QIQAIYALUARVIA 2019                                          English | français
NANMINIQNIK IKLUQPALGIT MUNARIYAGHAIT
IKLUQPANGNIK AHIQQUIYAINIAQQIT AUYAMI? ATIIT TITIRAQTAUYARIAQAQNIAQTUQ WSCC-KUNNIT.

Ukiuqtaqtumiut naahuriyaat qayurnaittut tatqiqhiutit auyami, hiqinnaaqtumi piyaraiqtiqhutik hanaqilukaarnaqtuq ikluqpangnik! Ilihimavit taimaa nanminiqnik ikluqpaqaqtumik, titiraqtauyariaqaqtutit WSCC-kunnit taimaa havakvitut? Havaktighaqaruvit hanayimik ikluqpangniklu ahiqquiyaiyimik, upluq tamaat avvainnaanikluuniit, havakvitut ihumagiyauniaqtutit ataagut taamna Aanniqtailiniqmut Maligaq.

Ilannaqaruvit, ilaqaruvit, ayuittumikluuniit havaktiqaruvit akiliqtaupluni akiliqtaunngitkumilu ikluqpangnit hanayunik, ihumagiyauniaqtutit havakvitut. Ihumagiyauguvit havakvitut, maliguattiaqtaghatit pitquyauhimayut ilingnit ataagut taamna Havaktit Ikayuutaigut Maligaq, Aanniqtailiniqmut Maligaq taamnalu Havakvingnit Aanniaqtailiniqmut Aanniqtailiniqmullu Maliktaghat. Aghuurnaqtuq taimaa ilihimaguviuk qauhimattiaruviuklu munaqtaghatit nanminiqaqtutut ikluqpangnik.

Ihumagiyauguvit havakvitut qanuqluuniit, taimailiuqpaklutit tamaat:
  • Apirilugu kaantulaakti titiraqtauhimayaaghainik WSCC-kunni; 
  • Apirilugit ilittuqhitilaarumik havaaghainut aanniqtailiniqmut amiriyaghait;
  • Havaktit ilittuqhitilugit amirnaqtunik ittuqarumi avatiinit nanminiqqit; 
  • Ilihattiaqhimayaaghainik havaktigiyat ilittuqhilutik; 
  • Aanniqtunik kiuhiyaamik titiraqariaghaanik tughiqlutit; imaalu 
  • Ihuaqtunik amirnaqtunut ingilrutiqariagharnik qauyihailutit iniqhittiariamik havaaghanik amirnaittumik.
Naluqharuvit ihumagiyauyaagharnik havakvitut, naunaittiarumaguffiluuniit hunat ilingnit ihariagiyut ataagut taamna Maligaq, hivayaqlugit taapkua WSCC-kut uqaqatigilugit Havakvingnik Ikayuqtit havakviat.
 

HAVAKTIT UNNIQTUIYIA
IKAYUQHUGIT AANNIQHIMAYUT HAVAKTIIT



Havaktit Unniqtuiyiat Havakviat (WAO) talvaniittut ikayuqtighait aanniqhimayut havaktiit qatanngutaitalu piyuritjutait hanaqiyauplutik. Una ilikkuuqtuq pivighauyuq, hailiyauhimayuq tamangnut aanniqhimayunut havaktinut akiittumik.

QANURITTUMIK HAVAKTIT UNNIQTUIYIA UVAMNUT IKAYUUTIQAQQA?
  • Naunaiqhitiplutik WSCC-kunnik kivgaqtuqhugit;  
  • Ikayuqhugit aanniqhimayut tuhaqtittigiighutik WSCC-kullu;
  • Ilittuqhitiplugit WSCC-kut havauhiinik ihumaliugainiklu;
  • Ihivriuqhiyut titiqqanik naunaitkutauyunik, ahiagullu katitiriplutik ilittuqhitighanik ihariagiyauniaqtut ikayuutighait tughirautainut;
  • Ikayuqhugit aanniqhimayut havaktit parnaiyainirmut takupkaqtittinirmullu titiqqanik WSCC-kut ihumaliuqtiinut; imaalu
  • Tikkuaqtuiplutik ikayuqtainik ihuaqtunut nunallaarnit ikayuutainut.
 
NUTAAQ HAVAKVIK YALUNAIMI
Yalunaimi havakviat kuinginnaittumik katimaviqarahuat havaktinut aturumayunik WAO-kut ikayuutainik. 

