ᒫᑦᓯ 2022
‌
ᐊᒡᒐᒃᑯᑦ ᐋᓐᓂᕐᓃᑦ
ᐋᖅᑭᒃᓱᐃᓂᖅ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐋᓐᓂᖅᑐᕕᓂᕐᓂᒃ ᐃᖅᑲᓇᐃᔭᖅᑎᒥᒃ
2021-ᒥ, 19.2% ᐊᖏᖅᑕᐅᓯᒪᔪᑦ ᑮᓇᐅᔭᖅᑖᕋᓲᑎᓂᒃ ᓄᓇᑦᓯᐊᕐᒥ ᐊᒻᒪ ᓄᓇᕗᒥ ᒪᑯᓄᖓᐅᓚᐅᕐᑐᖅ ᐃᖅᑲᓇᐃᔭᖅᑏᑦ ᐊᒡᒐᖏᓐᓄᑦ ᐊᒻᒪ ᐃᓄᒐᙳᐊᖏᓐᓄᑦ. ᑕᑯᒋᐊᕐᓗᒍ ᐅᓇ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᓄᑦ ᒪᒃᐱᒐᖅ ᖃᐅᔨᒃᑲᓐᓂᕈᑎᑦ ᐊᒡᒐᒃᑯᑦ ᐋᓐᓂᖅᑕᐃᓕᖃᑦᑕᕐᓂᕐᒧᑦ.

ᐊᒡᒐᒃᑯ ᐋᓐᓂᖅᑐᖃᖅᐸᑦ ᐱᒻᒪᕆᐊᖢ ᐃᓱᒪᓗᓂ ᖃᓄᖅ ᐋᓐᓂᖅᓯᒪᔪᓂᒃ ᐃᑲᔪᖃᑦᑕᕐᒪᖔᑦ ᒪᒥᓴᕋᓱᖕᓂᒃᑯᑦ. ᐱᐅᔪᒥᒃ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐸᕐᓇᐅᑎᖃᕐᓗᓂ ᐱᐅᓇᔭᒻᒪᕆᒃᑐᖅ! 

ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐸᕐᓇᐅᓯᐅᕐᓂᖅ ᐊᒡᒐᒃᑯᑦ ᐋᓐᓂᖅᑐᕕᓂᕐᓄᑦ

ᐅᕝᕙᐅᑯᐊ ᐊᐱᖅᑯᑎᑦ ᐱᒋᐊᓕᕈᑎᐅᔪᓐᓇᖅᑐᑦ:

