅᑐᓂ ᓴᓇᔨᐅᔪᒥ ᐊᓇᐅᔭᐅᒍᓂ – ᐅᕝᕙᓘᓐᓃᑦ ᐱᒃᓯᕝᕕᐅᔪᒥ – ᑲᑕᒃᑐᓄᑦ, ᖃᖓᑕᔪᓄᑦ, ᐊᒃᓴᑳᔪᓄᑦ ᐅᕝᕙᓘᓐᓃᑦ ᐊᐅᓚᔾᔭᒍᓐᓇᙱᑦᑐᒥ ᑭᓱᑐᐃᓐᓇᒥᒃ. ᓲᕐᓗ, ᓴᓇᔨ ᐊᓇᐅᔭᐅᔪᖅ ᑲᑕᒃᑐᒥ ᓴᓇᕐᕈᑕᐅᔪᒥ, ᐋᓐᓂᖅᑐᒥ ᐃᔨᒃᑯᑦ ᕿᔪᒐᓛᖕᒥᑦ, ᐅᕝᕙᓘᓐᓃᑦ ᐊᔪᖅᓯᑦᑐᖅ ᓴᓇᕐᕈᑎᒐᓚᖕᒥ.

ᐅᐸᒡᓗᒍ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᓴᖅᑭᔮᖅᑐᒥ ᒪᒃᐱᖅᑐᒐᕐᒥ ᖃᐅᔨᒋᐊᒃᑲᓐᓂᕐᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᑲᔪᕈᑎᒃᓴᓂ ᐃᑲᔪᕐᓂᕐᒧᑦ ᐃᖅᑲᓇᐃᔭᖅᑎᖁᑎᓕᑦ ᐱᑎᑦᑎᑦᑕᐃᓕᒪᓂᕐᒧᑦ ᐋᓐᓂᕐᓂᐅᔪᓂᑦ ᐱᑎᑕᐅᔪᓂ ᖃᓂᒋᔭᖃᖅᑐᕕᓂᖅ ᑭᓱᑐᐃᓐᓇᒧᑦ ᐃᖅᑲᓇᐃᔭᕐᕕᖓᓐᓂ. ᐊᑐᐃᓐᓇᐅᖕᒥᔪᑦ ᑕᑯᒃᓴᐅᑎᑦᑎᓂᐅᔪᓂ ᐊᒻᒪ ᐅᖃᓪᓚᖕᓂᐅᔪᓂ ᐃᑲᔪᕈᑎᒃᓴᓂ ᐃᓕᓴᐃᔨᓄᑦ ᐅᕝᕙᓘᓐᓃᑦ ᑲᒪᔨᐅᔪᓄᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ ᐅᖃᐅᓯᒃᓴᐅᔪᓄᑦ ᓲᕐᓗ ᐃᔨᓄᑦ ᓴᐳᔾᔨᓯᒪᓂᕐᒧᑦ ᕿᔪᓕᕆᓂᕐᒧᑦ ᐊᒻᒪᓗ ᓄᓇᓯᐅᑎᓄᑦ ᑭᕕᒍᑎᓄᑦ ᐅᕝᕙᓘᓐᓃᑦ ᓇᑉᐸᖅᑎᕈᑏᑦ.
ᓇᖕᒥᓂᖃᖃᑕᐅᔪᓂᒃ ᐃᓚᐅᑎᑦᑎᓂᕐᒧᑦ ᒪᑐᓵᓕᓛᓕᖅᑐᖅ
ᑮᓇᐅᔭᖃᖅᑎᑕᐅᓂᐅᔪᖅ ᐱᓕᒻᒪᒃᓴᐃᓂᕐᒧᑦ ᑲᑐᔾᔨᖃᑎᒌᖑᔪᓄᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᓂᖅᐳᑦ ᐅᖃᐅᓯᒃᓴᐅᔪᓂ ᖃᓄᖅ ᑐᓂᓯᔪᓐᓇᕐᓂᑦᑎᓐᓂ ᑮᓇᐅᔭᖃᖅᑎᑦᑎᓂᐅᔪᒥ ᐃᖅᑲᓇᐃᔭᕐᕕᖕᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᒻᒪᒃᓴᐃᓂᕐᒥ ᑲᑐᔾᔨᖃᑎᒌᖑᔪᓄᑦ ᐃᑲᔪᕐᓂᕐᒧᑦ ᐃᖅᑲᓇᐃᔭᖅᑎᖁᑎᓕᖕᓂ ᑭᐅᒪᓂᖏᓐᓂ ᐱᓕᒻᒪᒃᓴᐃᓂᕐᒥ ᐱᓕᕆᐊᒃᓴᖏᓐᓂ ᐅᕘᓇ ᓄᓇᑦᓯᐊᕐᒥ ᐊᒻᒪ ᓄᓇᕗᒻᒥ ᐱᖁᔭᐅᔪᓄᑦ.

ᐅᓴ ᐃᓚᐅᑎᑦᑎᓂᐅᔪᖅ ᒪᑐᐃᖓᓂᐊᖅᐳᖅ ᒪᐃ 6, 2022−ᖑᕋᓱᖕᓂᖓᓂ. ᐅᐸᒍᓐᓇᖅᐳᑎᑦ ᐃᑭᐊᖅᑭᕕᑦᑎᓐᓂ ᖃᐅᔨᒋᐊᒃᑲᓐᓂᕐᓂᕐᒧᑦ ᐊᒻᒪᓗ ᐅᖃᓕᒫᕐᓂᕐᒧᑦ ᐅᖃᖃᑎᒌᖕᓂᕐᒧᑦ ᑎᑎᖅᑲᕐᒥ ᐊᒻᒪ ᓇᐃᓈᕆᓂᐅᔪᒥ.

ᖃᐅᔨᒋᐊᕐᕕᒋᑎᒍᑦ ᐊᐱᖅᑯᑎᒃᓴᖃᕈᕕᑦ ᐅᕝᕙᓘᓐᓃᑦ ᐋᖅᑭᒃᓯᔪᒪᒍᕕᑦ ᐊᑕᐅᓯᐅᖃᑎᒌᒃᑐᒥ ᐅᖃᓪᓚᖕᓂᐅᔪᒥ ᑐᓂᓯᓂᕐᒧᑦ ᐅᖃᐅᓯᒃᓴᖕᓂᑦ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖓᑦ ᒪᑐᓯᒪᓂᐊᖅᑐᑦ ᑯᐃᓐ ᓇᓪᓕᐅᓐᓂᖅᓯᐃᓂᖓᓂ ᐅᓪᓗᖓᓂ ᓇᒡᒐᔾᔭ, ᒪᐃ 23−ᒥ, ᐊᒻᒪᓗ ᐅᒃᑯᐃᒃᑲᓐᓂᕐᓗᑎᒃ ᐊᐃᑉᐹ, ᒪᐃ 24-ᒥ, 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.
ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ, 5022 49th ᐊᖅᑯᑎ, ᑕᓪᓕᒪᖓᓐᓂ ᓇᑎᖓᓂ, ᕿᑎᐊᓂ ᑭᑉᐹᕆᒃᑐᖅ ᐃᒡᓗᐊᓗᒃ, ᑎᑎᖅᑲᕐᓂᐊᕐᕕᖓ 8888, ᔭᓗᓇᐃᕝ, ᓄᓇᑦᓯᐊᖅ X1A 2R3 ᑲᓇᑕ