Nutaaq turaaqviat taamnauyuq: Ikluqpak #206, 4817 49 Apqutaa, Yalunaimi, NT - Bowling Green Ikluqpautaanit.
Yalunaimi, NT
Hivayaut: 867-444-0051
Kayumiktukkut: 867-873-5477
Qaritauyakkut: [email protected]

Ikaluktutiak, NU
Hivayaut: 867-979-5303
Kayumiktukkut: 867-983-2187
Akiittukkut: 1-866-727-3830
Qaritauyakkut: [email protected]
#UPALUNGAIQHIMALUTIT (#GEARUP) UYARAGHIUQVIIT ANNAKTIIT!
ILAUQATAULUTIT: HAVANGNAILAQ, IMARUQTIRVIA 1, YALUNAIMI



Ukiuq nunngutaanit Uyaraghiuqviit Annaktiit Akihaqtuutinahuat 62-nguyumik ukiunganik, qakliplunilu Havangnailaq, Imaruqtirvia 1. Ukiuq tamaat uyaraghiuqviit annaktiit ukiuqtaqtumit tamaat katitpaktut akihaqtuutiplutik timitigut ihumatigullu, akihaqhutik inmingnik uyaraghiuqvingnit annaiyut havauhiinik irininaqtuniklu kiuhiniqmik akihaqtuutiplutik Tamatkiumayunik Qaanganik imaalu Tamatkiumayunik Nunam Iluani Uyaraghiuqviit Annaktiit Aittuutainut. Una inungnut tamangnut angmaumayuq, takuyumayaffilu talvani!  

Huuq Uyaraghiuqviit Annaktiit Akihaqtuutait aghuurnaqqat? Taimainmat, ahiagut taapkua ilagiittiarahuarniq, hapkua aviktuqhimayumi, nunaptingni, nunaryuaptingnilu akihaqtuutiyut iharianaqtut naunaiqhitigiingniqmut, hannavingnilu havauhiqattiarniqmut amirnaiqhimayaamik havaktiit. Ikayuqtigiit ayuiqhaliqpaktut piqatainit, ayuiqpaalliqpaktut atauttikkuuqhutik, nutaannguqtiqhimavagaillu nutaakkut alruyaqtuqtukkut. Hivuuranaqtumik huliyuqarniqqat, ayuiqhaqhimayut uyaraghiuqvingnit annaktiit havaktigiiktunut naahurinnaqtut aanniqtailiniqmut annaghiniqmullu aannirnaittumik.

HULILUKAAQVIGHAINUT NAUNAITKUTAT

Hulidjuhiq: 2019-mi Ukiungani Uyaraghiuqviit annaktiit Akihaqtuutiyut taapkualu Uyaraghiuqtit Niriyukhanut (Akiittuq kitunuliqaak Niriyukhat)
Ublua: Havangnailaq, Imaruqtirvia 1, 2018-mi
Humunngaqtumik upluqhiunmi: 8:00 Ublaami uvunga 3:00 Ubluumaanmi MST
Nani: Yalunai Ulapqivianit Katimaviani ulapqiviani uvani (41 Kam Lake Road mi)

Hamna ilagiingnik-ilaupkaiyut hulilukaaqvighaat qunngiaqtittivaktut ikayuqtigiingnik Nunattiami tamaat Nunavunmillu, ilittuqhitiplutik uyaraghiuqvingnit aanniqtailiniqmut havauhiinik qaffiuyunit ayuitamingnik-akihautiplutik akihaqtuutiyunit. Uvani ukiungani, ilauqatauyut hapkuanguyut:

Akinahuaqatigiiktut
  • Gahcho Kué Qiplariktuq Uyaraqtarvik (NT) - De Beers Kanata Timinga
  • Qikiqtaaluk Havigalik Uyaraqtarvik (NU) - Qikiqtaaluk Havigalik Uyaraqtarvit Kuapuriisan
  • Meadowbank Kulu Uyaraqtarvik (NU) - Agnico Eagle Uyaraqtarvit Timinga
Nunap iluani akinahuaqatigiiktut
  • Diavik Qiplariktuq Uyaraqtarvik (NT) - Rio Tinto Timinga
  • Kapihiliktuk Kulu Uyaraqtarvik (NU) - TMAC Resources Timiqutingit
  • Meliadine Kulu Uyaraqtarvik (NU) - Agnico Eagle Uyaraqtarvit Timinga
Naunaittiarumaguvit hulidjuhianut, pulaanginnarialik uvunga Uyaraghiuqviit annaktiit Akihaqtuutiyut makpirautainut. Takuyumaaqaqhi taikani.