  • ᐃᖅᑲᓇᐃᔭᖅᑎᐅᑉ ᐊᒡᒐᖓ ᐊᑐᙱᔾᔪᑎᖃᓕᕐᐹ ᐊᒃᑐᐃᔾᔪᑎᐅᔪᓐᓇᖅᑐᒥ ᖃᐅᑕᒫᑦ ᐃᖅᑲᓇᐃᔮᕆᔭᒧᑦ? ᑕᐃᒪᐃᑉᐸ, ᖃᓄᐃᑦᑐᑦ ᐱᓕᕆᐊᖏ ᐊᒃᑐᖅᑕᐅᕙ? ᐃᖅᑲᓇᐃᔭᖅᑎᐅᑉ ᐱᓕᕆᐊᕆᕙᒃᑕᖏᓐᓃ ᐅᕝᕙᓘᓐᓃᑦ ᐃᓚᐃᓐᓇᖏᓐᓂᒃ ᐱᓕᕆᐊᓂᒃ?
  • ᐱᓕᕆᐊᕆᕙᒃᑕᖓᑕ ᐊᔾᔨᐸᓗᖏᓐᓂᒃ ᓄᑖᓂᓪᓘᓐᓃᑦ ᐱᓕᕆᐊᓂᒃ ᐱᓕᕆᐊᖃᕈᓐᓇᖅᐸ ᐊᒃᓱᕈᕈᑎᒋᔭᙱᑕᖓᓂ?
  • ᓴᓇᕐᕈᑎᑕᖃᕐᐸ ᐅᕝᕙᓘᓐᓃᑦ ᐱᓕᕆᔾᔪᑎᓂᒃ ᐃᖅᑲᓇᐃᔭᖅᑎᐅᑉ ᐊᑐᕈᓐᓇᖅᑕᖏᓐᓂᒃ??
  • ᐅᓪᓗᓕᒫᖅ ᐃᖅᑲᓇᐃᔭᖃᑦᑕᕋᔭᕐᐹ? ᐅᕝᕙᓘᓐᓃᑦ ᐅᓪᓘ ᓇᑉᐸᖓᓂ ᐅᕝᕙᓘᓐᓃᑦ ᓄᖃᖓᑲᑕᒍᓐᓇᕐᓗᓂ ᒪᒥᓴᕐᓂᖓᓂᒃ.
  • ᐅᖃᓪᓚᖃᑎᖃᕐᓯᒪᕖ ᐃᖅᑲᓇᐃᔭᖅᑎᒧᑦ ᐃᓱᒫᓘᑎᖏ ᑐᓴᕋᓱᒃᖢᒋ? ᓇᓗᓇᐃᕐᓯᑎᓪᓗᒋᑦ ᖃᓄᐃᓕᐅᕆᐊᖃᖅᑕᖏᓐᓂᒃ ᐃᓱᒫᓘᑎᖃᖅᐸᑕ (ᐱᑕᖃᖅᐸᑦ), ᐊᒻᒪ ᐋᓐᓂᐊᖃᕐᓂᖓᓄᑦ ᖃᓄᐃᑦᑐᑦ ᐸᕐᓇᐅᑎ ᓈᒪᓛᖑᓇᔭᕐᐸᑦ.

ᖃᐅᔨᒪᓂᐊᖅᐳᑎᑦ: ᐱᒻᒪᕆᐊᓘᖕᒥᔪᖅ ᐋᓐᓂᐊᖅᑐᓕᕆᔨᓂᒃ ᐃᓱᒪᓕᐊᕆᔭᐅᓯᒪᔪᓂ ᐃᓱᒪᒋᔭᖃᕐᓗᓂ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐸᕐᓇᐅᓯᐅᖅᑎᓪᓗᒋᑦ.

ᐊᑕᐅᓯᖅ ᓈᒻᒪᒐᔭᙱᒻᒪᑦ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐸᕐᓇᐅᑎ. ᐅᓇ ᐃᖅᑲᓇᐃᔭᖅᑎᑦᑎᔨ ᐋᖅᑭᒋᐊᕈᑎᖃᕆᐊᖃᕐᒪᑦ, ᐃᖅᑲᓇᐃᔭᖅᑎ, ᐊᒻᒪ ᐋᓐᓂᐊᖅᑐᓕᕆᔨᑦ ᖃᓄᖅ ᑖᓐᓇ ᐋᓐᓂᖅᑐᕕᓂᖅ ᐃᖅᑲᓇᐃᔭᖅᑎ ᐊᓯᐊᒍᖔᖅ ᐱᓕᕆᐊᖃᓕᖅᑎᑦᑐᓐᓇᕐᓗᒍ, ᐋᖅᑭᒋᐊᕆᐊᓕᖕᓂ ᐋᖅᑭᒃᓱᐃᔪᓐᓇᕐᓂᒃᑯᑦ ᐊᒻᒪᓗ ᐱᓕᕆᕝᕕᐅᕙᖕᓂᐊᖅᑐᓂ ᑖᔅᓱᒧᖓ ᐱᓕᕆᐊᕆᓚᐅᑲᖕᓂᐊᕐᓗᓂᐅᒃ ᐅᕝᕙᓘᓐᓃᑦ ᐱᓕᕆᐊᕇᓐᓇᓕᕋᔭᖅᑕᖓᓂᒃ.

