 |
 |
 |
WSCC Connect: kina Atuinnariangmut titiraqtiuva nanminiqnit?
Atuinnariangmut Titiraqtit ahiillu Aallatlu Atugalgit
WSCC Connect nanminiqnut e-Business-kut qaritauyakkuurutauyuq havakviit atuinnarianighugit WSCC-kut ikayuutait qaritauyakkut. WSCC Connect malrungnik atuqtinut atugalgit: Atuinnariangmut Titiraqtit taapkualu Aallat Atugalgit.
Hivulliqpaanguyuq inuk ilahimagumiuk Ilalugu Havakvik WSCC Connect-mut Atuinnariangmut Titiraqtinnguqpaktuq talvunga havakvingnut. Atuinnariangmut Titiraqtit atuinnariaqaqtut tamangnik qaritauyakkut ikayuutainik munarilugillu atukkat havakvingnut. Aallat atugalgit WSCC Connect-kunni atuinnariaqaqtut ikayuutinik tikkuaqtauhimayut inmingnut talvanngat Atuinnariangmut Titiraqtimit.
Kitut atuinnarianiktitauyughat?
- Aulapkaiyit Titiraqtillu havaktiit - Havakviit, Atannguyait, havaktiillu havaktitqiktut aulapkainiqmik havaaghanik nanminiinit.
- Atukkat Akiliqtaghat Akilihiugaghallu - kinakiaq havaqatigivagait kaantulaaktit, akilihiugaghanik naunaiqhitiyut WSCC-kunnut, havaktinullu akilihiugaghat.
- Havakvingnit Aanniaqtailiniqmut Aanniqtailiniqmullu havaktiit - havaktiit ilauyut Havakvingnit Aanniaqtailiniqmut Aanniqtailiniqmllu Katimayiralaanut, munaqtiuyulluuniit havakvingnit aanniqtailiniqmut ikayuutinik.
WSCC-kut ikayuutikkut ikayuqpagait havakviit qanuq aktigigaluaqhutik, ilitariplugulu taamna atauhiq amihunik havaaghaqaqtuq mikiyumi nanminiqnit. Qanuq aktigigaluaqhuni nanminiriyat, pitquinginnaqtugut taimaa nakuutqiyauyut havaktit atuinnarianingmut atugaqaqlutik taimaalu aallat atugalgit ilitturihimalugit taimaa qaritauyakkut ikayuutivut e-services nutqaqtailiyauniat. Ilangi qaritauyakkut ikayuutit e-services maligaliqiyinit aulapkaqtitauhimayut aulapkaiyaami nanminiqnik. Ihuaqhaihimmaaqpaktugut ilaaqtuqhutalu ikayuutinik WSCC Connect-mut, taimaa havaktilluta, aallat atugalgit aghuuqtauvallianiaqtut.
|
|
avakvium Naunaitkutait Aanniqtuqarniqqat
naahuriyaghat qakugunnuaq: Naunaiqhitiluhi qaritauyakkuurutit atuqhugu WSCC Connect-mi
WSCC-kut quviahuktut naunaiqhitiyaamik taimaa havakviit qakugunnuaq titirainnarianingniat taapkuninnga Havakvium Naunaitkutait Aanniqtuqarniqqat talvuuna qaritauyakkuurutivut e-Business-kut. Nutaat ikayuutit aullaqtitauniat April 2020-mi.
Parnaihimayaamik aallannguqtaghanut aghuurnaqtuq taimaa havakviit atugait WSCC Connect-mut nalaumahimayaamik. Havakviit ilittuqhaqtaghait tamangnik havaktiit ihariaginiaqtunik WSCC Connect-kut ikayuutainik, atugaliuqulugit. Aallanngtiqhimayut atuqtaulirumik, atannguyait taapkualu OHS-kut havaktiit atugaqarumaniat tautukpagiamik huliyuqaqqat aanniqtuqaqqallu naunaitkutainik.
Naunaiqhitiniqmut pitquyauhimayut aallangulaittut
Tamaita havakviit aulapkaiyut Nunavunmi Nunattiamilu naunaiqhitiyughat havakvingnit huyuqarniqqat WSCC-kunnut, taimaaluuniit akiliqhiyaqarniat titiraqhimayutut talvani Havaktunut Ikajuqtauhimajut Maligait.
- Nunatsiaq tamanlu Nunavut Uyarakhirniq Piquyat Piyaqaqtitat tamna:
- Naunaiqhitiyaulaat huliyuqarniqqat qilamik naunaiqhitiyauyughat hivayautikkut naunaitkutaniklu tunihilutik 24 ikaarnit naatinnagit.
-
- Tamna qanurilitniq ilalik akhut aanirniq uvaluniit tuquniq.
- Hivuuranaqtunik Qanuriliyuqarniqqat naunaiqhitiyauyughat 72 ikaarnit naatinnagit.
- Tamna qanurilitniq ilalik hivuranaqtut pilarahuquqnilgit pityutaunia angiyumik aanirutaunia uvaluniit tuqutyutaunia.
- Nunatsiaq tamnalu Nunavut Havaktunut Ikajuqtauhimajut Maligait piyaqatitai tapkuat aaniqtut tuhaqhitauyut tapkunani 3 havakviuyut ubluit.