INGILRUTIKHANUT UQAQTUT 101
KAVAMATKUT UPLUUTAIT IMARUQTIRVIANI



Puiguqtailiplugu Aanniqtailiniqmut Aanniaqtailiniqmullu Upluutait (Qiqaijaluarvia 5-mit 11-mut) WSCC-kut aullaqtihimayait taamna Ingilrutikhanut Uqaqtut 101. Quyagiyumayaqqut tamaita ilauhimayut. Pulaaqhimayugut 30 avatquanik havakvingnik 6-iuyunit nunallaaqnit Nunattiami Nunavunmilu aulahimmaarahuaqhugit taapkua Aanniqtailiniqmut Aanniaqtailiniqmullu Upluutait Kavamatkut Havakviinit Imaruqtirvia 24-mit 28-mut. 

Kavamatkut Havaktiit - WSCC-kut ikayurumayaatit parnaiyainiqmik aulapkainiqmiklu iliptik nanminiqnik Ingilrutikhanut Uqaqtut. Havaqatiginiaqtagit havakviillu aanniqtailiniqmut kivgaqtianik parnaiyaiyaamik aulapkaiyaamiku aanniqtailiniqmut uqauhirnik iliffingnut ikayuqtigiingnut. Tikkuaqhiplutik ihumaliugaqnit, ikkuaqtiuniaqtugut ikayuqtigiingnut parnaiyainiqmik hulivighainut naunaitkutanik hivuanit, havakvingmiillutalu kiuhiyaamik apiqhuutinik nuigaangamik unipkaaqtillutik. 

Ilauyaami ayuqnaittuq; ingilrainnaqlutit talvunga Titiranuktauvik Makpiraq ilauyaamik uplumi!
 

















AUYAMI HAVAKHIKTAUYUKHANIK HUNGNAYAUYUKHANIK HIVUNIKTUIYUNIK-HIVUMUT



Havaktut Qayagitjuttikhainnik uvalu Ikayukhiakuttikhianit Katimayiit (WSCC) katimapkaivaktunik kufiuyunik Auyami Havakhiktauyukhanik Hungnayauyukhanik Hila Maliklugu Hivuniktuiyunik-Hivumut Kitikukviani uvunga Kikaiyakvia. Tahapkuat katimadjutauvaktunik tavanitunik Iqaluit, Yalunainmi, Hay Rivermi, tikitugit avaatkutugit 20 nik havakvit havakviuvaktunik panaarinik imalu kavamaitlu havakvit.

Tahapkunani hila malikhugu ilauyunik ungmaktikgutauvaktunik mikharut Uniklutinik Havakhiktauyukhanik, Iluanit Kiuttaarniqmut Timiqutigiyangit, Huppimutaitunik Havagiyauyukhanik, Havaminut Uutiktuk, uvunalu Pirgumiyaminik Hivumuktunik, malikgakhanik tahapkunani apikutinik uvunalu kiudjutikhanik ukkakviuyumi. 

Tampa Havaktut Qayagitjuttikhainnik uvalu Ikayukhiakuttikhianit Katimayiit (WSCC) havagiyumagiyainik ammigaiyumilugit havakvinik havakviuvaktunik, uvunalu havakvit piumagumik adjikiyaktunik hapkunanga ungmaktikgutikhanik, takulugit tahapkuat piumayangnik aah hila maliklugu  [email protected].



















HAVAKVIIT UMIGHIMAVIIT

WSCC-kut havakviit Nunattiami umighimanahuat talvuuna Nunaptingni Nunaqaqqaaqhimayut Inuit Upluutaat Tallimmiunmi Imaruqtirvia 21-mi. Havakviat angmatqigahuaq Hivulliun-mi, Imaruqtirvia 24-mi 8:30-mi uplaami.

Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu 1-800-661-0792.

Naunaiqhitiyaami hivuuranaqtumik havaktunut, aturlugu Uqaqhimalugit Hivuuranaqtumik Havaktunut ikayuutit uvani WSCC Connect.


wscc.nt.ca   /  1.800.661.0792   *   wscc.nu.ca  /  1.877.404.4407