ᐅᓇ ᐱᓕᕆᕙᓪᓕᐊᓂᖅ ᐱᒋᐊᕈᑎᖃᖅᑐᖅ ᐋᖅᑭᒃᓱᐃᕙᓪᓕᐊᓂᕐᒥᒃ ᐅᑯᓂᖓ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᐊᒃᓴᓂᒃ ᐱᓕᕆᕝᕕᖕᓄᑦ. ᐊᑐᕐᓗᑎ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᔾᔪᑎᒃᓴᐃᑦ ᐊᒻᒪ ᐋᖅᑭᒃᓱᕐᕕᒋᑐᐃᓐᓇᕆᐊᓕᖕᓂᒃ ᐱᓕᕆᐊᕆᓂᐊᕐᑕᐃᑦ ᐋᖅᑭᒃᓱᓕᕈᕕᐅᒃ ᐊᒻᒪᓗ ᐱᓕᕆᔪᓐᓇᕐᓗᑎᒃ ᐱᓕᕆᖃᑎᖃᕐᓂᒃᑯᑦ ᐋᓐᓂᕐᓂᑯᓄᑦ ᒪᒥᓴᕐᓂᕐᒧᑦ ᐊᑐᖅᑕᐅᔪᓐᓇᖅᑐᓂᒃ. ᐅᖃᖃᑎᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐅᓪᓗᒥ ᐊᐱᖅᑯᑎᒃᓴᖃᕈᕕᑦ ᒪᑯᓂᖓ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᓂᒃ ᐅᕝᕙᓘᓐᓃᑦ ᐋᖅᑭᒃᓱᐃᕙᓪᓕᐊᓗᑎᑦ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᐊᒃᓴᓂᒃ.
ᓯᓚᐅᑉ ᓂᒡᓚᓱᖕᓂᖓ ᐊᓯᙳᖅᐸᓪᓕᐊᓂᖓ
ᖁᐊᐃᔭᖅᑭᑎᑦᑎᑦᑕᐃᓕᓂᖅ ᐊᒻᒪ ᐅᕐᕈᑎᑦᑎᑦᑕᐃᓕᓂᖅ ᓂᓚᒃᒧ
ᒫᔅᓯ ᑎᑭᒻᒥᖕᒪᑦ, ᐊᒻᒪᓗ ᓯᓚᐅᑉ ᓂᒡᓚᓱᖕᓂᖓ ᐊᓯᙳᖅᓴᕋᐃᓕᖅᖢᓂ ᕿᓚᒥᕈᓗᒃ. ᓂᒡᓚᓱᖕᓂᖅ ᐅᖅᑰᓯᕙᓪᓕᐊᓕᖅᑎᓪᓗᒍ ᐊᒻᒪᓗ ᕿᕿᓕᕐᓇᖅᐸᒡᓗᓂ, ᐃᖅᑲᐅᒪᒋᑦᑎ ᓂᓚᙳᔭᒻᒪᑕ ᐃᓯᕆᐊᕐᕖᑦ ᓵᑦᑎᐊᖏᑦᑎᒍᑦ, ᐱᓱᒡᕖᑦ ᓴᓂᑦᑎᐊᖏᑦᑎᒍᑦ, ᓄᓇᓯᐅᑎᓄᑦ ᓄᖃᖓᕝᕕᖕᓂ ᐊᒻᒪᓗ ᓇᓂᑐᐃᓐᓇᐸᓗᒃ ᓯᓚᒥ!

ᐃᖅᑲᐅᒪᓂᐊᖅᐳᑎᑦ

ᓯᓚᒥ ᐃᖅᑲᓇᐃᔭᕐᓗᓯ, ᐱᓱᒃᖢᓯ ᐃᖅᑲᓇᐃᔭᕐᕕᒃᓯᓐᓄᑦ ᐊᖏᕐᕋᐅᓕᕈᔅᓯᓘᓐᓃᑦ, ᐅᕝᕙᓘᓐᓃᑦ ᐊᓂᓚᐅᑲᖕᓂᐊᕐᓗᓯ:

