ᐃᒡᓗᓕᐅᕐᓂᖅ ᓇᓪᓕᕉᑎᓂᖓ ᐊᑐᓕᕐᒥᒐᑦᑎᒍ ᐊᒻᒪᓗ ᐃᓘᓐᓇᑎᒃ ᐃᖅᑲᓇᐃᔭᖅᑎᑦᑎᔪᑦ ᐃᖃᐅᒪᔭᕆᐊᖃᒃᐳᑦ ᐃᒡᓗᓕᐅᕐᓂᑦ, ᓴᓇᒋᐊᖅᓯᓃᑦ ᐊᒻᒪᓗ ᐋᖅᑭᐅᒪᑎᑦᑎᓂᕐᒥ ᐱᓕᕆᐊᒃᓴᐃᑦ ᐊᒃᑐᐃᔪᓇᕐᒪᑕ ᐊᑦᑕᕐᓇᖅᑕᐃᓕᒪᓂᖏᓐᓂᑦ ᐃᖅᑲᓇᐃᔭᖅᑎᑦ ᐃᒫᖑᒐᓗᐊᕈᕕᓪᓘᓐᓂᑦ ᓴᓇᕕᖁᑎᑦ ᐃᖅᑲᓇᐃᔭᖃᒃᑎᑦᑎᒃᐸᑦ ᐃᒡᓗᓕᐅᕐᓂᕐᒥᑦ ᐅᕝᕙᓘᓐᓃᑦ ᑕᐃᒫᖑᖏᒃᑲᓗᐊᖅᐸᑦ. ᐱᑕᖃᑐᐃᓇᕆᐊᖃᕐᒪᑦ ᐃᒡᓗᓕᐅᖅᑐᖃᕐᓗᓂ ᐅᕝᕙᓘᓐᓃᑦ ᖃᓂᒋᔭᖏᓐᓂ ᐃᖅᑲᓇᐃᔭᕐᕕᒃᐱᑦ ᐅᕝᕙᓘᓐᓃᑦ ᐊᖅᑯᑎᓕᐅᖅᑐᖃᕐᓗᓂ ᐱᓕᕆᐊᖑᕙᓪᓕᐊᓇᓱᐊᖅᑐᒥᑦ ᐊᒻᒪᓗ ᐃᖅᑲᓇᐃᔭᕐᕕᒋᔭᕐᓃᖓᓕᕐᓗᑎᑦ.
ᐊᒃᓱᐋᓗᕐᓂᖅᐹᖑᔪᓐᓇᕐᒪᑕ ᐊᐳᖅᑕᐅᓗᑎᒃ ᐋᓐᓂᖅᑕᐅᓗᑎᒃ ᐃᖅᑲᓇᐃᔭᖅᑎ ᐊᐳᖅᑕᐅᒃᐸᑦ ᐃᖏᕐᕋᔪᒧᑦ ᓄᓇᓯᐅᑎᒧᑦ ᐅᕝᕙᓘᓐᓃᑦ ᐊᖏᔪᒧᑦ ᐱᓕᕆᔾᔪᑎᒧᑦ ᑕᐃᒪᐃᑎᑕᐅᓗᓂ ᐊᖏᓂᖓᓄᑦ ᐊᒻᒪᓗ ᓱᒃᑲᓕᓂᖓᓄᑦ.
ᐱᒻᒪᕆᐋᓗᕗᖅ ᐅᔾᔨᖅᑐᑦᑎᐊᖏᓇᐅᔭᕐᓗᓂ ᓇᒧᑦ ᑐᑎᒋᐋᓕᕐᒥᖕᒪᖔᑦᑕ, ᖃᐅᔨᒪᒋᐊᖃᑦᑕᕐᓗᒋᑦ ᐊᕙᑎᖕᓃᑦᑐᑦ ᓇᔪᖅᑕᕐᓂ, ᐊᒻᒪᓗ ᐅᔾᔨᖅᑐᑦᑎᐊᖏᓇᐅᔭᕐᓗᑎᑦ ᓇᓕᐊᖕᓄᐊᖅᐸᓪᓕᐊᔪᓂᑦ ᐃᖅᑲᓇᐃᔭᕐᕕᐅᔪᒦᒃᑲᓗᐊᕈᕕᓪᓘᓐᓂᑦ, ᐅᕝᕙᓘᓐᓃᑦ ᕿᒪᕉᑎᓕᕐᓗᑎᑦ ᐊᒻᒪᓗ ᑕᒫᖓᕐᓗᑎᒃ ᐃᖅᑲᓇᐃᔭᕕᐅᔪᒥᑦ.
