Madi 18 Me 2021
Loreya Konkou Disètasyon Mwa Eritaj Ayisyen
Pami disètasyon eksepsyonèl elèv yo ekri, men twa loreya pou ane sa a. Tèm nan te: "Eksplike pi gwo defi elèv ayisyen ak ayisyen-ameriken yo ap fè fas nan sistèm edikasyon ameriken an, ak kijan yo kapab simonte defi sa yo." Klike la a pou w li plis.
Bòn Fèt Drapo Ayisyen
Jodi a se 18 Me. Se fèt Drapo Ayisyen. Onè ak Omaj pou Catherine Flon ki te koud premye drapo ayisyen nan dat sa a nan ane 1803. Drapo ayisyen se senbòl fyète ki raple viktwa ame endijèn nan sou twoup Napoleyon pou bay Ayiti endepandans.
Depatman Transpòtasyon Ap Anboche Chofè Bis 21 Me
Ap genyen yon jounen anbochaj vandredi 21 me soti 9:30 AM pou rive 2:00 PM nan lokal ki nan 3376 Summit Blvd nan West Palm Beach. Klike la a pou w li plis.
Abiye an Vèt Jedi pou Mwa Sante Mantal
N ap ankouraje elèv ak anplwaye pou mete rad vèt jedi ki ap 20 me a pou sipòte Mwa Konsyantizasyon Sante Mantal. Ou dwe konnen lekòl nou yo genyen pwofesyonèl sante mantal ki ap bay elèv sipò. Klike la a pou plis enfòmasyon.
Tcheke lekòl pitit pou w konnen règleman sou abiman/inifòm.
Talan yon Pwofesè Motive Elèv
Ian Wiskoff, yon pwofesè sivis nan Lekòl Mwayen Boca Raton, se yon atis ki gen anpil talan sou tablo whiteboard. Li pase plizyè semèn ap desinen èv atizay sou tablo whiteboard nan klas li.  
Eksplore Desen Elèv nan Plis Pase 60 Lekòl
Gade galri vityèl travay atizay elèv nan konfò lakay ou nan ekspozisyon 2021 Spring Art Dazzle Exhibition, ki ap prezante rive jis dat premye jen. Chak foto pyès atizay yo ap genyen non atis la ak tit pyès la. Klike la a pou w gade ekspozisyon Spring Art Dazzle Exhibition.
Suiv Medya Sosyal Kreyòl Distri a Pou Enfòmasyon
Suiv medya sosyal Kreyòl Distri a pou montre enpòtans lang Kreyòl Ayisyen ak nesesite pwogram bileng Kreyòl/Anglè nan distri a tankou pwogram Panyòl/Anglè yo. Gen TWITTER, FACEBOOK, INSTAGRAM. Suiv nou sou @PBCSDKreyol.