  • ᑲᒥᒃᓯᒪᕙᒡᓗᓯ ᓯᓚᒧᑦ ᓈᒻᒪᒃᑐᓂᒃ ᐊᒻᒪ ᖁᐊᐃᑦᑖᔭᙱᑦᑐᓂᒃ.
  • ᒪᑯᐊ ᐊᑐᖃᑦᑕᕐᓗᒋᑦ ᐱᑕᖃᖅᐸᑕ ᐊᔭᑉᐱᕝᕕᐅᔪᓂᒃ, ᐹᓄᓪᓗ ᑎᒍᒥᐊᕐᕕᖕᓂᒃ ᐅᕝᕙᓘᓐᓃᑦ ᐊᓯᖏᓐᓂᒃ ᑎᒍᑐᐃᓐᓇᕆᐊᖃᖅᑐᑦ.
  • ᐅᔾᔨᕈᓱᑦᑎᐊᖅᐸᒡᓗᑎᑦ ᐊᕙᑎᖕᓃᑦᑐᓂᒃ. ᓯᑯᒐᓚᖕᓂᒃ ᐅᔾᔨᕈᓱᑦᑎᐊᖅᐸᒡᓗᑎ ᐊᒻᒪ ᐃᒪᕐᓱᒐᓚᖕᓂ ᓯᑯᙳᑐᐃᓐᓇᕆᐊᓕᖕᓂ ᓂᒡᓚᓗᐊᓕᕐᒥᒃᐸᑦ. 
  • ᖃᐅᔨᒪᓇᓱᒃᐸᒡᓗᒋᑦᑕᐅᖅ ᐊᐱᓵᕐᓂᑯᑦ ᐊᑖᓂ ᓂᓚᖃᑐᐃᓐᓇᕆᐊᖃᕐᒪᑕ.
  • ᑕᕆᐅᕐᒥ ᓯᐅᕋᕐᒥᓪᓘᓐᓃᑦ ᐱᓯᒪᓗᓂ ᐃᓯᕆᐊᕐᕖᑦ ᖃᓂᒋᔭᖏᓐᓂᒃ ᑕᒪᒃᑯᐊ ᓂᓚᒐᓚᐃᑦ ᑕᕆᐅᓕᕐᓱᕈᓐᓇᕋᔭᕐᒪᑕ ᓯᐅᕋᓕᖅᓱᕐᓗᒋᓪᓘᓐᓃᑦ.