ᐃᖅᑲᐃᓯᒋᐊᕈᑏᑦ
- ᐊᖁᓪᓗᑎᒃ ᐊᑦᑕᕐᓇᖅᑕᐃᓕᒪᒋᑦ − ᑕᒪᐃᓐᓄᑦ ᐊᖅᑯᑎᓂᑦ ᓴᓇᔪᖃᒃᑎᓪᓗᒍ ᐱᓕᕆᐊᒃᓴᒥᑦ, ᐱᑕᖃᐃᓇᓲᖑᒡᒪᑦ ᐊᑕᐅᓯᕐᒥᑦ ᐅᕝᕙᓘᓐᓃᑦ ᐊᒥᓲᓂᖅᓴᓂᑦ ᓇᓕᐊᖕᓄᐊᖅᑐᓂᑦ ᐊᐅᓚᑦᑎᔪᒥᑦ ᐃᓄᖕᒥᑦ(ᓂᑦ) ᓇᓕᐋᖕᓄᐊᖅᑎᑦᑎᓪᓗᓂ ᐃᖏᕐᕋᔪᓂᑦ ᓇᓕᐊᖕᓄᐋᖅᑐᓂᑦ. ᐃᖃᐃᑎᓚᐅᒃᑭᑦ ᑭᒃᑯᑐᐃᓇᐃᑦ ᐊᖁᑎᒋᔭᑎᑦ ᓴᓇᕕᖁᑎᖕᓄᑦ ᐊᖁᖃᑦᑕᖁᓗᒋᑦ ᐊᑦᑕᕐᓇᖅᑕᐃᓕᒪᓗᑎᒃ ᑕᒫᓂ ᐊᒻᒪᓗ ᖃᓂᒋᔭᖏᓐᓂ ᐃᒡᓗᓕᐅᖅᑐᑦ ᐃᓂᖏᓐᓂ ᓴᐳᒻᒥᔭᐅᖁᓪᓗᒋᑦ ᐊᑦᑕᕐᓇᖅᑐᒦᑦᑕᐃᓕᒪᓂᖏᑦ ᐃᖅᑲᓇᐃᔭᖅᑏᑦ. ᐃᖅᑲᓇᐃᔭᖅᑎᑦᑎᕙᒃᑯᕕᑦ ᓄᓇᓯᐅᑎᑦ ᐃᖏᕐᕋᓂᕆᕙᒃᑕᖏᓐᓄᑦ ᖃᐅᔨᒋᐊᕐᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᓕᒫᒐ ᑖᒃᑯᐊ ᖃᓄᐃᓕᐅᕆᐊᖃᕐᓂᕐᒧᑦ ᖃᐅᔨᓇᔭᕋᕕᑦ ᐃᖅᑲᓇᐃᔭᖅᑎᐅᔪᖅ ᐊᒻᒪᓗ ᐃᖅᑲᓇᐃᔭᖅᑎᑦᑎᔫᑉ ᑲᒪᒋᔭᒃᓴᖏᓐᓂᒃ.
- ᐃᒡᓗᓕᐅᖅᑐᖃᖅᐸᑦ ᓄᑖᙳᕆᐊᖅᑎᑦᑎᔪᖃᖅᐸᓪᓘᓐᓃᑦ ᐃᒡᓗᒥ ᓴᓇᕝᕕᒃᒥᑦ ᖃᓂᒋᔭᖓᓂᒃ, ᐃᖅᑲᓇᐃᔭᖅᑎᒋᔭᑎ ᐅᔾᔨᕈᓱᑦᑎᐊᖁᓗᒋᑦ ᖁᐊᕐᓵᕐᓇᓕᖅᑐᓂ ᐃᖅᑲᓇᐃᔭᕐᕕᖏᓐᓂᒃ. ᐊᔪᕈᓐᓃᖅᓴᑎᖃᑦᑕᕐᓗᒋᑦ ᖃᓄᖅ ᐃᓕᓴᖅᓯᔪᓐᓇᕐᒪᖔᑕ ᐅᓗᕆᐊᓇᖅᑐᓂᑦ, ᐅᖃᐅᑎᕙᒡᓗᒋᓪᓗ ᐊᑦᑕᕐᓇᖅᑕᐃᓕᒪᓂᕐᒥᑦ ᐱᓕᕆᔭᕆᖃᓂᖏᑦᓐᓂᑦ ᐃᖅᑲᓇᐃᔭᕐᕕᒃ ᐊᑦᑕᕐᓇᖅᑐᒦᖁᓇᒍ. ᑲᑎᒪᑎᑦᑎᑲᔪᖃᑦᑕᕐᓂᐊᖅᐳᑎᑦ, ᐊᒻᒪᓗ ᑲᔪᖏᖅᓴᕐᓗᒋᑦ ᐃᖅᑲᓇᐃᔭᖅᑏᑦ ᓴᖅᑮᖃᑦᑕᖁᓪᓗᒋᑦ ᐊᐱᕆᔪᓐᓇᖁᓪᓗᒋᑦ ᐅᕝᕙᓘᓐᓃᑦ ᐃᓱᒫᓘᑎᖏᓐᓂᒃ.
