Cylchlythyr Mis Medi 2023

Mae’r Adroddiad Blynyddol Iechyd a Gofal Digidol Cymru ar gyfer 2022-23 wedi'i chyhoeddi. Mae'r adroddiad ar gael i’w ddarllen yma: Adroddiad blynyddol - Iechyd a Gofal Digidol Cymru (gig.cymru)

Mae’n rhoi trosolwg, crynodeb a dadansoddiad o berfformiad y sefydliad ar draws meysydd cyflawni allweddol dros y 12 mis diwethaf, ac yn cynnwys ein Cyfrifon Blynyddol ar gyfer 2022-23 a’n Hadroddiad Atebolrwydd.

Mae’r adroddiad wedi’i gyhoeddi mewn fformat HTML rhyngweithiol er mwyn gallu ei lywio’n haws ac i roi gwell hygyrchedd, ac yn cynnwys cyflwyniad fideo gan ein Prif Swyddog Gweithredol, Helen Thomas a rhagair gan ein Cadeirydd, Simon Jones.

DYFARNU CYLLID HANFODOL I DRI CHYFLENWR SYSTEM FFERYLLIAETH GYMUNEDOL DDIGIDOL ARALL

Mae’r Gronfa Arloesi System Fferylliaeth Gymunedol (CPSIF), a sefydlwyd i gefnogi’r gwaith o gyflwyno Gwasanaeth Rhagnodi Electronig (EPS) yng Nghymru, wedi rhoi tri grant pellach i gyflenwyr system fferylliaeth gymunedol ddigidol, sy'n golygu bod pum sefydliad wedi elwa arni hyd yma.

Egton Medical Information Services (EMIS), Camascope a Clanwilliam yw’r cwmnïau diweddaraf sydd wedi derbyn grantiau ac sydd bellach yn gallu dechrau datblygu eu systemau.

Maent yn ymuno â PharmacyX a TITAN PMR a dderbyniodd grantiau yn y rownd ariannu gyntaf.

Bydd y grantiau yn helpu cyflenwyr i ddatblygu eu systemau i ddefnyddio gwasanaeth rhagnodi electronig a derbyn presgripsiynau yn ddigidol yn lle ar bapur.

Bydd hefyd yn cefnogi’r cyflenwyr i gyflwyno newidiadau arloesol i’w systemau a fydd yn arwain at weinyddu’n ddi-bapur ac integreiddio ag ap newydd GIG Cymru pan gaiff ei lansio.

Darllenwch ragor ar wefan DHCW

CYFARWYDDWR Y MEDDYGINIAETHAU'N DDIGIDOL YN CYRRAEDD RHESTR FER GWOBR GENEDLAETHOL

Mae’r cyfarwyddwr sy’n arwain un o’r newidiadau gofal iechyd digidol mwyaf yng Nghymru wedi cyrraedd y rhestr fer ar gyfer gwobr TG genedlaethol fawreddog.

Mae Rhian Hamer, Cyfarwyddwr Trawsnewid ar gyfer y Portffolio Trawsnewid Gweinyddu Meddyginiaethau’n Ddigidol (PTGMD), wedi cyrraedd y cam olaf yng nghategori Unigolyn Ysbrydoledig gwobrau blynyddol Cymdeithas Cyfrifiaduron Prydain.

Mae'r gwobrau'n tynnu sylw at gyflymder newid technolegol ac yn cydnabod ymdrechion y bobl sy'n creu byd gwell trwy TG.

Darllenwch ragor ar wefan DHCW

PRACTIS MEDDYG TEULU I DDEFNYDDIO CEISIADAU RADIOLEG ELECTRONIG AM Y TRO CYNTAF

Mae prosiect peilot ar gyfer ceisiadau radioleg electronig mewn practisiau meddyg teulu wedi mynd yn fyw yn llwyddiannus mewn practis yn Ne Cymru. Mae ceisiadau radioleg gan ofal sylfaenol yn dilyn llwyddiant ceisiadau prawf patholeg electronig sydd bellach yn cael eu defnyddio gan dros 350 o bractisiau ledled Cymru.

Mae ceisiadau electronig yn disodli'r ddibyniaeth ar bapur a llythyrau mewn practisiau, a rhwng practisiau ac ysbytai. Mae'n arbed amser ac arian, ac yn cryfhau diogelwch. Yn hytrach na gofyn am brawf gwaed, neu brawf radioleg, trwy ffurflenni papur, neu ar ffurf papur eraill, gall y meddyg teulu lenwi e-ffurflen sy’n anfon y cais yn uniongyrchol i’r adran radioleg, ac yna derbyn y canlyniadau’n ddigidol.

Darllenwch ragor ar wefan DHCW

Cynhaliodd DHCW ei ail Gyfarfod Cyffredinol Blynyddol a amlinelloedd cynnydd a’n perfformiad yn ystod 2022/23 a’n cynlluniau ar gyfer y dyfodol. Mae recordiad o’r cyfarfod ar gael nawr.

Cynhaliwyd ein Cyfarfod Bwrdd Cyhoeddus y mis hwn hefyd. Clywodd aelodau’r Bwrdd am ddangosfwrdd poblogaeth ‘blwyddyn ddiwethaf o fywyd’. Mae’r dangosfwrddynmapiogofalsyddhebeidrefnu a rhyngweithiadaugwasanaetheraillar draws poblogaeth Cymru ynystod 12 mis olaf o fywyd. Mae recordiad o’r cyfarfod ar gael nawr.