ᖁᐊᐃᔭᖅᑭᖃᑦᑕᕐᓂᖅ, ᐹᓪᓚᑳᓪᓚᖕᓂᖅ ᐊᒻᒪ ᐃᔪᒃᑲᓐᓂᖅ ᐋᓐᓂᕈᑎᐅᓛᖑᕙᒃᑐᑦ ᐅᑭᐅᕐᑕᖅᑐᕐᒥ – ᐱᓕᕆᖃᑎᒌᑦᑎᐊᓚᐅᕐᑕ ᑕᒪᓐᓇ ᑕᐃᒪᐃᑎᑦᑐᓐᓃᕋᓱᒡᓗᒍ. ᐃᖅᑲᓇᐃᔭᖅᑎᒋᔭᑎ ᐅᖃᓪᓚᖃᑎᒋᖃᑦᑕᕐᓗᒋᑦ, ᐃᓯᕆᐊᕐᕖᓪᓗ ᑎᑎᖃᖃᖅᑎᓪᓗᒋᑦ ᐊᒻᒪᓗ ᑭᒃᑯᓕᒫᑦ ᖃᐅᔨᒪᑎᒋᐊᕐᓗᒋᑦ ᐱᕐᕈᓗᐊᕿᑦᑕᐃᓕᑎᑦᑎᓂᕐᒥᒃ ᐱᓕᕆᐊᖃᖅᑐᐃᓐᓇᐅᓂᖏᓐᓂᒃ.
ᐊᐅᔭᒃᑯᑦ ᐃᓕᓐᓂᐊᖅᑎᓂᒃ ᐃᖅᑲᓇᐃᔭᖅᑎᑦᑎᓂᐊᕐᐱ?
ᐋᖅᑭᒡᓗᒋᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ ᐱᕐᕈᓗᐊᕿᑦᑕᐃᓕᓂᕐᒥᒃ ᐃᓕᓐᓂᐊᕈᑎᒃᓴᑦ ᐅᓪᓗᒥ
ᐊᕐᕌᒍᑕᒫ ᐊᐅᔭᒃᑯᑦ ᐃᓕᓐᓂᐊᖅᑏᑦ ᐃᖅᑲᓇᐃᔭᕐᕕᒃᑎᓐᓂᒃ ᖁᕕᐊᓇᕈᓘᔭᖅᑎᑦᑎᕙᒃᑐᑦ ᐱᓕᕆᔪᒪᓂᖏᓐᓄᑦ! ᐃᖅᑲᐅᒪᓗᑎᑦ ᐊᐅᔭᒃᑯᑦ ᐃᖅᑲᓇᐃᔭᖅᑎᐅᔪᑦ ᐃᖅᑲᓇᐃᔭᕐᕕᒃᒦᑦᑕᕆᐅᑐᐃᓐᓇᕆᐊᓖᑦ, ᑕᐃᒪᓕ ᖃᐅᔨᒪᓗᓯ ᖃᐅᔨᒪᓗᐊᙱᓐᓂᖏᓐᓂᒃ ᐃᖅᑲᓇᐃᔭᖅᕕᒃᒥᑦ ᐱᕐᕈᓗᐊᕿᑦᑕᐃᓕᓂᕐᒥᒃ. ᑖᒃᑯᐊ ᐱᒋᐊᖅᑎᓐᓇᓱᒡᓗᒋᑦ ᐊᔪᕈᓐᓃᕐᓴᕐᓗᑎᒃ ᐱᕐᕈᓗᐊᕿᑦᑕᐃᓕᓂᕐᒧᑦ ᖃᓄᐃᓕᐅᕈᑎᐅᕙᒃᑐᓂᒃ. ᓯᕗᓪᓕᖅᐹᑦ ᐃᖅᑲᓇᐃᔮᕆᔭᐅᓕᕐᓯᒪᔪᑦ ᑐᙵᕕᑦᑎᐊᕙᐅᔪᓐᓇᕐᒪᑕ ᒪᒃᑯᒃᑐᓄᑦ ᐃᖅᑲᓇᐃᔭᕆᖃᑦᑕᕐᓂᐊᖅᑕᖏᑦᑎᒍᑦ.

ᐃᑲᔪᕈᑎᐅᔪᓐᓇᖅᑐᑦ ᐃᖅᑲᓇᐃᔭᕐᕕᒋᕙᒃᑕᕐᓂᒃ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐅᓄᕈᓘᔭᕐᑐᓂᒃ ᐊᑭᖃᙱᑦᑐᓂᒃ ᐃᑲᔪᕈᑎᒃᓴᖃᕐᒪᑕ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ. ᒪᑯᓇᙵᑦ ᐃᓕᓐᓂᐊᕈᑎᐅᔪᓐᓇᖅᑐᓂᒃ ᐱᓕᕆᔾᔪᑎᓂᒃ ᐊᒻᒪ ᐊᔪᕈᓐᓃᖅᓴᕈᑎᓄᑦ ᑐᑭᒧᐊᕈᑎᓂᒃ ᑲᒪᔨᐅᔪᓄᑦ, ᑕᒪᒃᑯᐊᓗ ᐱᓕᕆᔾᔪᑎᑦ ᐋᖅᑭᒃᓯᒪᓪᓗᑎᒃ ᐃᑲᔪᕈᑎᒃᓴᐅᓪᓗᑎᒃ ᒪᒃᑯᒃᑐᑦ ᐃᖅᑲᓇᐃᔭᖅᑎᑦ ᐱᒋᐊᑦᑎᐊᕈᑎᒋᓇᔭᖅᑕᖏᓐᓂᒃ.