- Nunattiaq taamnalu Nunavunmi Havakvingnit Aanniaqtailiniqmut Aanniqtailiniqmullu Maligait pitquihimayut taimaa hivuuranaqniit qanuritjutait huliyuqarniqqallu aanniqtuqarluaqtumik naunaiqhitiyauyughaq ayurnaitpat qilamik naunaiqhitilutik.
- Tamna qanurilitniq pipkaiyuq akhut timimun aanirniq turangayuq aanirniq pipkailaq tuqutyutaunia, uvaluniit piyaqaqtitnia inmingnut itiriaqaqnia aaniaqvikmun aaniqhimayuqataunia tapkununga 24 ikarait avataanutluniit.
Ahiagut naunaitkutaghat
WSCC-kut ikayuqniaqqaahi apiqhuutinut ihumaalutinullu ilitturihimayarnik ilaaqtuqpalliaguvit atugalingnik WSCC Connect-mut atuqpalliaguvilluuniit nutaanik ikayuutinik. Tuhaqtittivangniaqtavut havakviit ippaghigu naunaiqhitivaalliqlugit.
Hivayariami WSCC Connect-kut Ikayuqtiit, hivayaqlugu akiittuq hivayaut: (844) 238-5008.
|
|
Pivighat Ilittuqhitiuyuq: Nutaaq Aanniqtailiniqmut Tuhaayaghat
Aaniarutauyut Qalaknaqlu Havakvikmi
Tuhaayaghanit tuhaqhauvalliayut takupkaqtitaivaghutiklu qalakpiarnaqtumik Coronavirus-mik tatqiqhiutimi atuhaaqtumit. Hangutitaqtailiyaami qalakluarnaqtumik aaniarutiniklu aghuurnaqpiaqtuq. Ilangi ingattautiliqpaktut hangutitaiyunik qalangmik taapkuanguyut: Qalaktuqtut, tagyiuqtut, atituuqtut algakkut aanniaqtuqlu, aktuqhiyuniklu halumaittunik kinguani aktuqhiplutik iiyingnik, qingarnik, qanirnikluuniit. WSCC-kut aniguqtittihimayut taapkuninnga NUTAAQ Aanniqtailiniqmut Tuhaayaghat, Aaniarutauyut Qalaknaqlu Havakvikmi, ikayuutighaq aghuurnaqnianik aanniqtailiniq havauhiinit ikighivaallirahuaqhugu qalangnaqtut hangutaqtut talvani havakvingnit.
Havakviit Atannguyaillu Havaaghait
Algakkit uaqattaqhugit atauhiuyuq ayurnaitqiyauyuq ihuatqiyauplunilu ingilrut hangutitaqtailiyaami aanniarutinik. Havakviit havaktiinik uaqviqaqtitaghait (Havakvingnit Aanniaqtailiniqmut Aanniqtailiniqmullu Maliktaghat (OHS-nut Maliktaghat) - Ilanga 6, Titiraangit 76). Ahiagullu, ilihaqtittiniq ilihaqpaalliqtittiniqlu aghuurutauyut havaktinut hangutitaqtailivalliayaamik aanniarutinik havakvingnit, ilihaqtitauyughallu havakvingnit atannguyanillu (OHS-nut Maliktaghat - Ilanga 3, Titiraangit 12(c)). Atannguyait ilihaqtitaghait havaktiit aghuurnaqnianik taimaa aimayaamik aanniarumik, taimaa hangutitaqtailiyaamik aanniarutik.
Hapkua apirilugit ikayuutauyaamik ilittuqhiyunik amirnaqniqnik havaktinut, naunaiqhitilugit taimaa amirnaiyautinik havauhiriliqtarnik:
- Kina hatqiumalaq aniqhaqtutinut aaniarutit havakvikmi, qanuqlu akuniutigiyumik?
- Qanuqtut qanitigiyumik havaqaktitit havaqatigikpat?
- Havaktit igluqaqat havakvikmi uvaluniit havaktit iglugiyaini?
- Aaniaqtumik havaktimik aulaqtuqahaqa?
- Piva algaknik uarniq uvaluniit algaknut halumaqtirutit piyaulaqat havakvikmi?
Uqautilugit havaktitit amirnaqniinik qalakpiaqtut. Takuinnarianiklugu WSCC-kut NUTAAQ Aanniqtailiniqmut Tuhaayaghat, Aaniarutauyut Qalaknaqlu Havakvikmi[JR1] , takupkaqtittilugu havakvingnit, ihivriuqlugit amirnaittumik havakvingnit havauhiit havaqatittillu hangutitaqtailiyaamik aanniarutinik. Havaktitit ihumagittiaqulugit inmingnik aanniaqtailiyaamik, hangutitaqtailiqulugit aanniarutit havakvingnit.
Apiqhuutighaqaruvit ihumaaluutinikluuniit hangutitaqtailiyaamik aanniarutinik havakvingnit, hivayaqluta uplumi. Tautugiami tamatkiumayut Aanniqtailiniqmut Tuhaayaghat, takulugu qaritauyakkuurutivut.
|
|
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
| |
|
|
|
