Vandredi 5 Me 2023 ‌ ‌ ‌ ‌

Sipèentandan Burke Ap Mete Men Nan Pat Pat la   Edisyon Konseye Akademik Lekòl   Nan epizòd sa a Sipèentandan Mike Burke vizite Konseye Akademik Alyssa Tolbert nan Lekòl Segondè Santaluces, ki se konseye pou ane sa a. Sipèentandan an ap aprann wòl enpòtan konseye akademik yo jwe nan reyisit elèv sitou pandan peryòd gradyasyon sa a.   Ede elèv byen pase ekperyans akademik yo ak objektif karyè yo se sèlman yon pati nan responsablite yon konseye akademik. Elèv yo konte sou konseye yo tou pou sipò ak defi pèsonèl ak sosyal yo.     Klike la a pou w gade nouvo epizòd la!

Bito David nan emisyon “ENFÒME W” nan Distri Lekòl Rejyon Palm Beach ap resevwa kòm envite Moise Derosier osijè Mwa Eritaj Ayisyen ki pral selebre pandan mwa Me a. Kisa Mwa Eritaj Ayisyen Selebre? Ki istorik selebrasyon sa a ? Kijan Mwa Eritaj Ayisyen selebre?   Klike la a pou w gade cho a.

Distri A Ap Selebre Mwa Eritaj Ayisyen   Distri Lekòl Rejyon Palm Beach la ap komemore Mwa Eritaj Ayisyen. Selebrasyon chak ane sa a rekonèt kontribisyon valab Ayisyen fè nan istwa mond lan. Se yon selebrasyon istwa ak kilti ayisyen ak yon opòtinite pou pataje kilti a ak kominote a. Klike la a pou w li atik la.

Remèsye Yon Pwofesè Cynthia Kelly se pwofesè ki genyen pri 'Remèsye Yon Pwofesè Pou Semèn Nan'. Li se yon pwofesè nan Lekòl Elemantè Jerry Thomas. Inisyativ sa a rekonèt chak semèn yon pwofesè ke elèv, paran, ak estaf anplwaye nonmen pou devouman li, pwofesyonalis li, ak jan li genyen enpak pozitif sou elèv. Paran, sonje vote pou pwofesè ou konsidere ki merite rekonesans sa a. Klike la a pou w gade videyo a.

Pwojè Art Dazzle Montre Talan Elèv   Spring Art Dazzle Showcase 2023 a prezante talan ak kreyativite elèv ki soti nan tout klas ki reprezante 30 lekòl nan Distri a.   Ekspozisyon an ki se yon travay ekselan fèt nan lokal Fulton-Holland Educational Services Center nan West Palm Beach pou tout moun vin gade.   Klike la a pou w wè videyo a.

Elèv Lekòl Segondè Seminole Ridge Ap Bati Plis Pase Yon Karyè   Se pa chak jou ou wè yo vini depoze yon kay nan plas li. Se egzakteman sa ki te pase madi 2 me nan 17th Street nan West Palm Beach. Elèv Weitz Construction Academy nan Lekòl Segondè Seminole Ridge fèk finalize konstriksyon 10yèm kay Habitat for Humanity.   Elèv Weitz Construction Academy yo pase ane akademik la ap bati yon kay 1.200 pye kare, twa chanm, de twalèt. Nan fen ane lekòl la, kay la te transpòte ale nan sit pèmanan li kote yon fanmi yo chwazi nan pwogram Habitat for Humanity pral pran posesyon li.   Ou vle aprann plis sou pwogram Ochwa ak Karyè Distri a? Klike la a!   Klike la a pou w gade entèvyou WPTV Ch.5 la.

Suiv @PBCSDKreyol sou Facebook, Twitter, ak Instagram pou jwenn mizajou nouvèl nan lang Kreyòl Ayisyen.

Koneksyon Edikasyon Se Vwa Kreyòl Distri A Sou Radyo Sonje Distri Lekòl Rejyon Palm Beach prezante KONEKSYON EDIKASYON. Koneksyon Edikasyon se vwa Kreyòl Distri a pou pote enfòmasyon pou paran ayisyen ak tout kominote a sou sa k ap pase nan lekòl yo ak nan distri a. Tout sa w bezwen konnen sou Distri Lekòl Rejyon Palm Beach pou w pi byen patisipe nan edikasyon pitit ou w ap tande l sou frekans 980 AM Radio Haiti Amérique Internationale jedi a 5:30 nan apremidi.