ᑕᒪᕐᒥᒃ ᐃᖅᑲᓇᐃᔭᖅᑎᐅᔪᑦ ᒪᓕᒐᖅᑎᒍᑦ ᐊᔪᕈᓐᓃᖅᓴᖅᑎᑦᑎᔭᕆᐊᖃᕐᒪᑕ ᐃᖅᑲᓇᐃᔭᖅᑎᓂᒃ ᐃᖅᑲᓇᐃᔮᖏᓐᓂᒃ ᐅᓗᕆᐊᓇᙱᑦᑐᒃᑯᑦ ᐱᓕᕆᔪᓐᓇᖁᓪᓗᒋᑦ. ᐃᑲᔪᕐᓗᒋᑦ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥ ᒪᒃᑯᒃᑐᑦ ᐃᖅᑲᓇᐃᔭᖅᑏᑦ ᐱᒋᐊᓕᕈᓐᓇᕐᓗᑎᒃ ᐃᖅᑲᓇᐃᔮᖏᓐᓂᒃ ᐅᓗᕆᐊᓇᙱᑦᑐᒃᑯᑦ ᐊᑐᕐᓗᑎᒃ ᑖᒃᑯᓂᖓ ᐃᑲᔪᕈᑎᒃᓴᓂᒃ. ᐃᖅᑲᓇᐃᔭᖅᑎᐅᔪᑦ ᖃᐅᔨᒪᔭᕆᐊᓕᖕᓂ ᐱᓯᒪᓕᖅᐸᑕ, ᑲᒪᔨᐅᔪ ᐱᓕᕆᐊᖃᕐᓂᕐᓴᐅᔪᓐᓇᖅᑐᑦ ᐱᓕᕆᕝᕕᖕᒨᖓᓂᕐᓴᓂᒃ ᐊᔪᕈᓐᓃᖅᓴᕈᑎᒃᓴᓂᒃ. ᐊᑕᐅᑦᑎᒃᑯᑦ ᐊᔪᕈᓐᓃᖅᓴᖅᑎᑦᑎᔪᓐᓇᕋᑦᑕ ᑭᖑᓪᓕᐅᓂᐊᖅᑐᓂᒃ ᐃᖅᑲᓇᐃᔭᖅᑎᒃᓴᓂᒃ ᐱᕐᕈᓗᐊᕿᑦᑕᐃᓕᓂᕐᒥᒃ!
ᑭᓲᑉᒪᑕ Safe Workplace ᖃᓄᐃᓕᖓᓂᖏᑦᑎᒍᑦ?
ᖃᐅᔨᒋᐊᕐᓗᒋᑦ SAFE WORKPLACE ᑐᓴᒐᒃᓴᐃᑦ ᖃᐅᔨᓂᐊᕋᕕᑦ!
ᐊᕐᕌᒍᒧᑦ ᐃᖅᑲᓇᐃᔭᖅᑎᓄᑦ ᐊᑭᓕᐅᑎᓂᒃ ᐅᓂᒃᑳᑦ (APR) ᐃᓱᓕᕝᕕᖓ ᐊᓂᒍᓚᐅᕐᒪᑦ ᑕᐃᒪᓐᓇᓗ ᖃᐅᔨᒋᐊᕈᓐᓇᖅᑕᐃᑦ ᐱᓕᕆᕝᕕᒃᐱᑦ Safe Workplace ᖃᓄᐃᓕᖓᓂᖓᓂᒃ Safe Workplace ᑐᓴᒐᒃᓴᖃᕐᕕᒃᒥᑦ! ᖃᕋᓴᐅᔭᕐᓄᑦ ᐃᓕᓗᒍ Safe Workplace ᐅᕝᕙᓘᓐᓃᑦ Advanced Safe Workplace ᓇᓗᓇᐃᒃᑯᑕᖅ ᐊᒻᒪ ᖃᕋᓴᐅᔭᒃᑯᑦ ᓇᓗᓇᐃᒃᑯᑦ ᐊᒻᒪᓗ ᑕᑯᔭᐅᑎᑉᐸᒡᓗᒋᑦ ᐃᖅᑲᓇᐃᔭᕐᕕᖕᓂᒃ ᐊᒻᒪ ᖃᕋᓴᐅᔭᒃᑯᑦ. ᐳᐃᒍᖅᑕᐃᓕᒋᑦ ᐅᕙᑦᑎᓐᓂᒃ ᑕᑯᑎᑦᑎᓛᕆᕗᑎᑦ ᐅᕙᓂ @WSCCNTNU ᓇᓗᓇᐃᒃᑯᑎᑖᕈᕕᑦ!

ᐊᑎᓕᐅᕐᑕᐅᓯᒪᙱᓚᑎ ᓱᓖ?

ᐊᑎᓕᐅᕐᑕᐅᓯᒪᙱᒃᑯᕕᑦ ᐅᕙᓂ Safe Workplace ᐅᕝᕙᓘᓐᓃᑦ Advanced Safe Workplace-ᒧ ᑕᐃᒪᓕ ᐅᑯᓂᖓ ᐱᓯᒪᙱᑐᐃᓐᓇᕆᐊᖃᕋᕕᑦ  Safe Workplace ᐱᓕᕆᐊᒃᓴᒧᑦ. ᐊᔪᙱᔾᔪᑎᐅᔭᕆᐊᖃᖅᑐᑦ ᑕᑯᔪᓐᓇᖅᑕᑎ ᐃᓚᖓ 4-ᒥᒃ ᐅᕙᓂ ᐊᕐᕌᒍᒧᑦ ᐃᖅᑲᓇᐃᔭᖅᑎᓄᑦ ᐊᑭᓕᐅᑎᓂᒃ ᐅᓂᒃᑳᓂᒃ ᑐᓂᓂᑯᖕᓂ. ᐊᐱᖅᑯᑎᒃᓴᖃᕈᕕᑦ ᐊᔪᙱᔾᔪᑎᐅᔭᕆᐊᖃᖅᑐᓂᒃ, ᐅᕝᕙᓘᓐᓃᑦ ᕿᓂᕈᕕᑦ ᐃᑲᔪᖅᑕᐅᔾᔪᑎᒃᓴᓂᒃ ᖃᓄᖅ ᐱᒋᐊᕈᓐᓇᕋᔭᕐᓂᕐᓂᒃ ᐱᐅᓯᕚᓪᓕᖅᑎᑦᑎᓇᓱᒡᓗᑎᒃ ᐱᓕᕆᐊᕐᓂᒃ ᐱᕐᕈᓗᐊᕿᑎᑦᑎᑦᑕᐃᓕᓂᕐᒥᒃ, ᐅᑯᐊ ᖃᐅᔨᒋᐊᕐᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐅᓪᓗᒥ.

ᐃᑲᔫᑏᑦ: ᒥᑭᑦᑐᒥᒃ ᓇᖕᒥᓂᖅ ᐱᓕᕆᐊᖃᕈᕕᑦ 20 ᑐᖔᓂ ᐃᖅᑲᓇᐃᔭᖅᑎᖃᕐᓗᑎᒃ, ᖃᐅᔨᒋᐊᕐᓗᒍ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᖅ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᖅ (OHS) ᐱᓕᕆᐊᒃᓴᖅ, ᑐᑭᒧᐊᕈᑎ ᒥᑭᑦᑐᓄ ᓇᖕᒥᓂᕆᔭᐅᔪᓄᑦ ᑐᑭᓯᕚᓪᓕᕐᓂᐊᕋᕕᒋᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᖅ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᖅ ᐱᓕᕆᐊᒃᓴᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᖅ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᖅ (OHS) ᓄᑖᙳᕆᐊᖅᑎᑦᑎᓚᐅᑎᓐᓂᕐᓂᒃ ᐊᐱᖁᑎᓂᒃ ᐅᕙᓃᑦᑐᓂᒃ WSCC Connect.
ᐊᓯᔾᔨᕐᓂᐅᔪᑦ ᖃᔨᐃᓴᕐᓂᕐᒧᑦ ᐊᑭᓕᐅᑎᓄᑦ ᐊᑭᓕᖅᑕᐅᔭᕆᐊᖃᕐᓂᖓᓂ ᐅᓪᓗᖏᑦ
ᖃᐅᔨᓴᕈᑎᓄᑦ ᐊᑭᓕᐅᑎᐅᔭᕆᐊᓖᑦ ᐱᔭᐅᖃᑦᑕᕆᐊᖃᓕᕐᑐᑦ ᐅᓪᓗᕐᓯ ᐊᑕᐅᓯᕐᒥ ᑐᙵᐅᑦᑎᓯᒪᔪᒥᒃ ᐅᑯᑎᑑᓇᐅᙱᑦᑐᖅ ᐊᑐᖅᑕᐅᖃᑦᑕᕐᓂᑯᑎᑐᑦ. ᐊᕕᒃᑐᖅᓯᒪᓂᐅᔪᓂ ᓇᓕᒧᑦᑐᓂ ᐊᑭᓖᖃᑦᑕᕈᕕᑦ ᐊᒻᒪᓗ ᐊᑭᓖᕙᒡᓗᑎᑦ ᐊᖏᖅᑕᐅᓯᒪᕙᒌᖅᑐᒥ ᐊᑭᓕᒃᓴᓂᒍᒻᒪᐅᑎᒧᑦ ᐊᐅᒃᑕᔫᒧᑦ ᐅᕝᕙᓘᓐᓃᑦ ᑭᖑᓂᐊᒍᑦ−ᐅᓪᓗᓕᖅᓯᒪᔪᓂ ᓯᒃᑭᓂ, ᕿᒥᕐᕈᒍᒃ ᐊᑭᓖᓪᔪᑎᖕᓂ ᐱᓕᕆᔾᔪᓯᖓᓐᓂ ᓇᓗᓇᐃᖅᓯᓂᕐᒧᑦ ᒫᓐᓇᒨᒐᓗᐊᖅᓯᒪᓂᖓᓂ. ᐊᑭᓖᓂᐅᔪᑦ ᐅᕘᓈᖅᑎᑕᐅᔪᓐᓇᖅᑐᑦ WSCC Connect.

ᖃᐅᔨᓴᖅᑕᐅᔾᔪᑎᓄᑦ ᐊᑭᓕᐅᑎᒃᓴᑦ ᐅᑯᓇᓂ ᐊᑭᓕᖅᑕᐅᔭᕆᐊᓖᑦ:

  • ᒫᔾᔨ 31 (ᓯᕗᓂᐊᓂ ᐊᐃᕐᕆᓕ 1)
  • ᒪᐃ 31 (ᓯᕗᓂᐊᓂ ᔫᓂ 1)
  • ᔪᓚᐃ 31 (ᓯᕗᓂᐊᓂ ᐋᒡᒌᓯ 1)
  • ᓯᑎᐱᕆ 30 (ᓯᕗᓂᐊᓂ ᐅᑐᐱᕆ 1)

ᖃᐅᔨᒋᐊᒃᑲᓐᓂᕐᓄᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᖃᐅᔨᓴᕐᓂᐅᔪᓂᑦ, ᑕᑯᒍᒃ ᐊᑐᐊᒐᖅ 02.01: ᐃᖅᑲᓇᐃᔭᖅᑎᑦᑎᔨᒧᑦ ᖃᐅᔨᓴᖅᑕᐅᓪᔪᑏᑦ ᐊᑐᐃᓐᓇᐅᔪᑦ ᐅᕙᓂ ᐊᑐᐊᖓᓄᑦ ᒪᓕᒐᒃᓴᓂᒃ  ᒪᒃᐱᒐᕐᒥ ᓴᖅᑭᔮᒐᑦᑎᓐᓂᒃ.
Workers' Safety and Compensation Commission of the Northwest Territories and Nunavut,
5022 49th Street, 5th Floor, Centre Square Tower, Box 8888, Yellowknife, NT X1A 2R3 Canada